خالد :أسرار منو!
(.....) : زوجة عمك إسحـق المرحوم
خالد : عمي! !!!
(.....) : اااي,
خالد : عمي ما كان متزوج وكل الناس دي عارفه كدا وما حصل جاب سيرة عرس , هو عمرو كلو معانا في البيـت يكون متزوجك كيف
(.....) : اي كان معاكم بس اتزوجني ليو سنة وهس انا حامل و عرفت إنو مات قبل شوية ودايراك توصف لي البيـت
خالد قفل فيها الخط, ما كان الوضع مساعد ليسمع اخبار زي دي و شكلها زولة نصابة ودايرا تشيل قروش عمو يااهو من حركات بنات الزمن ديـل, خالد كان بسمع بقصص زي دي كتير الواحد لو كان غنيان أول ما يموت تظهر ليو زوجة وأولاد وأسرة كلوو طمع في قروش المرحوم
غاايـتو ما اشتغل بالموضووع كتيـر , ختا التلفون في جيبو وعملو صامت
و واصل في خدمتو وشغل العزاء
الضيوف لسا بجو وناس البلد والبيت بقا مزدحم وملياان
الناس تجي تعزي إبراهيـم الفكي وتبكي مع خالد,
غاايـتو كانت لحظات بالنسبة ليو لا توصف وهو صاابر ومحتسب بس وكل همو يشتغل ويدعو لعمو المرحوم
##################
سماح : الو يا امنية
امنيـة : ااي سموحه اها ماشه الحفله!
سماح : اي, انتي سايقه ولا اجي اغشاك بالعربيـة!
امنية :لا لا امشي اتقدمي, انا بجي
سماح استعدت ولبست احسن لبس وساقت العربيـة الوقت داك كان بعد المغرب كدا, طبعاً لانها وعدت (احمد) تجي بدري ,بس شكلو كدا احمد محضر ليها مفاجاة بهناك في البيت, اما امنية دي؛ فـ دي صحبة سماح المُقربة, اكتر زولة فاهمة سماح وطواالي مع بعض , (أمنيـة دفعة سماح تقريباً نفس العمر, ساكنة الرياض قريب من صحبتها )
بعد فترة ما طويلة سماح وصلت بيت ناس احمد بعد رسل ليها الوصف, وقفت العربية برا البيـت, وطبعاً لاحظت انو ماااف اي زول جا مااف عربات كانت برا
سماح : ألو يا احمد انا برا
احمد : وصلتي ! خلاص تمام جاي افتح ليك الباب
طلع فتح ليها الباب واستقلبها ودخلها مكان الحفلة في البيـت كانت في الحديقة الجنوبية بتاعت البيـت, طبعاً احمد اصلا كان استغل انو ابوهو مسافر في البيت في زوجة ابوهو بس, سماح دخلت وقعدت في الكراسي احمد قال ليها لحظات بس و اكون معاك,
###################
في اللحظات ديـك كان في شخصية متابعة خالد في كل تصرفاتو, رغم ظروف العزاء والناس البتبكي ومشغولة بس كان في شخصية حاالياً شغلها غير كل الناس القاعدة دي, همها بس تراقب خالد
داخل ومارق وقاعد وقايـم كلو متابعة
خالد ما كان حاسي بالمتابعة دي,
كان مرهق والوقت إتاخر والناس بدت ترجع بيوتها والناس البايته اي زول شاف ليـو سرير ولا فرش ليو فرش في الصيوان ونام, طبعاً العادة بتاعت الصيوان دي عند اهلنا بس وشغلة مُكلفة شدييد لاهل الميت يعني اتخيل الناس ديل يا داب ماات ليهم زول بدل يفكروا فيو ويدعو ليو يقعدوا يخدموا في الناس شاي وقهوة وعصير وغدا غاايتو بس الناس مُحتسبة الله يصبرها
خالد اتزكر انو تلفون امو معاو وكان طبعاً صامت طووول اليـوم, فتح التلفون ولقا 17 مكالمة من رقم وااحد عاين للرقم لقاو نفس الرقم بتاع المراة القالت ليو زوجة عمو
ولقا منها رسالة
( سلام, عارفة التلفون في يدك يا خالد, ما داير ترد علي طيب اقرا كلامي دا, انا اسرار عمر كنت شغالة مع عمك في واحدة من شركاتو وكنت ماسكه ليو استثمار مشروع في مدني وكان بثق فيني ثقة كبيرة جداً, اشتغلت معاو لي قريب الـ6 سنوات او اكتر عمك كان معجب بي من زماان من اول ما اشتغلت معاو وكان بحاول يشاغلني و يتونس معاي بسبب وبدون سبب ......)
خالد قفل الرسالة ما قدر يتم, نزلت منو دمعة شوقاً لعمو المرحوم وقال في سرو (( يااا رب ارحم عمي ياا رب وباعد عنا شر خلقك يا ربي ))
##################
احمد : الو, اسمع البضاعة جات يلا تعال سريع
(......) : جنبك
احمد : تمام الباب فاتح تعال خاشي واقفلو ورااك كوويس وتعال لي في الحديقة الجنوبية
(.....) : جيتك يلا ....
احمد شكلو محضر لسماح مفاجاة بس شكلها مفاجاة غير سارة, سماح كانت ماسكه تلفونها وما جايبه خبر
دخل صاحب احمد من الباب وقفلو واتجه علي الحديقه ,من بعييد شااف سماح قاعدة برااها وماسكه تلفونها ابتسم إبتسامه خبيثه
واتجه عليـــها ......
واحمد بهناك إتاكد إنو زوجة ابوهو في غرفتها
ومرق على صاحبـو, شاافو من بعيد وصاحبو شافو, اشرو لي بعض من بعيد وصاحبتنا ماا جايه خبرهم
ما عارفة انو في نااس قريبين منها وماشين عليها
صاحب احمد طلع قطعة قماش وكبا ليو حاجة كدا من قارورة شكلو مُخدر اظن, المهم بس وماشي على سماح
بس في غير المتوقع تلفون أحمد ضرب و بااعلى صوت,
هنا طبعاً كل خططهم فشلت صاحب احمد اختفى فجأة كدا خااف سماح تشوفو
احمد : ااااخ الو اي!
(.....) : يا ابوحميد الفرقة جات واحنا برا افتح الباب سريع بالله
احمد : ااااه كويس كويس خلاص جاي
أحمد مشا فتح الباب بعد تنهيده طوووويله , الفرقة جات وكان معاها جزء من الشلـة ونزلوا وكبو حاجتهم وركبو سماعتهم
المهم الموقف الحصـل دا سماح ما عرفت بيــو واحمد طبعاً صرف النظر عنو في اللحظة ديك لانو خلاص الناس جات
احتفلو بعيد الميلاد وضحك و ونسات, وبعد حفلة طووويلـة رجعو لبيوتهم
سماح وصلت بيتها الساعة 2ص
###################
بس في نفس اللحظات كان في ضيف غير مرغوب فيــه في بيت احمد
احمد بعد الحفلة والإرهاااق دا,إتجه على غرفتـو
وقفل عليو الباب ونام
بس كان في عين لسا ما نامت, وقااعده جوا البيـت
احمد كان ناايـم في الطابق الارضي تحت,
الدخيل بعد إتاكد من إنو أحمد ناام تماماً ,أتجه على الطابق الفوق الفيو غرفة ابوهو
وصل فوق قفـل الباب بتاع الهول البرا وجدع المفتاح تحت الكراسي واتجه علي الغرفة القاعدة فيها زوجة ابوهو
زوجة ابوهو كاانت لسا صااحية وما نامت كانت بتحضــر في التلفيزون
مشا على الباب براااحه ودقا الباب
طبعاً هي كاانت مطمنة خاالص وفي فكرها إنو دا أحمد
فتحت الباب و ..........................
يتبــع,,,
