#اغتيال_مشاعر
البارت السابع
الحجي نزل فرحان لزهور
الحجي ..هلا بالغاليه شسويتي بيا
زهور..الغصه اني اهم شي تترك عادل بحاله وباقي شروطي التعين
الحجي..زهور المهم بزواجنا يبقى سر تعرفين مركزي واني متزوج بس اني حبيتك واريدك
زهور ..حجي انت غصبتني
الحجي..ليش تسميه غصب ليش متسميه تصميم حبيتك وصممت اخذك ومحضرلك مفاجئه من نرجع حبيبتي
زهور..هسه نروح نعقد بالسفاره حتى اضمن عقدي اصولي
الحجي..كلشي مرتب تدللين
.يروحون يعقدون بالسفاره ويطلعون الحجي يشتريلها ذهب وملابس يحاول يسعدها بس زهور تحس مجبره على الزواج
...
يصحى عادل..يبجي وين زهور ليش هيج تركتني وتخلت عني كل النساء خداعات وكذابات بعد مستحيل اصدك بوحده
ابو رهف..لا ابني متعرف ضروفها هي البنيه كالت ماكدر اتزوجه لان كنت مطربه وراح يعيروه الناس بيا
عادل..عمو لاتبرر حتى بنتك رهف تخلت كرهت كل النساء
الطبيب..شلونه المريض ليش عصبي اليوم منو زعله
ابو رهف ..ماكو شي طمني دكتور
الطبيب يفحص عيونه تشوف عادل يسلط الضوه على عيون عادل
عادل..دكتور مغوشه عيوني
الطبيب..هاي قطرات تواضب عليها اسبوعين وميبقى غواش مبروك نجحت عمليتك
ابو رهف..الله يطمنك دكتور
..
زهور والحجي يسافرون لبنان شهر عسل يحاول الحجي يرضي زهور بكل الطرق زهور بداخلها هم تستلم لان تشوف الحجي يحاول يرضيها وصارة زوجته حرام تفكر بغيره عادل يرجع للعراق يدخل مرحلة كأبه حاده ويفقد ثقته بالنساء كلهن ويكعد بيته ميطلع منه ابد ويترك شغله رهف تحاول ترجعله نادمه تبده تجي تنضف بيته وتغسل هدومه وتحضر اكل اله اثناء جيته هو يحبس نفسه بالغرفه ميطلع لحد ماتروح
..
زهور والحجي يرجعون من شهر العسل يفاجأ زهور معينها بروضه قريبه ومشتريلها بيت ومخليلها شايب حرس الها بالبيت
زهور..مشكور ياطيب احلى مفاجئه اليوم اول يوم الي بالروضه تجنن من داومت ولعبت ويا الاطفال صدك تونست
الحجي..تدللين حبيبتي عجبج البيت
زهور..يخبل حجي اليوم تبات هنا اخاف ابقى بحدي
الحجي..لا باجر اجيج حبيبتي ابات
زهور..اوك شتحب اطبخلك حجي
الحجي..استري عليا ادزلك اني الاكل بس انتي لاتطبخين عفيه انتي قنبله نوويه دمار شامل بالطبخ
زهور..لاعفيه حجي ليش هيج تكول تكسر نفسيتي
الحجي ..يلا ميخالف اطبخي الي يعجبج كلشي من ايدك حلو
..
تمر الاشهر وعادل كئيب ميلتقي ولا يطلع
ابو رهف ..ابني ليش هيج ميصير اطلع غير جو ميصير هيج تبقى وهاي رهف يوميه تجيك حجايه متحجي وياها ميصير صح غلطت بس هي متندمه
عادل..ارجوك عمو اغلق الموضوع واذا رهف تعاجزت خلي لاتجي مكلتلها تجي وتساعد
رهف ..تدخل الغرفه كافي عادل شوف حالك تعال شوف وجهك بالمرايه شنو خلصن البنات ماكو غير زهور
عادل..كافي كل البنات خداعات انتي هم تخليتي عني من كنت محتاجك
رهف..عادل وهسه نادمه انت ابن عمي واني اصغر منك تتذكر من جنت صغيره شلون تحميني انت توديني وتجيبني من المدرسه
عادل..وجازيتيني وبعتي حبي بسرعه
رهف..كل انسان يخطأ واني خطئت وهسه رجعت لصوابي روح شوف وجهك بالمرايه شعرك منفوش وممحلق ولحيتك طويله
عادل..يشوف نفسه بالمرايه فعلا مخربط يطلع من حالة الصدمه يفكر يرجع لشغله معك حق رهف راح ارجع للشغل
رهف..هاااااي وتصفك عفيه هاي اول خطوه ايجابيه تخطيها يلا كوم غير ملابسك وعيش حياتك ارجوك عادل
عادل..يلا عمو راح ابدل تجي ويايه للحلاق
ابو رهف ..شنو زعطوط وتخاف تروح بحدك ويضحك
عادل..عمو انت الي ربيتني وارتاح من نمشي سوه
ابو رهف..اذا هيج اجي وياك قنعتني يلا كوم ابني خلي نروح
...
لؤي ورهف يتخرجون لؤي يتعين بالتربيه لان عمه مسؤول جبير يتعين بالتفتيش الرياضي
زهور تبده حياة ثانيه تحاول بداخلها تصون الحجي لان الحجي كل غايته يشتري حبها ويرضيها داوم بالروضه وتحب شغلها الجديد وتتعلم الطبخ بيوم تتخربط تتصل بالحجي حجي اني كلش مريضه فدوه تعال اخذني الحجي صار حبي دقايق ادزلك سايق ياخذك للطبيب واني اجي اطمئن عليج الحكج
زهور تدخل للطبيب يجي الحجي
الحجي..ها دكتور خوما بيها شي
الطبيب..لا الحمدلله بس خلي تسوي تحليل حمل
الحجي..شنوووو حمل
الطبيب..زوجتك هاي اعراض حمل عدها بالتحليل راح نتاكد
الحجي..كومي زهور يلا نسوي تحليل
زهور..حجي ليش انصدمت
الحجي ..ماريد الطفل سوي اسقاط فهمتي
زهور..حجي يمعود حرام ليش متريده
الحجي..انتي شنو مخبله هسه توكعيه غير اذا عرفت زوجتي تكلبها للدنيا
زهور..ماوكعه حجي طلكني اذا متريده اني اربيه
الحجي..توكعيه غصب عنك سمعتي ماريد الطفل اقتلك
يجرها بعصبيه ينزلها للبيت يدخلها لغرفتها ويقفل الباب عليها
ويوصي الحارس ممنوع تطلع
الحجي يفكر بيمن يتصل حتى يوكع الطفل ويخلص من الفضيحه يتصل بطبيب يعرفها
الحجي..دكتور الحكني شوفلي طبيبه تسوي اجهاض
الطبيب..ليش حجي شكو شصاير
الحجي..معليك بشنو الي صار شوفلي واحد يسوي عملية اجهاض ولاتدخل
الطبيب..صار عندي طبيبه خلي اشوفها واتصل بيك
الحجي..يلا بسرعه شوفلياها للطبيبه ورجعلي خبر
...
زهور تتصل بالحجي ينطيها رفض تبقى تبجي وخايفه تحاول تتطلع من الغرفه مقفوله تصيح الحارس
عمو عفيه افتحلي الباب
الحارس..بنتي الحجي قفلها واخذ المفتاح وياه وكلي ممنوع تطلعين
زهور..عمو والله خايفه ابوس ايدك خلي اطلع
الحارس ..بنتي تريدين تورطيني ارجوج
زهور..عمو عندك بنات احسبني بنتك ارجوك خلي اطلع ميجاوبها الحارس تخلي اذانها على الباب تسمع الحارس وهو يبتعد
نرجع للحجي ينتضر اتصال الطبيب ميتحمل هو يتصل بيه
ها دكتور شسويتلي
الطبيب..الطبيبه عدها قابله هي تسوي هيج شغلات راح اتصل بيها وارجعلك خبر
الحجي..يلا شمنتضر متتصل بسرعه ورجعلي خبر
..
زهور تبقى تبجي وتيأس وتنام تشوف نفسها واكفه على قمة جبل ويجي الطير يخطفها وياخذها عالي ويشمرها يتلكاها عادل تفز خايفه تنفتح الباب تدخل مره جبيره ويا الحجي للغرفه
الحجي..يلا زهور عاي راح تساعدك توكعين الطفل
.....
للحديث تتمه
اسف اتاخرت كان اكو خلل برنامج القصص الوات باد من البارحه اكتب وانشر بيه ومينشر اليوم تصلح
#امجد
أنت تقرأ
اغتيال مشاعر
Lãng mạnمطربه تطلب من مكتب هندسي بناء منزلها المكتب يرسل مهندس شاب خاطب بنت عمه بالاول المطربه والمهندس يختلفون بالاراء بعدين تنشأ صداقه بينهم قويه وتبده تحبه وتحاول تبعده عن خطيبته وتجر رجله لبيئتها بكل الطرق
