اغتيال مشاعر

البارت الثالث عشر

وصلنا لزهور تحتفل بموت الحجي ولؤي وعادل ورهف رجعو على طريق اربيل وصارو وجه بوجه مع رتل امريكي والرتل اطلق نار عليهم وانقلبت السياره اكثر من مره وكفت الناس والرتل يحاولون يطلعوهم جرو رهف واشتعلت النار وعادل بيها للسياره نزلو طفايات طفوها على السريع بعد ماحترك وجه عادل
واديه شويا طلعوه متصوب بصدره ومتعرض لحروق قويه نقلوهم للمستشفى
....
زهور بعد الاحتفال تقرر ترجع لبغداد ثاني يوم الصبح حتى تنطي وكاله للمحامي علمود يمشي بشغلة الورث وحصر املاك الحجي
زهور..صباح الخير خاله يلا خلي نبدل ونرجع لبغداد اروح للمحامي
العجوز..صباح الخير يمه هسه اكعدهم نتريك ونلم هدومنا ونرجع ان شاء الله
زهور..اي خاله خلي نطلع من وكت بلكي اليوم اشوف المحامي ونتفق
العجوز..صار بنتي يلا ياجهال اكعدو تريكو يكعدون الكل يتريكون وزهور فرحانه بعائلتها الجديده وخلاصها من الحجي ولؤي الحقير
...
نرجع لعادل ورهف ينلقوهم للمستشفى رهف كسور وجروح بسيطه بس عادل حالته خطيره طلقات بصدره وحروق بوجهه يسيطرون على النزيف ويبقى بالانعاش
...
زهور ترجع لبغداد وترجع لبيتها الي سواه الها الحجي
وتتصل بالمحامي
زهور..هلو استاذ  اني اجيت لبغداد ممكن نلتقي
المحامي..هلو ست زهور ليش لا عيني تره سئلت الحجي عنده كومة املاك وارصده وبساتين وبيوت بغداد ماكل مال الله وعباده ويضحك
زهور..اي عفيه استاذ سويلي حصر بيهن كلهن
المحامي..ابسط منها ماكو بس نلتقي وتنطيني وكاله ونتفق على النسبه كلشي هين لان هاي راح يطلعلج خوش مبلغ محترم
زهور..صار استاذ شوكت تحب نلتقي
المحامي ..باجر تجين للمحكمه نسوي وكاله عد كاتب عدل ونتفق
زهور..اشكرك استاذ باجر الساعه بيش تريدني
المحامي..ياريت ب8 بالضبط نلتقي باب المحكمه
زهور..صار ب8 ضبط نتلاكه بالباب تدلل
المحامي..بعد محتاجه شي ست بس لازم نكون حذرين من باقي الورثه لان مو سهلين ابد
زهور..اي زوجته خطفتني بحياته هم تخوف
المحامي ..تكدرين تقيمين دعوى عليها اذا عندج شهود
زهور..ماعندي منين شهود منين اجيبهم هي خلت ابن اخو الحجي يخطفني وراد يقتلني لوما ناس فقره خلصوني منه
المحامي ..سهله اذا تريدين اخليلج حرس ست لان صدكي راح يطلعلج مبلغ مو هين يكفي ولد ولدج
زهور..خلي اشوف استاذ خوفتني انت استاذن منك تونا وصلنا بغداد وتعبانين كلش
المحامي..محتاجه شي اجيبلكم عشا
زهور..لاتسلم استاذ ويايه اهلي هسه بابا يجيبلنا عشا باجر على موعدنا ب8 الصبح كدام المحكمه ان شاء الله اترخص منك هسه باي
المحامي..ان شاء الله على موعدنا باي ست زهور
..
زهور ..للشايب عمو اكو مشكله راح تواجهني
الشايب..كولي بنيتي خير
زهور..زوجة الحجي اكيد من تدري مراح تسكت لازم ماطلع واخش واني من انهزمنا من المزرعه لكيت مسدس جبته ويايه والمحامي كال ادزلج حمايه شوكت متحتاجين انت تعرف تستخدمه للمسدس
الشايب..والله يابنيتي ماعرف شكولج لازم تشوفين واحد ويايه اني رجال جبير
زهور..اي ميخالف خلي اشوف حارس ينام بغرفة الحارس بالحديقه يساعدك
العجوز..يمه بنيتي وياج احنا منخليج بحدج ان شاء الله انتي بنيتنا
ثاني يوم زهور تاخذ الشايب وياها وتروح للمحكمه تلتقي المحامي بس لابسه حجاب مرتب وقميص طويل وبنطلون
زهور..هلو استاذ شلونك
المحامي..هلو هلو هاي شنو معرفتج وين جنتي وين صرتي على العموم شغلت مصادري زهور راح ندخل حرب جبيره لذالك راح ادخل ويانا محامين ونسبتنا 20 بالميه لان الحجي املاكه هنا وبره وارصده واني بحدي اكيد راح يهددوني بس من نكون مجموعه
كل محامي واله عشيرته تسنده مراح يكدرون يسون شي
زهور..استاذ 20 بالميه هوايه انطي 10 بالميه
المحامي ..لازهور راح نواجهه عصابات وراح ندز مصادرنا يجمعون الاخبار غن الاراضي والبساتين والعقارات قليله زهور الج 18 بالميه
زهور..اخر كلام 15 مانطي فلس اروح هوايه مكاتب
المحامي..صايره تساومين
زهور..الدنيا علمتني هيج اكون قويه حتى اكدر اوكف بوجه الذئاب حشاك
المحامي..زهور لازم حرس الج لان الي عرفته ان ضرتك قويه وكلشي تسوي
زهور ...تفتح جنطتها وتشوف المسدس للمحامي واني هم مو سهله احتاج واحد بس حمايه وسايق
المحامي ..اليوم ادزلج واحد مضبوط سبع وثقه لان تعرفين اذا موثقه جايز يبيعج
زهور..اي كون امين وثقه لان راح انطيه الغرفه بالحديقه واذا احتاجيت ثاني هم اكلك
المحامي..لو شوكت متتعرضين لشي اتصلي راح اسوي اتصالات علمود اهيء حمايه الج
زهور..عندي وثائق واقراص للحجي اليوم اراجعهن بلكي الكه شي يفيدنا
المحامي.اي مستند تلكيه جيبيه بلكي يفيدنا
زهور ..ان شاء الله اترخص ارجع للبيت
المحامي ..انطيني عنوانك
زهور..من اوصل ارسلك مسح بالعنوان علمود الحارس هسه عن اذنك باي
المحامي..يباوع لزهور متغيره مو هي زهور الي جانت تغني بالملاهي
....
للهاوي@امجد القيسي
...
يمر اسبوعين المحامي وزهور يبدون يمشون بالقضيه مال القسام الشرعي نرجع لرهف وعادل بالمستشفى
عادل ..يعدي مرحلة الخطر بس يشوه وجهه ويحتاج عملية تجميل
رهف..بابا اني لازم اطلك من عادل على شنو اعيش وياه
ابو رهف..بنتي شنو شهرين مصارلكم وتطلكين مخبله راح تفضحيني مو هذا سنه كتلتي نفسج عليه وتخدميه ولزكتي بيته
رهف..بابا ماريده مشوه شنو اني بعدني شابه وحلوه الف واحد يتمناني واقدم تعين
ابو رهف..والله انتي مال ذبح انتي مو بنتي هذا زوجج وابن عمج
رهف..بابا ماريده وبعده يحب زهور اكتشفته
ابو رهف..من كتلتي نفسج عليه موجنتي تعرفين زهور والله لو ما مريضه ومكسره الا اكسرج اني انجبي الضاهر دللتج اني
رهف..ما متجبروني اني ماعيش ويا عادل لحضه بابا شكله يخوف شوفه 
ابو رهف..انتي مو بنتي اتبره منج رهف هسه الطب تقدم عملية تجميل ويرجع مثل الورد
رهف..تريد اموت نفسي انتحر وافضحكم لو طلكني مابقى ويا عادل اخاف مو بيدي نفسي متريده
شنو تجبروني نطلع من غرفة رهف لغرفة عادل
عادل .. دكتور ممكن اشوف وجهي
الطبيب..اي عادي انت الله يحبك طفو السياره وجروك كان اكو طفايات وهذه وجهك اي طبيب تجميل يسويلك عمليه المهم سلامتك عادل لاتفكر
ينطي الطبيب مرايه لعادل يشوف وجهه
يباوع ينقهر انفه وجناته شفافه مشوها بشكل مرعب
عادل..الحمدلله ربي استغفرك واتوب اليك دكتور زوجتي شلونها
الطبيب ..زينه الحمدلله عدها كسر بضلعها وبايدها وجروح
عادل..الحمدلله ممكن اروح يمها
الطبيب ..مانصحك اخاف الحروق تاخذ جرثومه وتسمم نكدر نجيبها هي تشوفك من وره الجام لان غرفتك معقمه خاصه بالحروق ممنوع يفوت غير الطبيب والممرض وانت تشوف نعقم نفسنا ونفوت
عادل..لا خطيه تتعب شكد ابقى ويروح خطر التسمم
الطبيب..انت حروقك من الدرجه الثالثه عميقه اقل شي 20 يوم وتعبر مرحلة الخطر اهم شي تتحمل الم
الغسل والتضميد يابطل هذا من صالحك
عادل..دكتور بس اتاذى هوايه
الطبيب..لصالحك هذا لازم يوميه نشيل الجلد الميت
عادل..اشكرك دكتور على تعبكم مقصرتو صوت عادل متغير كلش
...
نرجع لزهور والمحامي
زهور..هلو استاذ ها استاذ شسويت كملت القسام الشرعي
المحامي..ست زهور مو هينه اول شي ضفتك للسجل المدني مال الحجي وجبت نسخه مصدقه من عقدك من الاردن وهسه اخذت صورة قيد للمحكمه اكمل القسام الشرعي مالتكم ان شاء الله وجمعت الي كدرت اعرفه عن املاك الحجي ماشاء الله بس بغداد عنده 5 بيوت و3 عمارات وعنده بستان بالحله 20 دونم من غير الاراضي والارصده كلهن دزيت اخطار حجز ممنوع التصرف بيهن وباجر بس اسوي القسام احجز على العقارات
زهور..اي عفيه استاذ استعجلي بالشغله ماريد اطول وهاي زوجة الحجي كلشي تسوي
المحامي ..بس يتعرضولج اقدم طلب عدم تعرض اوقعهم عليه
زهور..اشكرك استاذ اوك اترخص منك عندي اتصال
المحامي..اوك ست زهور باي
زهور..باي
..
نرجع لعادل ورهف
ابو رهف ..يوكف من وره الجام يباوع لعادل
عادل..للمرض كل لعمي محتاج موبايل اتصل برهف
الممرض...صار تدلل يطلع لعم عادل يكله
ابو رهف ..اؤف هسه شلون اكله هاي المخبله متريدك ياشر لعادل من عينه يرجع لرهف
بنتي ميصير هذا ابن عمج وزوجج
رهف..بابا هذا يحب زهور حتى بنومه يكول اسمها ماريده اني اريد ارجع ويا امي لبغداد ابقى انت هنا يمه
ابورهف ..بنتي متتحركين شنو انتي الغريبه مسوتها
رهف..لاسوتها مو اول وحده تطلب الطلاك لان زوجها يحب غيرها
ابورهف..ليش تزوجتيه الولد ابتعد ورضى ليش رجعتيله الله لايوفقج شكول لعادل هسه
....
نرجع لزهور المحامي يكمل القسام الشرعي ويسوي حصر للاملاك وحجز علمود تتقسم حسب شرع الله تثور زوجة الحجي وتتخبل
الحجيه..هاي منين طلعتلي هذا الكلب لؤي مقتلها
لازم نتخلص منها تجي على الحاضر تشاركني بتعب السنين تخابر اخوتها علمود تشوف حل لزهور وتتخلص منها
....
للحديث تتمه
اسف لتاخري بالكتابه وان شاء الله اليوم انزل بارت اخر
#امجد