من توصل الحمايه يحاولون يجرون زهور عادل يشتبك وياهم واحد منهم يضرب عادل بالمسدس على راسه يوكع عادل مغمى زهور تبقى تصرخ يطلعون الجوارين الحمايه تنهزم زهور تنقل عادل للمستشفى يدخلوه للطوارئ مغمى عليه
زهور..دكتور ارجوك طمني عليه
الطبيب..عنده نزف براسه وحالته خطره
زهور..دكتور ارجوك ساعده
الطبيب..لازم ننقله لمستشفى الجمله العصبيه ياخذوله مفراس راح اطلع اسعاف ينقله اهله وين
زهور..ماندلهم وموبايله بيه رمز بس راح اتصل بالشركه اكيد يندلون اهله
الطبيب ..اذا نجا من الضربه يمكن يعمى
زهور..لاعفيه دكتور ارجوك كلي شسوي
الطبيب ..هسه اخذيه للجمله العصبيه والله كريم
زهور..تنقل عادل لغير مستشفى وتتصل بالشركه يتصلون باهله ويجون تجي خطيبته رهف وعمه لان عادل متوفين والده والدته وعمه هو مربيه
ابو رهف..بنتي شنو الي صار
زهور..عمو كان جاي عليا وتعرضو جماعه حراميه وضربوه على راسه
رهف..شيكول الطبيب
زهور..يكول خطره الضربه جايز يفقد بصره
رهف..شنو يصير اعمى هذا حظي اكضي حياتي ويا اعمى
زهور..رهف لازم توكفين وياه خطيه
ابو رهف..اي بنتي هذا ابن عمك ويحبك من جنتي صغيره وخطيبج
رهف..بابا اني عندي دوام ماكدر ابقى هنا
ابو رهف..اني راح ابقى وياه
زهور..عمو اني باقيه وياه لحد ميصحى
ابو رهف..لابنتي ميصير انتي شلون تبقين شنو ذنبج
رهف..زهور انتي وين شفتي عادل وشجابج للمستشفى
زهور..مر عليا علمود البيت الي كاعد يبنيه الي وصار الحادث يمنا وجبته
رهف..بابا ممرتاحه اني شوف تريد ابقى وياه شجاب هاي هنا لو مكان وياها ماريد عادل هسه افسخ الخطوبه
زهور..ارجوج رهف ماكو شي بيني وبين عادل وعادل اشرف رجل شفته ولاتتخلين عنه وهو بحاجتك
رهف.. ماريد عادل وكنت شاكه بينكم شي
ابو رهف ..بنتي عيب هل الكلام شتحجين احنا بيا حال الولد خلي يصحى ونفهم منه
رهف..مانتضر يصحى ويفهمني ويكذب اني متاكده اكو علاقه بينه وبين زهور
زهور..كافي عاد اتحملتك هوايه عادل صديق ومهندس بينا شغل ومن يصحى عود اسئليه
رهف..اني رايحه بابا عندي دوام مانتضر يصحى ويكذب عليا
ابو رهف..بنتي انتضري ميصير ابن عمك وخطيبك شيكولون الناس
رهف..ابقى بابا انت وعود من يصحى اسئله وكله رهف كشفت خيانتك
زهور..روح عمو اني باقيه وياه لحد ميصحى
ابو رهف..بنتي راح الحك هاي المخبله اوصلها وارجعلج
زهور..براحتك عمو اني باقيه هنا يمه ماتركه
..
ابو رهف..ليش هيج بنتي هذا ابن عمك ومشتريج
رهف..ارجوك بابا انت متعرفه لابن اخوك هاي مو اول مره يخوني وهسه شفتها شلون دافع عنه هاي المطربه
ابو رهف ..بنتي بينهم شغل شتحجين انتي اني مربي عادل واعرفه
رهف..اسفه بابا ماكدر ابقى مرتبطه بيه بعد الخيانه والنوب اعمى
..
زهور..دكتور طمني ارجوك بعد ماشفت المفراس
الطبيب..هسه هو بغيبوبه لازم يصحى يلا نقدر حالته ونجيكه مضبوط وانطيج رأي
زهور..دكتور مستعده لكل المصاريف عفيه انصحني انقله اي مستشفى بس كول
الطبيب..صدكيني لازم يصحى من الغيبوبه يلا اكدر اكلج شتسوين ادعيله
زهور..يااارب توبه بعد ابد ماغني والتزم بس نجي عادل لان كله بسببي يارب ميستاهل وتبجي وتخلي راسها على ايده وتغفى تحلم بعادل يريد يوكع وهي مجلبه بيه بكل قوتها تسحبه
عادل..يبده يصحى بس ميشوف شي يتلمس باطراف اصابعه راس زهور شعرها انفها يبقى يتلمس شعرها
زهور..هي نايمه تحس باصابع عادل بشعرها فتخلي وجنتها على اصابعها وتقربهن من شفتها تبوسهن
عادل..رهف وينك حبيبتي
زهور..تصحى ها عادل صحيت اوكف خلي اصيح الطبيب تطلع تركض تصيح الطبيب دكتور صحى تعال شوفه
الطبيب..حمدلله على سلامتك يابطل خوفتنا عليك
عادل..اني وين رهف وينها ليش ظلمه الدنيا
الطبيب..يجيك عيون عادل يضرب ضوه بيهن ماكو ميتحرك البؤبؤ يسئل عادل عادل ميتذكر شي من الحادث يشاور الطبيب زهور
اكو دم متخثر بالدماغ محتاج عمليه وخطره عمليته كلش لو يبقى اعمى وعنده
زهور..دكتور عفيه انصحني وين اوديه وشكد نسبة نجاحها للعمليه ويا طبيب مستعده لكلشي
الطبيب..اكو طبيب عراقي بالاردن انصحك بيه راح هسه اراسله واخذلج موعد منه الوحيد هو يساعدك
زهور..اي عفيه دكتور ارجوك ساعدني
الطبيب..انتي خطيبته لو اخته
زهور..لادكتور لاخطيبته ولا اخته اني مجرد صديقه والحادث بسببي
عادل..رهف وينها واحد يفهمني شنو الي صار وليش ماشوف
زهور..رهف متعرف مكلنالها وانت مابيك شي عادل هسه الطبيب طمني عليك
عادل..شنو الي صار احجيلي
زهور..انت وكعت وصارة ضربه براسك هسه الطبيب طمني راح نسافر اني وياك للاردن اكو طبيب عراقي هناك
عادل..فهميني الي صار راسي يوجعني يرجع ينام
زهور..ربي ساعدني اني دمرت حياتها بيدي خطيبته تركته بسببي وفقد نضره ماتخلى عنه بس اذا اتذكر راح هو يكرهني للموت شسوي يارب ترجع تخلي راسها على كف ايده وتغفى
..
ابو رهف..بنتي فكري زين شيكولون الناس علينا تركت ابن عمها لان صار اعمى منو بعد يفكر يرتبط بيج
رهف..بابا ارجوك اني من الاول ماحبه انتو جبرتوني عليه
ابو رهف..منو جبرج هو بس خطبج وافقتي
رهف..وافقت مكنت اعرف بيه لعوب وعنده علاقات كنت خايفه اكللكم بس الحمدلله شفت بعينك هاي المغنيه شلون ملهوفه عليه ومكابلته خلي تشبع بيه ماريده اني هل السنه اتخرج واتعين واشوف مستقبلي
ابو رعف..لا مستحيل انتي بنتي الي ربيتج وتعبت عليج
...
عادل..يصحى نفس كلامه رهف وينك حبيبتي
زهور..اجتي رهف شافتك وظلت تبجي وتعبت واخذها ابوها لاتقلق عادل اني يمك
عادل..زهور احجيلي الطبيب شيكول
زهور..الطبيب كال عمليه بسيطه وترجع تشوف انت عندك جواز
عادل..اي بالبيت عندي جواز بس ليش رهف راحت اني محتاجها
زهور..موكتلك تعبت من البجي ورادت تتخربط اخذها ابوها
عادل..عمي وين
زهور..اخذ رهف يوصلها وراجعلك
ابو رهف..ها ابني الحمدلله على سلامتك همزين طمنتني جنت قلق عليك
زهور..عمو رهف مو اجتي وبقت تبجي واخذتها انت تخربطت
ابو رهف..ها اي عمو اخذتها تخربطت من البجي
عادل..لاتبجي اني زين والطبيب يكول محتاج عمليه بسيطه وارجع اشوف
زهور..عمو اريد جوازه واوراقه علمود هسه ارتب واخذه للاردن
ابو رهف ..صار بنتي اروح لبيته اجيبلج شتحتاجين وملابس هم
زهور..اي عمو
ابو رهف ..فلوس بنتي هم اجيبلج شكد كولي
زهور..ان شاء الله من احتاج اكولك عمو المهم سلامته لعادل
ابو رهف..بنتي احجيلي الحقيقه ارجوج صدك بينك وبينه علاقه
زهور..بشنو احلفلك عمو عادل اشرف شاب وماكو بينه شي لذالك اني احترمه واقدره
عادل..وين رهف اريد احجي وياها
ابو رهف ..هي هم تريد تحجي وياك بس من تشوفك تبقى تبجي وتتخربط
عادل..عمو كوللها عادل زين ومابيه شي ويحبك
ابو رهف..صار ابني لايظل بالك انت صير زين وهي تفرح
زهور..عادل هي تحبك وبقت تبجي عليك وهبط ضغطها والطبيب كال لازم تروح للبيت وعدها دوام
عادل..اي خطيه وراها دوام
زهور..عمو روح استعجل جيب الاوراق حتى اقدم على الفيزه للعلاج باسرع وقت
..
بقو ايام يتنابون وبقى عادل يكرر سؤاله عن رهف ويوميه يتحججون بشي لحد ماتفقو انها مريضه
عادل..اريد احجي وياها اتصال
ابو رهف ..لازم اقنع رهف يروح لغير مكان يتصل بيها الو
رهف..هلو بابا
بنتي عادل يوميه يسئلنا عليج لازم تحجين وياه ميصير خطيه
رهف..اؤف بابا هاي فوك خيانته الي لازم اراعي مشاعره واحجي وياه شيريد كوله كشفتك ومتريدك
ابو رهف..بنتي مثل ما انتي بنتي هو هم ابني وربيته ماريد اغصبك بس ارجوج خابريه وسوي نفسك مريضه
رهف..هاي لخاطرك بابا والا هو خاني وماسامحه
تتصل رهف بعادل
زهور..عادل هاك موبايلك هاي رهف تتصل بيك
عادل..الو هلو حبيبتي سلامتك ليس هيج تخليني اقلق لاتبجين اني بخير
رهف..هلو الحمدلله على سلامتك اني كلش مريضه بسببك
عادل..سلامتك اني راح اسافر للاردن اسوي عمليه صغيره وراجع ان شاء الله بس ارجع نتزوج
رهف..الله كريم وتقطع الخط
عادل..الو الو انقطع الخط اكيد الشبكه لو رصيدها
زهور..اي الشبكات موزينه هل اليومين
عادل.. همزين طمنت عليها زهور لو تعرفين شكد احبها اني ربيتها على ايدي من كانت طفله اني اكبر منها ب5 سنوات كنت ماخلي واحد يطخها او يزعلها
زهور..الله يحفظكم لبعض وان شاء الله تسوي العمليه وتنجح
عادل..اني اتذكر خابرتيني ورحنا لبيتك بعدها ماتذكر مثل الحلم ناس اجوي وصياح وهوسه
زهور..لاتفكر عادل وتعب نفسك هسه صحتك المهمه كملت الاوراق وراح نسافر سوه
عادل..انتي ليش تعبين نفسك ويايه عمي يجي ويايه
زهور..عادل انت غالي عليا والحادث بسببي انت اجيت عليا وضربوك الحراميه
عادل..هذا قدر لاتحملين نفسك وتفكرين الحمدلله الطبيب مو اكدلك عمليه بسيطه ويرجع نضري
زهور..عادل انت غالي عليا ماكدر اتركك والحادث بسببي
....
للحديث تتمه هل تنجح عمليته وترجعله رهف
اسف اتاخرت اكثر من مره اكتب واحذف للمره الخامسه انتضر ارائكم احبتي
#امجد
أنت تقرأ
اغتيال مشاعر
Romanceمطربه تطلب من مكتب هندسي بناء منزلها المكتب يرسل مهندس شاب خاطب بنت عمه بالاول المطربه والمهندس يختلفون بالاراء بعدين تنشأ صداقه بينهم قويه وتبده تحبه وتحاول تبعده عن خطيبته وتجر رجله لبيئتها بكل الطرق
