معتصم " اها يا دكتور بشرني الله يبشرك "
الدكتور " صراحه يا معتصم زوجتك حاالتها حرجة جداً احنا عملنا البنقدر عليهو ...انت بس ادعي ربنا "
معتصم كاانو نزلت عليهو صاقعه لمن سمع كلام الدكتور ... ورااسو دا لفا وبقا شاايف الدنيا دي عشره عشره
و الدكتور بتكلم معااهو وهو ولا جاايب خبر ... سرح في عااالم تااني وبدا يتزكر امنية ولحظاتو معاها لحظة بلحظة ...
دخل في حاالة لا يعلم بها الا الله ... الدكتور مشا وخلااهو ...وسمااح دي الدموع ما مفارقة عيونها
احمد دخل الغرفة لقا الدم دا ما يدي الدرب ... الغرفة كلها دم ... عاااين لقا سفجنة سماح ملياانة دم ... احمد دا قرب يغمۑ عليـهو ...خاااف خوف شديد ..." قتلوا سماح قتلتوها ياا مجرميــن ..منكم لله...سماااح يا سماااح " وبدا يكورك ويفتش فيها وينادي عليها ...فتش البيت كلو ماا لقاها ...
في اللحظة دي جا دااخل عليهو عمر بمسدسو ...
عمر "ثابت مكانك يا احمد ولا حركة "
احمد " قتلت سماح يا مجرم قتلتها انت صح ..."
عمر " سماح منو! " عمر اتزكر كلامو مع معتصــم واتزكر انو سمااح زوجة احمد
احمد " سماح منو يا مجرم وجااي تهددني برضو اقتل وشيل كل البضاعة قااعدة في الصالون من نصيبك يا مجرم ..وقول للجني عمرك ما ح تنضف وتبقۑ راجل زي الرجال ..."
عمر " ثاابت مكانك يا احمد ...معاك عمر انا ...."
احمد "انت مجرم , بتقتل النسوان ليه ماا تجي للرجال الزيــك "
والدموع نزلت من عيون احمد, سبحان الله بعد البعملو احمد في سماح بس برضو بكا لفراقها ...
عمر لبس احمد الكلبشات في يديهو بعد وراهو إنو من الجهاز ...واتصل بناس الشرطة ...واتاكد تماماً انو البضاعة دي من الجني..وبقا بفكر في الطريقة اليقبضو بيها...
##################
خالد كان لسا قااعد مع هدى وزول فيهم قدر يفتح خشمو ماااف ...هو سااكت وهدى ساكته ...
بعد شوية أبو هدى جا دااخل و وراهو أبو خالد ... اتونسو ونسه عاامه كدا ...وهدى مشت خشت غرفتها و قفلت الباب عليها ... الونسة جرّت والزمن فاات ...ناس خالد رجعو بيتهم ...
ام هدى كاانت رااجيه بس يمرقو متين عشان تمش تشوف بتها ورايها ...
مشت على بتها في الغرفة ..
ام هدى " اهااا يا المفعوصة الناس دي راجه راايك و ودالناس داير يسافر يشوف شغلو رايك شنو "
هدى " التشوفوه يا امي ..."
ام هدى " بالله شووف البت ماااا صدقت بنات اااخر زمن "
هدى " ههه مااالك يا يمه في شنو! "
ام هدى " لا لا عاااد ماف شيء "
اتونست ما بتها شوية ومرقت تتصل علي ااختها توريها ...
بهناك ناس خالد وصلو البيـت ...خاالد كان في عاالم تاني بتخيـل هدى و انها ح تبقى زوجتو ...بس تااني تزكر همومو و وشو يتغير من الهم الفوقو ..امو كانت قااعده جنبو مراقبه الحاصل علي ولدها وتقول " عاااد الله يحفظك يا ولدي ..."
ام هدى اتصلت عليها و ورتها الحاصل وراي هدى ,المراة دي فرحت فرح التقول العروس هي ما هدى ..ومبسوطة بسطه ...حست انو دا ممكن يكون تفريج هم من ربنا جااا لخالد ...
ام خالد " ياا ولدي "
خالد " اتفضلي ام خالد "
ام خالد " خالتك إتصلت لي ...و ورتني الحاصل وصرااااحه كدا يا خالد ما عارفة اقول ليـك شنو ..."
خالد قلبو بقا في يدو خاااف هدى تكون رفضت ...
###################
عمر قبض احمد وجات الشرطة ومسكت البضاعة واحمد غااايتو ح تتفتح فيهو كمية قضايا الله يحلو منها ...ولحد هس احمد مفتكر انو سماح قتلوها ...ودموعو دي اصلو ما وقفت... الشرطة جاات ساقتو وعلى القسـم ..عمر اداهم صورة الجني وكدا بقا طريق الوصول ليهو اسهل خصوصاً انو احمد مااا نكر اي شيء وبقا بأي طريقة دااير ينتقم من الجني بسبب العملو في زوجتو (على حسب علمو طبعاً) ...
الجني عرف انو مراااقب وجاهو الخبر انو احمد اتقبض ومعاهو البضااعة وبقا بفتش في اي حته يتخبى فيها ... اتزكر (اسرار) وانو في بيتها ممااف زول ح يفكر انو هناك..طوالي اتصل ليها
الجني " اسرار كيفيك "
اسرار " تمام ..اها دايرني لشنو المره دي دااير تقتلني انا مش? "
الجني " اسمعي هنا يا عزيزه.. ح تمشي بيتك الان وانا الساعه 2صباحاً ح اجيـك هناك ...يلا امرقي سريع "
اسرار " لشنو? في شنو عملت مصيبة تااني يا الجني? "
الجني " اسمعي كلامي بس واعملي القتو ليـك بالحرف الواااحد .."
اسرار " حاضر... اتحرك براي ولا في عربية? "
الجني " لا اركبي الموصلات سااي ..ماف. زمن وبشرح كل الحاصل بعديـن "
الجني قفل الخط ... وقلبو في يدو خاايف يتمسك في اي لحظة وحسى بالشرطة مراقباهو زي ما بقولوا (الحرامي في راسو ريشة)
عمر اتصل على معتصم ..طبعاً بتصل ليهو من قبييـل ومعتصم ما داير يرد ..معتصم حااالتو صعبه ...
ردا عليهو بعد قريب الـ20 مكالمه ـ
عمر " يااا معتصم مالك حاصل عليك شنو قلقتني ياااخ "
معتصم " امنية ياا عمر امنية ..."
عمر " ماالها ..."
معتصم " طعنوها يا عمر ..وهس في حالة حرجة ومرقدة في العناية خااشه في غيبوبة ..."
عمر " لا حول ولا قوة إلا بالله... الله المستعان ...ربنا يقومها بالسلامه يا معتصم .."
معتصم " جيت يا عمر خاشي البيت لقيت امنية دي واقعه في الارض والارض دي كلهااا دم ...وامنية دي عااايمه في نص الدم دا ...وسماح جنبها تبكي ما قادره تتحرك من الخوف ..."
عمر " إنا لله وإنا إليه راجعون, الله المستعان الله المستعان ..."
معتصم " من قبييـل يا عمر احنا في المستشفى وحالتها زي ما هي "
عمر " ما تيئس يا معتصم ..كتر من الدعاء لربنا وقول إنا لله وإنا إليه راجعون "
معتصم " إنا لله وإنا إليه راجعون "
معتصم صلى ركعتيـن وفي السجود بقا يدعي ربنا والدموع دي نااازله منو ...دعا السجود دااا من افضل الادعية (اقرب ما يكون العبد لربه وهو ساجد فأكثروا فيه من الدعاء) زي ما قال رسولنا الكريـم عليه الصلاة والسـلام ... معتصم سااجد ويتضرع ويدعو ربنا عز وجل ...
وسماح ماا قادره تتحرك وبس شغاله تقول "إنا لله وإنا إليه راجعون "...وتبكي بكا عجيب ...المستشفى ااتملت العائلة كلها جاات ابو امنية وامها وبرضو عائلة سمااح ..لمة غايـتو والناس دي بس قلبتها بيت بكا ...
###################
خالد " اهااا يا امي شوقتيني احكي "
الام " هههه حاضر يا ولدي ..والله يا جناي البت عينها عليك من زمااان وهي تطول ترفض زيـك انت اي بت تتمناك يا ولدي ..."
خالد " قالت شنو!"
الام " مواافقة طبعاً ... بس تاني امشو حددوا الحاجات والعرس وربنا يتمم ليـكم على خير وانا دااعي ليك والله يا ولدي وراضية عنك دنيا واخره "
خالد " بس ياا امي صرااحه في حاجة لااازم اقولها ليـك وكلكم تعرفوها ..."
الام " اها قول يا ولدي قطعت قلبي"
خالد " والله يا امي انا ..............."
يتبع,,,
