اغتيال مشاعر

البارت الحادي عشر

تبده المسجات توصل للحجي الاتفاق يخلي الفلوس بحساب بنك بيروت
الحجي..ابني لؤي كلي شسوي هذا مصورلي عقود مناقصات تكسر ظهرلي ودزهن
لؤي..عمو ماكو غير حل تنطيه الفلوس وتنسحب بهدو وتدير شركتك مكان ماتخسر كلشي لو تنسجن ويروح تعبك واني اصير ابن اخوك مو غريب والمناقصات اني وياك لشركاتك
الحجي..خلي افكر ابني هسه تفكيري متوقف كله بهاي الكلبه زهور شلون هيج سوت بيا وخانتني
لؤي..باخر مسج انطاك يومين حجي لازم تستعجل
الحجي..شنو اي صح يومين ويا نفسه هذا لؤي شلون عرف يومين اني ماكتله على المهله يبده يشك بلؤي الحجي الشغله بيها ان اوك ابني لؤي راح احضر الفلوس مثل ماكلت شسوي مجبور روح هسه انت اني اكمل اتصالاتي علمود اروح لبيروت اودي الفلوس واخلص منها وارتب خروجي من وادخلك مكاني ابن اخويا
لؤي..اي عفيه عمو تفكيرك صح
يطلع لؤي الحجي يفكر بلؤي اله علاقه يبده يشك زهور ولؤي على علاقه  يفكر يدز على حرس البيت حتى يتاكد من زهور شلون طلعت ويامن
الحجي..للحرس احجي ابني شلون طلعت عمتك من البيت من جنت مريض بالمستشفى
الحرس ..حجي بدلت عمتي وطلعت لحكتها ركبت سياره ويا شاب
الحجي..انجب لك قشمر احجي منو انطاك وخوفك وخلاك تكلي هل الحجي
الحرس..يبده يتلعثم شنو حجي
الحجي..اني عرفت كلشي اريد اعرف ليش هيج سويت اني جبتك من القريه وعينتك كلت ولد عمي اولا
الحرس..وداعت ابوي حجي عمي لؤي والحجيه كالولي كول هيج
الحجي..اني تخوني كلب احجيلي هسه الي صار بالضبط لا اسلخ جلدك تعرف اضيعك
الحرس..حجي اجه لؤي اخذها بسيارته بس جانو موتيها كتل وكالولي كول انهزمت لان هاي موزينه وحشاك كالو جلمه جبيره ماريد اكولنها
الحجي..ولك احجي بحلكك عظم كول
الحرس..كالو قشمرتك حجي
الحجي..انجب لك شوف هسه تروح طبيعي للبيت وابد متجيب سيره لاحد اني دزيت عليك وحجيت وياك اذا سئلك واحد شراد الحجي كول سئلني على بستانه بالقريه شكد يجيب الظاهر يريد يبيعه وياويلك تطلع جلمه منك اكتلك وادفنك واشرب فوك كبرك وانعل والد والديك
الحرس..صار حجي اني خادمك توبه تدلل ابوس ايدك
...
يطلع الحرس يفكر الحجي بكامرات بيته يدز واحد يجيب القرص ويشوف لؤي شلون جر زهور للسياره
الحجي يفكر شلون يستدرج لؤي وياخذ منه الملفات قبل لايفضحه ويعرف مكان زهور نرجع لزهور والشايب والعجوز بدو يتعاطفون ويا زهور
العجوز..يمه بنيتي اكلي دخلله الاكل
زهور..نايمه على السجاده وتبجي وتدعي الله خاله ماريد اكل خايفه ساعديني
العجوز..بنتي ميصير اكلي اتقوي شويا ويصير خير ربك ماينسى عبده
زهور ..والنعم بالله هو كاعد يشوف الظلم خاله فدوه خلوني انهزم
العجوز ..هسه اكلي وبالليل يصير خير
زهور..صدك حجيه راح تساعدوني اني انطيكم فلوس عندي ضامه وذهب
العجوز..يمه لله نسويها راح ننهزم كلنا لان هذا مجرم واحنا جابنا نحرس البيت والمزرعه منعرف هيج مجرم وتورطنا
زهور..حجيه اني اساعدكم معليكم اخذكم ويايه وماخليكم تحتاجون شي واعوضكم
العجوز..لعد اكلي يابنيتي تقوي وبالليل الله كريم
زهور..تاكل بنفس وتبده تستعيد فرحتها
وتفكر شلون تنهزم من العراق نهائي بعد ماشافت عادل متزوج 
...
نرجع للحجي عرف لؤي وره كل المصايب لازم يستدرجه ياخذ منه الوثائق ويعرف وين زهور مخطوفه بس شلون يندل مكان الوثائق وزهور جايز بالقوه ميجي لازم يراقبه
يصيح واحد من الحرس الي يثق بيهم
الحجي..ابني راح اكلفك بمهمه لو تصعد بيها وانطيك هديتك لو تطير ركبتك بيها اي مخلوق يعرف انت المسؤول الي اكلفك تراقبه مو تخاف منه
الحرس ..خادم الك اني حجي من ايدك هاي لايدك هاي
الحجي..ابني هديتك مني بس اذا فشلت ماكو مكان يلفيك وين تنهزم اجيبك شوف اريدك تراقب لؤي
الحرس..يا لؤي
الحجي..غبي اكو غير لؤي ابن اخويا
الحرس..صار حجي بعد
الحجي وين يروح وين يجي تسجلي كلشي واذا غاب عنك لحضه اموتك وين يروح تخابرني وتنطي خبر
الحرس ..صار تامر امر
الحجي ..يلا هسه انطلق راح اتصل ب لؤي من يجي انت الحكه الحرس يروح الحجي يتصل بصديقه مسؤول ينطيه ارقام لؤي يتبعهن بالجي بي اس عن طريق الشبكات ويحدد نقاط اله حتى يندل الاماكن الي جايز ضام بيهن الوثائق وزهور  ويدز على حرس ثقه يخططون وياه شلون يلزمون لؤي وراها يتصل ب لؤي
الحجي...وين انت ابني
لؤي..ها عمو محتاج شي
الحجي ..طبعا احتاجك تعال شوفلي صرفه بهاي المصيبه
لؤي..صار تدلل عمو دقايق وجايك
....
لؤي..ها عمو امرني
الحجي..دبرت الفلوس ماكدر احولهن لازم اني اروح انزلهن بالحساب الي دزه الي بيروت
لؤي...تحب اجي وياك
الحجي..لا بس انت راقبلي الوضع هنا اخاف ينشر الوثائق وانفضح
لؤي..صار عمو اني موجود هنا ادير بالي على البيت والمكتب
الحجي ...اي ابني عفيه ابوك الله يرحمه من مات كلي انت ابوه دير بالك على لؤي
لؤي...ويا نفسه هو منو اكل حق ابوي بالاراضي والبساتين وكاله غيرك اي عمو انت والدي الثاني
الحجي..ايباااه ولك تبيعني ربيتك وكبرتك لو مربي جلب وممربيك اي عفيه ابني انت حزام ظهري
لؤي..صار محتاج شي اني اروح اكمل كم شغله وارجعلك يطلع لؤي
....
العجوز ..يلا بنتي حضري نفسج
زهور..خاله شنو هذا البيت احجيلي
العجوز ..يمه شحجيلج يامه جاب شباب مثل الورد هنا وكتلهم اجنا نخاف هذا مخبل ومجرم قاتل واني وعمج تورطنا نخاف بس من شفتج حبيتج وانكسر كلبي عليج اكو غرفه يضم بيها غراضه وميخلي واحد يتقربلها
زهور..وين هاي الغرفه
العجوز هاي بصف غرفتج
زهور..خلي اشوفها خاله بلكي نلكه بيها شي يفيدنا
العجوز..صدك احنا راح ننهزم خلي نشوفها بس يابنتي خلي ننهزم شعلينا نورط نفسنا بيهم
زهور..اني اروح اشوفه تروح زهور تلكه باب مقفول بقفل صغير تكسره وتدخل تلكه مكتب مرتب تفتح المجرات تلكه اوراق واقراص تلمهن كلهن عقود مناقصات متفهم منهن شي وتلكه فلوس ومسدس صغير تتذكر زوجها الاول علمها تستخدمه تاخذه وتاخذ الفلوس والاوراق والاقراص وتطلع يلا خاله خلي نطلع
الشايب ...وينكم يلا حضرت السياره يلمون غراضهم وينهزمون
العجوز..هسه وين نروح
زهور..معليكم نروح لاربيل عندي معارف هناك وامان بس لازم امر لمكان اجيب فلوسي وذهبي اوكفو يم الو موبايلات اشتري جهاز وسيم كارت
الشايب..بنتي راح نتورط خلي ننهزم هسه
زهور..عمو لاتخاف
الشايب..هاج موبايلي اتصلي تاخذه زهور تتصل بمديرة الروضه جانت محسبه لهيج يوم وضامه فلوس وذهب يمها
زهور..هلو ست
المديره..هلو بنتي ليش غايبه وين جنتي
زهور..بعدين احجيلج ست بسرعه حضريلي الجنطه الي خليتها امانه عندج
المدير..صار صار بنتي
زهور..دقايق واني جايتج
المديره..صار بنتي اني بالبيت وهسه اطلعها الج
زهور..ممنونه ست وتكطع الاتصال
....
الحجي يجي اتصال وخريطه منقطين بيها الابراج الي متصل منهن لؤي من ضمنهن برج قريب للمزرعه جنوب بغداد
لؤي اول ميطلع من الحجي يروح للمزرعه حتى يصور زهور ويصور وثائق حتى يدزهن للحجي
الحرس يلحكه للؤي ويتصل بالحجي من يوصلون للمزرعه الحجي ياخذ جماعته ويروحون للعنوان يتاكد ان لؤي هناك ضام زهور والوثائق
لؤي يوصل للمزرعه يصيح محد يفتحله الباب ينزل يتمشى يفتح الباب ماكو عائلة الحارس يتخبل
يركض للبيت ميلكه زهور يدخل للغرفه ميلكه الوثائق والاقراص يخبل يكعد يفكر
الحجي يوصل للمزرعه يدخلوها يحس لؤي يسحب سلاحه ويباوع من الشباك يشوف الحجي وحمايته يشك الحجي ماخذ زهور والاقراص يعرف راح يقتله انتهى كلشي وانكشف يقرر يقتل الحجي 
يوجه رشاشته من الشباك على الحجي ويرمي صليه يردون عليه الحمايه يحركون البيت  يبقون 10 دقايق يرمون لحد ما يسكت لؤي عن الرمي يدخلون يلكوه مقتول
الحجي يتصوب بصدره اصابته قاتله بس بيه نفس ينقلوه للمشفى بغيبوبه
...
نرجع لزهور تاخذ الجنطه بيها اوراقها وذهب وفلوس وعقد الزواج ويتوجهون لاربيل
...
للحديث تتمه
اسف اتاخرت بس ماحسكم متفاعلين والبعض يكول صار مسلسل تركي الكتابه مو سهله واني مبتدأ والقصه متنتهي بصفحه او صفحتين اشكر المتفاعلين واتمنا القصه تنال رضاكم
#امجد