سهام الحب

10

قصه سهام الحب (الحلقه 10)

الفرشاه في يدها والالوان الزيتية في يدها الثانية وهي جالسه وتتأمل في الصورة اللي باينة ملامحها في اللوحة .. وتحس انها ناقصها حاجة .. في لمسة لازم تضيفها ... بس مش عارفة ايه اللي ناقصها ... الصورة ما كانتش عجباها .. ياترى ايه اللي ناقصها .. لسة ناقصة ... ويتفتح الباب

رهف: انت لسة بترسمي يا يارا

يارا وظهرها لرهف : ايه .. بتقولي ايه يا رهف مش حاسة ان اللوحة ناقصها حاجة

رهف: يالهوى يا يارا مش ناقصها حاجة

يالا تعالي مش قولتى هاتجى معايا عند منه

يارا: لا مش هاقدر لازم اخلص اللوحة دي خليها وقت تاني

رهف قربت منها وسحبت منها الالوان ..

يارا: رهف رجعي الالوان بسرعة

رهف: ما ينفعش كدة يا يارا انت وعدتيني انك هاتيجي معايا يبقى لازم توفي بوعدك .

يارا: طيب هانروح بس هاتي الالوان .

رهف:عارفة انك مش هاتروحي بس بتخديني على قد عقلي يارا انت ناسية ان احنا هاننزل وسط البلد عشان نشتري حاجات كانت ناقصة لاوضة سارة وشريف

يارا: لا انا ما نسيتش .. بس انت هاتي الالوان واخرجي برة الاوضة .

رهف: من ساعة قلت نفس الكلام وبرضة لسة قاعدة بترسمي انتي اصلا بتبقي في عالم تاني وانت بترسمي ؟؟؟ يلا بقى ..

يارا: ليه هي الساعة كام دلوقتي ؟

رهف: الساعه 7

يارا:يااااااااه وانا قايلة لهدى ان احنا هانعدي عليها النهاردة لانها قالتلي ان في حاجات عندها سارة نسيتها هاروح اجيبها .

رهف: شفتى بقى يالا نروح عندنا مشاوير كتيير ...

يارا: صح عملتى ايه فى الفستان عجك ولا هاتشوفى واحد تانى

رهف:مش عارفه بقولك ايه ماتيجى نروح محل البت منه قالتلى عليه حلو اوى وفيه موديلات روعه

يارا : لالالا ماينفعش انا وعدت هدى ان احنا نروحلها على الساعة 7 ونص .

رهف بطفوليه:ماليش دعوة هاتيجى معايا يعنى هاتيجى معايا اعمل ايه انا بقه خلاص الحلفه قربت ولسه مااختارتش اى فستان

يارا: طيب بقولك ايه نعدي الاول على بيت عمي شوقي وبعدين نروح نشوف الفستان وبعدين لو فيه وقت نروح نشتري الحاجات الناقصة لاوضة شريف

رهف: طيب يالا روحي البسي بقى

يارا: خمس دقايق واجهز ان شاء الله

رهف: طيب خدي( وادتها الالوان )

يارا: ما قلتليش يارهف ايه اللي ناقصة في اللوحة