سهام الحب

6

الحلقه السادسه

وفي منزل محمد كان عمر جالس في غرفته سرحان بافكاره بزوجته- رحمها الله- ...كانت كانها امامه تبتسم ليه ....وقف مدة يتأملها ومش قادر يشيل عينه من عنيها ....

يا الله بجد اشتقتلها اوووي ... ونفسي اضمها واقربها مني ...

مد ايده ليها .. وكأنه مسك ازازة ماية ساقعة اووووي ... وضغط جامد ... لغاية لما حست بالم فيها ...

ويقولها ليه كدة تسيبني كدة ... انا ما اسواش حاجة من غيرك .... وفضل يتأمل ملامح وجهها اللي كانت محفورة في عقله ........ومستحيل تتمسح حتى لو مرت مائه سنة ...

افتكر اخر لحظة معها ... اخر مرة رائها ... اخر مرة كلمها ... اخر مرة ضمها ليه .... اخر كلمة قالتهالو ... يااااااااه انا فعلا ما اسواش حاجة من غيرك يا ام ملك ....... مهما عملوا اللي حواليا مستحيل انهم يسدوا الفراغ اللي انت سيبتيه ....بحبك والله بحبك ...

ومستحيل احب حد غيرك ... رفع البرواز اللي فيه صورتها ... وقربه منه ... وضمه لحضنه كأنه طفل يضم العروسة بتاعته ...حس بدموع بتتجمع في عنيه ... لامتى هاعيش في الحزن بحاول اقول للناس اني خلاص نسيت وقادر اتكيف مع الوضع ....
بس انسى ازاي في حد ينسى اسمه في حد يتخلى عن روحه وحبه الوحيد ...

وهنا قطع تفكيره

ملك: بابا..ممكن ادخل

على طول وضع عمر البرواز لمكانه ..ومسح الدمعه اللي لسة نازلة على خدة .

عمر: تعالى يا حبيبتي الباب مفتوح .

دخلت ملك بوداعتها وجمالها الي خدته من امها...

كانت نسخه مصغره منها .. نفس العيون الواسعه المكحله .. الحاجة الوحيدة اللي اخدته من ابوها هو الشعر ولونه ...

جريت ملك لحضن ولدها

عمر وهو يبتسم للي بقى له من حبيبته: القمر عايز ايه

ملك وهي فى حضن ولدها: لا بس وحشتني يا بابا انا ما شوفتكش النهاردة خالص

عمر:يا عيون بابا.

ملك: بابا ..انت بتحبنى..؟؟

عمر استغرب من بنته الي اول مره تساله السؤال دى : اكيد طبعا بحبك ... ليه بتسألي .

ملك: يعني مش هاتسبني

عمر: هاروح فين يعني هو انا اقدر اسيبك يا قمر

ملك ابتسمت ابتسامه كبيره : ورفعه راسها وقبلت ولدها على خده ..

شعر عمر باحساس غريب ..بنته فيها حاجة وعمرها ما تصرفت التصرف دى قبل كدة ...

قامت ملك من حضن ابوها خرجت من الاوضة ... وعمر لسة سرحان .. من ساعة ماحس بملك .

عمر: ملك