سهام الحب

29

الحلقه ال 29 الجزء الاول
صفيه: سلم يا عمر على هند بنت طنتك بهيجه
عمر ونظر لوالدته بنرفزه: اهلا وسهلا بعد اذنكم
بهيجه: باين على ابنك انه طيب اوى
صفيه: الحمد لله على عيالى كلهم طيبين اتفضلوا هند تعالى معاياعشان تسلمى على يارا
هند: اوكيه بعد اذنك يا ماما
صفيه ذهبت واخذه بيدها هند وذهبت الى يارا وسلمت عليها وقامت بعد ذلك بالذهاب الى والد عمر وتعرفيه بها
صفيه: سلمى على عمك محمد
هند: ازيك يا انكل
محمد بينظر لزوجته : ها الحمد لله يا بنتى عقبال فرحك
هند: ميرسى يا انكل
ومن ناحيه اخرى
شريف:عمر مين البنت اللى امك سحباها معاها دى وعماله تعرفها بكل الناس
عمر متغاظ: انا عارف ما انت عارف امك
شريف: ههههههههه افهم من كده انها عروستك يا عمره
عمر: شريف بقولك ايه الله يخليك بلاش الكلام ده انا مش عارف انا تعبهم فى ايه
شريف: يابنى برضه عايزين نفرح بيك وما تقوليش ان انت مبسوط كده
انا بقه بقولك لا انت مش مبسوط وانا حاسس بيك يا عمر فكر مش هاتخسر حاجه
عمر: ربنا يسهل بس مش دولوقتى خالص بقولك هاروح اشوف ملك فين
فى الوقت هذا كانت رهف بتبحث على احمد فاوجدت بيضحك مع بثينه بطريقه شعرتها بالغيره واتعصبت رهف وذهبت مسرعا الى ان تجلس بجوار والدها بغيظ
احمد لاحظ رهف بانها شاهدته فابتسم على شكلها وترك بثينه واتجه نحو الدى جى
فاغمز للدى جى بشى وذهب بعدها لوالد عمر
احمد ينظر ويبتسم لرهف التى كانت بجوار والدها وغضبانه: ازيك يا عمى
محمد: الله يخليك يا احمد عقبالك ياابنى ان شاء الله لما تفرح ابوك وامك كده بقه
احمد يبتسم: ان شاء الله ادعليلى انت بس ياعمى
محمد: من غير ما تقول يا احمد انت عارف معزتك من معزه عيالى بالظبط
احمد ينظر الى رهف وبيبتسم: وانت كمان والله ياعمى ما تعرفش معزتك فى قلبى قد ايه
محمد: ربنا يديم المحبه يااحمد ما تقعد وافق ليه
احمد: ثوانى بس اصل فى اغنيه هاتشتغل دولوقتى وعايز اسمعها لوحدى
محمد: هههههههه اغانى ايه بس يابنى يعنى عجبك تنطيط العيال بالطريقه دى ولا حتى الاغانى فين اغانى زمان فريد الاطرشى ولا عبد الحليم و عبد المطلب دول الجيل الجميل مش تقولى ماعرفش هيفا ولا اللى اسمه حسنى دا
احمد: ههههههههه طيب ممكن بس يا عمى(وبينظر لرهف ويغمز) تسمع الاغنيه دى دى لعمرو دياب وانا بهدهالك انت وبس ماشى ياعمى
محمد: نعم يااخويا انت فكرنى البت بتعتك ولا ايه انا عمك محمد ياسى احمد
احمد: ههههههه والله انت عندى احلى مخلوق فى العالم يا عمى بعد اذنك دولوقتى عشان تسمع الاغنيه بهدوء
وبعد ذهاب احمد رهف ابتسمت واتحرجت لانها شعرت انه بيوجه كلامه ليها وكمان الاغنيه دى ان بالفعل ليها فاسحرت شويه فى كلام احمد وافاقت على صوت والدها
محمد: روحتى فين يا رهف
رهف: ها معلش يابابا اصلى مش سمعاك من الدوشه فى حاجه
محمد: اصلى بقولك الواد احمد ده شكله اتجن اغنيه ايه اللى بيهدهالى دى
رهف: هههههه شكله بيحبك اوى يابابا بقولك انا استاذنك اروح عند يارا
محمد: روحى يا رهف يا بنتى