என் உயிரினில் நீ

26

ப்ரியாவின் ஆபீஸ் அறைக்கு இரண்டு கதவுகள்.ஒன்று விசிட்டர்ஸ் வருவதற்கு முன் பக்கமும் ,ரிசப்சன் ஏரியாவில் இருந்து நேரடியாக வருவதற்கு இன்னொரு கதவும் இருந்தது.ரம்யாவும் அர்விந்தும் ரம்யா நுழைந்த முன் கதவால் வெளியேற நடந்த அனைத்தையும் சங்கீதாவும் ரேனுவும் மற்ற கதவருகில் நின்று கேட்டுக்கொண்டிருந்தனர்.

ரேனு உடனே அவ்விடத்தை விட்டு தன் இருக்கைக்கு செல்ல சங்கீதாவோ புயலென ப்ரியாவின் அறைக்குள் நுழைந்தா.

"ஏண்டி உன் மனசுல நீ என்ன பெரிய உலக அழகின்னு நினைச்சிக்கிட்டு இருக்கியா.என்னத்த நினைச்சு நீ அப்படி பேசின.ஆமா இந்த ஆபீஸ்ல 18 பொண்ணுங்க இருந்தும் எவளாவது ஒருத்திகிட்ட அர்விந்த் தப்பா பேசிருக்கானாடி.ஆனா நீ ஏதோ மறைக்குற.இல்லன்னா எதுக்கு நீ நேத்தைக்கு அவன் தலை குனியிரத பார்த்து குரூரமா சிரிக்கனும்.நான் பார்த்தேன் ப்ரியா.நீ இல்லைன்னு பொய் சொல்லாத" என்றவளை ப்ரியா

"லூசாடி நீங்கள்ளாம்.அவன் என்னடான்னா நான் அவன காதலிக்கல்லயா என்று கேட்கிறான்.நீ என்னடான்னா அவன பார்த்து குரூரமா சிரிச்சேன்னு சொல்ர.ஆமா. உங்களுக்கு எல்லாம் என்ன பைத்தியாமா பிடிச்சிருக்கு.ஏன் இப்படி கற்பனையா யோசிக்கிறீங்க" ப்ரியா

"போதும் நிறுத்து ப்ரியா.இந்த கம்பனில யாருக்குமே ஜாப்ப ரிசைன் பன்னும் போது நோட்டீஸ் பீரியட் கொடுக்கனும்னு ரூல்ஸ் கிடையாது.ஆனா நீ அவனுக்கு 6 மாசம் போட்டிருக்க.எனக்கு அப்பவே ஏன் இவ இப்படி போட்டான்னு ஒரு சந்தேகம் வந்துச்சு.ஆனா இன்னைக்குதான் அது ஏன்னு தெளிவா தெரிஞ்சது.உனக்கு அவன கானர் பன்னனும்.அவன அங்க இங்க அசையவிடாம ஒரு கையாளாகதவனா நிக்கவைக்கனும்.அதானே" சங்கீதா

" சட் அப் சங்கீதா.நான் ஒன்னும் அவனுக்கு மட்டும் இதை செய்யல.இனிமே யார ஹயர் பன்னாலும் இதுதான் ரூல்ஸ்னு நினைச்சிருக்கேன்"என்றவளை

"அப்படியா.அப்படின்னா இந்த ரூல்சை HR லீசாக்கு அனுப்பினத காட்டு நான் நம்புறேன்.சும்மா போடி.நீ ஏதோ ப்ளான் பன்னி அவனுக்கு இப்படி பன்னிட்டு.ச்சே உன்னைப்போல ஒருத்தியோட இவ்வளவு நாளும் ப்ரெண்டா இருந்ததை நினைக்கும் போது எனக்கு அருவருப்பா இருக்குடி.அர்விந்த் டெல்லில நடந்த எல்லாமே சொன்னான்.அதெல்லாம் இல்லைன்னு சொல்ல போறியா" என்றவளுக்கு பதில் கூற ப்ரியா வாய் எடுக்க படாரென்று கதவை திறந்து உள்ளே ரேனு வந்து ப்ரியாவின் மேசையில் ஒரு கவரை தூக்கி வீசினாள்.