ﺍﻭﻝ ﻣﺎ ﻃﻠﻌﺖ ﻳﺎﺳﻤﻴﻦ ﻣﻦ ﺍﻟﻐﺮﻓﺔ . ﺳﻌﺪ ﻗﻌﺪ ﺟﻢ ﻋﻤﺘﻮ .. ﻭﻗﺎﻝ ﻟﻴﻬﺎ ﻳﺎﻋﻤﺘﻲ ﺍﻧﺎ ﻋﺎﻳﺰﻙ ﻓﻲ ﻣﺸﻮﺭﺓ ..
ﻃﺒﻌﺎ ﺍﻧﺘﻲ ﻋﺎﺭﻓﺔ ﺍﺑﻮﻱ ﻭﺻﺎﻧﺎ ﻋﻠﻰ ﻳﺎﺳﻤﻴﻦ .. ﻭﺍﻧﺎ ﻭﺍﻟﻠﻪ ﻛﻨﺖ ﻋﺎﻳﺰ ﺍﺗﺰﻭﺟﻬﺎ .. ﺗﻨﻔﻴﺬﺍ ﻟﻮﺻﻴﺔ ﺍﺑﻮﻱ ..
ﺍﻫﺎ ﺣﺼﻞ ﻇﺮﻑ .. ﻃﺒﻌﺎ ﺯﻱ ﻣﺎﻋﺎﺭﻓﺔ ﻫﺎﺷﻢ ﺍﺧﻮﻱ ﺍﺻﺮ ﻋﻠﻰ ﺍﻧﻮ ﻳﺸﻴﻞ ﻧﺼﻴﺒﻮ ﻓﻲ ﺍﻟﺘﺮﻛﺔ .. ﻭﻧﺤﻦ
ﺍﺿﻄﺮﻳﻨﺎ ﻧﺒﻴﻊ ﺍﻟﺒﻴﺖ .. ﻭﻧﺪﻳﻬﻮ ﺣﻘﻮ ﻟﻜﻦ ﻟﻼﺳﻒ.. ﺍﻟﻘﺮﻭﺵ ﺿﺎﻋﺖ ﻣﻨﻪ ﺯﻱ ﻣﺎﺣﻜﻲ ﻟﻴﻚ .. ﻫﻮ ﻛﻠﻤﻨﻲ
ﻗﺎﻝ ﻟﻲ ﻋﻤﺘﻲ ﻋﺎﺭﻓﺔ ﺍﻟﺤﺼﻞ .. ﺍﻫﺎ ﻫﺎﺷﻢ ﺍﻟﻴﻮﻣﻴﻦ ﺩﻳﻞ ﺣﺎﻟﺘﻮ ﺍﻟﻨﻔﺴﻴﺔ ﻣﺎﻛﻮﻳﺴﺔ .. ﻭﺑﻲ ﺣﻜﻢ ﺍﻧﻮ ﺍﻧﺎ
ﻛﻨﺖ ﺷﻐﺎﻝ ﻛﻮﻳﺲ ..
ﻗﺮﺭﺕ ﺍﻧﻲ ﺍﺗﻨﺎﺯﻝ ﻟﻴﻬﻮ ﻣﻦ ﻧﺼﻴﺒﻲ ﻓﻲ ﺍﻟﻮﺭﺛﺔ .. ﻭﻛﻤﺎﻥ ﻳﻜﻮﻥ ﺷﺮﻳﻜﻲ ﻓﻲ ﺷﻐﻞ ﺍﻟﻮﺭﺷﺔ . ﻭﻋﺸﺎﻥ
ﺍﺳﺎﺳﺎ ﺍﻧﺎ ﻋﻨﺪﻱ ﻣﺴﺆﻟﻴﺘﻴﻦ ﺗﺎﻧﻲ .. ﻧﻬﻰ ﻭﻛﺒﺎﺷﻲ .. ﺍﻟﻤﻬﻢ ﺍﻟﻜﻼﻡ ﺍﻟﺪﺍﻳﺮ ﺍﻗﻮﻟﻮ ﻟﻴﻚ .. ﺍﻧﺎ ﻫﺴﻲ
ﻣﺎﻋﻨﺪﻱ ﻇﺮﻭﻑ ﻟﺰﻭﺍﺝ ..
ﻻ ﻋﻨﺪﻱ ﻗﺮﻭﺵ ﻭﻻﻓﺎﺿﻲ .. ﻭﻳﺎﺳﻤﻴﻦ ﺡ ﺗﻘﻌﺪ ﺗﻨﺘﻈﺮﻧﻲ ﻟﻤﺘﻴﻦ؟ .. ﻭﺍﻧﺎ ﻇﺮﻭﻓﻲ ﻣﺎﻣﻌﺮﻭﻑ ﺗﺘﻌﺪﻝ
ﻣﺘﻴﻦ ..
ﻃﻮﺍﻟﻲ ﺳﻠﻮﻯ ﻗﺎﻃﻌﺘﻮ . ﻗﺎﻟﺖ ﻟﻴﻬﻮ .. ﻣﺎﻣﺸﻜﻠﺔ ﻛﺎﻥ ﻣﺎ ﺍﻧﺖ .. ﻫﺎﺷﻢ ﺑﺮﺿﻮ ﻭﺩ ﺧﺎﻟﻬﺎ ﻭﻳﺎﻫﻮ ﺑﻐﻄﻲ
ﻗﺪﺣﻮ ..
ﺍﻟﻤﻬﻢ ﺩﻱ ﺑﺖ ﻋﻤﺘﻜﻢ ﻭﺍﻧﺘﻮ ﻣﺨﻴﺮﻳﻦ ﻓﻴﻬﺎ .. ﺍﻧﺎ ﻫﺴﻲ ﻋﻴﺎﻧﺔ ..
ﺍﻧﺘﻮ ﻭﻳﺎﺳﻤﻴﻦ ﺷﻮﻓﻮ ﺍﻟﺒﺘﺒﻘﻮ ﻋﻠﻴﻬﻮ .. ﻭﺍﻧﺎ ﻣﺎﻋﻨﺪﻱ ﻣﺎﻧﻊ .. ﻟﻜﻦ ﺩﺍﻳﺮﺓ ﺍﺳﺄﻟﻚ ﺳﺆﺍﻝ ..
ﻛﻴﻒ ﻳﻌﻨﻲ ﺗﺘﻨﺎﺯﻝ ﻣﻦ ﻧﺼﻴﺒﻚ ﻟﻲ ﻫﺎﺷﻢ .. ؟ ﻗﺎﻝ ﻟﻴﻬﺎ ﻫﺎﺷﻢ ﺍﺧﻮﻱ ..
ﻭﺍﻧﺎ ﻭﻫﺎﺷﻢ ﻭﺍﺣﺪ .. ﻭﺍﻧﺎ ﺑﺴﺘﺤﻤﻞ ﺍﻟﻔﻠﺲ .. ﻟﻜﻦ ﻫﺎﺷﻢ ﺟﺮﺳﻲ .. ﺑﻌﺪﻳﻦ ﺍﻧﺎ ﺍﻟﻘﺮﻭﺵ ﺍﻋﻤﻞ ﺑﻴﻬﺎ ﺷﻨﻮ؟
ﻭﻫﺴﻲ ﻣﺎﻋﻨﺪﻱ ﻧﻴﺔ ﻟﻲ ﺯﻭﺍﺝ .. ﺩﺍﻳﺮ ﺍﺭﺍﻋﻲ ﺍﺧﻮﺍﻧﻲ ﻭﺍﻣﻲ .
ﻭﺧﻄﻴﺒﻴﺘﻲ ﺍﻟﻜﻨﺖ ﺧﺎﻃﺒﻬﺎ ﻗﺒﻞ ﻳﺎﺳﻤﻴﻦ .. ﺧﻄﺒﻮﻫﺎ ﻭﺍﺣﺘﻤﺎﻝ ﻻﻫﺴﻊ ﺗﻜﻮﻥ ﻋﺮﺳﺖ ..
ﻳﻌﻨﻲ ﻣﺎﻋﻨﺪﻱ ﻧﻴﺔ ﻓﻲ ﻣﻮﺿﻮﻉ ..
ﻗﺎﻟﺖ ﻟﻴﻬﻮ ﺧﻼﺹ .. ﻧﺘﻔﻖ ﻋﻠﻰ ﺣﺎﺟﺔ .. ﺍﻧﺖ ﺑﺲ ﺗﻘﻮﻝ ﺍﻧﺎ ﻓﺴﺨﺖ ﺍﻟﺨﻄﻮﺑﺔ ﻭﺑﺲ .. ﻭﻣﺎﺗﺠﻴﺐ ﺳﻴﺮﺓ
ﻫﺎﺷﻢ ﺩﻱ ﻟﺰﻭﻝ ..
ﻋﺸﺎﻥ ﺍﻟﻨﺎﺱ ﻣﺎﻳﺸﻴﻠﻮﻧﺎ ﻓﻲ ﺧﺸﻮﻣﻬﻢ .. ﻳﻘﻮﻟﻮ .. ﻓﺴﺦ ﺧﻄﻮﺑﺔ ﺍﻟﺒﺖ ﻭﻋﺮﺳﻬﺎ ﻻﺧﻮﻫﻮ .. ﺑﺲ ﺍﺩﻳﻨﻲ
