اغتيال مشاعر

البارت الرابع

اؤف ليش هيج اضعف كدام عادل الوحيد يحسسني بانوثتي اتمنى ارتمي باحضانه ويضمني الوحيد احس بالامان يمه
اخ شسويت اني شلون اضعف وماسيطرت على نفسي وبستها راح تفقد ثقتها بيها وتخاف مني بس ليش اشتهيت ابوسها كنت خاطب رهف سنتين ومابيوم بستها ليش زهور حبيت بوستها اتمنى ارجع اشوف واشوف عيونها من بستها
...
اهو هاي كامت تتقيئ لعبت نفسي
رهف..فدوه لؤي وديني للمستشفى راح اموت
لؤي..هنا انزلي واخذي تكسي
رهف..على الاقل وصلني لبيتنا
لؤي..شنو مخبله اوصلج ويطلعون اهلج واتورط هنا انزلي وخابريهم
رهف..ماكدر مغص قوي موتني وتتقيء بالسياره
لؤي..كافي شسويتي يلا انزلي هنا وينزلها بالشارع
رهف..خلي اخابر والدي ماتحمل وتتخربط بالشارع بس تتقيء يجي شايب ياخذها للمستشفى يطلع عدها حالة تسمم اثر جرعه مخدر قوي
اخ شسويت بنفسي هذا هذا الحقير مخليلي مخدر جان ضيعت نفسي استاهل الي يصير بيا الحمدلله تسممت ولا كان اخذني وكلشي سوالي وماعرف
...
زهور..عادل خلي ننزل يلا
عادل..ها اي اسف زهور خجلان منك
زهور..ليش تخجل اني هم كنت ضعيفه كدامك
عادل..لعد اذا هيج تقربي خلي اعيدها ويضحك
زهور..لاتصير طماع يلا خلي اساعدك تغير ملابسك
عادل..يلا اريد اعزمك بمطعم ونتمشى ينزلون للمطعم عادل لان ميشوف تقوده زهور
اخ اديها ملمسها يجنن يضغط على ادين زهور برقه ويمرر طرف الابهام على ظهر كف زهور
اؤف راح يغمي عليا ليش هيج يسوي بيدي تضغط على ايد عادل
عادل..زهور تقربي لاتمشين سريع راح اوكع
زهور..اوك خلي ايدك على جتفي وامشي ورايه
يوصلون المطعم زهور تطلب الاكل وتبده توكله لعادل بيدها
تاخذه تغسله ويطلعون يتمشون الجو حلو بيه نسمة برد
عادل..زهور شلون تزوجتي وليش طلكتي
زهور..كان هو اول حب بحياتي وتزوجته طلع تزوجني لاجل يستغلني خلاني اغني بحفلات خاصه وملاهي وباحد الايام بحفله خاصه تحرشو بيا كدامه مسوه شي عرفت هو ماعنده غيره طلبت الطلاك
عادل..وهسه ممفكره ترجعين للشهره وتغنين
زهور..ياشهره عادل هاي كذبه يقشمرون بيها البنات زميلاتي هسه معلمات ومتزوجات وسعيدات
عادل..زهور خوما تزعلين من صراحتي اذا احجي
زهور..لا مازعل وتتقرب من عادل اكثر تلزم ايده
عادل..الصراحه خلي نرجع احس الجو برد ويضحك ويضم زهور
..
زهور..يلا اكعد لاتصير كسلان عدنا موعد مع الطبيب
عادل..يتثائب زهور خايف اخاف الطبيب يكول بعد متشوف
زهور..لاعادل تفأل ارجوك الطبيب بغداد اكدلي عمليتك سهله وناجحه والطبيب هنا مشهور وعمليتك عنده سهله
عادل..زهور اذا منجحت اعيش باقي عمري بظلام
زهور..لا عادل الطبيب اكدلي سهله ارجوك تفائل بالخير نرجع واذبحلك طلي ونسوي حفله واغنيلك بيها
عادل..ها اشو فكرتي بالغناء مره ثانيه شنو اتفقنا مو ماكو بعد ويبتسم
زهور..لا بس الك اغنيلك يلا تعال اتريك علمود اغيرلك ملابسك ونروح للطبيب
...
لؤي..اؤف لعبت نفسي كامت تتقيء شمرتها بالشارع
زميله ..يعني ممسيتها ولك انت شنو من بشر متخاف ربك يطلعها بخواتك
لؤي..كافي شكد تلغي غير اذبحهن لخواتي اذا غلطن
زميله..ها تخاف على خواتك بس بنات الناس لا خلي يولن ماعدهن اخوه
لؤي..ماجبرت وحده اني هي وغيرها يجن
زميله  ...والي متجي تخدرها وتاخذها شنو من بشر انت
لؤي..بلا رجأ لاتتفلسف معاجبك لاتمشي ويايه
زميله..اي صح كلامك الافضل ابتعد بس احجيلك حجايه شفت هوايه شباب لعبو على بنات الناس واجه واحد لعب على خواتهم وبناتهم
...
الطبيب..صور الاشعه والمفراس كلهن زينه ان شاء الله ناجحه عمليتك
زهور..ربي يبشرك بالخير دكتور سمعت عادل
عادل..الحمدلله يارب دكتور ارجع اشوف
الطبيب..ابني ان شاء الله سهله كلها بيد رب العالمين
احنا مجرد سبب
عادل..يارب يجعل شفائي على ايدك
..
زهور..الو 
المدير..الو شسويتي انتي هذا متحلف بالولد الي وياج اذا مترجعيله يضيعه
زهور..شنو متحلف بيه الولد كان يدافع عني
المدير ..اجوني حمايته وحجولي لازم تروحيله
زهور..كافي تعبت ماريد ارجع والولد هم ميرجع وضربوه صار اعمى بسببهم
المدير..شنو تبقون مهزومين طول عمركم هذا انطه اسمه تهمة ارهاب وحلها بيدج هي ليله وحده ليش تضيعين الولد
زهور..ارجوك ادفع فلوس الحفله الي خسرها بس خلي يفك ياخه من عدنا
المدير..بابا هذا ميريد فلوس يريدج الج ليش انهزمتي منه
زهور..ماريد اني مو عاهره شنو تبيعون بيا وتشترون
المدير..هو يريدج راح انطيج رقمه واتصلي بيه وتفاهمي وياه
زهور..دز رقمه بمسج شوكت اخلص منكم
..
عادل ..زهور وينك بشنو مشغوله
زهور..لا ممشغوله كان عندي اتصال بغداد
عادل..زهور تعالي عفيه ضيعت محفظتي
زهور..ها اجيت وين وكعتها
عادل..تعالي هنا بس لزمي ايدي ادليج
زهور..باستغراب شكو
عادل ..تعالي يمي
زهور..هاك هاي ايدي
عادل..يتلمس ايدها وفجأه يسحبها لحضنها ويتلمس وجهها ويقبلها
زهور..عادل احبك
عادل..اشش خليني مستمتع
زهور..عادل تحبني
عادل..رهف احبك
زهور..شنو رهف عادل
عادل..اسف
زهور..لاتتاسف اني الي اسفه انت بعدك تحب رهف على العموم نكمل العمليه وان شاء الله تنجح وتنتهي مهمتي وياك كمرافقه
عادل..اسف زهور والله لساني ماخذ على رهف فعلا بديت احبج واتعلق بيج
زهور..لا عادل لاتخدع نفسك انت تحب رهف  اني نازله محتاج شي
عادل..زهور لاتركيني ارجوج اوكفي انزل وياج
زهور..لاخليك مختنكه راح انزل ارجوك خلي اشتم هوى حتى انت تشتهي جسدي بس وتحب رهف
عادل..ارجوج والله غلطت رهف جرحتني وانتي وكفتي ويايه
زهور..تنزل تبجي كلها تريد مني اكون عاهره بس خلي اتصل بهذا اشوف شيريد مني تتصل بالمسؤول الو
الحجي..الو
زهور..اني زهور
الحجي ..هلا والله وينك
زهور..حمايتك ضربو الولد وهسه الولد اعمى واني اخذته للاردن شتريد من عدنا
الحجي..اريدك انتي
زهور..كافي ارجوك اني مو الي بالك
الحجي..احبج فهمتي
زهور..حجي ارجوك اعتقني
الحجي..افهميني زين كلشي اسوي كتلج احبج
زهور..حجي مال حرام مستحيل لو اعرف اكدي بالشوارع ابقى
الحجي..وهذا عادل يبقى مهزوم اجيبه
زهور..حجي ارجوك ابوس ايدك اعتقنا
الحجي..الضاهر انتي متعرفين مصلحتك
زهور..حجي والله لو اموت ماسلمك نفسي بالحرام كافي مليت
الحجي..اتزوجج بس بالسر
زهور..وعادل تتركه
الحجي..كلشي يجرالج يرجع محد ينطخ بيه وهسه اشطب اسمه تره مسوي بيه مذكرة اعتقال
زهور..بشرط تجي هنا للاردن تعقد ونصدق العقد بالسفاره واصير ملكك
الحجي..كتلج بالسر اني احبج من زمان فكري ويايه كل الطرق تنفتحلج
زهور..يومين تمل مني وتشمرني اني اريد حلال واستقر واتعيني مدرسه
الحجي..كلشي يجرالج بس تعين ليش ماخليج محتاجه
زهور..هذا ضمان الي باجر درت زوجتك وطلكتني
الحجي..انعلج والديها جا شنو العب انا
زهور..ميخالف حجي اريد عقد محكمه هنا بالاردن اخاف ارجع وتخطفني حمايتك
الحجي..زهور لاتلوعيني كتلج كلمتي ضمان
...
اؤف اني شكد غبي شسويت شلون لساني زلك رهف صح بنت عمي بس باعتني برخص زهور فعلا بديت احبها وكفت ويايه وبديت اتعلق بيها كلامها يضحكني حبابه وفقيره لازم اصحح غلطي وياها اني رهف طلعت من كلبي نهائي
...
اني شسويت خسرت عادل وردت اخسر نفسي بسبب رعونتي همزين تسممت ولعبت نفسه مني لؤي وشمرني بالشارع لو ماخذني ومخدرني ومغتصبني جان ضيعت روحي ومستقبلي لازم اعتذر لعادل حتى لو منتزوج لان هو اعمى بس ميخالف ماريد اخسر كلشي
...
اؤف ياربي اني حبيت عادل بس عادل طلع مثل كل الزلم يحب رهف بنت عمه ويشتعي جسدي لشوكت ابقى اني هيج خلي اوافق على الحجي واخليه يعيني واخلص عادل هم تسببت بالحادث والنوب يعتقلوه بسببي دمرت حياته لعادل لو يدري مستحيل يسامحني اكيد راح يكرهني اول شرطين بزواجي يترك عادل واتعين وبعدها يسجل باسمي بيت لو اخليه يشتريلي ذهب وسياره احسن مابقى متعلعله ومن ايد لايد والكل ينهش بلحمي
...
عادل..يسمع الباب تنفتح زهور رجعتي
زهور..نعم عادل اي رجعت
عادل..زهور اني اسف فعلا احبك وكان غلطة لسان
يبحث بالهوى عن زهور زهور تتراجع
زهور..عادل مصار شي ارجوك ابتعد خلي تعدي العمليه على خير لاتفكر هسه الله كريم
عادل..زهور تعالي يمي ارجوج
زهور..ارجوك انت عادل تعبانه اريد انام باجر ورانا كعده نروح تدخل المستشفى حتى تتهيئ للعمليه
تصبح على خير
عادل ..وانتي من اهل الخير
....
للحديث تتمه
#امجد