الاب : جاني زيارة بجاي اليوم, وحكا لي كم قصة كدا بس الخلاصة انو قرر يتزوج
امنية : الله يديو الفي بالو
الاب : آمين, وجا طلب يدك مني ...
امنية (بإستغراب شديد) : نعممم! !!!
الاب : مالك يا بت!
امنية : يا ابوي انا قبل كدا كلمتك كان جا معتصم دا زمان هنا قبل السفر وقلت ليك مستحييييل اتزوجو,
الاب : يا بتي زمان كان ماا عندو حق التسالي, هس ما شاءالله عندو بيت في كافوري وصلح بيتم القديم وراكب اخر موديـل وكل إسبوع يا بتي في بلد
امنية : يا ابوي انا ما بقيس الراجل كدا ولا دا قياس صحيح للزواج, يا ابوي دا عرس يعني تاني ح اكون معاو طول العمر و انا صرااحة معتصم دا انا هو ما بنتلما
الاب : اسمعي هنا يا بت انا قررت واديت الراجل كلمه ,رضيتي ولا ما رضيتي دي ما شغلتي العقد بعد اسبوعيـن من الليلة والخطوبة الاسبوع الجاي يوم الخميس وهو مرتب اي حاجه وبعد العرس طواالي مسفرك معاو
امنية : تقرر وانا ماف كيف لكن يا ابوي! دي حيااتي انا , انا الحا اعيش معاو,
الاب : انا قلت كلامي و يتسمع فوق راسك يلا طيري من وشي
امنيـة جرت غرفتها ودموع الالم والحزن جارية من عينها, حاالة لا توصف وما ممكن ابداً تُعبر إلا من زول حساها وجربها, امنية بقت ماا عارفة تسوي شنو, ااي بت بكون عندها معايير في راسها لزوجها ,بس ابو امنية ما راعا للحته دي وح تتزوج غصب عنها
الام جرت علي بتها, وبقت تدق ليها في باب الغرفة لكن امنية ابت تفتح ليها وصوت البكا ماا يديك الدرب من برا تسمعو وبااعلي صوت
والام تبكي معاها الاب دخل الصالون وقفل عليـو الباب ولا اشتغل بالموضوع كتيــر المهم قرارو ح يمشي
###################
في جهة تاانيه خالد معاناتو ما بعيدة من امنية شديد, هموم ومشاغل وضغط جاامعة وعمل و قصص اسرار زوجة عمو اللسا ما عارف يسوي فيها شنو,
خالد انتبـه للساعه لقاها السـاعة 2:00ص
شاالو الزمن والتفكيــر, قام اتوضأ وجا فرش المصلايـة وكبــر, قرر يحكي كل همومو لربنـا, لمن يحكي هموما لربنا بكفيـو بشعر براااحة وطمأنينا كدا عجيييبـة, لذة و سلااام داخلي يعني احسااااس رائع
وفي سجودوا والدموع ناازلة بقا يقول " حسبي الله لا إله إلا هـو عليـه توكلت وهو رب العرش العظيم" وبقا بس يكرر فيها
شااافية كافية لكل هموم خاالد, وكل كل امورو وهمومو لربـنا,
سلـم من صلاتـو بعد ركعتيـــن طواال, وفتح المصحف وبدا يقرا
###################
في الصبــاح خاالد اتوجه علي المكتب, كاان عندو كم ورقة كداشاالم وعندو عقد كدا مع مؤسسة داير يشوف الحاصل عليــو شنو
من هناك مشى الجامعــة
ومرااا يــوم في الجامعة, بس خالد بعد الجامعة كاان عندو مشوار ختاوهو في راسو من امس واستخار عليـو من بالليـل
انتهى من الجامعه وطواالي اتوجه علي (عيسى) المحامي, عيسى دا محامي معرفة عمو زمااان, رجل كبير في الســن بس عملة نادرة متفاني ومخلص في شغلـو ما بحب اللف والدوران كلو كلو ,
خاالد كان شاايل كم ورقـة كدا لي عيسى
