اغتيال مشاعر

البارت العاشر

لؤي يجر زهور تفتح عيونها بالكوه تشوف سيارة لؤي الجكساره السوده يصعدها ويقيدها ويطلع بيها
زهور..يارب انقذني ماعندي غير لؤي شتريد مني عفيه وين توديني ماكو رحمه بكلوبكم
لؤي..صايره ست براسي بالروضه وتغزريني مو اني اعلمج نسيتي اصلج ساقطه النوب مقشمره عمي ومتزوجته
زهور..عفيه والله طلبت طلاك هو مجلب اخذني غصب ماريد شي اشمرني بالشارع وهو يطلكني ماخذني وين
لؤي..شنو اشمرج بالشارع ميصير انتي زوجة عمي
كل عقلج اشمرج
زهور..لؤي اترجاك والله مافيدك كافي راح اموت والله كافي ظلم
لؤي..شنو قصدج ولج احنا ظلام ونظلم منو نظلم وحده ساقطه تغني بملاهي
زهور..توبه والله حتى بطلت غناء
يوصلون لمزرعه وبيها بيت يجرها ينزلها يحبسها بغرفه ويوصي الحارس عليها ويطلع زهور تفتح عيونها غرفه قديمه بيها فراش كله تراب وسخه من التعب تتمدد وتنام
...
الحجي ..يصحى من الغيبوبه يباوع عائلته يمه بس زوجته نضراتها مو مريحه يتذكر هو جان بيت زهور شلون اجه ميعرف يسئل وين الحمايه مالتي يجي واحد منهم
الحجي..ممكن تتركونا لوحدنا تطلع عائلته يبقى الحرس شوفلي بيتي الثاني زهور وين
الحرس..حجي الشايب الي تركته حمايه شاف زوجتك جرت زهور وصعدتها بالسياره هي وابنك واخذوها لحكهم دخلوها لبيتك بالضرب
الحجي..مومهم هسه هي وين صيحلي الحجيه
الحرس ..صار حجي يطلع يصيح زوجة الحجي
الحجيه ..نعم حجي
الحجي..زهور زوجتي وين
الحجيه ..دكوم بالسلامه والله كريم وين تروح اخذتها للبيت يمي تخربطت
الحجي..اني متزوجها للونسه انتي الخير والبركه
الحجيه..اي جان كتلي ليس ضامها بيت لوحدها واني شنو للخدمه اربي جهالك مو
الحجي..اسمعي سعاد زهور اذا صار بيها شي متلومين الا نفسك سمعتي
الحجيه ..لاعيني شدعواك منو يحجي وياها واني شنو اشبع بيها اليوم اكللها روحي لبيتج
الطبيب..الف الف الحمدلله على السلامه استاذ
الحجي..الله يسلمك شوكت اطلع
الطبيب..خليك مرتاح شنو ضجت من عدنا
الحجي..لابس تعرف اشغال ومسؤوليات هوايه
الطبيب...اهم شي اجهاد ماكو اخذلك اجازه سافر
الحجيه..سمعت الدكتور جهد ماكو وانت فاتح بيتين ماشاء الله
الطبيب..يشاور الحجي اهم شي فياكرا ممنوع
الحجي..لا ماكو بعد هسه كلي شوكت اطلع
الطبيب ..باجر بس اكمل تحاليل وفحوصات اطمئن عليك تكدر تطلع
الحجي..لااريد اليوم وباجر اجيك تجيك دكتور عندي شغل
الطبيب..بس خلي اجيك بس ماكو جهد اهم شي ترتاح
الحجي..سمعتي محتاج راحه سعاد نفسيه يطلع الطبيب وتطلع الحجيه تتصل بلؤي
الحجيه..الو لؤي الحجي عرف زهور يمي بالبيت اني ماخذتها
لؤي..وشبيج خايفه نتفق على حجايه وحده انهزمت رجعنا ملكيناها بلغي حتى حرس البيت والخدم
الحجيه..اي خوش حجايه انت شسويت بيها اتخلص منها سكو مبقيها باجر تشتركنا بالورث انت كاعد تشوف عمك اليوم جلطه وماعرف باجر شكو
لؤي..اي صار حجيه تدللين مثل ماكلتي اضيعها الج
الحجيه..يلا استعجل اني رايحه اشوف عمك
لؤي..باي
الحجيه ويا نفسها خلي اشوف المكالمه مسجله ترجع التسجيل علمود كلشي يصير اذا عرف الحجي لؤي ابن اخوه ويانا لان ممرتاحتله
..
لؤي ..اي حجيه ذكرتيني احتفظ بزهور وراكم ورث انتو جبير خلي اشوف التسجيل سجل كلام الحجيه يرجع المكالمه ويسمعها واضحه يحفظها
....
زهور..من الجوع والضرب مثل المغمى عليها تحس واحد يصحيها تفتح عينها بالكوه تشوف مره عجوز
العجوز..اكعدي بنتي هاج اكلي انتي منين وليش جابج هذا يمنا
زهور..بالكوه تشرب مي وتصحى عفيه خاله خليني انهزم هذا خطفني
العجوز..اؤف والله كسرتي كلبي اكعدي اكلي هسه هاي جبتلج تشريب لحم وثردتلج بيه علمود تكدرين تبلعين اللكمه بنتي
زهور..تشرب شويا سوب وتاكل لكمه جسمها كله يوجعها عظامها مكسره فدوه خاله راسي يوجعني اريد حباية وجع راس
العجوز..اكلي هسه بنتي واني اشوفلج تدللين وهاي جبتلج فراش نضيف هسه كومي بالشمس علما انضف غرفتج واحضرلج الحمام
زهور..لا ماريد اسبح خاله وخلي الغرفه هيج من اسبح وابدل اخاف يسوليلي شي
العجوز..كومي بس غسلي بنتي
زهور ..اريد اتوضه علمود اصلي
العجوز..عفيه بنتي صلي محد يساعدك غير الله
...
الحجي ..يطلع من المستشفى يروح لبيته اول ميدخل يسئل عن زهور وينها
الحجيه..هسه حجي شبيك مستعجل موكال الطبيب ماكو جهد وتضحك
الحجي..يضحك ويا نفسه همزين عرفت الحجيه وخلي تعرف علمود بعد ماخاف والكه حجج يوميه يلتفت لزوجته سعاد كتلج وين زهور
الحجيه..تصيح الخدامه بعد ماتفقت وياها تعالي ولج وين زوجة الحجي
الخدامه..حجيه اكلت وسبحت وبدلت كالت اريد اطلع اتمشى مكدرت اسئلها
الحجي..شنو كالت اطلع اتمشى صيحيلي الحرس
الحرس..نعم حجي شفتها طلعت مبدله راقبتها لراس الشارع طبكت سياره بيها شاب وصعدت وياه
الحجي..طاح حظك وتركتها عار انت ولك شلون تخلي زوجتي تغيب من عينك اليوم اسمط اهل اهلك
الحجيه..حجي اهم شي اعصابك الطبيب شكال
الحجي..وخري منا انتي لك شوف صيحلي الحرس كلهم اليوم تنبشون بغداد اريدها اليوم منكم سمعت يلا امشي منا وين لؤي
لؤي..ها عمو يجي  يوكف وعيونه بيهن مكر امرني
الحجي..ابني هاي زوجتي لازم تدور عليها ومن تلزمها ويا هذا الشاب اكتله وجيبها الي اني اكتلها
لؤي..صار عمو تدلل هسه اني رايح بنفسي اشوف وين ويلتفت يغمز للحجيه ويبتسم
..
لؤي يروح للمزرعه يشوف زهور وياه اوراق
لؤي..كومي لج وقعي وبصمي هنا
زهور..ماوقع موتني اني ميته ميته
لؤي ..يسحب مسدسه ويسحب طلقه يضربها من الشباك
زهور..تفز وترجف من الخوف اكتلني ماوقع
لؤي..يضربها بالمسدس على حلكها ويبده يضرب بيها ويرفسها لحد ماتنتهي خلاص يتركها ويطلع
هاي شلون وياها اجتفها وابصمها لو اصورها واطلب فديه من عمي بس شكد اطلب يرجع يصورها لزهور ويفتح موبايلها الي عنده ويدز الصور من رقمها ومسج وياه اذا متنطي الفديه اصورها فديو تحجي عن زواجكم  وشلون استغليتها وانزله بالانترنيت وادزه للقنوات الفضائيه يعني تخسرها وتخسر منصبك
ويطلع الشريحه ويغلق الموبايل نهائي
الحجي ..توصله المسجات وصور زهور وهي مضروبه ومشككه ملابسها والدم على وجها ويقره المسج مال الفديه والفضيحه يخاف على منصبه
...
نرجع لعادل ورهف وهم بالشمال يستمتعون بشهر العسل
رهف..كوم حبيبي لاتصير كسول كوم خلي نطلع نتونس حبيبي
عادل..والله تعبان البارحه وصلنا الطريق كله انتي نايمه واني اسوق تكسرت وبالليل دمرتيني بنومتك كل شويا ترفسيني ويضحك
رهف..اؤؤي مكروه ارفسك شنو هل الالفاظ
عادل..يجرها للفراش ويفترسها وهي تحاول تقاوم وتروح بعالم ثاني
..
العجوز بالمزرعه وره ميروح لؤي تدخل على زهور تشوف الدم وزهور مغمى عليها تطلع تعيط على زوجها هذا كتلها للبنيه تعال شوفها
الشايب..يدخل يتلمس زهور يخلي اذنه يشوف نفسها عايشه يكومها لزهور يغسلولها الدم الي بحلكها
زهور..تصحى عمو خلصوني راح يموتني
العجوز..بنتي نخاف احنا هذا مجرم الله يخلصنه منه
كومي بنيتي اغسلج وتاكلين شي
زهور..خاله عفيني ماريد اكل خلي اموت بس نوميني على السجاده وجهيني على القبله اخاف اموت استريني جيبلي دشداشه البسها فوك هدومي عفيه خاله
العجوز..صار بنتي عندي دشداشه عليج سوده
زهور..اي عفيه اريده تسترني البسها فوك هدومي اخاف اموت اموت مستوره يارب ماعندي غيرك اغثني يارب
العجوز ..دقايق بنتي واجيبلج الدشداشه بس لخاطري اكلي حرام تكتلين نفسج
العجوز ويا زوجها حرام علينا نشوف الظلم هاي مبينه حبابه البنيه حجي لازم نساعدها
الشايب..اسكتي علمود يكتلنا ويشمرنا للجلاب هذا مجرم وين ننطي وجهنا
العجوز..ارض الله واسعه شنو الله موجود كافي نشوف الظلم عدنا جهال حرام علينا
الشايب..اصبري خلي نشوف تاليها
العجوز..شصبر كلبي ينمرد من ادخل عليها ومتغطيه بالدم من فوك ليجوه
...
لؤي ..يجي يسوف زهور علمود يعرف وين وشوكت تزوجت الحجي يرفس زهور كومي لج
زهور..ها شتريد  موتني واخلص
لؤي ..اموتج لاتستعجلين كوليلي وين شفت الحجي راح افتح تسجيل وتحجيلي من البدايه لحد ما وصلتي للمستشفى ديري بالج تضمين عليا شي اكطعج
زهور تبده تحجي لؤي وهو ساكت يسجل يكمل يطلع يبتعد عن المزرعه يفتح سيم كارت مالتها يدز مسج للحجي اريد 100شده والا تخسر كلشي واني احددلك المكان ويغلق الموبايل ويروح للحجي يلكاه خايف ومرعوب
الحجي..انت وينك تعال شوف المسج شدزولي
لؤي..حجي هاي وحده ساقطه انهزمت ويا عشيقها وسوت هاي اللعبه انطيها حجي واخلص شورطت نفسك اكيد بايكه اوراق وياها من انهزمت انت انطيها ورشحني اني مكانك وانت ارجع لشركة المقاولات والي احصله بالنص
الحجي..ولك منين انطيها شتحجي مخبل انت
لؤي ..لعد اذا انسجنت واخذو الاول والتالي شلون واني مو غريب ابن اخوك
الحجي..خلي افكر هاي مصيبه وطاحت على راسي منين اجيب اني عمري ماذيت واحد ليش هيج يصير ويايه
لؤي..ويا نفسه اي عمو عمرك راعي خير الوثائق الي عندي كلهن بيهن جرايمك
....
للحديث تتمه
ارجو التفاعل حتى يصيرلي واهس اكتب النهايه
احب اسمع ارائكم