وقف خالد قدام القاضي, في الجلسة الأولى من المحكمة
طبعاً خاالد كان حاااسي في دااخلو انو في شيء ما صـح والليـل كلو كان بدعي ربنا
خالد ضمن ملكية فرع من الشركات بتاعت المرحوم, بس باااقي الشركات ما مضمونه وممكن لو الحكم جا لصالح اسرار خاالد يلقى نصيبـو اقل من 15% غااايـتو الله ستـيـر
الجلسـة بدت, وبدا محامي اسرار في سرد الحااصل انو دي الاوراق الثبوتيـة دليل لملكية شركات اسحق الفكي
الجلسة طولـــت وكلـو في عرض الاوراق القاضي بيـن امريــن ,
لكن قرر "تأجيـل الحكم لحيـن التأكد من صحة الاوارق"
طبعاً خالد حس برااحه عجييبة بعد الحكم دا, كأنو حااسي إنو الاوراق الجابتها ليـو اسرار فيها لعبـة وومع ثقتو في عيسى بس برضو جواهو كان في حاجه بتقول إنو في لعبة حاااصله في الورق دا
ح يكون الحكم النهائي بعد إسبـوع من يوم الليـلة
###################
خاالد رجع وبشــر امو بالحاصـل وانو لسا ما حكمو, إتأجل إسبــوع, امو زااتها فرحت التقــول كانت حاااسة, ويكفيها إحساس إنو في هم إنزاح عن ولدها ولو بسيط
خلال الإسبــوع دا, عيسى لعب اقذر العاب ممكن يلعبها محامي عشان يحافظ على سرية الشيء العملو ,طبعاً عيسى دا كااان اكتر الناس معرفة بإسحق واعز صديق ليهو, وما حصل فكر ابدا انو يعمل حااجه زي دي ضد إسحق
بس فجأة وبدون اي مقدمات ظهرت في حياتـــو السيدة اسرار, وخدعتو بإسـم الحب
اسرار طبعاً كانت شغاالة من زمان مع إسحق المرحوم ,بس كانت زيها وزي اي موظفه عاديـة
كاانت بتشوف عيسى لمن يجي لإسحق, و بعد زمن عرفت إنو محامي وبدأت تدبر في خطتها لحد ما وصلت للحظة دي
وعدت عيسى انها تتزوجو وموااافقة بس شرطها كاان نقـل الملكيـة, وعشاان تحافظ على عيسى وما يرجع ويقعد وضميروا يصوبــو عاشت مع عيسى تلاته شهور في شقة براااهم كانهم زوجيـن,
وبعد التلاته شهور مرت, رجعت بيتها
هنا زااد تعلق عيسى بيها وكدا ضمنتو وورقة محروقة في لعبتها
عيسى بقا في صفها بسبب "حبو" ليها وانو دايرا ومستحيــل بعد كدا يتخلى عنها, نسى اصلو واخلاقـو وحتى اعز صااحب ليـو طعنو في ظهروا وهو "ميــت" وغدر بخاالد المسكيـن
##################
الايــام مررت
سمااح مع احمد ولساا طبعاً في الفندق وكل يــوم على مكان ومرقاات وسعااادة العرساان الجدد
معتصــم لسااا في محاولات تغيــر شعور امنية تجاهو بحاول يفرق عنها و يتونس معاها بس ملاامح الجرح ظاااهرة فوق وشيها وضحكتها ما من القلب, معتصــم متألم اكتر منها
بحبها حب شديييد و ما متأكد حتى من. إنها بتكن ليهو ولو حتى احترام وتقديــر
حاااسي بيها كأنها بتجامل في روحها قبل تجاملو هو, لكن ختا في نفسو انو مااا ح يفتر و ح يواااصـل لحد ما ترضى عنو وتغير مفهومها
الام إتصـلت على بتها تشوف اخبارها وطبعاً الأم قلبها في يدها, شااافت حالة بتها قبـل العرس, مهما تكون القســوة لكن الام اكيد عندها حنية لجناها
الام : ألـو امنيـة!
امنية (بفرح) : امي !
الام : يااا بتي كيفك و ...
امنية : تمااام الحمدلله كيف انتي وكيف ابوي !
الام : تمااام الحمدلله, كيف معتصـم
امنية : الحمدلله طيب ما عندو عوجه
دمعاتها نزلن وهي بتتكلـم مع بتها, دمعات مخلوطة بحب وحنان, و رأفة وحزن ,سبحاان الله بعد العملو فيها لسا بتسأل من ابوها , واتونست مع امها وكانو ما حصـل شيء, امنية ختت إنو دا كلـو لخيـر وربنا اصلو ما ح يضيعها و بس تعاملت مع ناس بيتها " وأخفض لهما جناح الذل من الرحمة وقـل رب ارحمهما كما ربياني صغيــراً ..." ,الآية دي امنيـة بس مااشه بيها و حاولت تنسى كل الحصـل وتبدا صفحة جديدة مع ناس بيتها و مع زوجها "معتصـم" بس برضو التأقلـم صعب والجرح لسا ما بِرا ,
####################
هدى عملت الفي راسها. ما تمت النظرة الشرعية بتاعتها , اصلو زول مافي راسها ما ح تتزوجو, رغم المشاعر البتكنها لخالد جوا قلبها بس عاارفه انو غلط توري زول او حتى خالد بمشااعرها تجاهو,
داايرا تحافظ على قلبها, واصلت جامعتها عااادي بس طبعا نقت امها ماا وقفت كل ما يجي عريس وهي ترفض
هدى: ياا يمه, ما إلا اتزوج
الام : يا بت تفي من خشمك
هدى : اي ياا امي وبعدين ما صح اتزوج لي زول انا ما مقتنعة بيـو وانا عندي اهداف ودايرا اواصل قرايتي
الام : يا بتي لكن ....
هدى : امي انتي طوااالي بتقولي لي المقسوم ليك مااا بشيلو زول غيرك, وانا رراااجية قسمتي ورااضيه بالبقسمو ربنا
الام : ونِعم بالله ياا بتي
هدى اتونســت مع امها شويــة ودخلت غرفتها, قعدت وفتحت اللاب توب بتاعها وخشت على حسابها في الفيس بوك
بتتصفح وتقلب في الصفحات وتقرا, فجأة جاتها رسالة
" (.......) : الســـلام عليـكم "
هدى لمن شااافت الإسـم اتخلعت, وجااها الف تتفكيـر فوق راسها ,وماا عرفت تسوي شنــو ....
###################
خالد في الشغل الوقت بالليـل كدا زي 9م, اتاخر الليـلة كاان في كم عقد كدا براجع فيهم
اثناء ما هو منهمك في شغلـــو وكل تركيزوا كان على الشغل والورق القدااامو
يقطع الصمـــت صوت تلفون خاالد معلن عن وصول مكالمه ,عاايـن للرقـم لقا الرقم غريب
خالد : السلام عليـكم
(......) : يااا خااااالد الحقني!
خالد : امي؟
الام : ألحقني يا خالـ..............
يتبـــع,,,
