سهام الحب

32

الحلقه ال 32 الجزء الاول
وفى الليل جاء صوت شبه بيتالم حنين ومتوجه من غرفه شريف وسارا وهناك
شريف قايم من نومه مخضوض من صوت سارا: سارا مالك فى حاجه
سارا بتعب: لا مافيش شويه مغص بس
شريف قام وفتح الابجوره: مغص من ايه
سارا: تلاقينى عشان تقلت فى الجاتوه بس اصلى بحبه اوى
شريف: ههههههههه يعنى جالك مغص من اكل الجاتوه ماكنتيش اكلتى كتير منه مدام عارفه بانه بيتعبك
سارا بتعب اكتر : اه مش قادره الله يخليك يا شريف هاتلى قرص من فى الشنطه بتاعتى
شريف قام من سريره متجه الى الخزانه وفتحها واطلع منه الشنطه ومنه القرص
شريف: يقرا اسمه : الاقراص دى بتاعه ايه بالظبط يا سارا
سارا : دى مسكن ليس الا
شريف ينظر لها ويبتسم: حلوه اوى ليس الا دى يا رورو حتى وانتى تعبانه قمر برضه
سارا: شريف مش وقت اعجاب ولا ضحك هاتلى بسرعه قرص وكوبايه مايه من فضلك
شريف: انتى تومورى يا قمرتى اتفضلى
وقام باعطاها القرص وبعد ذالك نامت بل ناموا سريعا
من ناحيه اخرى
رهف: انت بتتكلم بجد ولا عايز تهدينى بس
عمر: واهديكى ليه من اساسو يا بنتى وانتى اهو كويسه ومافكيش اى حاجه
رهف: يعنى انت اخيرا هاتتجوز ومين بثينه
عمر: ان شاء الله هاكلم عمى شوقى بكره ونشوف
رهف: والمرحومه يا عمر هاتنساها
عمر وينظر الى رهف وكل عيونه مليئه بالدموع
رهف لاحظت فاذهبت اليه : انا اسفه يا عمر والله سامحنى الله يخليك
عمر: مافيش حاجه يا رهف بس فاطمه جوه قلبى يا رهف وبعدين انا هاتجوز مش عشان احب لا انا هاتجوز عشان اعيش وبنتى تعيش وتحب الحياه
رهف: طب مش المفروض تكلم بثينه نفسها مش خالها او حتى باباها يمكن
عمر نظر اليها : ايه هاترفض مثلا
رهف: لا انا ما قولتش كده يا عمره انا بس بقول بلاحظ عليها بانها مع احمد بتضحك وكده يعنى يمكن ما بنهم حاجه
عمر:لا والله رهف اللى بتقولى الكلام ده بس انا عايزك تتطمنى لانها مش فى قلب احمد ولا حتى بيفكر فيها يا انسه رهف بقولك انا هاروح بقه انام لاحسن ملك تقوم وماتقلنيش فاتتخض عليا
وهنا دخلت عليهم يارا وهى مبسوطه جدا لانها هاتعرفوا بعدين
يارا: انت هنا يا عموره
عمر: ههههههههه لا هناك ياست فايقه مالك عينكى مبسوطه يعنى
يارا: وما اتبسطش ليه بقه
عمر: ربنا يبسطك يا ستى كمان وكمان
رهف بخفه وكانها نسيت كل شى عن دوموعها: اه تلاقيها اتكلمت مع تامر
يارا بسخريه: ههههه لا يابت ظريفه بقولك مش كنتى من شويه مخموده ايه اللى صاحكى
رهف: هههههههه عشان استظرف عليك
عمر: طب اسيبكم بقه تستظرفوا على بعض واروحو انام
وقبل ما يذهب
يارا: عمر كنت عايزك فى موضوع مهم
عمر: ماشى بس مش دولوقتى لانى عايز اترمى على السرير للصبح
يارا : اوكيه بكره ان شاء الله
عمر: لا بكره هاروح هاودى ملك بعد المدرسه على الملاهى
رهف: ايه ملاهى بجد طب خدنى معاك يا عمر الله يخليك
عمر: هههههههه بقولك هاودى بنتى مش اختى يالا اصبحوا على خير
يارا ورهف: وانت من اهله,

يارا: رهف ها ايه الاخبار وكنتى ليه من شويه نايمه وايه اللى صحاكى
رهف: مش عارفه بس تقولى ملل بقه صح ايه اخبار البارتى
يارا: كويس صح هدى بعتت ليكى جاتوه تحت فى الثلاجه حاطيته
رهف: اوووووووو بجد هاروح اجيبه اصلى جعانه موت
يارا: ههههههه طيب وانا هانم واوعى تعملى دوشه لما ترجعى
رهف: اوك يا معلم
وخرجت رهف مسرعا الى الخارج وذهبت الى المطبخ
وفى النهار الباكر الكل فايق وبيتناولو الافطار وعلى المائده
صفيه: هى سارا ماصحيتش ولا ايه يا شريف
شريف: لا ياماما اصلها تعبانه شويه
محمد: تعبانه ازاى يعنى مالها يا شريف
شريف: ما تقلقوش بس عندها شويه مغص بسبب الجاتوه
صفيه: اه ياحبيبتى انا شفتها وهى عماله تاكل فيه بكثره وقولتلها انا ومامتها كفايه عشان ماتتعبيش
شريف: هى فعلا تعبت وجالها مغص وخدت مسكن وبقت الصبح احسن لما صحتنى
محمد: تبقى يا ام عمر تعميلها حاجه سخنه وتوديها عندها
صفيه: من غير ما تقول يا ابو عمر
وهنا نزل عمر هو وابنته من اعلى
عمر: صباح الخير
كلهم: صباح النور اقعد عشان تفطور
عمر: لا اعملى بس ياماما لملك سندوتشات كده عشان نلحق المدرسه راحت عليا نومه النهارده
صفيه: وياترى خير وايه اللى مسهرك وخالك راحت عليك نومه
عمر : هاقولك بعدين عليها وعلى فكره هاتفرحك اوى سلام
صفيه ومندهشه: هافرح عليها انتم فاهمين حاجه
شريف: ما تخديش فى بالك ما انتى عارفه عمر اكيد بيهزر
صفيه: لا انا المردى حاسه ان فى حاجه بجد
شريف قام من على الكرسى: طيب اكيد هاتعرفيها بعدين عايزين حاجه قبل ما امشى
محمد: خدنى معاك اصل توفيق السواق مراته تعبت وقولتلو ياخد اجازه
شريف: طب يالا بينا يا بابا
محمد: طب روح اطمن على مراتك على بال لما اجهز
شريف: ما انا لسه نازل يا بابا يالا احنا بس عشان مانتاخرش انت عارف ان النهارده الميزانيه لازم تتقفل
محمد: طيب اتفضل يا سيدى
صفيه: انا هاروح اطمن عليها وبالمره اعمل لها حاجه دافيه
وبالفعل ذهبت الى غرفه سارا فاوجدتها نائمه فانسحبت بهدوء لكى لا توقظه