عادل بعد ماوصل رهف اجاه اتصال
زهور..الو عادل الحكني سويت حادث على السريع عفيه ماعندي غيرك
عادل..دقايق وجايج خوما اتاذيتي
زهور..اي دايخه راسي انضرب بالجام وهبه صديقتي مغمى عليها
عادل..اني قريب عليكم دقايق واوصلكم
يوصل عادل زهور صادمه الرصيف متاذيه سيارتهم ياخذها وياخذ هبه بسيارته للمستشفى
زهور..همزين اجيت كنت خايفه
عادل..همزين قريب عليكم
زهور..عفيه لاتتركني خليك ويانا
عادل..خلي هسه اطمئن عليك تخلي راسها على كتف عادل
يوصلون للمستشفى ينزلهم ياخذون اشعه ويفحصوهن الاطباء وياخذهن للبيت
زهور..عفيه عادل لاتتركني دايخه ارجوك
عادل..ماكدر ابقى انتي عايشه لوحدك
زهور..ارجوك خايفه خليك يمي ودوخ يشيلها للسرير يغطيها ويرجع يتمدد بالصالون تاخذه النومه من التعب يحلم برهف بحضنه يحضنها وينام يصحى الصبح يلكه زهور نايمه بحضنه يفز خايف شجابها بحضنه يكعد يبدل ويطلع زهور بعد ميخليها بفراشها تكوم للصالون تشوف عادل تنام بحضنه اول مره تحس بالامان كل الي عرفتهم طمعانين بيها لو طمعانين بشغلها يستغلوها بالحفلات ويبيعون بيها ويشترون الوحيد عادل ميعاملها كنجمه او يشوف جسدها تصحى متلكه عادل تتصل بيه
زهور..الو عادل انت وين
عادل..الو هلو زهور ارجوج اني ماعرف شجابك بحضني اني اسف
زهور..اني اجيت حسيت بخوف واجيت نمت بحضنك اول مره احس بالامان
عادل..صعب زهور اني خاطب بنت عمي واحبها ماريد اضحك عليج ارجوج
زهور..اني ماريد تترك خطيبتك اريد نبقى اصدقاء انت الوحيد الي ميدور مصالح او ينضرلي كجسد او بضاعه مربحه يبيع بيها ويشتري ممكن نتغده سوه
عادل..لا مو ممكن لازم امر على رهف اخذها من الكليه
زهور..ارجوك انتضرك نتغده سوه راح اطبخلك بيدي
عادل..اوك اشوف عادل ويا نفسه ليش اضعف كدام زهور
...
رهف..اؤف شوفي ذاك شلون صاك يخبل
زميلتها..رهف انتي مو مخطوبه شكو تباوعين
رهف..اؤؤي شبيج خلي نباوع اني وافقت بس علمود اخلص من ضغط اهلي عمري محبيت عادل اختاريته لان يحبني راح يبقى يحاول يكسب رضاي
زميلتها ...يعني متحبيه شلون راح تتزوجيه لعد
رهف..منو كلج نتزوج بس اتخرج واتعين افصخ الخطوبه من اتعين استقل بحياتي
زميلتها..بس عادل ابن عمك الف شابه تتمناه شاب مرتب ومهندس وحلو
رهف..اني اشوفه كاخ محبيته بيوم
زميلتها..راح تجرحيه هيج مو خطيه
رهف..لعد اكضي حياتي ويا انسانه ماحبه صعبه اريد اتعين اسافر
زميلتها..انتي انانيه مع الاسف تفكرين بس بنفسك والولد حرامات راح تضيعيه من ايدك
رهف..اهوو لاتصيرين مصلحه اجتماعيه براسي عود من نفصخ الخطبه اخذيه
زميلتها..هو مو سلعه واخذه
...
زهور..تتصل بمدير اعمالها
المدير..همزين اتصلتي اليوم حفله خاصه
زهور..ارجوك كتلك ماغني حفلات خاصه مثل الكيوليه اني فنانه
المدير..بابا تعرفين شكد صرفياتك هو وين اكو فن بالعراق ومسارح انتي متخيله نفسك ام كلثوم وعلى مسارح مصر
زهور..راعي احاسيسي شنو هل الاسلوب ماريد الفلوس الي تجي من هيج حفلات هسه ملاهي وافقت اعراس وكلت ميخالف النوب حفلات خاصه
المدير..هذا هو الشغل هنا بغداد عود من نجمع فلوس نصورلك فديو كليب ونروح لدبي
زهور..ماريد ماغني بعد بحفله خاصه لو اموت
المدير..مو بكيفج طالبيج بالاسم
زهور..اني ماريد تريد اغني شوفلي مسرحيه اشارك بيها حفلات وملاهي ماريد
المدير..اليوم استري عليا غني هاي اخر حفله وبعدها اشوفلك مسرحيه ونصورلك اغنيه
زهور..وعد منك اخر حفله
...
عادل يحس برهف متحبه بس هو يحبها من كانت صغيره وعنده يقين راح بيوم تحبه يروح لرهف
للكليه حتى يرجعها للبيت ينتضرها باب الكليه
ويتصل بيها
عادل..الو هلو رهف انتي وين
رهف..هلو عادل اني رجعت ويا الخط للبيت على واهس صديقاتي
عادل..بعصبيه ليش مكلتي ليش خليتيني اجي وانتضرك وانتي راجعه للبيت
رهف..اؤف ارجوك عادل لاتخنكني رجعت وخلص
عادل..اوك براحتك باي يرن موبايل عادل
زهور..الو هلو عادل
عادل..هلو زهور
زهور..خوما نسيت انت معزوم عندي على الغده طبختلك بيدي
عادل..لا مانسيت دقايق واكون عندك يوصل لبيت زهور
زهور..نورت تفضل دقايق اصب الغده
عادل..ليش كلفتي نفسك يدخل وراها للصالون
زهور..تعبك راحه عادل البارحه تعبتك ويايه من خابرتك اجيت واخذتني وبقيت ويايه خلي ارد جميلك على الاقل
عادل..ماكو جميل بين الاصدقاء
زهور..شلون سويتلك غده يارب يعجبك
عادل..خلي نشوف ونحكم تصب الغده مسويه تبسي ومشويات وزلاطات يتغدون سوه
زهور..يارب عجبك الاكل
عادل..عاشت ايدك لو تصيرين طباخه احسن من مطربه ويضحك
زهور..خرب ليش هيج تكسر بيا شبيه صوتي
عادل..برأي المراه بيتها افضل
زهور..يعني لو رهف مطربه هم تخطبها
عادل..بدون زعل لا مستحيل اسف لصراحتي بس اني رجل شرقي احب زوجتي الي وبس
زهور..هوايه مطربات تزوجن اطباء ومهندسين وحتى سياسين تغير الوقت ونضرة المجتمع
عادل..لاتزعلين مني زهور ارجوج اني صريح وياج بالنسبه لنفسي استصعبها
زهور..يعني هسه لو طلبت نطلع سوه تخجل تمشي ويايه
عادل..نطلع نتمشى نكون اصدقاء يختلف من اتزوجها وتطلع تغني بالليل وتسهر واني كاعد انتضرها بالليل
زهور..جايز من تتزوجها تترك الغناء
عادل..زهور ممكن نغير الموضوع لو اطلع افضل احس نقاشنا وارائنا مختلفه
زهور..لاتزعل عادل انت تفكيرك رجعي
عادل..سميه براحتك رجعي متخلف اني ماحب ارتبط بفنانه مهما كانت يتنرفز عادل من اسئلة زهور
زهور..اسفه نغير الموضوع افضل ماريد اخسر صداقتك
عادل..بجفاف اوك افضل نغير الموضوع تره مبقى شي لبيتك واسلمه الك
زهور..اخاف من يخلص البيت تكطع علاقتنا احب نبقى اصدقاء
عادل..نبقى اصدقاء ليش لا
زهور..زين رهف متغار من صداقتنا
عادل..لا رهف متغار ولا بيوم حسستني تغار
زهور..اوك تحب اثير غيرتها
عادل..يضحك لا شنو قابل اطفال واغورها
زهور..خليها عليا احسسها بحبها الك
عادل..بفضول شلون يعني
زهور..خليها عليا ومعليك اخليها تركض وراك
عادل..لا زهور ارجوج ماريد هيج شغلات اكسب حبها احنا متفقين على الزواج وهي بنت عمي شلون اخليها بهيج موقف
زهور..جربني متخسر احنا مو اصدقاء
عادل..لا ارجوج ماريد نحجي بالموضوع اصلا اوك اترخص اروح اني
زهور..خليك شويا اليوم عندي حفله خاصه تعال ويايه
عادل..باي صفه اجي طبال لو ...ويضحك
زهور..انت ليش هيج تعاملني باستحقار تره كدامك بشر هوايه يتمنون حجايه مني
عادل..اتفقنا اصدقاء والصديق الصدوق يكون صريح انتي جميله وذكيه تكدرين تكونين مدرسه لو معلمه بس اختاريتي الحفلات والطرب وهذا الجو اني ممقتنع بيه اترخص احسن ماخسرك اني صريح
زهور..الله وياك نرفزتني وراح تزعلني منك
عادل..شفتي زعلتي من صراحتي اوك باي
زهور..باي
....
زهور تروح للحفله ويا الفرقه ومدير اعمالها وراقصات حفله باحد قصور الجادريه احد المسؤولين تبده الحفله وتبده تغني زهور ويبدون الحضور بالشرب ويبده السكر بينهم يبدون الاول بالرقص على صوت زهور ويا الراقصات بس المسؤول طلب زهور بالخصوص لان معجب بيها
يطلب من مدير اعمالها ان تكعد يمه وتغني زهور ترفض يحاول مديرها يجبرها على ان تكعد وتشرب ويا المسؤول وتكعد ويا المسؤول وتشرب كاس كحول يبده المسؤول يتحرش بيها بعد ميسكر تحاول ترده يضربها تحس بالخوف فتطلب منه ان تروح تعدل مكياجها وترجع تشوف مجال تنهزم من القصر اول متطلع تتصل بعادل
عادل..الو
زهور..هلو عادل عفيه اني بالشارع ارجوك تعال اخذني
عادل..تعرفين الساعه شكد دخلت ب2 بالليل
زهور..بخوف ارجوك خايفه خاتله بين الاشجار بالجزره بالشارع
عادل..اؤف منين طلعتيلي جايج دقايق وجاي
يوصل يمها تصعد خايفه مبين اثر الضربه على وجها
عادل..شنو هاي منو ضربج
زهور..هذا الحقير تحرش بيا ومنعته ضربني بالكوه كدرت انهزم
عادل..شفتي هذا وسطك الفني انتي تحلمين تصيرين ام كلثوم بس هاي الحقيقه حفلات خاصه وشرب وفساد
زهور..كافي ارجوك من اليوم توبه بعد ماغني راح ابتعد نهائي بعد تجربة اليوم
عادل..اتمنى والله من كل قلبي
...
المسؤول ..وين ولت هاي دورو عليها جيبوها من جوه الكاع
المدير..استاذ مخبله متعرف مصلحتها اني اجيبها الك باجر تدلل وتعتذرلك
المسؤول ..شنو تقشمرني تكلي اغسل وتنهزم دافع فلوس احسن مطربه اجيبها من لبنان بفلوسي باجر امحيها من على الارض اخليهم يكولون جانت اكو وحده اسمها زهور
المدير..انطيني فرصه واني اجيبها الك تغني للصبح هسه اتصل بيها واعقلها يتصل بزهور
زهور..الو
المدير ..انتي مخبله شسويتي انتي وين هسه جاي احذج تره تعصب الحجي اذا دز جماعته يجروج من شعرج شحط
زهور..ماريد مارجع لو اموت هذا مو فن هذا اغتصاب
المدير..بكيفج هسه راح الحجي يدز الحمايه لبيتج
..
زهور..عفيه عادل لاتوديني للبيت هذا الي يسموه الحجي راح يدز حمايته ياخذوني غصب
عادل..وين اوديج بهل الليل اخذلك سياره للشمال ابقي كم يوم هناك لحد ما الامور تهده
زهور..لااخاف بحدي اروح وياك لبيتك
عادل..لامستحيل شيكولون الجوارين اذا شافوج
زهور..اضم نفسي وطبب السياره للكراج وانزل ماطلع صوت بس بالاول اروح لبيتي اجيب ملابسي وفلوسي وكم غرض
عادل..امري لله يروحون لبيت زهور تلم غراضها وفلوسها واوراقها تطلع توهم يركبون السياره تطبك سيارة حماية المسؤول ينزلون يركضون عليهم
...
للحديث تتمه
#امجد
أنت تقرأ
اغتيال مشاعر
Romantizmمطربه تطلب من مكتب هندسي بناء منزلها المكتب يرسل مهندس شاب خاطب بنت عمه بالاول المطربه والمهندس يختلفون بالاراء بعدين تنشأ صداقه بينهم قويه وتبده تحبه وتحاول تبعده عن خطيبته وتجر رجله لبيئتها بكل الطرق
