اغتيال مشاعر

التعارف

زهور ..اشتريت قطعة ارض واتصلت بشركه منزله اعلانات واصدقاء نصحوني بالتعامل وياها لان عدهم مصداقيه طلبت يدزولي مهندس حتى يرسملي الخريطه ونتفق على التكاليف ومده الانجاز دزو عادل اني طبعي احب المعجبين جايز تسموه انتو غرور بس اني احب وين ماروح اكون محط الانضار والي يقابلني احسه يقدرني من يبدي اعجابه بيا من التقيت بعادل لقائه ويايه كان بارد ابعد الحدود عبالك عمره مسامع بيا ولا شايفني كلامه عملي كان جدا
عادل..مرحبا اني مهندس عادل دزتني الشركه للانسه زهور
زهور..نعم تفضل معقوله معرفتني ولاشايفني اني فنانه
عادل..اتشرف بيج اسف اذا معرفت حضرتك المهم انسه اريد اعرف شنو الي تفكرين بيه كخريطه لمنزلك
زهور..اول شي شنو تشرب
عادل..كهوه اذا امكن
زهور..صار دقيقه استريح هنا علما اسويها الك
عادل..لا لا تكلفين نفسك بس مي لان عندي شغل
زهور..شنو هذا معقوله ميشوف جمالي يتمنون الزلم يكعدون ويايه استاذ عادل اريد بيت بسيط وفكره جديده يليق بيا كفنانه
عادل..اهوو مغروره عبالك بس هي فنانه اي ست كملي
زهور .. انت ارسم مخططاتك وباجر جيبهن اشوفهن واختار
عادل..ست موهيج الحجي لازم تنطبني افكار امشي عليهن
زهور..عندك تصاميم جاهزه اشوفهن
عادل..اي تفضلي يفتحلها اللاب توب تتصفح بالتصاميم تختار واحد يعجبها
زهور..هذا اريده كلش حلو بس اريد تنطيني سقف زمني للتنفيذ يعني متطول عليا
عادل..ست احنا معروفين بالمصداقيه مع العملاء خلي احسبلك التكاليف وشكد المقدم  واحددلك وقت التسليم
زهور..اوك احسب
عادل..ست مو هنا اروح اكو قسم مختص بهيج امور اني اشرف على التنفيذ
زهور..اريد اسرع وقت لو تكدر هسه تتصل بيهم وترسللهم الخريطه لان مستعجله
عادل..صارة ست دقيقه اتصل بيهم
زهور..راح اسويلك كهوه علما تكمل
عادل..اوك دقايق ماطول
زهور..شتحب تشربها
عادل..كهوه تركيه ومحلايه
زهور..اوك يعني اخليلك سكر صار
...
عادل ..ست البيت يكلفك 75 بناء وقت شهرين
تارا..لاعفيه شنو شهرين بلكي اقل
عادل ..ست هذا السقف الزمني الي حددوه الي المختصين اكيد راجعو جداولهم يرن موبايل عادل
عادل..الو
رهف ..الو عادل وينك ليش ماجيت اليوم تاخذني للكليه مو كتلك والدي ميخليني اطلع بمكياج الا بموافقتك
عادل..عفيه اني بالشغل بس اكمل امر عليج وافهمك
رهف..اؤؤف كلما احجي وياك تكلي شغل صديقاتي المخطوبات يوصلوهن للكليه ويطلعن ويخشن واني مسجونه حتى مكياج حرام
عادل..صار تدللين بس اكمل شغلي عفيه اوك
رهف..اؤؤف بس هاي الي ماخذته منك
عادل..شكرا باي
زهور..اي استاذ عادل ميصير اقل من شهرين
عادل ..لاست اكذب عليج قابل اترخص هسه ارجع للشركه ومن توافقين اتصلي بيا على هذا الرقم ممكن حتى اكمل الاوراق وابده التنفيذ
زهور..ابقى موافقه شبيك طاير جيب الاوراق اني مستعجله على البناء
عادل..صار ست دقيقه عندي عقد جاهز تفضلي
زهور..تقترب من عادل عطرها نفاذ وملابسها دلع يحاول يبعد راسه عن جسدها الي صار قرب اصبعين
زهور..وين اوقع
عادل..ست هنا بلازحمه وياشر اسفل العقد تجلس بصفه ويحتك جسمها بيه وتوقع 
اوك شكرا ست خلصت العقد من باجر ابده التنفيذ ان شاء الله يلم اوراقه بسرعه
زهور..هذا شبيه مستعجل
....
بعد اسبوعين تمر زهور تشوف العمل هي واكفه ويا مهندس عامل قرب جدار صاعدين العمال يوكع عليها شويا سمنت
زهور.. اثول هاي شنو توجه كلامها للعامل
عادل..ست ارجوج العامل ميقصد تعالي وخري من يمهم
زهور..لا اثول ميشوفنا واكفين
عادل..ست ماسمحلك انت واكفه مكان غلط وخري منا خلي نكمل شغلنا
زهور..شنو تطردني ليش هسه كلكم ابطلكم واجيب احسن شركه
عادل..ست بينا عقد ملزم ابني بيتك حسب المواصفات المكتوبه بس مملزم اخليج تغلطين على العمال احترمي نفسك ارجوج
زهور..يجيها اتصال تروح لسيارتها تكمله وتتركهم متعصبه
....
عادل .. ايضا يجيه اتصال من صديقه امجد يبلغه الخميس الحنه والجمعه الزفه بنادي الصيد يفكر يتصل برهف ياخذها وياه للعرس الوو رهف حبي معزوم بعرس صديقي الخميس بنادي الصيد
رهف..صدك اجي علواه اخلص من خنكة البيت
عادل..اوك امر عليج نطلع نشتري احلى فستان لاخلى عروسه
رهف..اوك منتضرتك
..
زهور..ايضا يجيها اتصال من مدير اعمالها
الوووهلو زهور عدنا حفلة عرس بنادي الصيد
زهور..ارجوك شنو ماريد حفلات اعراس
مدير..مو بكيفج زهور انتي مرتبطه بعقد لازم نغني باعراس وملاهي
زهور..عفيه تعبانه
المدير..هسه كملي الحفله والله كريم عود نتفاهم
زهور..شكد مكروه ميحس بيا لازم اشوفلي مدير غيره يسويلي حفلات على مسارح راقيه وهذا عادل المهندس لازم ادبه شنو هيج يحجي ويايه كدام العمال اني مستاجرته يشتغل عندي لازم يعرف اوادمه زينه هبه صديقة زهور المقربه تدخل على زهور تكطع سلسلة افكاره بعادل
هبه..هاي وينك صايره متسئلين
زهور..هلو هباوي اسفه مشغوله بالبيت الجديد والحفلات هذا المهندس الجديد فشلني كدام العمال شكد مكروه
هبه..مكروه لو عاجبك اعرفج كلش زين من تفكرين بشاب
زهور..لاهذا شنو اباوع عليه على العموم الخميس عندي حفله بنادي الصيد تجين ويايه
هبه..اي والله ضايجه اجي ليش لا
...
عادل يروح لرهف حتى يروحون للحفله بنادي الصيد رهف لابسه فستان اسود وقصير وطالعه جميله بيه ياخذها ويروحون للعرس ايضا زهور هم تروح لان تقدم فقره بالحفله عادل يتقدم يبارك لصديقه امجد هو ورهف ويكعدون قريب الاستيج امجد تدخل زهور تصعد للاستيج تلتقي عيونها بعادل
زهور..هذا شجابه ومنو وياه يلا اني خلي اثير غيرتها واخرب عليه تتقرب من عادل وهي تغني وتغمزله
رهف..هاي تغمزلك المطربه زهور انت تعرفها
عادل..اي اني لازم بيتها الجديد
رهف ..صدك عفيه لعد خلي ناخذ وياها صور
عادل..صدك هذا تفكيرك يعني محسيتي بغيره من غمزتلي
رهف..ليش اغار اعرفك تحبني ومتباوع لغيري
عادل..يعني عندك ثقه بيا
رهف..لا واثقه من نفسي وتضحك
عادل..يحس ان رهف متحبه لان متشعر بغيره عليه
زهور..تتقرب من عادل تطلب منه يصعد يرقص وياها
رهف..كوم عادل خلي اكوم وياك ونركص عفيه
عادل..كافي رهف ليش تحسسيني انت همك فقط الونسه واني مهامك بشي
رهف..اوف شكد كابه شبيك خلي نتونس كلهم كامو يركصون
عادل..صار مثل متريدين بنت عمي يكوم يركص وتركص ويا رهف تتقربلهم زهور هي تغني وتركص تقابل عادل
زهور..لاول مره تحس بشي اتجاه عادل مبين هاي الي وياه متحبه مع العلم عادل وسيم وحباب متستاهله
عادل..يرجع يكعد ويجر وياه رهف منزعجه متريد تكعد
رهف..اؤف شبيك عادل خلينا متونسين
عادل..شبيج رهف متشوفين الشباب عينهم عليج شنو ماعندي غيره
رهف..اشو اني ماغار عليك مو غمزتلك زهور وركصت وياك واكلتك بعيونها
عادل..لان الضاهر حبي من طرف واحد بس اني اغار عليج
رهف..اهوو لاتكبر الموضوع عادل خلينا متونسين وتضحك بوجه
عادل..اخ بس تضحكلي احس الدنيا ضحكتلي هم يجي يوم واحسها تحبني ليش متحسسني بشي ليش وافقت من الاول تخلص فقرة زهور تجي زهور تسلم على عادل
زهور..هلو استاذ شلونك
عادل..هلو ست خوما بعدك زعلانه
زهور..محد يكدر يزعل منك منو الحلوه عرفنا عليها
عادل..اسف رهف خطيبتي 
زهور..تشرفنا
رهف..النا الشرف اريد اخذ وياج سلفي للذكرى
زهور..تدللين حبيبتي تكعد يم رهف وياخذن صور
زهور..عادل تعال يمنا هم ويانا اريدك بالصور
تنتهي الحفله وعادل يرجع رهف لبيتهم ويرجع لبيته بالطريق يرن جهازه رقم زهور
زهور..الحكلي عادل سويت حادث وماعندي غيرك اني بالشارع بحدي
...
للحديث تتمه هل تحاول الانتقام من عادل ام فعلا اعجبت به
#امجد