سهام الحب

23

الحلقه ال 23 الجزء الاول
رهف خرجت من الغرفه وذاهبه الى المصعد وبالفعل ركبت الاسنسير ولسه
ها يغلق باب الاسنسير قامه بفتحه
رهف بخجل ومندهشهمخضوضة: احمد
احمد بابتسامه: هو بعينه رايحه فين
رهف بخجل: ها تحت قصدى رايحه
احمد: هههههههههه ايه يا بنتى مش مركزه كده ليه
رهف افتكرت مكالمه امس لما اتحرجت منه: ها لا قصدى انا رايحه اجيب نسكافيه
احمد بابتسامه: طيب هاروح معاكى اجيب انا كمان
رهف: ها لا ما ينفعش طيب اروح انا وانزل على السلم اسهل
ولسه هاتتجه الى خارج المصعد قام احمد بمسك يدها بحب
احمد: استنى رايحه فين هو ايه اللى اسهل السلم احنا فى الدور الرابع
وهاتتعبى من السلم ادخلى بقه ولا مش واثقه فيا
رهف بكسوف: ها لا انا واثقه فى نفسى اكيد
احمد بابتسامه: ياراجل واثق فى نفسك
رهف: احمد انا مش راجل على فكره انا بنت
احمد: هههههههههه واحلى بنت بقولك كده مش هاينفع لا نطلع من الاسنير لاما ننزل بيه عشان العطله بس
رهف: ها طيب خلاص
وقام احمد بقفل الاسنسير ونظر الى رهف التى كانت فى قمه الخجل منه وكانت بتبعد عنه لدرجه انها وصلت الى اخر ركن وهو كان كاتم الضحك على منظرها
ووصل المصعد الى اسفل وخرجت منه رهف مسرعا وذهبت الى الكافتريا
احمد: استنى يا بنتى فى ايه حد بيجرى واركى
رهف: لا اصلى مستعجله
احمد: اممممممم طيب ها عايزه ايه
رهف: نسكافيه
احمد: بس مش عايزه معاه اكل ولا حاجه
رهف: لا شكرا
احمد: زى ما تحبى وطلب من العامل 2 نسكافيه
رهف ذهبت لتحاسب على النسكافيه الخاص بها
احمد: ايه اللى انتى بتعمليه ده كده ما يصحش
رهف: وانا بعمل ايه انا بحاسب على النسكافيه وما بحبش حد يبجى عليا
احمد: لا والله حد برضه طيب
وحاسب احمد على المشروبات وذهبوا ثانيا الى المصعد وهما فى الطريق
رهف: انا هاطلع على السلم
احمد: يا رهف هاتتعبى وكمان ما تخافيش انتى لما نزلتى عملتلك حاجه
رهف: امممممم قاعدت تضحك عليا
احمد: ههههههههه اصلك بصراحه كنتى عسل اوى
رهف اخجلت اكثر
احمد لسه هايتكلم اوقفته فتاه
نادين : اهلين يا احمد عاش من شافك فينك يا كابتن
احمد اندهش: ازيك يا نادين يخربيت عقلك انتى لسه عايشه
نادين بدلع: هههههههه دمك لسه خفيف زى ماهو
احمد: طول عمرى وحياتك
وهنا رهف كانت غضبانه وعلى اخرها منه ومن طريقه كلامه مع فتاه غيرها
رهف بنرفزه: بعد اذنكم
احمد لاحظ تغيرها : طيب يانادين سلام انا بقه
نادين: اوك سلام خالينى اشوفك باى,,,,,,

الحلقه ال 23 الجزء الثانى
مكان ثانى
يارا: ها كده مرتاحه كويسه
سارا: جدا جداميرسى ليكى يا يارا
يارا: ماتقوليش كده احنا اخوات يا سوسو
وهنا دق الباب ودخلت منه بثينه
بثينه: السلام عليكم حمد لله على سلامتك يا جميل
سارا: وعليكم السلام الله يسلمك يا بوسى
بثينه: ازيك يا يارا اخبارك
يارا: الحمد لله كويسه انتى عامله ايه
بثينه: الحمد لله خلاص هابتدى شغلى من اول الاسبوع القادم ان شاء الله
سارا: طب كويس ربنا يوفقك ويوفقهم معاكى يا بسبس
بثينه: اومال راح فين احمد
سارا باستغراب: احمد ما مشى امبارح هو ماجلكمش ونام عندكم ولا ايه
بثينه: لا جه وبات واول ما طلع الصبح قال لوليد انه جاى هنا حتى انا شوفت عربيته تحت فى البركن وانا طالعه
سارا اندهشت واترسم على وجهها غضب وشك
اكيد شافها تحت وقعد معاها هو مش هايجبها لبر انا عرفاه طيب يا احمد بس لما تتطلعى هنا
بثينه: واخبار كوكى ايه والله وحشتنى خالص
يارا: الحمد لله انتى كمان وحشتيها كل شويه بتسال عليكى
بثينه: اول ما القى وقت فاضى هابقى اجلكم واشوفهم ان شاء الله
يارا: انتى تنورينا
بثينه: وانتى يا سوسو الحمد لله بقيتى احسن
سارا: ها اه الحمد لله
وهنا الباب دق ودخل شريف: السلام عليكم
كلهم: وعليكم السلام ورحمه الله وبركاته
شريف: ازيك يا بثينه
بثينه: الحمد لله الف سلامه على سارا
سارا: ها يا شريف قالك ايه الدكتور
شريف: ما ينفعش تروحى النهارده لازم تقعدى لبكره عشان لسه العلاج والمحاليل ما خلصتش
سارا: اممممممم طيب
يارا: خلاص روح انت يا شريف وشوف وراك ايه وانا هاقعد معاها وهابيت كمان النهارده وانتى ماتشلش هم
شريف: ومين قلك انى تعبان ومحدش هايبيت مع مراتى غيرى انا ومش هاروح الا وهى معايا
سارا مبتسمه وفرحانه: طيب على الاقل روح غير هدومك وتعالى
شريف: اذ كان على كده ماشى انتى جايه لوحدك يا يارا
يارا وكانها نسيت اختها : ها لا انا جايه مع رهف
شريف منفعل: اومال هى فين
يارا: راحت تجيب نسكافيه وجايه
سارا نظرت الى شريف فاوجدته قلقان ومنفعل وقالت فى سرها
ربنا يسترها عليا وعليها
وصعدت رهف مسرعا الى الغرفه وقبل ما تفتح وجدت يد على يدها
احمد بينهج: استنى بس حرام عليكى انا بالشكل ده مش هاقدر اتجوزك
رهف اتحرجت لكنهاغضبت منه: طب لو سمحت خلينى ادخل
احمد:مش قبل ما تسمعينى
رهف: ما ينفعش صوت اخويا جوه الله يخليك خلينى ادخل بدل ماتقرا عليا الفاتحه شويه كده
احمد بحب: ما انا فعلا هاقرا الفاتحه بس مش عليكى بس وعليا كمان لما نتخطب
رهف اخجلت اكثر: طب بعد اذنك ايدك
احمد: طيب ادخلى ولينا كلام تانى وانا استنى شويه وبعدين هاجاى سلام موقت
(ولمس بيده انفها برومانسيه )
رهف ماكانتش حاسه بنفسها وفتحت باب الغرفه وجدت اخاها شكله غضبان
شريف بنرفزه:كنتى فين
رهف محمره وخايفه : ها كنت بجيب نسكافيه اهو
شريف: طب اتاخرتى ليه كل ده
رهف: اصل الاسنسير كان زحمه فاضطريت انزل على السلم
وهنا دق الباب ودخل احمد وقلق لما شاهد شريف.