الضابط " اسرار الكان جاب سيرتها اخوك ..."
" مالها !؟"
الضابط " والله احنا اتحرينا ولقينا واحد من الناس الإشتركوا في الشغلة دي وقدرنا نجيب منهم تلاته ... اما عن اسرار فأدونا ليها صورة و يا ريت لو يجي محمد و انت معاهو عشان تشوفو الصورة دي ..."
" بس يا سعادتك انت عارف حالة محمد وهو ممنوع من الحركة حاليـاً فهل ممكن انا اجي براي ..."
الضابط " جيتك براك ما بتنفعنا في شيء انت ما طرف ولا متضرر ولا شاهد علي الحصل لكن انا بحاول ارسل ليـكم الملازم المعاي دا او اذا لقيت طريقة بجيكم انا بنفسي ..."
" إن شاءالله ـ خلاص خير يا سعادتك "
الضابط " بديك تلفون بكرا الصباح بوريك الحاصل شنو إن شاءالله "
الضابط قفل الخط وانا طبعاً رحت في عالم تاااني و كأن الارض دي انقلبت وانعدلت تاني ...
مشيت اتوضيت وصليت ركعتيـن ودعيت ربنا يكتب الفيهو الخيـر ...
غاايتو كانت حاالة وبقيت بس افكر يا ربي دي تكون اسرار زااتها! وليه طيب عملت كدا! لكن دي لو هي اكيد ما بتكون عملت الشغلة دي براها ...محمد حكا انو في زول ضربها وكورك فيها دا منو يا ربي! معقول دا يكون عيسى?
انتشلني من تفكري صوت محمد وهو بنادي علي ...
محمد "خاالد يا خالد .."
مشيت عليهو في الغرفة " اي محمد "
محمد " تعال اقعد معاي شوية انت عارف انا مما جيت من المستشفى وضيوف خاشين وضيوف مارقيـن اشتقت لناس بيتنا زااتو ..."
" ههه نسوي شنو لكن ما ديل ضيوف على العموم يا سيدي اصلاً كدا كدا بكرا الناس ما ح تكون كتيرة وكمان يومين تلاته ما بجي تاني زول ..."
محمد " يومين تلاته? لا لا يا اخوي يومين تلاته شنو انا تااني اقعد محكر كدا في محلي لا حركة لا قومة! وفوق دا ضيوف وسلام واسئلة ووو "
اتونست مع محمد فرقت عليهو شوية, تحس بالهم فوق وشيهوووالتعب دا ظاهر فيهو غاايتو الناس لمن تقبل على زول زيارات بتعب هو اكتر منهم ههه, محمد التقول كان بقوم يقدم ليهم لكن برضو السلام والتركيز بتعبو,
خليت محمد مرقت منو زي الساعه 10:30 كدا خليتو عشان ينوم وانا زااتي بقيت في الحاجة التخليني انوم ... انا زمان كنت بستغرب لمن اشوف عمي دا نص الليـل صاااحي وخاتي يديهو فوق راسو ـ كنت بحس بيهم ما طبيعي ... لكن اكتشفت انها حاجه عادية ودليل هم وغم ممكن يكون حااصل على الزول لكن هي كلها تجارب الواحد يتعلم منها وخير لينا بحكم ربنا,
###################
سماح بعد سمعت الكلام الدار بين راجلها وصاحبو دا ما لقت تعبير غير دمعوها نزلت وقلبها دا دقاتو ذادت تقول اتسمع في اخر الشارع " انا! راجلي يطلع مدمن! وبتاع مخدرات ?
انا عملت شنو في دنيتي دي? عشان كدا كان متغير ليهو كم يوم ,وااا مصيبتي ..."
سماح موقفها كان صعب شديد ـ مااا عرفت تسوي شنو وتكلم منو ولا ترجع لمنو ... لو رجعت لناس بيتها ح يقولوا ليها انتي الإخترتيهو واستحملي بس ترجع لمنو ولا لمنو ...
في نص هموما ديــك تلفونها ضرب
( امنية يتصل بك )
سمااح وقت شاافت الاسم نزلت عليها رااحه كدا عجيبة و حست بانو افضل زول تحكي ليهو امنية دي بس صحبتها وفاهماها ...
امنية " ألو السلام عليكم .."
سماح " امنية " طبعاً سماح بتتكلم وصوت البكاء ظااهر ودموعها ما قدرت تمسكها ...
امنية " سماح! مالك بتبكي يا سماح? حاصل شنو !"
سماح " ألحقيني يا امنية ألحقيني ..."
امنية بخوف شديد " مااالك وين انتي ..."
سماح " انا في البيت تعالي ...ولا اقول ليـك ما تجي بقتلك الراجل المدمن دا ..."
امنية " راجل! "
سماح "بجيك انا انتي وين ..."
امنية وصفت لسماح البيت وطبعاً سماح مع اللخمه ولا ركزت مع العنوان ولا بيت منو ولا سألت زاتو منو
طلعت وعاينت لاحمد دا بعاين كدا احمد زااتو استغرب منها ...استاذنت ومرقت ولا استنت منو رد طواالي على العربية وركبت
###################
خالد الصباح كان مستني الإتصال من الضابط, خالد طبعاَ ليهو قريب الإسبوع ما مشا الجامعه ... الليلة من الصباح قام ولبس مشى يشوف الحاصل شنو ...
وصل وحضر المحاضرات وسأل من الفاتو شنو و شال شيتاتو ومرق ...
الساعه زي 2 وحاجة, الوقت بعد الظهر ... خالد مرق ومتجه على المواصلات جاهو إتصال من الضابط
الضابط " يا خالد كيفك "
خالد " تمام والله كيف انت! "
الضابط "الحمدلله بخير وعافيه "
اها الضابط حدد مع خالد زمن الجية ح يجي الضابط ومعاو الملازم لناس خالد في البيت قال بجوهم بعد العصر طواالي, خالد اصلاً كان ماش على البيـت , الشركة من الحكم تاني ما ظهر عليـها ولا زااتو عارف ح يكون الشغل كيف ...هو املو بعد ربنا عز وكل في الشركة بتاعت الجزيرة الإتكتبت بإسمو مع نصيبو في الشركات ...
####################
سماح وصلت لامنية على حسب الوصف,سماح خشت لا شايفها قدامها لا وراها من الحااصل عليـها
امنية دخلتها الغرفة ومشت المطبخ تجيب ليها موية ولا حاجه تشربها
سماح قااعده وتعايـن في الغرفة ياا داب جمّعت وبقت تفكر " ياا ربي دا بيت منو ...وامنية دي الجابها هنا شنو! " طبعاً لا سماح عارفه امنية متزوجة ولا امنية عارفه سماح متزوجة ...
قطع على سماح تفكيرها ...صوت الباب ...
الباب فتح و ..........................
يتبع ,,,
