زهور..صباح الخير عادل اكعد لازم اليوم نروح نطب للمستشفى علمود يهيئوك للعمليه شوف شوكت يسووها
عادل..ماسوي العمليه ماريد اتركيني
زهور..شنو لعبه هي متسويها
عادل..ماطول زعلانه مني ماسويها للعمليه
زهور..تالي وياك مالي خلك انت موزغير انت متحبني انت تحب رهف
عادل..بشنو احلفلك غلطت والله اصلا رهف طلعت من كلبي
زهور..ارجوك عادل الي بيا مكفيني تعبت ماريد احب وانحب
عادل...زهور روحي واتركيني اني هسه راجع لاهلي ماسوي العمليه شنو فايده عيوني اذا متشوفك
زهور..اؤؤف ويا نفسها عادل اني احبك بس علمودك راح اضحي واتزوج الحجي عادل بصوت راح تسوي العمليه وترجعلك رهف صدكني وراح تنساني
عادل..زهور اني حبيت طيبتك حنانك رقتك كنت مشايفك كنت اعمى وفتحت هسه اشوفك بقلبي
زهور..كافي عادل طريقنا مو واحد ارجوك يلاكوم
عادل خلي نبدل ونروح
عادل..والله ماطول زعلانه ماروح وماسوي العمليه
زهور..عفيه الله يخليك كوم
عادل..والله ماكوم الا ترضين عليا وتبوسيني من خدي
زهور..بس ابوسك من خدك
عادل ..اي بس تبوسيني من خدي وتكوليلي مسامحتك
زهور تتقرب تبوسه يحس انفاسها تتقرب يلتفت بسرعه يلزمها ويبوسها ويبقى حاضنها ويبوس بيها احبك زهور الليل كله منمته متندم زعلتك
زهور..اه عفيه حبنا غلط ماستاهلك عادل
عادل..ليش تكولين هيج زهور انتي عندي افضل من هوايه افضل من بنت عمي الي ربيتها على ايدي
حبيت كلشي بيج انوثتك رقتك حنيتك هسه
زهور تروح بغير عالم بحضنه تتمنى يبقى حاضنها للابد بصوت ناصي عادل يلا خلي نبدل ونروح
عادل..يرجع يبوسها ويضمها بقوه سامحتيني
زهور..ماكدر ماسامحك لان اني هم احبك
عادل..اني اسف والله بعد ماجيب طاري بنت عمي كدامك وعد
زهور..يلا عفيه راح تظل حاضني ومنكوم
عادل..خلينا منروح نطلع نغير جو ونتمشى ماريد اشوف بعد خليني شايفك بس انتي
زهور..لاعفيه اريد تسويها وترجع تشوف وترجع لشغلك
عادل..امشي هسه نروح نعقد شتكولين
زهور..اه شلون وياه اني اريده يسوي العمليه ويجي الحجي ونتزوج واخلي الحجي يتركه يعيش بسلام
شكوله لعادل نتزوج ونبقى هنا لازم منرجع للعراق شلون ومنين نعيش شيكول عادل من يدري الحجي طمعان بيا ويريدني وبسببي ضربوه وهسه هو مطلوب يارب حلها احبه لعادل يلا عادل كوم نبدل ونروح للمستشفى علمود عمليتك
عادل..ماريد اهدك ماعرف ليش عندي احساس بس اهدك تروحين مني
زهور..لا ماروح وابتعد ابقى وياك
عادل..يلا ساعديني نبدل يغيرون ملابسهم
زهور..شنو هاي شطلعت فدوه
عادل..يضحك شعرفني شلبستيني جايز زرق ورق استغليتيني ماشوف
زهور..لافدوه لطولك ماشاء الله تخبل جسمك رياضي وطويل وانيق
عادل..تعالي خلي اشوف شلابسه تره اغار ماريد قصير وضيق
زهور..يلا اني كدامك شوف بنطلون وقميص طويل
عادل..يتلمس تضحك زهور وتوخره
زهور..شوف بطل حركاتك هاي بعد متقنعني
عادل..شنو قصدك اني اغار ومن حقي اتاكد ويضحك ويدور عليها بالهوى وتنهزم من كدامه ويضحكون
زهور..كافي انت وكيح يلا خلي ايدك على جتافي ونمشي
عادل..يتلمس جتفها ويجرها
زهور..كافي وكاحه خلي نروح يروحون للمستشفى الطبيب يحدد ثاني يوم العمليه وينطيهم تعليمات الاكل والشرب
...
رهف خلي اتصل اطمئن على عادل اشوفه سوه العمليه لا خطيه ميستاهل الي سويته بيه
موبايل عادل يرن
عادل..زهور تعالي شوفيلي منو يتصل
زهور..هاي رهف
عادل ..لاتجاوبيها
زهور..خلي نشوف شتريد عيب عادل
عادل..كتلج لاتجاوبيها
زهور..الو هلو رهف شلونك
رهف..هلو زهور اريد احجي ويا عادل اطمئن عليه
زهور..عادل نايم باجر عمليته الطبيب طمنا ناجحه
رهف..صدك تحجين الف الحمدلله من يكعد عادل كوليله رهف اتصلت تسلم عليك
زهور..ان شالله يوصله السلام بس يكعد
رهف..باي
زهور..باي
عادل..شتريد هاي
زهور..تريد تطمئن عليك من حقها بنت عمك
عادل..من جنت بالمستشفى بغداد مكلفت نفسها اتصل تنطيني رفض على العموم الله اليسامح
زهور..لازم يكون كلبك جبير وتسامحها تره هي صغيره ومراهقه
عادل..لا موصغيره عنرها 22 سنه لاتدافعين عنها ليش احسك متغارين عليا
زهور..اه شكوله اكوله لازم ينساني لان انطيت وعد
يرن موبايلها تشوف المتصل الحجي عادل من رخصتك اروح للحمام محتاج شي
عادل..لا شكرا مو تتاخرين
زهور..لادقايق وارجعلك
...
تبتعد زهور تتصل بالحجي
زهور..الو ها حجي شلونك
الحجي ..هلو زهور ليش متصلتي
زهور..اسفه جنت مشغوله بعادل وبعمليته
الحجي..اني جاي على اتفاقنا بعد 5 ايام رتبت اجي ونتزوج ونروح لبنان شهر عسل عسولتي شنو رايك
زهور..عفيه حجي خليها بعد اسبوع بس تخلص عمليته لعادل واطمئن عليه لان اني السبب واحس بالذنب
الحجي..ميخالف اخلي المستشفى يديرون بالهم عليه ويطمنونا
زهور..عفيه اجل الموضوع اسبوع واني الك اصير بس على اتفاقنا تلغي مذكرة القاء القبض ونتزوج عقد محكمه ونصدقه وتعيني
الحجي..اؤف شتسوين بالتعين ماخليج محتاجه
زهور..حجي التعين ضمان الي وهم اقضي بيه وقت فراغي عيني مدرسه بمدرسة بنات وخلي واحد من حراسك يوديني ويجيبني
الحجي..اوك وعد كلشي الي تريديه يجرالج تدللين احلى زهور
زهور..شكرا حجي هسه اترخص ارجع لعادل لان باجر عمليته
الحجي..اوك سلام
زهور..سلام عيوني
...
ترجع لعادل تلكاه متمدد وغافي تشوفه نايم تحجي ويا نفسها كلشي بعادل يثيرها ويخليها تحبه رجل لطيف من اتصلت بيه بنص الليل اجاها وحماها وساعدها ومدور مقابل ولاطمع بيها شلون ياربي احب شخص واتزوج شخص ثاني موكافي عشت حياتي تعيسه وحزينه حتى الانسان الي تزوجته تكعد على كرسي وتاخذها غفى متحس الا على صوت الطبيب يدخل يسلم
الطبيب..السلام عليكم شلونه عادل مستعد باجر للعمليه اجه طبيب التخدير فحصه
زهور..ماعرف اسفه اخذتني نومه
الممرضه ..نعم دكتور اجه وقاس ضغطه وفحص تنفسه
الطبيب..اوك خلي اقره الطبله مالته هذا تحضروه اول عمليه باجر
الممرضه ان شاء الله دكتور
زهور..دكتور ان شاء الله ناجحه وشفائه على ايدك
الطبيب..اطمئني الشفاء باذن الله من الله احنا سبب
زهور..اني اشكرك دكتور ربي يوفقك
...
نرجع لرهف بالكليه
رهف..عادل راح يسوي العمليه ويرجع يشوف
زميلتها..وهو معقوله يرجعلج بعد متخليتي عنه بمحنته
رهف..عادل يحبني ومجنون بيا ميكدر بدوني
زميلتها ..ولؤي الصاك اخباره شنو
رهف..هذا شنو خلي يولي
زميلتها ..شفتك من صعدتي وياه وماكو وحده صعدت ويا لؤي وبقت سالمه
رهف..شحده مكدر يسوي شي وصلني بس
زميلتها ..الي اعرفه وسمعته هو الي يصعدها اذا مو برضاتها ياخذها غصب
رهف..اني اختلف مو من هذني شلون ماكان اني رهف هو وعشيرته ميكدرون يمسون شعره مني
زميلتها ...هسه تقنعيني الي وباقي الطلاب الي شافوج وياه ركبتي كل الخط كام يحجي
رهف..شنو حجو اكص لسانه الي يجيب طاري
زميلتها ..شتكصين لسان الف طالب
رهف..اني اعرف نفسي واثقه منها معليا بالناس
..
نرجع لؤي وزميله
زميل لؤي..ها سويت الي براسك وكسرت البنيه
لؤي..برضاتها شفتني جريتها غصب هي صعدت من كيفها
زميله ..كافي متعبت متمل يوميه كاسر بنيه
لؤي ..بالا اكرمني بسكوتك شكد تحجي وتبيع نصايح لعد انت مو لعبت
زميله..وتندمت الليل كله مانامه كلما اتذكر كلامها قبل متنتحر دعت عليا وكالت راح يطلعها رب العالمين بيك وهسه خايف وتبت لله اني من اوكف واحجي وياك اريدك توب وخايف عليك
لؤي..خاف على روحك
..
نرجع لزهور وعادل ثاني يوم قبل العمليه
عادل..زهور احبك لاتفاركيني عفيه ابقي ويايه لحد مادخل
زهور..عادل جبتك من بغداد واتركك هنا باقيه على كلبك
عادل..اريد دعم معنوي بوسيني
زهور..لاتصير وكح سمعت اكعد عاقل وراك عمليه خلي الله يرضى علينا
عادل..استغفرالله يعني متبوسيني زعلت اني
زهور..كافي شكد تحب البوس هم كنت تبوس رهف
عادل..عمري ممسويها ماعرف كنت احبها فعلا بس احس اكو حاجز بينا كنت اعمى وفتحت
الممرضه تدخل يلا عادل حضر نفسك للعمليه ياخذون عادل تبقى زهور تدعي ربي يسلمه
....
وللحديث تتمه
#امجد
أنت تقرأ
اغتيال مشاعر
Romansaمطربه تطلب من مكتب هندسي بناء منزلها المكتب يرسل مهندس شاب خاطب بنت عمه بالاول المطربه والمهندس يختلفون بالاراء بعدين تنشأ صداقه بينهم قويه وتبده تحبه وتحاول تبعده عن خطيبته وتجر رجله لبيئتها بكل الطرق
