اغتيال مشاعر

الخاتمه

وصلنا زهور محضره مفاجئه لعادل تصارحه بحبها ويوصل مسج من رهف انها حامل
...
عادل..كافي ارجوج زهور ماتحمل صدمه ثانيه ابتعدي عني ماذيتك ليش تاذوني انتي ورهف
زهور..ارجوك اسمعني عادل اني احبك وما ابتعدت عنك بارادتي غصب عني
عادل..بعصبيه يحاول يخنك زهور بس توكف ايده قريبه من ركبتها ابتعدي عني ماكو قوه بالدنيا تجبرج تهربين مني لو تحبيني كافي ماريد اسمع اكاذيبك ارجوج اتركيني بحالي ماريدك ولا اريد رهف ماريد العالم كله يبتعد عن زهور ويمشي بسرعه الدموع بعينه اه احبها بس ماعندي ثقه بعد وهاي رهف اكيد وراها لعبه تريد فلوس لو شي كرهت كل النسوان
زهور..اوكف عادل ارجوك خلي افهمك اني احبك عادل وقابله بكلشي
عادل..يلتفت بعصبيه ارجوج ابتعدي يصعد لغرفته يقفل الباب لازم اترك الاردن اليوم وبالليل وابتعد عن العالم كله ماعندي فلوس تكفي اروح لكردستان واشوفلي شغل هناك يتصل يحجز طيارته ثاني يوم العصر لاربيل من الفجر هو يطلع من الفندق يحاول يدفع حسابه يلكه حسابه مدفوع يعرف زهور وره المستشفى والفندق
....
القصه..للهاوي ابو احمد القيسي
...
زهور..اه عادل ليش هيج اني علمودك ضحيت بكلشي لازم احجيله حتى يقدر ضرفي ليش يظلمني
ربي ساعدني اني حبيته لعادل وماريد غيره حتى لو مشوه حبيت روحه وغيرته شهامته ثاني يوم الصبح تنصدم عادل ماكو مغادر الفندق تطلع تفتر مثل المخبله بلكي تشوفه تروح للمستشفى ماكو تمشي وتبجي تدور لحد ما تتعب ترجع تسجل خروج من الفندق وتروح تستقر بيتها الجديد حتى تعيش حياتها اكيد من سمع رهف حامل رجعلها لان يحبها بس الله يسعده تدعي لعادل وتتمنى متتخلى عنه رهف لان تعرف رهف متحب عادل
..
نرجع لرهف تنصدم بالحمل هي من طلكت اشتغلت بشركه وتعرفت بشاب وبدت علاقه بينهم بس الحمل صدمها دزت مسج لعادل بعد ما حاولت تطرح اكثر من مره مكدرت بلكي عادل يشوف صرفه اكيد هو هم ميريد الطفل ومنو راح يربيه هي تريد تشوف حياتها يجيها اتصال رقم عادل
رهف..هلو عادل تعال خلصني من المصيبه ماريد الطفل منو راح يربيه اذا اجه
عادل..كافي رهف لاتحجين هيج انتي اولدي واني اخذه اربيه
رهف..شنوووو منو يتحمل 9اشهر حمل اني هسه ب7 شتحجي انت مخبل وشلون اجيبه وتاخذه على الحاضر اني اتعب وانت تاخذه
عادل..كافي تخبصين بحجيج شنو قصدج تطرحين الطفل والله اموتج حرام نقتل نفس اتقي الله شكد اكرهج مجنت اعرفج هيج مجرمه
رهف..تبجي تحاول تلين عادل عيني هو اصلا الطفل كالت الطبيبه تعبان واني مريضه ماتحمل الحمل حبيبي فكر بيا وبالايام الحلوه الي عشناها غير اني شفتك بعيني لهفتك على زهور وطلكت
عادل..كافي ارجوج كمت اعرفج زين كلامج هذا ميخش عقلي شتحتاجين اني انطيج جيبي الطفل وكلمن يروح بحاله اليوم اخابر عمي يبيع بيتي وادزلج مصرف لحد متجيبين سمعتي
رهف..عادل ارجوك افهمني الو الو طوط ينكطع الاتصال
عادل..اخابر عمي يبيع بيتي انطي لرهف وباقي الفلوس افتح بي مكتب هنا هندسي صغير وهم اسويه دلاليه بيع وشراء هوايه اكو عرب هنا راح اكدر افيدهم واستفاد يتصل بعمه
عادل..هلو عمو شلونك
ابو رهف..هلو ابني طمني عليك ليش هيج تختفي اني خجلان منك هاي الكلبه خربت علاقتنا
عادل..عمو مصار شي كلشي مقدر ومكتوب راح اسوي اعلان لبيتي للبيع المفاتيح عندك الاثاث بيعه انطي فلوسه لرهف ومن ابيع البيت هم ادزلها فلوس وبيع سيارتي وخلي تاخذ الفلوس اني راح افتح مكتب باربيل داري رهف لحد متجيب واجي اخذ ابني
ابورهف..اؤف ابني والله مردت هيج توصل الامور هسه بعد شنو مطلوب مني
عادل..الي يجي يشتري ادزه عليك تشوفه البيت
ابورهف..صار ابني تتدلل بالتوفيق ابني
...
يمر شهر عادل يبيع البيت ويفتح مكتبه الهندسي وشركته القديمه تنطيه شغل باربيل كمساعده اله ويبده يشتغل عادل وتتحسن ضروفه تمر الاشهر بسرعه ويبدون العرب يندلون عادل باربيل لان اغلب المكاتب اصحابها اكراد وعادل عربي سهل يتفاهمون وياه شويا صعوبه من يتفاهمون مع الاخوه الاكراد وحتى الاكراد يبدون يتعاملون مع عادل لان صادق بعمله
...
زهوراؤف ابقى بحدي بالاردن لازم اسوفلي شغل او شي لفلوسي ليش ماروح للشمال هناك اشتريلي ارض وابني روضه وحضانه اهليه اكيد ينجح المشروع وهم بعيده عن بغداد والشمال امن  تنتقل لاربيل تشتري بيت تحوله حضانه وروضه اهليه ويبدون الناس يدخلون اطفالهم بالحضانه والروضه وتبده تسوي علاقات طيبه مع الكل يبادلوها الاحترام
وتوظف وياها موظفات مهجرات تساعدهن
..
رهف..بابا الحكلي راح اجيب اخ
ابو رهف..يلا ام رهف لازم اتصل بعادل انطيه خبر يلا تعالو ركبو من اوصل اخابره
رهف ...اخ امشي بابا بسرعه
يوصلون للمستشفى يطبون لردهة الولاده ابوها يتصل بعادل ينطيه خبر
..
عادل اخذه بسرعه منها قبل ميتعلق بيها الطفل وتتعلق بيه بس لازم اشوفلي مربيه اله يتصل باصدقائه ينصحوه يتصل بحضانة الزهور صاحبته كلش حبابه وينطوه الرقم يتصل
عادل..الو بدون زحمه هاي حضانة الزهور
موظفه..اي تفضل اني ست هناء المعاونه
عادل..ست اني عندي طفل رضيع اريد مربيه اله لان امه متوفيه ممكن
هنا...اؤي خطيه شكد عمره ماعندك احد
عادل..لاعيني ماعندي احد
هناء..اوك استاذ دقايق اشاور المديره وارجعلك خبر
عادل..انتضرك عفيه
..
هناء..زهور عفيه اكو واحد قهرني ابنه رضيع امه متوفيه اتصل يريد مربيه اله
زهور..اؤي عفيه خطيه منو عدنا ممتزوجه تكدر ترعاه لازم يجيبه النا وهو يجي يزوره
هناء..ماكو بس انتي ممتزوجه نسيتي نفسج
زهور..اي خطيه اتصلي بيه يجيبه خطيه اني اربيه عفيه هناء اخاف مموجوده انتي استلميه منه
هناء..الو استاذ عادل اني هناء المعاونه بالحضانه
عادل..اي ست عفيه لكيتيلي مربيه
هناء..اسفه استاذ ماعدنا مربيات بس حجيت ويا المديره كالت خلي يجيبه اني اربيه اله لان هي ممتزوجه منكدر ندز وحده لبيتك هي المديره راح تتكفل بيه
عادل..يفكر كحل مؤقت لحد ميشوف مربيه  اوك اتفقنا ست باجر اني جايبه ان شاء الله
هناء..تدلل اخي ننتضرك  زهور راح يجيبه للطفل
زهور..شنو اسمه للولد
هناء..عادل
زهور..عادل مكلج شنو اسم ابوه
هناء ..لا مكال
زهور..يارب حققلي امنيتي ويطلع عادل
..
عادل يسافر بالطياره وينطي فلوس لبنت عمه رهف وياخذ الطفل يرجع بالطياره بوجهه للحضانه
زهور..هناء اذا اجه ابو الطفل وياه الطفل لاتكوليلي اني موجوده استلميه منه خلي اشوفه اني مكان تنتضر زهور بلهفه بلكي يطلع عادل
هناء..صار زهور مستغربه ليش فهميني متلتقين بيه
زهور..بعدين اكلج عفيه اني راح اوكف بالشباج اشوفه من يدخل وانتي استقبليه استلمي الطفل حبابه زهور متوتره
هناء..يجيها اتصال
عادل..الو ست هناء اني بالطريق جايكم
هناء ..احنا منتضريك استاذ عادل ورتبنا غرفه خاصه للطفل وانت براحتك شوكت متجي تتطمئن
عادل ..الحل مؤقت لحد ماشوف مربيه عفيه اني كلش ممنون الكم
هناء..هذا يتيم اخي بيه اجر واحنا فرحانين نساعدك
يوصل عادل للحضانه زهور جسمها يبده يرتعش متعرف تفرح لوتبجي صدك رب العالمين حققلها امنيتها معقوله رهف توفت شجاب عادل لاربيل
عادل..السلام عليكم اني عادل ابو الطفل انتي ست هناء
هناء ..اي استاذ تعال اشوفك الغرفه الي خصصناها للطفل المديره بنفسها راح ترعاه ليل نهار
عادل..اني كلش ممنون لعد هي وين حاليا
هناء..اجاها اتصال واضطرت تطلع وصتني انتضرك وارعى الطفل بنفسي لحد ماترجع تاخذ الطفل جوعان وتغيرله فدوه ابن نفاس هذا عمره يومين الله يرحم امه
عادل..الله يرحمها يباوع عادل على الطفل وينقهر يبقى مكابل الطفل ساعه
هناء..استاذ شلون راح تترك شغلك وتكابله انت جبته وصار بامانتنا لاتقلق روح اخذ راحتك
عادل..يطمئن لكلام هناء بس ميريد يفارك ابنه يطلع ويتفلت
..
زهور..تركض لغرفة الطفل تشوفه وتبوسه من ريحة الغالي  وتبجي اه ياريحة الغالي
عادل..يتذكر ما انطه فلوس يرجع لغرفة الطفل يشوف زهور تبوس وتبجي ويسمعها
زهور..اه اني امك لوتعرف انت راح تصير سبب سعادتي رجعتلي اغلى انسان حبيبي واخويا وابويا وصديقي احبه لابوك اتمنى موجود واخليك بحضني وهو يمي وتكبر ونربيك سوه اني وحبيبي عادل تحس ايد على كتفها تفز تلتفت عادل عيونه بيهن دموع
عادل..زهور اني هم احبك
زهور..تخلي اصبعها على حلك عادل اشش لاتحجي وتحضنه عادل ارجوك بعد لاتتركني ماعندي غيرك بالدنيا
عادل..يحضن زهور بنفس اليوم يعقدون ويتزوجون بزفه صغيره يحضروها الاصدقاء ويربون ابن عادل
بعد فتره يزوروهم الشايب والعجوز عادل يتذكر المعيديه بمحل الملابس ويطلب من زهور تلبس نفس اللبس لان جان لايك عليها وتخلي دكات بحنجها والكل يلتم ويعيشون بسعاده اتمنى السعاده من كل قلبي للجميع وربي يستر بناتنا
...
القصه حقيقيه لصديق فعلا تشوه وبنت عمته طلبت الطلاك منه وتزوج الممرضه الي كانت تعالجه
وقصة المطربه ايضا حقيقيه صديقي كان كلش جميل عشقته مطربه وصارة مشاكل وحاولت تفرقه عن زوجته الي هي بنت عمه اني حاولت افهم الناس مجتمع الفنانين شنو تره كله خمر وفساد اتعجب لناسنا يعلم بنته الغناء ميعلمها الدين وفرحان بنته تغني مو باجر بنتك راح تكون لحم رخيص تحياتي للكل واسف للاطاله احب اسمع ارائكم جماعة تم ممكن تتفضلون وتتركمون علينا وتنطونا رايكم
..
#امجد