اغتيال مشاعر

البارت الرابع عشر

زهور مشت مع المحامي بالقسام الشرعي وعادل تعرض لحروق بوجها تشوه ورهف رجعت تخلت عنه
يوصل خبر لزوجة الحجي ضرة زهور ان زهور عايشه وتمشي بالقسام الشرعي
زهور..استاذ بدت توصلني مسجات تهديد واحس حركه موطبيعيه بشارعنا سيارات رايحه جايه
المحامي..نصيحه الج غادري للاردن غيري جو لحد ماكمل القسام الشرعي واسوي ازالة شيوع وتاخذين حصتك غصب عنهم
زهور..اي خوش فكره استاذ اشكرك مع السلامه
المحامي ..مع السلامه ست
زهور..خاله انتو ابقو هنا اني هددوني اروح للاردن كم يوم لحد ما تنتهي القضيه واحصل فلوسي ماخليكم تحتاجون انطيكم مصرف
العجوز..براحتك بنيتي اهم شي سلامتك
زهور..خلي اتصل بالمديره ليش يبطلوني اخذ اجازه سنه بدون راتب تتصل بالمديره وترتب اجازتها
وتحضر نفسها للسفر
...
نرجع لعادل ينصدم برهف مره ثانيه ويطلكها هم المره نهائي الطبيب يوصيه يسوي عملية تجميل يبده يلبس نضارات وقناع ابيض حريري لوجه ويسافر للاردن حتى يسوي عملية تجميل عادل يروح لنفس الفندق ويحجز نفس الغرفه الي جان بيها ويا زهور يتذكر زهور وحنيتها وطيبتها بس يفكر ليش اختفت فجاه ينزل للرسيبشن يشوف زهور مع موظف الاستقبال يخاف يتقربلها تنفر منه يسمع كلامها مع الموظف
زهور..عفيه اريد هاي الغرفه بالذات
الموظف..محجوزه مدام لشخص
عادل..مدام اني حاجزها ويوجه كلامه للموظف انطيني غرفه بصفها اذا امكن
الموظف..اي راح انطيك الغرفه المجاوره
زهور..تسمع عادل يحجي عراقي وتحس بشهامته
مشكوره اخي انت عراقي بس تباوع مغطي وجه بنضارات وقناع حريري ابيض متعرف عادل لان صوته متغير حتى حباله الصوتيه من استنشق النار متاثره
عادل..اي مدام اني عراقي تدللين بس شعجب الا هاي الغرفه
زهور..لان كنت نازله بيها قبل وارتاحيت بيها
عادل..دقايق بس ينطيني غرفه اخذ اغراضي وانتقل تدللين
زهور..اني اشكرك هوايه اخي
عادل..اتشرفت بيج
زهور ..انت الشرف
الموظف..استاذ غرفتك جاهزه
عادل..شكرا اخي ويصعد عادل وزهور وعامل مع الجنط يتبادلون الغرف
زهور..بس تدخل الغرفه تبده تبجي تتذكر عادل والي صار بالغرفه تبدل وتتمدد تشم نفس عطر عادل بالغرفه معقوله باقي عطره لحد الان اكيد اتخيل الله شكد حبيت هل الغرفه
عادل..الضاهر متزوجه زهور لان الموظف كاللها مدام بس اكيد تنفر مني بس تعرفني خلي احاول اتقرب منها واعرف سبب تخليها عني اؤف تمنيت ممشوه واحجي وياها زين الي شفتها باربيل المعيديه شكد تشبها لا ماخليها تعرف اني عادل وتنفر مني النوب تشوهت بس لازم اعاقبها لزهور وانتقم منها هي ورهف لان لعبن بيا
...
زهور تنام تكعد المغرب تسبح وتبدل وتنزل  للمطعم مال الفندق حتى تتعشى تشوف العراق الشهم الي انطاها الغرفه تتقرب تسلم عليه مسا الخير استاذ حبيت اشكرك
عادل..هلو مدام عادي لا ليش تشكريني احنا عراقيين عائله وحده
زهور..ممنونه منك اني كنت مدام حاليا لا ارمله توفى زوجي وهسه بالعده اني
عادل..تفضلي لو سمحتي تعشي ويايه
زهور..لا اخاف اضايقك بس من شفتك حبيت اشكرك
عادل..لا متضايقيني ياريت تشرفيني
زهور..شكرا اني هم كنت شايله هم اتعشى بحدي تكعد زهور يتعشون
عادل..صار عندي فضول اعرف قصتك وقصة الغرفه
زهور..الغرفه قبل نزلت بيها والي بيها ذكريات جميله ومؤلمه
عادل..شنو الجميل الي صار والمؤلم
زهور..ماريد اكطع شهيتك اخويا انت شعندك هنا بالاردن
عادل..اني اجيت للعلاج اسوي عملية تجميل لوجهي مثل ماتشوفين البس نضارات والبس قناع
زهور..الصراحه من شفتك استغربت وفضول عندي اسئلك بس استحيت تعرف العراقي يحب يعرف كلشي وتضحك
عادل..لاعادي انكلبت سيارتي واحتركت الحمدلله الله نقذني بس طلعت مشوه
زهور.. يارب يشافيك ويعافيك الرجل مو بالشكل بالاخلاق انت جاي لوحدك
عادل..اي اني بحدي
زهور..متزوج
عادل..كنت متزوج وزوجتي طلبت الطلاك بعد الحادث
زهور..الله يهيدها يارب ليش هيج انت كنت تعاملها سيء
عادل..لا بس لان تشوهت متتحمل تشوفني وطلبت طلاك
زهور..ليش هيج ياربي والله هاي مجنونه اترخص منك اخويا اصعد اصلي وارتاح تعرف اليوم جيت
عادل..اوك اشوفك بخير
زهور..سلام
عادل..سلام
...
عادل..حيل متغيره زهور بس اكو سر وراها كالت على الغرفه بيها ذكريات حلوه ومؤلمه
يصحى عادل الصبح عنده موعد بالمستشفى يشوف طبيب التجميل عراقي مقيم بالاردن  وتصحى زهور تغسل وتبدل تنزل تتريك كاعده بالمطعم يدخل عادل
تشوفه تاشرله تفضل
عادل..هلو صباح الخير
زهور..صباح الانوار اخي تفضل
عادل..لاشكرا ماريد اضايقك
زهور..لالا تفضل
عادل..زاد فضلك يكعد يتريكون اليوم عندي موعد ويا طبيب التجميل بس خايف
زهور..اني اعتبرني اختك انت بحدك ميصير تروح اجي وياك
عادل..لا عيني ماحب اعطلك انتي اكيد جايه بشغل
زهور..لا لا ماعندي شغل انت مثل اخويا اني جايه الصراحه مهزومه وتضحك
عادل..ياساتر مهزومه من شنو
زهور ... من ضرتي السابقه رفعة دعوى قسام شرعي وبدت تهدد بيا
عادل..يلا نكمل كلامنا بالطريق اتاخرت على موعد الطبيب
زهور..يلا بسم الله وتكوم
بالطريق يرن موبايل زهور
زهور..هلو استاذ ها بشر
المحامي..هلو ست شوفي ست هاي ضرتج مافيا حتى النا هددتنا بس متسوي شي غصب عنها راح اسوي القسام واخذ حصتج
زهور..اي استاذ ممنونه منك اني
المحامي..تدللين ست زهور تامرين امر
زهور..اوك هسه اني عندي شغل وانت اول باول انطيني الاخبار
المحامي..اكيد ست اول باول انطيج الاخبار
زهور..اوك سلام
المحامي ..سلام
عادل..انتي محجيتلي عن نفسك
زهور..والله ياخويا شحجيلك هوايه امور وقضايا
عادل..براحتج شوكت متحبين
زهور..هسه خلي نشوف الطبيب شيكولك ونرجع نصلي بالفندق ونلتقي على الغده وادوخك بمشاكلي
انت منين وشنو شغلك
عادل..اني من بغداد اشتغل بشركه مهندس
زهور..اني هم من بغداد واعمل معلمه بروضه زوجي عيني قبل ميتوفى كان مسؤول جبير
عادل..ويا نفسه اي زهور تركتيني علمود الفلوس واني الي ضحيت بنفسي علمودج شكد جذابات النسوان مو ما امان بسيطه زهور اذا ماخليج تتندمين اي زين طلعنا من بغداد اثنينا
زهور..انت ابن بلدي وشهم عليك ماشاء الله يوصلون للمستشفى يدخلون للطبيب مال التجميل
عادل..زهور اطلعي وخليني ويا الطبيب لازم اكشفله وجهي يشوفه
زهور..لا خليني تره كلش عادي
عادل..لا من فضلك خليني بحدي ويا الطبيب ممكن
زهور..براحتك
عادل..اشكرج
الطبيب..ها اكشفلي عن وجهك
عادل..ينزع القناع الحريري بعدها الحروق مطايبه محتاجه علاج
الطبيب..اخي حروق عندك بعدها مطايبا راح بالاول بالليزر انحت الحروق وانضفهن وانطيك مراهم مال تجميل يسموهن تخليهن على الحروق ومن ينشفن اني اسويلك عمليات ترميم لانفك وشفافك انحتهن احاول
عادل ..وارجع طبيعي دكتور طمني تره حالتي النفسيه زفت كلش
الطبيب..مو 100ب100بس انشاء الله الي اكدر عليه اسويه بس باجر لازم اسويلك عمليه قشط بالليزر وهسه اكتبلك ورقه تروح لمضمد بالنستشفى خاص بالحروق علمود ينضفلك الحروق
عادل..اوك اشكرك دكتور
الطبيب..تدلل اخي
يطلع عادل يروح للمضمد تلحكه زهور
نفس الشي يطلب منها تطلع توكف بالباب تسمع عادل وهو يتالم من يضفله الحروق المضمد لان الم الحروق قويه كلش عادل بالكوه يسيطر على نفسه ميصيح
الممرض ..حرك شفافك وفجك افتحه اقصى حد وارجع اغلقه تره يتيبس فجك
عادل..يحاول بقوه يحركهن ويتالم
زهور..تمد راسها تشوف وجه عادل المشوه تدعي ويا نفسها الله يشافيه
عادل..يلتفت يشوف راس زهور ممدود يصيح بيها فضوليه وخري ويضحك
زهور..هاي شبيك مكروه شنو عادي واذا شفتك
وتضحك
عادل..ميصير ارجوج ابتعدي
الممرض ..اختي وخري خلي اشتغل هاك انت هذا الباندج خليه بين سنونك علمود من تتاذى متصيح عضه
عادل..اي افضل
الممرض..لازم يوميه تحرك فجك صح تتاذى بس لازم تحركه وتسويله رياضه
عادل..صار بس كمل علمود ارجع للطبيب موعد الليزر
الممرض ..كملت بس اخليلك مراهم
زهور..الحمدلله ها كملتو
عادل..انتي مو اذنج يمنا مخليتها شكو تسئلين ويضحك
زهور..هههههه لاتفشليني شبيك
عادل..يلا كملنا نرجع للطبيب
يرجعون للطبيب يحددللهم موعد ثاني يوم لليزر
عادل..يلا هسه نروح نتغده
زهور..لا نرجع للفندق اصلي وننزل نتغده
عادل..ميصير شي اذا صليتي بعد الغده
زهور..اسفه الله نجاني من الموت ميصير ماحترم مواعيد صلاته انت لو تعرف حياتي وشنو شفت جان كلت حقج
عادل..باستغراب اتمنى اعرف قصتج لان شوقتيني
زهور..خلي نصلي ونتغده ومن نشرب كهوه احجيلك اتفقنا
عادل..اتفقنا ويا نفسه اؤؤف شكد كرهتج وكرهت رهف
...
للحديث تتمه
ارجو التفاعل احب اسمع ارائكم احبتي تفاعلكم كلش قليل ميشجع الواحد يكتب
#امجد