اغتيال مشاعر

البارت السادس

طلع عادل من العمليه بس يهلوس باسمي حسيت يحبني فعلا لان الي تحت التخدير يكون صادق فرحت بسلامته الطبيب كان عندي نزيف ايضا بالشبكيه هم استعان بطبيب عيون وسوه عمليه لعيونه نفس الوقت اسبوع ويفتح الضماد ويرجع يشوف بقيت فرحانه واني اسمعه يهلوس باسمي ويكول احبج بس خجلني هوايه كدام الممرضات يريد ابوسه من طلعن بسته من كصته ومن ايده اتمنى الحجي يعتقني ويخليني اعيش لعادل بس ياترى عادل اذا رجعتله الذاكره راح يحبني من يعرف انضرب بسببي اه احب عادل بس الحجي شلون خوما يبقى عادل مطارد بسببي اكيد راح يكرهني
اهو هم الحجي يتصل
زهور..الو هلو حجي
الحجي ..هلو زهور اني بعد يومين جاي لعمان علمود نتزوج وترجعين ويايه
زهور..عفيه حجي توه عادل سوه عمليه خلي بس اطمئن عليه ونتزوج
الحجي..لا زهور اني مستعجل ورتبتلك بيتك تجين بيه عروسه
زهور..حجي اني الك بس اصبر عليا اسبوع مو اكثر اترجاك
الحجي ..اوك 4 ايام مو اكثر واجي اخذك اخاف تريدين تلعبين بذيلك حتى امك وابوج اجيبهم
زهور..حجي موافقه وكتلك شروطي بس اريد اطمئن على عادل واطلع من خطيته علمود لا ابقى اشيل ذنبه طول العمر
الحجي..اوك 4 ايام واجي
زهور..صار حجي اني ممنونه
ينقطع اتصاله تتصل رهف
زهور..الو
رهف..هلو زهور عادل سوه العمليه طمنيني شلونه
زهور..الحمدلله توه طلعوه بعده تحت تاثير البنج ويهلوس
رهف ..من يصحى سلميلي عليه كوليله رهف اتصلت تطمئن عليك
زهور..صار تدللين بس يصحى انطيه خبر
رهف..باي حبي
زهور..باي عيني
..
عادل..اه راسي يوجعني زهور وينك حبيبتي محتاجك
زهور..اني هنا يمك عادل
عادل..زهور لاتركيني اني حبيتك اه راسي يوجعني
زهور..الحمدلله الطبيب طمني ناجحه ان شاء الله العمليه
عادل..انطيني ايدك الزمها حبيبتي
زهور..لاتخاف مانهزم وتضحك
عادل..انتي اصيله وكفتي ويايه ومتركتيني اريد نبقى سوه وارجع ابيع بيتي اشتري بيت احلى واثثه ونعيش سوه ونتزوج
زهور..والله تتزوجني عادل انت علمود طالع من العمليه
عادل..بس رجعلي وعي بالعمليه حلمت بيج اني وياج متزوجين واكفين على جبل اجه طير جبير خطفج مني وبقيت اركض وراه لحد ماتركج  عفيه هذا الطير الغناء انطيني وعد مترجعين اله
زهور..اؤف لوبيدي ابقى اعيش الك حتى لو تحب رهف بس هذا الطير الحجي شيخلصني منه عادل عيني لاتفكر ارجوك انت هسه تعبان ارتاح حبيبي
عادل..بقي ايدك بيدي تعبان راح انام ماريد يخطفك الطير مني
زهور..صار حبي تلزم ايده وتكعد يمه ينام هو وتغفى هي حاضنه ايده وتحلم هي وعادل فرحانين وطير يخطفها يصعد بيها كلش عالي تشوف الناس صغار ويشمرها توكع بس متتاذه تفز من النوم مرعوبه تفسره ان الطير الحجي يخطفها تلزم ايد عادل بقوه وتضمها وتخليها على خدها وتهمس عادل احبك واتمنى نتزوج وانتضرك من ترجع للبيت استقبلك
عادل..صدك تحبين زهور
زهور..تفز انت صاحي
عادل..اي صاحي وسمعت كل كلمه ويضحك
زهور..لاتصدك كل الكلام وتضحك كنت اهلوس الضاهر اني خدروني  وتضحك
عادل..يجرايدها تتقرب زهور اله يحس انفاسها قريبه يتلمس باديه وجناتها يلزم راسها يقربه اله ويبوسها
الممرضه..هاي شنو تفز زهور
زهور..ماكو شي كان يشاورني
الممرضه ..يشاروك من فمك وتضحك
زهور..شفت عادل ليش هيج
عادل..خلي تصير شاهده على حبي الك زهور من غفيت نفس الحلم شفته الطير يخطفك
زهور..اني هم شفته ان شاء الله خير صدك رهف اتصلت تطمئن عليك
عادل..جزاها الله خير
زهور..انت تحبها عادل وهي هم تحبك زهور تحاول تستفزه لعادل
عادل..زهور ارجوج لاتجيبين طاريها صح بنت عمي بس ماضي
زهور..اني هم مافيدك كنت اغني بملاهي وحفلات خاصه انت متعرفني عادل
عادل..اني اعرف كلشي اني حبيت روحك حنيتك طيبة قلبك
زهور..لازم اعترفلك عادل اني السبب بالضربه انت كنت تدافع عني
عادل..اعرف رجعتلي ذاكرتي وره يومين بس حبيت ماتكلم بشي اريد اشوف وهسه انتي حره تتركيني لو تبقين ويايه
زهور..عادل ماكدر وتبجي وتبتعد اه لو يعرف اني اطيت وعد للحجي شراح يفكر بيا وشلون يكون منضري كدامه الافضل اتزوج الحجي وابعد شره لان عادل هسه يحبني بس من نتزوج ويشوف نضرات العالم اله انه اتزوج مطربة ملاهي اكيد راح يتغير
تمر الايام ببطئ على عادل وزهور زهور تنتضر تطمئن على عادل وتنتضر الحجي يجي وتتزوج وتفك ركبت عادل يرجع حر لرهف بس تحبه بقوه
وعادل ايضا حب زهور ومستعد يواجه الناس ويتزوجها لان كلشي بيها حلو كانت تمشي بطريق غلط بس مستعده تتركه سمعها اكثر من مره وهو نايم تدعي من اجله يرن موبايل زهور
زهور..الو
الحجي..الو هلو زهور اني وصلت عمان يلا تعالي علمود نتزوج
زهور..منتضره عم عادل خابرني اليوم يجي اخليه يم عادل واجيك
الحجي..راح ارسلك عنوان الفندق الي نازل بيه
زهور..صار حجي
تقطع الاتصال تتصل بابو رهف
زهور..هلو عمو انت وين
ابو رهف ..اني وصلت بنتي طمنيني عادل شلونه
زهور ..بخير عمو هسه تجي وتشوفه اني دفعت مصاريف العمليه والمستشفى بس تجي تبقى يمه لان مضطره ابتعد عنه
ابو رهف ..بنتي انتضريني جايج  وينقطع الاتصال
...
يوصل ابو رهف وتستقبله زهور
زهور..عمو كلشي رتبته بس باقي يفتحون ضماد راسه وعيونه راح اتصل بيك اطمئن على عادل
ابو رهف..بنتي ليش تروحين اني من خابرت عادل هو كلي اتعلق بيج مو كافي بنتي تخلت عنه راح ينجرح
زهور..تبجي عمو اني مطربة ملاهي باجر يعيروه بيا طريقنا مو واحد ماكدر ابقى لازم انسحب واختفي من حياته
ابو رهف..بنتي اصبري يفتح واطمئني عليه وبعدها هو يقرر
زهور..لاعفيه عمو لاتجبرني وتبجي
ابو رهف..بنتي انتي هم تحبيه شفت لهفتك وهذا خوفك عليه اكدلي حبك لعادل
زهور..ارجوك عمو اتركني اروح تبتعد وتترك كلبها يم عادل
ابورهف ..يدخل على عادل يسلم
عادل..هلو عمو باستغراب زهور وين
ابو رهف..مشتاقلك ابني اليوم يفتحون الضماد توني شفت الطبيب
عادل..زهور وين
ابو رهف..رهف تسلم عليك وتكول مشتاق لعادل
عادل..عمو ارجوك زهور وين
ابو رهف..عادل ابني زهور راحت تكول ماكدر ابقى ويا عادل لازم اختفي من حياته
عادل..شنو يكوم من فراشه عمو الحكها ارجوك احبها
يمشي ويتعثر يوكع عمو وينك اخذني الها
ابو رهف..ابني حاولت والله مكدرت اجلب بيها راحت
عادل..يصرخ بقوه ويمشي ويتثر بالمستشفى زهور وينج تعالي حبيبتي يجتمعون الممرضات على عادل يحاولون يوكفوه يدفعهم يوخر الضماد الي على عيونه يشوف مغوش الممرضات يجتمعون ويصيحون الممرضين يجتفون عادل يمنعوه يقاومهم ويبجي زهور وينج يحاول يطلع من المستشفى يرجعوه بالكوه يصاب بانهيار عصبي ويبجي ينطوه مهدء يبقى يصيح باسم زهور لحد ما ينام
...
نرجع لزهورطلعت تبجي من المستشفى تتصل بالحجي
الوو ها حجي اني جايتك
الحجي..واني منتضرج عند وعدي
دقايق واوصلك وتغلق الخط وهي تبجي تاجر تكسي وتصعد سايق التكسي رجل جبير اردني بنتي صاير شي احكيلي اساعدك ماعندك مصاري
لاعمو عندي فلوس الحمدلله وتبجي
بنتي والله وجعتيلي قلبي ليش عم تبكي احكيلي انا مثل ابوك انتي عراقيه شو جابك
زهور متكدر تحجي تبجي بقوه وتشهك مثل الطفل
يوكف السايق ويجب مي الها يحاول يفهم منها شي هي بس تبجي عمو يلا وديني ارجوك صار بنتي
اه احس رايحه للموت وتركت قلبي بالمستشفى
ليش مكتوب عليا العذاب ليش والدي والدتي منصحوني من طريق الغنا
عمو يلا وصلني ممكن
صار بنتي مابقى شي بس لو تحكيلي
عمو شحجيلك وصلني والله كريم توصل تنزل تدخل الحمام مال الفندق تغسل وترتب نفسها وتخابر على الحجي ينزللها للرسبيشن
....
للحديث تتمه
احب اسمع ارائكم واسف لان يوميه بارت انزل الكتابه مو سهله واني اعتب  نفسي هاوي ومبتدا
#امجد