اغتيال مشاعر

البارت السادس عشر

#اغتيال_مشاعر
البارت السادس عشر
زهور ..ويا نفسها اؤف اتمنى ارتمي بحضنك عادل لو تعرف شكد احبك عادل بس ليش مكتلي ليش ضميت عليا خايف مني انفر منك رهف رجعت اتخلت عنك هل المره ابد ماتركك لو احارب الدنيا كلها ماخاف بعد بس من ربي خلي اسبح واتمدد واخابر المحامي تتصل بالمحامي
زهور..هلو استاذ شلونك اشو ماكو اخبار
المحامي..هلو ست توني رجعت من المحكمه هاي ضرتج تمساحه انصحج بعد متاخذين الورث اطلبي لجؤ حتى لو للصومال ههههه
زهور...تضحك ليش استاذ تخوفني هيج
المحامي..هاي عصابه مافيا بنص المحكمه تهددنا خليت شهود واخذت تعهد عليها مابقى شي قليل طلع المرحوم خامط مال الله وعباده بس بيت الله مخامطه بس مو سهله ضرتج ابد نصيحه من تاخذين الورث ابتعدي فتره هسه هي تريد تاخذ مكان زوجها بالسياسه والحزب
زهور..صدك وتصير مسؤوله شيخلصني وتالي عفيه
المحامي..معليج انتي الج الجاهز
زهور..اشكرك استاذ ممنونه الك اني توني وصلت الفندق عفيه كلشي يصير خبرني
المحامي ..صار ست تدللين بخدمتك باي
زهور..باي
زهور اؤف هي جانت زوجة الحجي وخطفتني ورادت تقتلني اذا صارة مكانه شتسوي بالناس الفقره شتسوي بيا اؤف شكاعد يصير بالعراق ليش الناس خايفه من هذوله ومتسلطين عليهم شوكت الناس تبده تحس ومتخاف وتتلوك لهيج شكولات
...
عادل بعد متروح زهور ويبقى بحده اه اتمنى قلبي يقسى وانتقم منها اريد احسسها بالمي من تركتني هنا ابجي مثل الطفل واركض اصيح زهور خلتني ارجع لرهف ورجعت رهفت كتلتني بخنجر مسموم طعتنتي بضهري كله صوج زهور لو متاركتني جان تزوجنا وعشنا سوه بس هي خلتني احبها واتعلق بيها وانهزمت اني مطلبت منها علاقه هي جلبت اخ شسوي بيج زهور ينتهي اليوم الاثنين يفكرون
...
زهور تصحى تغسل تنزل تتريك وتروح للمستشفى
زهور..هلو اخي شلونك اليوم
عادل..هلو عيني ليش اجيتي وتعبتي نفسك
زهور..تعبك راحه انت بحدك هنا وابن بلدي
الطبيب..هلو شلونه مريضنا اليوم يريد يوخر الضماد
عادل..زهور ممكن تطلعين يريد يبدل الضماد ويكشف على وجهي
الطبيب..اتفضلي اختي من رخصتك
زهور..اوك  بس تطردوني شبيكم وتضحك
عادل..لا مو ماريد تشوفين وجهي بدون زحمه وتنسد  نفسك
زهور..اوك واكفه بالباب
الطبيب..يفتح الضماد ماشاء الله كلش تحسنت هل اليومين راح اكتبلك مراهم لازم تستمر عليهن يوميه تجي يغيرولك ضماد ويزيلون الجلد الميت حتى يبني بقت بس اسويلك ترميم لانفك وشفافك
عادل..شكد تطول دكتور طمني ويروح التشوه لولا
الطبيب..ان شاء الله ترجع مثل الاول لاتقلق اهم شي حالتك النفسيه  هسه تكدر تطلع تحب تبقى هنا تريد تروح للفندق انت حر بس بعد اسبوع تجيني ويوميه تجي يغيرولك ضماد ويسون ازاله للجلد الميت
عادل..صار دكتور اشكرك
زهور..تمد راسها ها كملتو ادخل وتضحك
الطبيب...ادخلي اختي كملنا كلشي وراح يطلع وياج
زهور..صدك همزين ضجت بحدي بالفندق
عادل..ويا نفسه يارب ليش رجعت زهور هم راح اتعلق بيعا وتختفي زين اذا عرفت اني عادل متنفر مني اكيد لان بحدها تريد تكضي وقتها براسي مثل الاول وتختفي اؤف ياكلبي شكد فطير بسرعه يصدك
زهور..هي هي منو ماخذ عقلك صارلي ساع لك لك وانت بغير عالم
عادل..ها اي ويايه اطلعي خلي اغير ملابسي
زهور..اي كل شويا تطردني يلا طالعه ويا نفسها ان شاء الله اعوضك حبيبي هل المره ماتركك وصارت عندي فلوس نستقر هنا بالاردن اؤف يالعراقيين مجموعة حراميه شردو شعب كامل
عادل..يطلع يلا زهور خلي نطلع من المستشفى كرهت ريحتها اريد اشم هوى نقي يمشي بسرعه هو طويل زهور تركض وراه
زهور..اوكف شبيك تمشي هيج انت شطولك كول تمشي ويايه انسه
عادل..يضحك شسويلج انتي مشيج بطيء
زهور..من يطلعون لحديقة المستشفى توكف كدام عادل تلهث اوكف شبيك ركضتني خلي نستريح بالحديقه شوف الزهور حلوه تجنن والجو
عادل..شتريد هاي مني هم ترجعني توكعني بحبها وبعدها تجرحني هي بنت عمي تركتني الغريبه شتسوي بيا زهور ارجوج تعبان خلي نروح للفندق ارجوج
زهور..ليش كئيب سولفلي ليش ضايج
عادل..شنو شبيا زوجتي بنت عمي بس تشوهت طلبت الطلاك شتريديني اركص وافرح
زهور..اي اركص وافرح الله كشفها الك وخلصك منها بعدك بشبابك
عادل..بعصبيه كافي ارجوج ياشباب تحجين عليه واني مشوه منو ترضى بيا ويتركها والدموع تنزل من عيونه تحاول تلحكه يلتفت زهور ارجوج ابتعدي عني ارجوج
زهور..توكف تباوع لعادل ياخذ تكسي هي هم تاخذ تكسي للفندق
..
تمر الايام عادل ميحجي ويا زهور ويبتعد عنها من تنزل للمطعم يطلع هو
زهور..لازم اساعد عادل تروح للمستشفى تتفق اجور العمليات والتضميد كلها تدفعهن بالسر وتتفق ميطالبون عادل ابد وميكولوله شي
عادل..لموظف الحسابات اخي اريد كشف بالاجور
الموظف..استاذ عادل الطبيب اتفق معانا نتحاسب معاك بعد متكمل العلاج
عادل..عيني اخاف يطلع مبلغ جبير عليا وممرتب اموري
الموظف..لاتقلق استاذ عادل اجورنا لباقي المستشفيات زهيده
عادل..يعني شكد تقريبا عفيه
الموظف..مو مبلغ كبير روح اسئل الطبيب لان هو يرسلنا الاجور من تكمل علاجك
عادل..باستغراب بس انتو هيج تعاملك حلو
..
يمر شهرين وعادل يتلافى زهور ويتهرب منها وزهور تتركه براحته تستلم اول دفعه من الورث ميبقى شي للعده الا ايام قليله
زهور..الو استاذ شلونك
المحامي..هلو ست شلونك مبقى شي ونكمل ازالة شيوع ضرتك تحاول نتفق على مبلغ 2مليون دولار وتتنازلين بس ماوفقت لان حصتك بالورث اقل شي 5 مليون دولار
زهور..انت مخول استاذ بس محتاجه مبلغ حاول ترسلي راح اشتري بيت هنا واستقر مؤقتا وحاول بيت الي اني بيه بالكراده تبيعه اخذلي بيت بالمنصور وعائلتي الشايب والعجوز عفيه انقلهم بيه ومشيلهم راتب دير بالك عليهم
المحامي..صار ست تدللين اشتريلك بصفي بيت وانقلهم بيه لعائلتك وشهريا مثل ما امرتي انطيتهم راتب
زهور..اخاف ميكفيهم ويجون يطلبون منك انطيهم هذوله خلصوني من الموت
المحامي..صار راح اشغل الشايب بمكتبي
زهور..لا لا خطيه خلي يرتاح ماطول اني الله رازقني مخليهم يحتاجون اوك هيه سلام
المحامي ..سلام ست زهور
زهور..بس تطلع العده اصارح عادل بكلشي تراقب عادل يطلع من غرفته تلحكه انت ليش تتهرب مني شسويتلك اذيتك بشي
عادل..ارجوج اختي اتركيني بحالي ارجوج
زهور..لا ماتركك توكف كدامه يحاول يجتازها تمنعه باوعلي واحجي
عادل..شرايده مني يابنت الناس اذيتك بشي ليش متركيني بحالي
زهور..اوك مثل متحب تمشي والدموع بعيونها اه عادل والله احبك ليش تعذبني هيج من اجلك اني شفت المر عشت ويا مجرم ويوم الي فكرت اصير ام اجهضني وقتل احلامي
..
عادل ..اؤف زهور ارجوج ابتعدي عني خليني ارتاح بعد ماحب ولا اريد ارتبط واوكع بالحب وانصدم يارب ماتب عليا الشقاء ربي اعفي عني استغفرك واتوب اليك ويبجي
..
اي هسه اشتري بيت واسوي مفاجئه لعادل اكله اني خلصت العده واصارحه بحبي وهنا اسويله مكتب هندسي واشتغل وياه ونعيش هنا بامان الله واجيب طفل صغير يارب بنيه لا اخاف عادل يريد ولد ويطلع يشبها لعادل فدوه اي اجيب مو طفل اجيب 5 اطفال ليش ماسوي حضانه لو روضه وعادل افتحله مكتب الله ونعيش واحضنه وانام على صدره
اه عادل احبك احبك احبك بجنون خلي اروح اختارلي بيت حلو بيه حديقه واثثه واسوي مفاجئه
تشتري بيت وتاثثه وتسوي غرفه للاطفال ترجع فرحانه للفندق تحضر مفاجئه لعادل تنزل للمطعم تحجز ميز وترتب ويا عمال المطعم لاول مره بالتاريخ امراه تطلب رجل للزواج وتضحك ويا نفسها
اؤف عادل اتمنى ارتمي بحضنك اشم عطرك ابوسك اه شلون بوسه تجنن بوستك بس انت تعرف والبس بدله وتشيلني لباب البيت اي نسوي زفه هنا لازم اتعرف على العراقيين هنا علمود اعزمهم بالزفه مالتنا اريد يكون اسعد رجل خطيه اتاذى هوايه لحد الان صوته وهو يصيح زهور باذاني من طلعت من المستشفى اؤف شسيويت بعادل شكد اذيته وجرحته حقه ميسامحني خلي اطلع اشتري ملابس حلوه واتهيأ لعادل وافاجئه ربي ساعدني تروح تشتري ملابس بحجاب كلش حلو وترجع للصالون ترتب نفسها وترجع للمطعم تاكد الحجز والاتفاق وتصعد لغرفتها تبدل وتتهيا للمفاجئه وتنزل تتفق مع موظف الرسيبشن ان يكلب عادل ان ينزل ويدزه للمطعم تنتضر ينزل عادل
الموظف..يتصل بعادل الو كيفك استاذ عادل ممكن تتفضل عدنا بالرسيبشن
عادل..اي ليش لا دقايق ابدل وانزلك خير
الموظف..كل الخير ان شاء الله ويبتسم
عادل..ان شاء الله دقايق ونازلك ويا نفسه هذا شرايد
هذا مني هسه
ينزل للرسيبشن
عادل..للموظف تفضل
الموظف ..يبتسم في ناس منتضريك بالمطعم استاذ
عادل..باستغراب منو
الموظف ..تفضل روح وشوفهم
عادل تمشى ومستغرب يدخل عمال المطعم فارغ بس زهور بس مبدله طالعه ملاك تجنن بدله تجنن بس مع حجاب ومتمكيجه يريد يرجع
زهور..عادل يلتفت ارجوك تعال
عادل..من شوكت تعرفين اني عادل
زهور ..من اول عمليه ارجوك تعال
عادل..يتقرب بطء شرايده زهور ارجوج
زهور..تتقرب لعادل احبك عادل ارجوك لاتهرب كافي
القدر جمعنا
عادل..انتي هربتي مني وصدمتيني تنزل دموع عادل
زهور..والله كنت مجبوره عادل اني حبيتك وبعدني احبك ارجوك اسمعني وتنزل دموعها يرن موبايل عادل
زهور..جاوب موبايلك اليوم المطعم بس الي ولك حجزته
عادل..يشوف رقم رهف ينطيه رفض
زهور..ليش جاوب خلي ننسى الماضي ونعيش المستقبل
عادل..هي هاي الماضي الحزين يوصل مسج لعادل
يقراه عادل جاوب اني رهف اني حامل عادل شنو حامل
زهور..شكو
عادل..رهف حامل
...
للحديث تتمه
ارجو التفاعل احبتي انتضر ارائكم سلامي للكل اخوكم ابو احمد القيسي
#امجد