اغتيال مشاعر

البارت الثالث

شباب يسعدني اقره تعليقاتكم ارجو ان تتفاعلو مع البيج مالتي ممكن بلا زحمه مع تحياتي ابو احمد القيسي
......
سافرو عادل وزهور للاردن بس عادل بقى يفكر برهف وتصرفاتها الغريبه وياه يتصل متجاوب تنطيه مشغول زهور تحاول تلكي اسباب واعذار زهور تحس بالذنب لان بسببها عادل تعرض للحادث بس خايفه كلش ان عادل يسترجع ذاكرته وينفر منها لاول مره تحس بمشاعر صادقه اتجاه شخص مينضرلها بطمع وشهوه يعاملها كانسانه كانت تفكر انها راح تدخل عالم الشهره والكل يحترمها من دخلت عالم الفن الكل طمع بيها وعاملها كساقطه كان امامها خيارين اما ان تجاريهم او تمتنع حاولت تجاريهم مكدرت
عادل..زهور ليش احس رهف متغيره
زهور..لا ممتغيره بس جايز مشغوله بالدراسه
عادل..حتى ماجتي ودعتني المفروض هي ويايه تسافر لو تتصل تتطمئن يوميه
..
رهف..اؤف شوفي ذاك الصاك شلون يباوع
زميلتها...انتي مخبله هذا مخله وحده ملعب عليها انتي مخطوبه ليش تضيعين نفسج ويا هيج واحد
رهف..اذا لعب على كل البنات العبه اني على الحبلين وهسه تشوفين
زميلتها..انتي تخوفين رهف تفكيرك غلط هوايه بنات يتمنن مثل عادل
رهف..عادل صار اعمى اكضي وياه عمري اكوده
زميلتها ..عادل ميستاهل اتمناه ابن عمي ويخطبني
رهف..اهوو ممله صايره اسكتي اجه لؤي علينا
لؤي..مرحبا اكدر اكعد وياكم ماكو هوى حلو بس يم الميز مالتكم
رهف..تضحك اي تفضل ليش
زميلتها ..اترخص عندي محاضره
لؤي..وين خليج اذا جيتي ضايقتكم اروح
رهف..لا لاعدها محاضره خليها
لؤي..رهف من زمان اباوعلج ومعجب بيج بس الي اعرفه مخطوبه
رهف..كنت مخطوبه لابن عمي وفصخناها
لؤي..اكول متغيره ومحلوه والضحكه ممفاركه شفافك الي يفصخ خطوبته هيج يفرح
رهف..لا بس انفرض عليا من الاول اني مموافقه عليه
لؤي..الصراحه الزواج بعمرنا غلط خلي نتونس ونطلع ونسافر وبعدها عود ندخل قفص العبوديه وجهال واومر ويضحك
رهف..تضحك صدك كلامك حلوه الحريه بس وين والدي ميخليني اطلع
لؤي..من تجين للدوام مارسي حريتك هوايه بنات يجن للدوام ويطلعن منا وكلشي يسوون تعالي ويايه واعيشك احلى حريه
رهف..لا لا وياك انت تخوف
لؤي ..ليش اكل لحوم البشر واخوف تعالي ويايه ومتتندمين
رهف..باي صفه اجي وياك لاعيني اني مو مثل البنات الي عرفتهن
لؤي..اهوو رجعنا هاي اول حجايه تدورين صفه ثاني حجايه تعال اخطبني
رهف..لا موقصدي بس انت معروف عنك علاقاتك
لؤي ..مجبرت وحده تطلع ويايه وكنت اساعدهن نفسيا وماديا ويضحك
رهف..ماديا عرفتها وممحتاجه نفسيا شلون
لؤي..اطلعها من جو الكأبه الدراسه والبيت نروح لمكان هادي نفرفش ونتونس
رهف..يعني شنون قصدك
لؤي..ماشرحلك تعالي وشوفي وعد تتونسين
رهف..لاعيني خليني كأبه بعيده عن ونساتك مو طريقي هذا
لؤي..بكيفك ماجبرك
...
زهور..يرن موبايلها الوو
المدير..انت وين شسويتي مخبله هذا الحجي متخبل  شنو تتركيه وتنهزمين راح يلعب بيج طوبه مخبله يضيعج هذا برمشة عين
زهور..ارجوك تركت الفن بعد ماريد اغني وماريد حفلات
المدير..مو بكيفج هو مرتبطين بعقود بحفلات
زهور..اني سافرت وبعد مارجع حتى للعراق انساني ارجوك
عادل..هاي ويامن تحجين وليش تبجين
زهور..ماكو شي هذا وكيل اعمالي علمود الشغل تعبت عادل وبعد ماريد اغني وحفلات
عادل..وليش تكوليله سافرت ومارجع
زهور..علمود ينساني ويبتعد عني يلا غير ملابسك عازمتك على غدوه ونطلع نتمشى نغير جو وباجر نروح للمستشفى نشوف الطبيب
عادل..لا اريد اتصل برهف احجي وياها لازم اعرف ليش متغيره
زهور..انت ليش متتصل بابوها وتفهم ليش متغيره
عادل..اي راح اتصل بعمي وافهم منه يتصل بابو رهف
ابو رهف..الو ها عادل بالي يمك شلونك شفتي الطبيب
عادل..هلو عمو لا باجر نشوفه بس حبيت اسئلك عن رهف ليش مترد على اتصالي ليش متغيره
ابو رهف..ابني هسه انت سوي العمليه لاتشغل بالك برهف هاي طفله
عادل..عمو فهمني ارجوك شبيها متغيره
ابو رهف..عادل انت ابني وهي بنتي رهف متفيدك تكول عادل اشوفه مثل اخويا متربيه وياه ماكدر اشوفه كزوج وحبيب
عادل..افهم منك فسخت خطوبتنا ليش وافقت من الاول ليش مكالت انت اخويا ليش خلتني احلم بزواجنا
ابو رهف..ابني هاي طفله معليك بيها اني اخطبلك تاج راسها انت هم ابني
عادل..لاعمو ماريد اتزوج بعد
...
الحجي..طاح حظكم معرفتو تجيبوها اني اعلمكم
الحمايه..حجي جان وياها واحد وهو تضارب ويانا ومخلانا وطلعو الجوارين بسلاح والي وياها ضربناه
الحجي..اريدها واريد هذا من جوه الكاع سمعتو لولا اني تضحك عليه وحده ساقطه سمعتو لولا مترجعون اذا متجيبوهم
الحمايه..سيدي اني رحت وعرفت هذا مهندس اسمه عادل واليوم اخذته زهور للاردن
الحجي..قزرقت عرف بعد مسافرو شوف بس يطب الحدود تجيبوه بتهمة ارهاب سمعتو من هسه تروحون تنطون اسمه علمود بس يرجع يجيبوه والا تكعدون يم نسوانكم فهمتو يلا هسه من وجهي
...
زهور ..عادل تعال ننزل نتغده حباب ونتمشى
عادل..زهور عفيه تعبان شلون نتمشى واني ماشوف ارجوج اتركيني لوحدي ماريد اتغده
زهور..عفيه لاتضوجني ماكل اني بحدي اوك هسه ادز غده يصعدوه النا هنا ناكل
عادل..كافي ارجوج اطلعي اتركيني لوحدي ارجوج
...
لؤي..هاي تبيع شرف براسي اخذها غصب عنها
زميله ..لؤي كافي شبيك بنات الناس مو لعبه
لؤي..بنات الناس مو تلبس ضيك وتخلي مكياج وتفتر كدامنا وتلعب بينا
زميله..لؤي شبيك تره رهف مخطوبه كافي واذا ابوك مسؤول خوما نضل نجبر البنات الي تجي ويانا من كيفها ميخالف
لؤي..انجب جبان كمت تخاف اني عاجبتني شوفها شلون جسم يخبل اخذها اليوم
زميله ..لؤي ارجوك اني ماتورط كول جبان بس بعد الي شفته كمت اخاف على اهلي عندي خوات
لؤي..خلص معليك انت يلا روح ماريدك
يتمشى لؤي يروح لرهف وهو مبتسم
هلو رهف
رهف..هلو لؤي
لؤي..ها اوصلك بطريقي
رهف..ها بس توصلني اكيد
لؤي..اي اكيد شبيج خايفه
رهف..يلا تركب وياه لابسه تنوره كلش قصيره
لؤي..فديته للحلو خلي بس نشرب عصير على الاقل اعزمك
رهف..ها بدينا عصير وراها الله العالم
لؤي..لا بس عصير شبيج
رهف..يلا نشرب عصير
لؤي..هذا العصير مالته يجنن ابقي لاتنزلين من السياره اني اجيبلج يروح يجيب بالطريق يخلي مخدر بالعصير بس يخلي هوايه اتفضلي احلى رهوفه
رهف..شكرا تشرب بس طعمه غريب متحبه
اشو مطيب
لؤي ..يشرب كدامها لا بالعكس كلش طيب كل مره اشرب منه
رهف..يلا هسه وصلني
لؤي..صار ياست الكل اوصلك بالطريق تبده تدوخ رهف
رهف..لؤي اوكف اريد اتقيء ارجوك العصير لعب نفسي
لؤي..لا مابيه شي شبيج رهف
....
عادل..زهور وينك
زهور..نعم عادل يمك اني
عادل..ليش تساعديني انتي مع العلم بنت عمي وخطيبتي تخلت عني
زهور..عادل انت الوحيد تعاملني باحترام تشوفني انسانه مو جسد اني تخيلت نفسي راح اصير مشهوره والكل يحترمني ويحبني متخيلت راح الكل يطمع بيا الي يحاول يبيعني مثل زوجي الاول كان ميهمه اغني وين واكعد مع منو المهم اجيب فلوس والي اغنيلهم ميسمعون صوتي يشوفون جسد يسيل لعابهم عليه
عادل..ناويه ترجعين للغناء
زهور..مستحيل راح اشوف شغل مدرسه فنيه اني خريجة كلية الفنون الجميله او اقدم ماجستير
عادل..سمعتك تكولين مارجع
زهور..ابقى هنا كم اسبوع راح ينسوني وارجع اغير سكني
عادل..امك وابوج ليش مترجعيلهم
زهور..امي وابويا هم الي شجعوني اصير مطربه همهم الفلوس مارجعلهم اني من طلكت بقيت لوحدي ساكنه
عادل..تفكيرك صح مشتهي ادخن
زهور..انت مدخن عادل شتسوي بالجكاير
عادل..قبل بالكليه جنت ادخن وتركت
زهور..عفيه لادخن خلي تولي تريد ننزل نتمشى
عادل..يلا خلي ننزل ضايج واحس مختنك رهف دمرتني ليش هيج سوت بيا
زهور..الله يسامحها دقايق ابدل واجي اساعدك تبدل يلا غمض خلي ابدل وتضحك
عادل..يضحك اني مغمض اصلا ماشوف بدلي زهور طلعت اشوف وشفتك تبدلين شتسوين
زهور..لاعفيه يغمى عليا
عادل..زهور من جان مغمى عليا حلمت رهف زارتني وخلت راسها على كف ايدي وكنت العب بشعرها
زهور..كنت اني تعبانه ونمت
عادل..كذب تعالي خلي اشوف شعرك اني هسه اعرف تتقرب زهور وتلزم ايد عادل تخليها على راسها
زهور..ها تاكدت
عادل..اوكفي خلي اتاكدت زين من خدك يبده يتلمس وجه زهور اول مره يحس بجمال زهور وبشرتها ناعمه يتقرب بهدوء يلزم راسها بين اديه ويبوسها من شفافها زهور تروح بغير عالم
زهور..عفيه عادل كافي
عادل..اسف زهور محسيت على نفسي
زهور..اني الي اسفه تبتعد زهور اول مره تحس بالحب من كل قلبها تتمنى يكررها تتمنى يحضنها مثل من نام بيتها ونامت بحضنه ليش ويا عادل تحس بالامان معقوله باسها لان بده يحبها وزين تاريخها يكدر ينسى جانت تغني بملاهي
....
للحديث تتمه
انتضر تعليقاتكم وارائكم لؤي شراح يسوي لرهف وعادل ينسى تاريخ زهور مع تحياتي للكل
#امجد