سهام الحب

40

الحلقه ال 40 الجزء الاول
كانت اشد خجلا منه للمكان الغير المتوقع منه
احمد: ها يا رهف حياتى ايه رايك فى المفاجاه دى
رهف بخجل: ها اه حلو اوى
احمد: طب يالا بينا على جوه وانا عاملك احلى جو جوه
رهف وقفت مكانها لم تتحرك وذادت فى خجلها اكثر
احمد وينظر اليها باندهاش: مالك يا رهف ايه مش عايزه تركبى الياخت
رهف ونظرت اليه بخجل: بصراحه امممم
احمد: ليه ايه السبب ولا تكونى مكسوفه منى انا جوزك يا رهف
هنا الكلمه نفسها اشعرتها بالخوف والاحراج الرهيب
احمد اقترب منها ولمس اناملها بحنان: انتى مش واثقه فيا ولا ايه
رهف: مش مساله انى مش واثقه فيك بس
احمد اتناهد: امممممم يعنى مش عايزه تيجى ونقضى ليله مع بعض
رهف: انا اسفه يا احمد بس غصب عنى برضه يعنى ماينفعش انا وانت يعنى
احمد: خلاص خلاص طب يالا عشان ما تتاخريش اكتر من كده على اهلك
رهف: يعنى انت مش زعلان منى
احمد بعصبيه:رهف لو سمحتى اتفضلى عشان اوصلك
وبالفعل بعد صعودها للسياره انطلق بها باقصى سرعه ممكنه
ناحيه اخرى:
شريف بهمس للسارا: ها مش هانمشى بقه ولا ايه يا رورو
سارا: انا مش عارفه انت مستعجل على ايه
شريف: ههههه لحقتى نسيتى مش قولتلك انى عملك مفاجاه ولا ايه
سارا ونظرت له بحب: طب ايه هى دى
شريف: تؤ تؤ مش هاينفع لازم اقولك عليها فى بتنا
سارا ونظرت اليها وكانها تعلم ما نوع المفاجاه المنتظره لها
شريف ويوجه حديث لعمر اخاه: طب نقوم احنا بقه يا عمر
عمر ونظر لاخاه نظره بمعنى انه جه فى وقته: طيب زى ما تحبو بس خدو ملك معاكم عشان عايزه تنام
شريف وابتسم وغمز له: ماشى يا عريس يالا يا كوكا عشان نروح
ملك: لا انا مش هامشى انا عايزه انطى بثينه تمشى معايا
عمر ونظر لملك: ملك احنا قولنا ايه لازم نسمع كلام الكبار يالا مع عمك روحى عشان تنامى
ملك وببكا اطفال: انا مش ليه دعوه عايزه انطى بثينه هتروح معايا
عمر بعصبيه : ملك
وهنا قاطعته بثينه فى تكمله حديثه مع ملك
بثينه واخدت ملك بعيده عنهم بقليل: كوكى حبيبتى مش احنا اتفقنا وقلنا قبل كده اننا نسمع كلام اللى اكبر مننا صح
ملك: صح يا انطى بس انا عايزكى تيجى معايا البيت
بثينه: ما انا هاجاى ان شاء الله بس مش دولوقتى لما احضر هدوم يرضكى اجاى عندكم بهدوم قديمه
ملك: تؤ طب تعالى وانا اديلك هدوم من عند انطى يارا ورهف هم عندهم هدوم كتير اوى
بثينه: ههههههه انتى طيبه اوى يا كوكى بصى ان شاء الله عدى15 يوم على ايدك وان شاء الله هاتلاقينى عندكم فى البيت على طول
ملك وضحكه بريئه: بجد يا انطى بثينه
بثينه: بجد يا قلب انطى بثينه يالا بقه روحى مع عمك شريف وانطى سارا
ملك: طيب عمو شريف يالا بينا
وهنا نظرعمر لبثينه نظره اعجاب على انها اقنعت ابنته على الرحيل
عمر: تحبى نغير المكان ولا نفضل قاعدين هنا
بثينه باحراج: احم ايه حاجه زى ماتحب حضرتك
عمر: هههههههه حضرتك ايه بس انا اسمى عمر على فكره
بثينه: ما انا عارفه بس الاحترام برضه واجب
عمر: طبعا اكيد واجب بس بين الازواج بيكون الاحترام اقل شويه يعنى انا اقولك يا بثينه وانتى تقوليلى يا عمر ماشى
بثينه: ماشى
عمر: ماشى يا ايه
بثينه:ماشى يا عمر
عمر: طب انا الاول عايز اعتذرلك على انى عالت صوتى عليكى واتنرفزت شويه
كان غصب عنى لما رجعت ومالقتكمش وافقين مع شريف ومراته قلقت كتير وخوفت بصراحه عليكم ولما شفتكم جاين فامقدرتش امسك نفسى وطلعت نرفزتى عليكى
بثينه: احم حصل خير
عمر: انتى مش ملاحظه لغايه دولوقتى ماعرفش عنك حاجه
بثينه: اصلى ماعنديش حاجه اقولها عن حياتى كلها كتاب مفتوح يعنى ماماتى متوفيه من زمان اوى وبابا اتجوز بعد ما توفت عشان خاطر اخويا وليد كان لسه صغير وبعدين قعدت معانا 10 سنين وبعدين اتوفيت من ساعتها وبابا مش عايز يتجوز تانى واكتفى بانه يعيش عمره الباقى معانا وفى تربيتنا انا ووليد
وفى اثناء الحوار كان يتامل حدثيها وطريقته ووجهها البرىء المعبر على كل كلمه تقولها
بثينه نطرت له بدهشه: فى حاجه يا وسكتت
عمر ابتسم لها: لا اصلك قلتى حياه باباكى مش حياتك انتى وانا اساسا عارف بحيات باباكى كتير
بثينه: اصلى انا معنديش يعنى حاجات خاصه بيا كلها عادى مثلا انى اتخرجت من كليه التربيه رياض اطفال واتخرجت وقدمت ورقى واشتغلت مدرسه اهو ما بقاليش كام اسبوع بس
عمر : طيب تحبى نروح ولو تحبى قولى عادى
بثينه: يعنى مش هاتزعل يا عمر لو قلتلك نمشى
عمر ابتسم لها: اكيد لا مش هازعل كفايه انى اول مره اسمع اسمى منك بدون حضرتك
بثينه خجلت اكثر: احم اصلى بابا ميعاد الحقنه بتعته كمان ساعه فامش عايزه اتاخر عليه
عمر: اوكيه مفيش مشكله يالا بينا
وبالفعل قاموا من مجلسهم وتوجهوا الى باب الخروج ومنه الى السياره