خالد : الله يكرمك يا عمي دائماً اصيل اها بشر!!!
عيسى : والله يا خالد الورق طلع صح, الورق مسجل في المحكمة وما عليو اي اثر تزوريـر المراة دي شكلها صادقة يا ولدي انا زاتي والله ما عارف دا حصل كيف مع انو عمك دا كان من اقرب الناس لي لكن ما كلمني بشيء زي دا كلو كلو
خالد : الله المستعان
عيسى : وفي خبر تاني كمان يا ولدي,
خالد : اهاا ...
عيسى : شوف يا ولدي الشغلة دي كلها في الاول دايرا صبر وكلو لخير انا امس كنت بسمع في اذاعة كدا اسمها "نور" في الراديو, كانو جايبين ليهم شيخ كدا ما متزكر اسمو المهم كان بتكلم عن انو كل شيء بحصل للمؤمن دا خيـر وذكر حديث انا كان اول مرة اسمعو لكن والله لمن سمعتو قلبي داير يطير
خالد : قال شنو يا عمي!
عيسى : قال, قال رسول الله عليه الصلاة والسـلام
خالد : عليه الصلاة والسلام
عيسي : " عجباً لأمر المؤمن إن امره كله خير, إن أصابته ضراء صبر فكان خيراً له وإن أصابته سراء شكر فكان خيرا له, ولا يكون ذلك لأحدٍ إلا للمؤمن"
خالد : يا سلااااام والله يا عمي حديث جميــل شديد
عيسى : طبعاً انا طوالي كتبتو عشان احفظو, يلا الخبر التاني يا خالد
خالد : اهاااا .....
###################
على صعيد أخـر ,
سماح ما زالت مع عيشة الحب ,والطلعات والونسات مع أحمد
أحمد قرر يخلي الجامعة قال ما محتاج قراية ح يواصل في شركات ابوهو والتجارة
سماح ما كان عندها اي إعتراض قرا ما قرا ما فارقة معاها المهم انو لسا بقروشو و"بحبها"
احمد : سماح
سماح : ايوا
احمد : انا ما قادر اصبر اكتر من كدا
سماح : مالك! !!
احمد : بكرا ح اجي بيتكم انا
سماح : لشنو!
احمد : دااير اشيلك من ابوك خلاص, نتزوج ونسكن في بيتنا
سماح (بفرح شديد) : انت جااادي!
احمد : اي جااااادي يا حبي, كفاية كدا ونتلما في بيت واحد احسن لينا
واصل احمد ونستو مع سماح نهاية اليوم رجعها البيت, اول ما وصلت مشت دقت باب الغرفة لامها دخلت قعدت معاها وعلامات الخجل ظاهرة على وشها
الام : في شنو يا بتي مالك
سماح : ااا لا مـ مـ مـااااف شيء
الام : يا بت بتمتمي مالك!
سماح : اااء امي في زول بكرا جاي هنا البيت
الام : زول شنو!
سماح :جاي يخطبني
وسماح جرت علي غرفتها بعد قالت جملتها دي, الام بقت تضحك برااها ومشت كلمت ابو سماح بالحاصل
طبعاً الاتنيـن ما شالو للموضوع هم كبير فرحة غمرت البيـت واحساس انو عندهم بت ح تتزوج
مرت الليـلة دي وسمااح الليـل كلو مع احمد في التلفون والرسائل والواتساب,
في الصبـــاح
كان البيـت كاي بيت بستعد لإستقبال فارس الاحلام, نظافة وقش وغسيل والجوطة المعروفة
سماح قرريب العصر كدا طواالي علي اغلى واحسن كوافير في الحته, واخر تجهيزات
الوقت الموعود جا, والواطه مغربت الناس صلت المغرب وفي عز الجو الإيماني الروحاني للناس الطالعة من المسجد بعد تأدية فريضة المغرب
كان العربيـة وقفت قدام بيت ناس سماح
مُعلنة عن وصول السيد أحمد برفقتو "مريـم" زوجة ابوهو
###################
عدت الجلسة بخيرها وإتفقـوا على موعد العقـد والعرس
طبعاً بكدا سماح ح تخلي الجامعه وتوااصل في حياتها الزوجيـة
وما معروف الأيـام داسه شنو منها! ولا المستور شــنو!
سمااح كل الحااصل عليها حالة فرحة وسعاادة ما بتتوصف بإعتبار إنها حققت جزء من حلمها ولقت الشخص الكانت بتحلـم بيــو ـ
ونااس البيـت في فرح شديييـد كعريس بوضع ماادي كويس جداً بل ممتاز و شافو إنو مناسب لبتهم, ما سألو من اخلاقو ولا حتى اصلو ولا فصـلو اكتفو بالقالوا هو عن نفسـو وحكا ليهم عن بطلاتو ,
مع ان المقياس الحقيقي مفترض يكون ديـن وخلق "إذا جاءكم من ترضون ديـنه وخلقه فزوجوه " كما قال المصطفى عليه الصـلاة والسلام
لكن للأسف معاييـر سماح كانت جمال و وضع مادي وما فكرت في خلق او ديـن, خلق الجامعه والتعامل الظاهر ليها, وديـن بصلاة الخمس فرائض
العرس إتحدد بعد إسبوعيــن من الليـلة
في نفس يوم عرس "امنية"
###################
خالد :اها يا عمي !
عيسى : الما عارفوا يا خالد انو عمك مسجل ليها نص املاكو , بإسمها الشيء دا انا ما صدقتو بس انا صرااحة بحثت وفتشت لقيت الكلام دا صح ـ مسجل بإسم "أسرار محمد"
خالد : دا كلام شنو يا عمي! كيف يعني مسجل ليها الاملاك بإسمها?
عيسى : اي والله بالجد دا الحاصل
خالد طبعاً ما صدق, كيف مسجل نص الاملاك بإسمها! الكلام دا ما خشاا راس خالد كلو كلو? زول بعرف إسحق الفكي دا زي خالد مااف, وعمرو ما جاب ليو سيرة املاك ولا تسجيل ولا اسرار, القصة دي ما وقعت لخالد كلو كلو, ورغم التثبت الحصل من عيسى انو الورق دا كلو صح لكن لسااا مامتاكد,
خااالـد بعد إنتهاء من المكالمة, راسو بقا يودي ويجيب,
مشا اتوضأ وصلى ركعتيـن وفي سجودو بقا يدعـو ربنا يكشف عنو الحاصـل
يتضرع ويبكي ,همومو كلها بفضيها في الدعاء بحكي لي ربـنا,
خاالد اتعود كل ما تحصل ليـو مشكلة يتوضأ ويصلي ويدعو ربنـا, ودا حل لكل المشاكل, ربنا بكشف عنو كل هم وغم
##################
عيسى بعد الاتصال بخالد قعد في مكتبــو ولما الورق وكان متجه على البيـت ,ركب العربيـة
قبـل ما يتحرك باب عربيـتو فتح
ركبت جنبــو مراة,
عيسى : مررررحب جيتي!
(.......) : اااي اها عملت شنو يا عيسى
عيسى : كلو تمام , والورق مية مية الحمدلله
(........) : كويس ما تخاف عندك نصيب كبيـر من الشغلة دي
عيسي : معااك بس انتي قولي بس واحنا ننفذ
(........) : تمام. ارح وصلني يلا
عيسى : بس يا " اسرار" في كلام دايـر اقولوا ليـك
اسرار : اتفضـل .........
يتبــع,,,
