سهام الحب

50

الحلقه ال 50 والاخيره (الجزء الاول )
عاد الى منزله بعد يوم طويل وشاق فى عمله ليجد بانتظاره والداته وزوجته يستغربون ماجيئه بمفرده
سهير تنهض من على مقعدها وتذهب اليه مسرعا: جمال فين ابوك ماجاش معاك ليه
جمال باستغراب: ليه هو لسه ما رجعش من عند عمى محمد ولا ايه
سهير باستغراب اكثر: عمك محمد هو عنده اومال من شويه كنت بكلم صفيه وماقلتيش انه عندهم
جمال اندهش واخرج من جيبه هاتفه : طب ثوانى هاتصل بيه اهو
هدى : طب بسرعه ياجمال عشان نطمئن
جمال: طيب ماهو انا بتصل بيرن موبايله
سهير بقلق: ها رد عليك
جمال: استنى بس ياماما الو ايوه يا بابا انت فين
شوقى: انا عند عمك محمد اصله مسك فيا انى اكل معاه فيه حاجه
جمال اطمئن: الحمد لله لا اصل ماما قلقانه عليك اهى مع حضرتك
شوقى: الو ايوه يا ام جمال اطمنى انا كويس انا جيت عند محمد عشان شغل وكده
وبعدين مسك فيا اكل معاه معلش والله الكلام معاه نسانى الدينا وما فيها
سهير: على العموم الحمدلله انى اطمنت عليك طيب سلملى عليه كتير على بال ما اجاى شويه كده طيب مع السلامه
جمال: ها اطمنت بقه يا ست الكل
سهير: الحمدلله ياجمال انا اتخضيت لما دخلت وهو مش معاك
هدى: الحمد لله
جمال: طيب ايه مش هاتاكلونى ولا اروح اكل عند عمى محمد انا كمان
هدى: ايه لا طبعا دقائق والاكل يكون جاهز
وافقه مندهشه ومستغربه وجدوهم فى هذه المنطقه
احمد مبتسم: هاتفضلى متنحه كده كتير يالا تعالى معايا
رهف باستغراب: على فين ياحمد
احمد بضحك: هههههه لا ابدا هاخطفك وارجعك تانى بسرعه لاهلك هايكون ايه يعنى اوريكى المفاجاه ولا مش واثقه فيا
رهف: لا طبعا اكيد موش واثقه
احمد: ههههههههه يالهوى مش واثقه فيا لا ياستى ماتخافيش منى دا حتى انا طيب جدا ومودب
رهف: ههههههههه اه ماهو باين
وهنا وقبل ما يذهبوا رن هاتفها المحمول
رهف: السلام عليكم منه فيه ايه عايزه ايه قولى يالا
منه: ايه يابنتى حتى ادينى فرضه ارد السلام بتاع ربنا عليكى
رهف: ههههههه معلش اصلى لسه سيباكى من شويه ايه لحقتك اوحشك
احمد يغمز لها : انا بس اللى بتوحشينى يا عمرى كله
رهف تضع يدها على هاتفها: اسكت بقه خلينى اعرف اتكلم
رهف: معلش يامنه خير
منه: ههههههه بعد ده كله ياختى طيب بصى نوال بننت عمتى مستنيه دولوقتى فى الاتيليه ها هاتيجى ولا موش
رهف: مش احنا اتفقنا اننا نروح بكره ايه اللى جد
منه: اللى جد يا موزه انها جتلها موديلات كتير اوى النهارده وكمان عندها زباين كتير جدا فاتصلت بيا وقالتلى انى اقولك
رهف تضع يدها على هاتفها: احمد قريبه منه اللى كنا المفروض نروح ليها بكره جتلها النهارده تشكيله بتقول انها جميله وجديده ايه اروح ولا ايه رايك
احمد: طبعا تروحى دولوقتى طب يالا وانا اوصلك
رهف: طب والمفاجاه
احمد: ههههههه ياستى المفاجاه تستنى اما الفستان ممكن يتاخد فى اى لحظه
رهف: طيب يا منه انتى فين دولوقتى ايه اوكيه انتظرينى بقه بعد دقائقان شاء الله تحت بتكم سلام يا مونى
وبالفعل انطلق بسيارته متجه بها الى بيت صديقه رهف ومنها الى مكان الاتيليه
وبعد ما وصلوا
احمد: رهف خلى بالك من نفسك والموبايل ما تقفلهوش تمام
رهف: طيب هو انا هاسافر ولا ايه انا هنا فى العماره دى وكمان مش اتاخر
احمد: طيب صح بقولك ايه
رهف تنظر الى منه ثوانى يا مونى اروح اشوفه عايز ايه: نعم يا سيدى
احمد: خلى بالك من البروفه اللى هاتقيسى فيها ومن المرايه ممكن تكون مزدوجه
رهف: مزدوجه يعنى ايه
احمد:يعنى ممكن تشف من داخل غرفه تانيه وتبانى يا حبيبى وانتى بتغيرى هدومك
رهف: يانهار اسود طب وبعدين بس مايتهيليش ان مدام نوال عندها الجاحه دى اصلها قريبه منه
احمد: برضه حرصى من اى شى الواحد اليومين دول بيشك فى صوابع ايده مش فى اصدقائه كمان
رهف: تمام ايه اؤامر تانيه قبل ما امشى كده هاتحمض من وقفتها كده لوحدها
احمد: تحمض طب يالا ياختى روحلها قبل ما رحتها تطلع
رهف: هههههه سلام
جالس بمفرده فى مكتب الطبيبه منتظر خرجهم من غرفه الكشف وبعد دقائق خرجت الطبيبه وعادت اليه
شريف: خير يا دكتوره البيبى تمام
الدكتوره: الحمدلله كل حاجه كويسه الميه والوزن طبيعى ولله الحمد
شريف : طب الحمدلله
وهنا جاءت اليهم سارا مبتسمه وتجلس فى المقعد امامه
الدكتوره: اتفضلى يا مدام سارا دى فيتامينات لازم تيجبيها وتاخديها من النهارده ماشى
سارا بفرحه: ماشى يا دكتوره
الدكتوره: ولو ظهرت ليكى اى علامات من اللى قلت ليكى عليها اتصلى بيا فورا
سارا: ان شاء الله
شريف ينهض: طيب بعد اذن حضرتك
الدكتوره: اتفضلوا
وبعد ما غادرو العياده واستقلوا سيارتهم
شريف: ايه الاخبار فى حاجه شايفك سعيده اوى وفرحانه
سارا بفرحه: بصراحه فرحانه اوى يا روفه
شريف: طب ما تفرحينى معاكى
سارا: انا عرفت انا حامل فى ايه
شريف: بجد ومخبيه عليا دا حتى الدكتوره ما قلتش يعنى
سارا: اصلى انا قلتلها انها ما تقولكش عشان انا اللى عايزه اقولك بنفسى
شريف: طيب قولى بقه
ساراك اممممممممم طب الاول قولى نفسك فى ايه
شريف: اى حاجه كل اللى يجيبه ربنا كويس ولد او بنت المهم الخلقه التامه وتقومى بالسلامه
سارا: اممممممم طيب هايجيلك عريس ان شاء الله يا ابو العريس
شريف بفرحه : بجد يعنى فى بطنك ولد يا رورو
سارا: وحياه شريف عنده اه فى بطنى ولد ان شاء الله
شريف: الف حمد وشكر ليك يارب
سارا: فرحان يا شريف
شريف: اكيد يا حبيبتى دا انا عايز اطير من الفرحه
سارا: ربنا يسعدنا جميعا يالا بقه عايزين نروح نطمنهم ونفرحهم
شريف: هوا يا رورو
وبالفعل انطلق بسيارته متجه الى منزلهم وبالفعل ذهبوا اليهم سعداء بما لديهم من اخبار سعيده وبالفعل وصلوا المى المنزل ووجده والداته كانت بانتظارهم,,,,,