قلوب من ورق .. للكاتبه دعاء الشمري

الجزء الثاني والعشرون

يسعد اوقاتكم بكول خير غوالي ..

امير
من طلعت منهم قبل اسبوع رحت الامي كبل وكتله انو اني ما اريد نور وما اعرف ايش وبقت تلح كتله اذا تردين خطبيلي رحمه عجبتني واذا متقبلين ما ازوج واسافر اني شايل فكرت الزواج من بالي بس لان انتي تلحين عليه كامت تحجي وكالت ضل يطبك طوب
اني صدك انقهرت بكلبي بس سويت نفسي انو ما مهتم ما اريد انزل نفسي عمود مره واني مكروص كلبي من النسوان طلعت للمعراض ورجعت اجت امي وكالت تعال اكعد خلي احجي وياك كتله هاا كالت باوع رح اوافق اخطبلك رحمه بس ما اريدهه بيتي خوش تاخذهه وتعزل بيه
كتله تمام خوش حجي كالت شنو ولك تريد تخلص من امك بسرعه كيفت كتله هسه غير انتي ردتي هيج كالت اي اني كلت هيج بس كلت هسه وليدي ميفاركني ويكلي لا يمه خطبيلي غيره (عياره نسوان شفتو شلون دعاء الشمري )
المهم كتله يمه من الاخير تردين ازوج خطبيلي رحمه متردين سدي السالفه ولا كل ساع فاتحه الموضوع
كالت ولك اني اخطبلك ياهه ماعندي اشكال بس عيب من اهلهه هسه شيكولون كتله انتي دبريهه بعد
وصدك ثاني رحنه لبغداد واخذنه خطيبت عمر وامه ورحنه سوه رحنه عليهم الضهريه وجانت امهن مو اهنا وتلكتنه نور بخبالاته ورحمه خطيه ذبلانه مو مثل قبل والصراحه اني كلت يجوز هاي حته بعد ما تباوع بوجهي ع الحجي الحجيته وياهه قبل فتره بس بالعكس البنيه كلش هادئه وبعد ما شفته هيج من صدوك تعلقت بيه اكثر بحيث كاعدين ويسولفون واني ادعي يارب يوافقون وما اتفشل وحته نذرت
المهم دار الحوار بين النسوان واني اصلا كعدتي غلط بيناتهم بس جان عبالي مصطفى موجود ونحجي كدامه
ومثل ما توقعت صارت عت وجر بالموضع امي تكول شكل وام مصطفى تكول شكل اخر الكلام ام مصطفى كالت عيني تردون نور اهلا وسهلا مترودن رح تبقه خوتنه مثل ماهيه بس مثل ما دخلنه بالمعروف نطلع بالمعروف لان رحمه جايبن عليه عالم واحنه ناطينهم كلمه
اني تخبلت وكتله خااله صدوك تحجين من ذول الناس الي جاينهم وبيش احسن من عدنه كالت لا خاله مو احسن منكم اني لو ما اعزكم ما اكلكً تعال اخذ نور نور بنتي من لحمي ودمي ورحمه جبتهه من الشارع وربيته ونور نادره وحلوه رحمه بيش احسن منه كمت من عدهم وهيه بعدهي تحجي وبدون ما اترخص منهم كامت امي وراي ودعتهم
طلعت اني وشفتههً من شباك المطبخ عيونه مغوركه وتباوع عليه بنضرات توسل
كتله بكلبي بس اني اكثر منج متأذي والله ما بيدي شي بقيت اباوع عليه وحسيت دموعي رح ينزلن كبل طلعت وصعدت بالسياره كدامهم بعدين هنه اجني وراي وامي كعدت يمي وكالت ولا يهمك اني ازوجك اغاتهه شعاجبك بهاي الطفله صدوك تحجي اني ساكت وكوه متحمله لخاطر ذني الي ويانه غربه عيب ما اكدر احجي يمهن المهم وصلتهم لبيت خطيبت عمر وخابرت عمر كتله تعال اخذ امي اني باقي بغداد
سديته منه ورجعت خابرت صديقي كتله تعالي مختنك رح اطك ...💔

رحمه
سمعنه الحجي الي دار بينهم واحس اخر امل عندي بالحياة اختفى والله حرام عليكم ليش هيج دسون بيه من واحد لواحد لعبه اني خوما لعبه بقيت احجي وابجي بصوت عالي اجت نور اسكت بيه
باجي كالت هاا ع شنو تبجين جان استحيتي تلعبين ع الحبلين ساعه مصطفى ساعه امير كل ساع جايني واحد وكايلي اريد رحمه صخمه وج شنو من ابنيه انتي انتي كح ... انتي عليمن طالعه 
مو تدرين كالو ع نور ورادو يخطبوهه شكلتي للولد وهيج فريتي عقله
اني بس ساكته وخايفه منه خاتله وره نور
كالته نور انتي هيي حته ما تستاهلين اكلج يمه انتي من البدايه اجيتي وكتيلي وكتلج اني ما موافقه ع امير وما اريده وهو يحب رحمه ليش ما وافقتي
هدت عليه ورادت تضربهه كالتله نور دتقربي عليه وشوفي شون رح اعيط والم الناس عليج كافي ضلم كافي لحد وين نبقى نتحمل احنه شنو ذنبنه شنو الي سويناهه
كالتله باجي انتي مو وجه نعمه اني صوجي ما تريد امير هيه انتي وين تلكين مثله بس فلوسه تسواج وتسوه ابوج وعشيرتج ال ال ال بقت تغلط كالته نور يي خوش انتي كل همج الفلوس والطمع عسى ما اتشمرينه بجهنم انتي شغيرج وهيج صرتي ما جنتي هيج  وبعدين ليش اجذبين وتكولين جاين ناس ع رحمه وينهم الناس يلا فهميني لو تخافين من مصطفى مو
كالتله يا مصطفى يا بطيخ عكب باجر جاين عليه ناس رح يشفوهه ويعقدون عليه وانتي اذا ام عمر خابرتني وكالت اريد نور غصبن عليج توافقين افتهمتي لو لا اني ما تعاركت وخربت وياهم كلت يجوز يغيرون رايهم ويجون ياخذون هل الانتقام مني واخلص
لبست عبايته وطلعت وكالعاده مندري وين وحته المحل كامت متكعد بي ....