فتحت الباب و تهجم عليـها, الما عارفو ضيفهم الحرامي إنو مريم (زوجة ابواحمد) كانت معاها صحبتها
ودي الانقذتها بعد ربنا,
مسكت التلفون وطوااالي إتصال على أحمد
ولحظاات بس وكان احمد جا, وكان شايل ليو حديدة في يدو وطووالي في راس الحرامي
غااايتو هي عدت بعد حاالة دخلت فيها مريم لا يعلم بيها الا ربنا,
وبعد شويــة اتصلو علي الشرطة وكان ليل مجهجه شديد لكن الحمدلله جاات سليمة
#################
مرت الأيام يوم ورا يــوم وكانها سنين علي خالد بعد فقد عمو اقرب زول واعز زول ليـو
الحصل إنو إبراهيم الفكي داير يمّسك ولدو خالد الشركات والإستثمارات بتاعت عمو دي وخالد كاان رافض الفكرة دي تماماً .
ما عندو علاقة كبيـرة بالتجارة والإستثمار والحاجات دي
خالد : يا ابوي والله انا شغلة التجارة والسوق والارباح دي ماا باقي عليها وانت عارف ما لي دخل بيها
الأب : عارفك يا ولدي بس مااف زول غيرك وانا راجل كبييـر وفي الدنيا دي ما عندي غيركم وانت اعقل واحد في اخوانك ديل يا خالد
خالد : بس يا ابوي انا لسا بقرا وبتبقى علي صعبة
الأب : عارفك بتقرا بس شغلة الإدارة دي ما بتاخد منك وقت وبتقدر توفق بينهم الإتنيـن انا عارفك
طبعاً خالد عندو تلاته اخوان ,عيسى دا اكبر واحد في اخوانو بس ما عايش في السودان متزوج باولادو وعايش في مصر
عيسى دا اكبر واحد بعديو خالد بعديو حبيب الله حبيب الله دا في اولى جامعه بس ما زول شغل جنو لعب وبنات وطبيعي برا ما صاحب مسؤليـة وما بنتكل عليو واخر واحد الصغير محمد, ياا داب دا في تانيه ثانوي صغير وزي ما بقولوا ما شاف للدنيا شيء ... تاني عندهم تلاته اخوات احلام خريجه طب شغاله في مستشفي (#) الحكومي , امال بتقرا تانية جامعه و اصغر واحدة فرح يا داب في سادسه اساس
اها ابوهو مُصر يمّسك الشغل كلو لخالد, خالد معروف زول أمين و مسؤل وزول مُتدين يعني معروف بين الناس وكل الناس بتقول عليو خير وحتى الاب واثق في اخلاق ولدو وإنو ح يقدر يدير الشغل دا بعد عمو المرحوم
###################
خالد بعد الايام المرت عليو قرر يرجع الجامعه ويشوف مزاكرتوا ودراستو
طبعاً قال لابوهو ح يستخير وبعد داك يوريو النتيجة وكدا
لكن شكلها كدا فيو فيو
(.....) : خالد حمدالله علي السلامه,
خالد : الله يسلمك يا عزمي, كيفك وكيف الشلة بالله والجامعه كانت كيف في الايام الفاتت دي!
عزمي : تماام والله يااهو انت عارف القراية الحمدلله علي كل حال غاايتو بس اهم شيء تدعو ليـنا معاك غايـتو
خالد : ابشر يا عزمي ما بنساك والله طوالي في بالي ,
اها خاالد واصل باقي اليوم دا في الجامعه وعرف الليو والعليو واخد الفاتو كلو علي اساس يزاكر ويقرا,
###################
طبعاً نااس احمد بعد الحصل قبل كم يوم داك والحرامي الدخل وكدا, جابو ليهم حرس , دخلت فيهم خوفة غاايـتو
اما سماح في حاالتها, ما زالت معجبة بأحمد إعجاب أعمى ,
أحمد ما عارف يودي وشو منها ويــن بعد الكان دايـر يعملو, اليوم دااك مرقها الله
عرف إنو الكان دايـر يعملو غلط وبدا يبادل سماح الونسة والضــحك
ما مرت أيــام إلا وسيرة سماح وأحمد بقت على كل لسان في الدفـعة
معروفيـن خااشين مارقيـن مع بعض
امنية : يا سماح إنتي الايام دي طبيعي مع احمد الحاصــل شنو!
سماح (بعد إبتسامة خجل) :والله ياااهو مجرد زميـل وصاحب يا امنية فيها شنو كمان!
امنية : لا ما فيها حااجة يا جوليت زمانك,
سماح : ههه بالله! عايني بالله شوفي ليك شغلة تقضيها
قااطع ونستم إتصال من أحمد لسماح
سماح : عن إذنك ياا ستي دا احمد اتصل لي يلا سلام
امنية : الله يوعدنا بس
سمااح مشت بعيد من امنيـة ,عشان تتكلـم مع أحمد, ونسة وااخر ضحك في التلفون وشكلهم كدا ح يتلاقـو في مطعم
امنيـة اتصلو ليها ناس البيـت قالوا ليها تجي ضروري, طبعاً هي كانت مرتبة إنها تمش مع سماح,
مشت ومغلوب على امرها اخوها جا ساقا
الماا عارفو انو كااان حاصل في البيـت موووضوع مهم شدييد وهي ولا في بالها
عندها ود عمها كان عايش برا البلـد, قاعد في االخليـج ليو فترة طوويلة كون نفسو وعمل ليو شركة صغيرونـة كدا هناك واسس لنفسـو غايـتو
المهم (معتصـم) ود عمها جاهم البيت زيارة.
بس زياارة كدا شكلها من نوع تاني, جاب معاو والدتو واختو,
قعدو مع ناس البيت كدا واتفقوا غايتو علي كم حااجه كدا وطلعو ،دا كلو طبعاً وامنيـة برا البيـت ما جايبة خبـر, بعد الناس دي مرقت حتى اخوها مشا جابها
الله يجعل المستور خيـر
####################
بالمساء اتلاقو احمد وسماح في مطعم إسمو برشلونة, في العمارات كدا مشهور ,وقعدو طلبو طلباتم, واتونســو ,طبعاً ما الجو حلا لاحمد ويااهو امنيـة مشت بيتها
احمد : انا دايرك اديك حاجة يا سماح
سماح : اتفضل!
احمد : بس قلبها داير اقول ليـك كلام
سماح :اهااا 😍
احمد : انا صراحه قبل كدا كنت ح اغلط غلط اندم عليـو طول عمري بس ربنا غايتو صرفني عنو لكن انا تاني عزمت ما اعمل كدا , بس عشان ابرر ليك عن اسفي اقبلي مني الهدية الصغيـرة دي
وطلّع ليها كيس هدايا مغلف جميـل بلون احمر وعليو ورود كدا ورديـة
كاان جوا الكيس في (تلفون) اخر صيحة, اخر إصدارات الشركة كاان تلفون في الوقت داك اظن بسيطين العندهم زيـو
طبعاً صاحبتنا فرحت فرح مبااالغة بالجهاز دا وطااارت وركت من الفرحة والسعادة
###################
خالد بقا مع الجامعة ومع الشركة بتاعت عمو, بس حصل ليـو اليوم شيء ما كاان متوقعو نهائي
الوقت داك زي الساعة 8م كدا
كان لسا في المكتب وشغال مندمج
طبعاً خالد اول ما وصـل حول السكرتيره بتاعت عمو وداها قسم تاني وجاب سكرتيـر راجل, اصلو شغلة النسوان البشتغلن سكرتيرات دي ما وقعت ليـو
اها الساعة 8م السكرتيـر دقا الباب
خالد : اتفضـل
السكرتير : يا استاذ, في واحده برا مُصره إنها تقابلك
خالد :قول ليها ماف طريقه خليها تكتب عندك موعد في زمن تاني هس وراي شغل والله كتييـر وما بقدر
السكرتير : كلمتها والله يا استاذ بس اصرت علي اني اكلمك
خالد : ورتك هي منو!
السكرتيـر : اي قالت إسمها (اسرار) وبتقول انك عارف قصتها وقالت لي لمن يسمع اني اسرار ح يدخلني......
يتبع...
