اغتيال مشاعر

البارت الثاني عشر

وصلنا لزهور وهي انهزمت واخذت الفلوس والذهب والاوراق الي جانت ضامتهن يم مديرتها ولؤي ضرب الحجي والحمايه ردوه عليه وقتلو نقلوه الحجي بانفاسه الاخيره للمستشفى وزهور وعائلة الحارس انهزمو لاربيل
زهور..خاله اني ماعندي عائله هسه انتو خلصتوني صرتو اهلي ابد ماقصر عليكم ان شاء الله تفكر زهور ان تتصل بالحجي حتى تكله عدها الاقراص والوثائق بعد ميهددها وتحجيله عن لؤي وزوجته الحجيه وترجع لدوامها وبيتها وتشوف شغل للشايب وكلهم يعيشون بيتها لان خلصوها تطلع راسها من الجامه فرحانه بالحريه تباوع على نفسها بعدها بالدشداشه مال العجوز وملابسها وشكلها تطلب من الشايب يوكفون بمطعم حتى تغسل وترتب نفسها لان شكلها مرعب من الضرب والوسخ
....
الحجي ينقلوه للمستشفى بانفاسه الاخيره تجتمع عائلته على راسه يلفض انفاسه بالمستشفى ويموت
...
زهور..حجي هاي وين وصلنا
الشايب..بنتي طبينا كركوك
زهور..عمو اوكف بمطعم حتى نغسل ونتريك واشتريلي جم حاجه
الشايب..بنتي هسه الساعه ب6 الصبح ماكو محلات
زهور...ميخالف خلي نتريك علما تفتح المحلات عمو
ينزلون وتنزل زهور فرحانه بالشايب والعجوز واطفالهم بس شكلها يضحك ربطتها كلها تراب وجها مبين عليه اثار الضرب لابسه فوك البنطلون والقميص دشداشه مال العجوز تنزل تدخل للحمام وتغسل وتغسل حجابها وتطلب من العجوز ربطه مكانها ودشداشه نضيفه
زهور..خاله الكه عندج دشداشه نضيفه وحجاب
العجوز..يمه مال عجايز كلهن سود عندي من مات اخوي مانزعت الاسود
زهور..الله يرحمه ميخالف خاله احسن من ملابسي كلش وسخه
العجوز..هسه اروح للسياره اجيبلج تروح تحتارلها ملفع جديد ودشداشه جديده تجيبهن لزهور بالحمام تبدل هي بيضه وتلبس ملفع تطلع معيديه تخبل
زهور..ها شلوني يمه
العجوز..تخبلين بنتي لاكلج الملفع كمر 14
زهور..يلا نطلب اكل جوعانه وتحضن العجوز وتبوسها هسه انتي امي وتبوس الشايب ويضحكون كلهم ويطلبون اكل ويتريكون ممصدكه بالحريه وتبوس جهال الحارس وتوكلهم للعجوز والشايب
الشايب..تعرفين بنتي من يوم اشتغلت يم هذا المجرم واني مضاحك هسه صدك خايف بس مرتاح نفسيا
زهور..عمو اني صرت بنتكم واني عندي بيت بغداد باسمي بس اتصل بزوجي الحجي راح نخلص من هل المجرم ونرجع تبقون يمي واني بنتكم ونعيش سوه
الشايب..خايف والله يابنيتي هذا مجرم معقوله يتركنا بحالنا
زهور..هسه خلي نوصل اربيل ونكعد هناك ونرتاح واتركها عليا ماخليكم تحتاجون شي ان شاء الله خلي اصلي قبل مانطلع عمو
العجوز..اي خلي نصلي مصلينا الفجر من الخوف يابنيتي يصلون ويركبون السياره وزهور لابسه الملفع  الاسود
يوصلون اربيل يشوفون بيت للايجار ويستقرون فرحانين تحسب فلوسها تمشيهم مصرف جم شهر ترتاح وتنام بعمق لاول مره بعد زواجها من الحجي تصحى المغرب يسون عشا تحاول تتصل بالحارس الشايب الي جان مخليه الحجي عليها حارس
زهور...الو شلونك عمو اني زهور
الحارس..هلا بنتي ويبجي
زهور..شكو عمو ليش تبجي
الحارس..مات الحجي
زهور...شنووو شلون مات لاعفيه وتبده تبجي
الحارس..كتله ابن اخوه لؤي
زهور..ولؤي عمو وين
الحارس..لؤي هم مات قتلوه
زهور..تنفس براحه الحمدلله شكرا عمو
وتكوم تركص وتهلهل
العجوز..شبيج بنيتي بشرينا
خاله..لؤي مات والحجي مات صرت حره واخيرا
خاله عازمتك كلكم اليوم كلنا نركص صدك اني بعدني زوجته للحجي وراح يجيني ورث راح اعيشكم احلى عيشه خاله ماخليكم محتاجين تخابر مديرتها
زهور..الو ست شلونك
المديره ..هلو بنتي طمنيني
زهور..خلصت ست صرت حره بس عفيه اني صارلي غايبه اسبوعين شلون
المديره.. ولايهمج باجر اسويهن اجازه بدون راتب
زهور..احبج احبج يااخلى اخت ومديره
اني راجعتلكم باسرع وقت باي ست
المديره..باي بنتي
زهور..يلا خاله بدلو خلي نروح نحتفل ونشتري ملابس وكلشي بنفسكم وهاي كلاده ذهب واساوري هديه الج خاله خلصنا من الحجي ولؤي
العجوز..تهلهل وتفرح ويفرح ويفرح زوجها ويبدلون وتسبح زهور وتلبس الملفع مال العجوز وصايه فوك الدشداشه وتخلي مكياج تطلع معيديه مضبوطه بس كمر حتى يروحون يشترون ملابس ويحتفلون تدخل لمحل ملابس تريد تشتري يدخل زوجين شباب
رهف ..الله عادل حبيبي هذا يجنن تاشر على بنطلون وتي شيرت
عادل..اي حلوات شوفي عدهم مقاسك
زهور..تسمع الصوت مو غريب عليها تلتفت تشوف عادل بس هو مشغول برهف تتمنى تركض تحضنه بدون متحس عيونه تنترس دموع تشتاق لحضن عادل وبوسته تتمنى تكله عادل اخيرا صرت حره واني تبت وكمت اصلي وتحجبت العبره تخنكها متتحمل تبجي تلتفت للعجوز خاله هذا اعرفه اخاف يشوفني ويوكفني كولي بنتي هاي مو زهور ماريد يعرفني  وتطلع من المحل توصل يم عادل تحتك لا ارادي المكان ضيق بعادل بعد متتحمل توكع العجوز تصيح يمه بنتي اسم الله عادل ينزل عليها مغمى عليها لزهور
عادل..زهور اي زهور ينزل عليها اكعدي زهور
العجوز..يمه اسم الله بنيتي وخر ابني عنها خلي تتنفس
رهف..عادل شنو شبيك شنو زهور اني مو وياك
عادل..خاله هاي زهور وتبده دموعه تنزل
العجوز ..لا ابني هاي بنتي زينب انت منو
عادل..العفو خاله اسف اخذكم للمستشفى
زهور..تفتح عيونها عادل والعجوز فوك راسها تكوم بالكوه تباوع على عادل ورهف وتستند على العجوز وتطلع من المحل
العجوز..يمه بنيتي هذا يعرفج منو هذا وشنو قصته
زهور..اؤف خاله قصتي طويله من نوصل للبيت نسولف
رهف..عادل هسه نرجع لبغداد بعصبيه
عادل..شبيج ياعيني
رهف..على الاقل تحترمني مشفت لهفتك بعدك تحبها هسه نرجع وطلكني
عادل..اؤف كافي تخبلتي يلا امشي نرجع
رهف..وطلكني هسه انت بعدك تحبها لهاي الساقطه
عادل..احترمي نفسج لاتخبليني كافي رعونه يلا نرجع نلم جنطنا ونرجع لبغداد وسيرت الطلاك اكص لسانج اذا جبتيها سمعتي ويجر رهف
رهف..تبجي بعدك تحبها طلكني يرجعون يلمون غراضهم
...
زهور..اه خاله مكتوب عليا القهر اتمنى اموت وارتاح
العجوز..لايمه اسم الله ليس هيج تكولين  يلا انتي مو عزمتينا ونطلع نحتفل لو بطلتي خاله  اشترو
زهور..تمسح دموعها وتلتفت للعجوز خاله من اغمى عليا شكال
العجوز..كال زهور وكتله منو زهور هاي بنتي زينب بس الي وياه صاحت بيه
زهور..اه خاله صدك جهالج انطيت للشايب فلوس يشترون ملابس جديده علمود اطلعكم بالليل نحتفل
العجوز..يمه اشترو وحيل فرحانين تعالي شوفي عمج الشايب محلق ومشتري دشداشه جديده وغتره وعكال طالع شيخ العجوز لابسه الكلاده الذهب والبتوت وملابسها جديده تجي لزهور شوفي بنتي
زهور..الله طالعه تخبلين بالخير عليج خاله وبعد انطيكم فلوس انتو خلصتوني
الشايب..ها بنتي شلوني
زهور..تخبل عمو طالع شيخ
الشايب ..بجالج عمو الله يفرحج ويحفظج النا
زهور..ويحفظكم انتو من اليوم امي وابويا وعائلتي
العجوز..اي والله بنيتي من شفتج اول مره حبيتج
زهور..يلا خلي يبدلون الجهال علما ابدل ونطلع نحتفل راح اتصل بمحامي بغداد ونطلع
زهور..الوو استاذ شلونك اني زهور
المحامي..هلا هلا هاي وين الغيبه يمعوده اشتاقينا لصوتج وحفلاتج
زهور..استاذ اني تبت لله وكمت اصلي وتعينت معلمه اريد اسئلك
المحامي ..اتفضلي عيني
زهور..اني جنت متزوجه الحجي وبعقد صدقناه بالسفاره بس مبدلنا الجناسي وهسه مات الحجي واكيد عنده املاك بس اني ممخلفه منه شلون اريد اطالب بحصتي
المحامي..ياحجي قصدك الي استشهد البارحه بمواجهه مع ارهابي
زهور..اي استاذ انصحني شسوي ومنو يطلع حقي
المحامي ..هاي بسيطه اول شي سويلي وكاله اقدم طلب حصر املاكه وارصدته هنا وبره واطلع فسام شرعي يطلعلج خوش فلوس الي اعرف عنه ملياردير وشركات
زهور..اي استاذ عفيه اني جايه باجر لبغداد راجعه واسويلك وكاله ان شاء الله
المحامي...تدللين ست اهم شي تحضريلي العقد مال الزواج والوكاله تنسخيلي كل الاوراق والمستندات
زهور..صار استاذ اشكرك اني باي
المحامي..باي زهور
زهور..ها تحضرتو للطلعه يلا خلي نطلع نحتفل
العجوز يلا بنيتي تحضرنا الكل بدلو
زهور..كلشي بنفسكم من نكعد بمطعم اطلبوه وراح اطلب كيكه وشموع
العجوز..الله يفرحج دوم بنتي ويمنع عنج ولد الحرام وتبوس زهور
زهور..تحضن العجوز وتبوس بيها بفرح  ومكيفه
تحس بالامان من تحضنها يمه احبكم انتو خلصتوني
العجوز..يمه سويناها لله اني حبيتج وكسرتي كلبي اول ماشفتج
..
نرجع لعادل وزهور تزاعلو لمو غراضهم يرجعون لبغداد
رهف...طلكني هسه عادل اكرهك
عادل..رهف كافي خلي اسوق لاتلغين
رهف..كافي انت سنه اخدم بيك وكلبك على وحده ساقطه من الشارع
عادل ..يلتفت يضربها على حلكها  يلتفت يشوف رتل امريكي بوجهه ميحس الا بروده بجسمه والسياره تتكلب بالهوه وصوت رشاشات تنفتح عليه وهو يتكلب بالسياره ويفقد بعدها
....
للحديث تتمه
الحادث مال الرتل حقيقي على طريق اربيل واغلب الاحداث هي حقيقيه
احب اسمع ارائكم احبتي وتعليقاتكم تشرفني وتسعدني تره من تعلق مراح يدخل بجيبي شي بس راح تدخل السعاده لقلبي
احبكم ابو احمد القيسي
#امجد