سهام الحب

36

لحلقه 36 الجزء الاول
سارا: افهم من كلامك انك بتهددنى
شريف بعصبيه: افهمى اللى تفهميه واتفضلى قدامى
سارا وشردت ثانيه وقبل ما تتكلم
يارا ونظره منها لسارا: لا يا شريف احنا هانركب معاك العربيه يالا ياسارا
سارا ونظرت ليارا بحده وغضب شديده وبالفعل خرجت الى خارج المستشفى ووجدو اخاها ذاهب اليهم مسرعا
احمد: حمدلله على سلامتك يا سارا اتفضلوا العربيه اهى
شريف ونظره حاده منه لاحمد: لا اتفضل روح انت الشغل انا اللى هاوديهم البيت
احمد: اوكيه زى ما تحبوا خلى بالك من نفسك يا سارا
سارا بصوت تعب وغضب: ان شاء الله ابقى طمن ماما
احمد ونظر لها وغمز بمعنى انها تهدى : يوصل ان شاء الله
شريف اقترب منها بحنان وفتح لها الباب الامامى بجواره لكنها نظرت له بتحدى وذهبت الى الباب الخلفى وقامت بفتحه وجلست فى الخلف
شريف نظر لها وغضب من تصرفها امام اخته وذهب بنرفزه شديده الى باب القياده وانطلق مسرعا
من ناحيه اخرى
كانت نازله الى الدور الاسفل واتفاجات بولداتها ترتب الغرفه المجاوره للرسبشن
رهف: ماما انتى بتعملى ايه هو حد جايلنا ولا ايه
صفيه:لا يا حبيبتى انا بحضرها عشان مرات اخوكى هاتقعد فيها
رهف: ليه هى هاتتعب لما تقعد فوق
صفيه بزعل: لا يا حبيبتى بس دى رغبتها عشان شريف والى عمله معاها
رهف ونظره حزن: بصراحه هى عندها حق تعمل كده واكتر كمان انا مش عارفه هو ليه اتعصب عليها بالطريقه دىهى مالهاش اى ذنب ياماما
صفيه:انا عارفه ان شريف غلطت بس هاقول ايه بس يا رهف انتى عارفه اخوكى لما بيتعصب مابيشف قدامو بس برضه هى غلطانه انها علت صوتها عليه ونرفزته اكتر
رهف: يعنى ياماما عايزها تسمع ان بيجرح اخوها قدامها وعايزها تسكت وماتتكلمش دللى عملته ده قليل اوى كمان
صفيه: ربنا يهدى الاحوال يا رهف ايه ده مش دى صوت عربيه اخوكى شريف
رهف نظرت من الشرفه : اممممم هما ياماما جم
صفيه ذهبت الى باب الفيلا وقامت بفتحه لتستقبل زوجه ابنها
يارا: ماما بنفسها هى اللى بتفتح لينا الباب ياه ماكنتش اعرف انى غاليه عليكى بالطريقه دى يا صفصف
صفيه بالفعل توجهت اليهم لكنها اقتربت من سارا وقامت باحتضنها
يارا بزعل مصطنع : يا سلام وانا اللى بقول انى وحشتك
رهف: هههههههه انتى شكلك وحشانى انا وبس يارورو
يارا وذهبت الى اختها وقامت باحتضنها
وكلهم دخلوا الى الفيلا
صفيه: انا جهزتلك الاوضه يالا روحى غيرى هدومك على بال ما الاكل يجهز
سارا: لا متشكره يا ماما ماليش نفس دولوقتى استنى ناكل مع بعض كلنا
صفيه:طيب بس على الاقل تريحى شويه
سارا: ماشى اللى تشوفيه
وقبل ما تتوجه الى غرفتها اقترب منها شريف وامسك يدها لكنها سحبت يدها بغضب
شريف نهد : اتفضلى على الاوضه فوق
سارا: انا مش هاطلع فوق انا هاترتاح هنا تحت ولوحدى
شريف بنرفزه: نعم اوضه ايه دى اللى عايزه تقعدى فيها لوحدك هو انا ايه خيال مش شيفانى للدرجه دى
سارا بعصبيه: لو سمحت انا مش عايزه اتكلم دولوقتى اروجوك عايزه ارتاح وبعدين نبقى نتكلم
شريف اقترب منها وامسك دراعها بشده: مش انتى اللى تقولى نتكلم او مانتكلمش انا شكلى دلعتك كتير لا ياماما فوقى واعرفى انتى بتتكلمى مع مين انا راجل مش لعبه تلعبى بيها وقت ما تحبى
سارا اتعصبت اكتر من كلامه: انا باين عليا غلطت انى جيت هنا كنت المفروض اروح بيت ماما
شريف بسخريه: ههههه لا والله تروحى فين يا حلوه ترجعى بيت مامتك اتفضلى الباب مفتوح ولا تكونى شايفانى هامسك فيكى واترجاكى انك تقعدى هنا لا ياماما فوقى
صفيه اقتربت منه : خلاص يا شريف اهدى ويالا روح على شغلك وانتى يا سارا ادخلى على اوضتك
سارا: لو سمحتى ياماما انا مش هاقعد هنا ثانيه واحده كفايه اوى كده
صفيه: لا حوله ولا قوه الا بالله علشان خاطر عمك محمد والله لو عرف اللى بيحصل ده هايموت فيها الله يهديكى يا سارا ادخلى دولوقتى يارا دخليها جوه
يارا: يالا يا سارا
وبالفعل سارا سمعت كلام والداه شريف وتوجهت الى الغرفه بينما صعدت الى اعلى رهف وشريف وتوجه الى غرفه المكتب بغضب ونرفزه شديده ودخلت له والدته تهديه,