ﺳﻌﺪ ﻗﺎﻝ ﻟﻲ ﻋﻤﺘﻮ.. ﻭﺍﻟﻠﻪ ﺍﻥ ﺷﺎﺀ ﺍﻟﻠﻪ ﻳﺎﻋﻤﺘﻲ .. ﺍﻟﻔﻴﻬﻮ ﺧﻴﺮ ﺭﺑﻨﺎ ﻳﺴﻮﻳﻬﻮ .. ﻭﺍﻟﺤﻜﺎﻳﺔ ﻛﻠﻬﺎ ﺍﻗﺴﺎﻡ..
ﻟﻮ ﺭﺑﻨﺎ ﻗﺎﺳﻢ ﻟﻨﺎ ﺣﻴﺎﺓ ﻣﻊ ﺑﻌﺾ .. ﻣﺎﻓﻲ ﺣﺎﺟﺔ ﺑﺘﻘﻴﻒ ﻗﺪﺍﻣﻨﺎ .. ﻭﻻﻋﻮﺍﺭﺽ ﻭﻻﻏﻴﺮﻩ ..
ﻗﺎﻟﺖ ﻟﻴﻬﻮ ﺧﻼﺹ ﻳﺎﺳﻌﺪ ﻳﺎﻭﻟﺪﻱ .. ﺍﻧﺖ ﻋﺎﺭﻑ ﺍﻟﺒﻨﺎﺕ ﻭﻃﺮﻃﺸﺘﻬﻢ.. ﻳﻤﺸﻲ ﻳﻠﻢ ﻓﻴﻬﺎ ﻭﺍﺣﺪ ﻳﻠﻒ ﻟﻴﻬﺎ
ﺭﺍﺳﻬﺎ .. ﺍﻧﺎ ﻋﺎﻳﺰﺍﻙ ﺳﺮﻳﻊ ﺳﺮﻳﻊ ﺗﺠﻲ ﺗﺸﺒﻜﻬﺎ ﺑﻲ ﺧﻄﻮﺑﺔ .. ﺍﻥ ﺷﺎﺀ ﺍﻟﻠﻪ ﺑﻌﺪ ﺍﺳﺒﻮﻉ .. ﻋﺸﺎﻥ ﺗﺎﻧﻲ
ﻣﺎﺗﺨﻠﻴﻬﺎ ﺗﻔﺮﻓﺮ ﺟﺎﻱ ﻭﻻﺟﺎﻱ .. ﻭﻃﺒﻌﺎ ﻣﺎﺟﺎﺑﺖ ﻟﻴﻬﻮ ﺍﻱ ﺳﻴﺮﺓ ﻋﻼﻗﺔ ﺑﻴﻦ ﻳﺎﺳﻤﻴﻦ ﻭﺑﻴﻦ ﻫﺎﺷﻢ ﺍﻭ ﺍﺗﻔﺎﻕ
ﻣﺴﺒﻖ ..
ﻗﺎﻝ ﻟﻴﻬﺎ ﺧﻴﺮ ﺑﺲ ﺍﻧﺎ ﻋﻨﺪﻱ ﺷﺮﻁ ﻳﺎﻋﻤﺘﻲ ..ﻭﻫﺴﻲ ﺍﻧﺎ ﻋﺎﻳﺰ ﺍﻋﺮﻓﻮ ﻗﺒﻞ ﻣﺎ ﺍﺭﺟﻊ ﺍﻟﺒﻴﺖ .. ﺍﻧﺎ ﻋﺎﻳﺰ
ﺍﺳﻤﻊ ﺭﺍﻱ ﻳﺎﺳﻤﻴﻦ ﻭﻣﻮﺍﻓﻘﺘﻬﺎ ...
ﻗﺎﻟﺖ ﻟﻴﻬﻮ ﻣﺎ ﻣﺸﻜﻠﺔ .. ﺑﺲ ﺍﺩﻳﻨﻲ ﻓﺮﺻﺔ ﻧﺺ ﺳﺎﻋﺔ ﺍﺗﻜﻠﻢ ﻣﻌﺎﻫﺎ .. ﻭﺍﻣﻬﺪ ﻟﻴﻬﺎ ﻋﺸﺎﻥ ﻣﺎﺗﺼﺪﻡ ﻣﻦ
ﺍﻟﻔﺮﺣﺔ ..
ﺍﻧﺖ ﻫﺴﻲ ﺍﻣﺸﻲ ﺍﻟﺼﺎﻟﻮﻥ ﺍﺗﻮﻧﺲ ﻣﻊ ﺍﺧﻮﺍﻧﻚ ﻻﻣﻦ ﺍﻧﺎﺩﻳﻚ ..
ﻓﻲ ﺍﻟﻮﻛﺖ ﺩﻩ ﻛﺎﻧﺖ ﻳﺎﺳﻤﻴﻦ ﺳﻤﻌﺖ ﻃﺮﻑ ﻣﻦ ﺍﻟﻜﻼﻡ .. ﻭﻛﺎﻧﺖ ﺟﺎﻳﺔ ﺗﺼﻮﻁ ﺍﻟﻤﻮﺿﻮﻉ ﺑﺲ ﺧﺎﻓﺖ ﻣﻦ
ﺍﻣﻬﺎ ..
ﻃﺒﻌﺎ ﻳﺎ ﺟﻤﺎﻋﺔ ﺣﺠﺔ ﺳﻠﻮﻱ ﺯﻭﺟﻬﺎ ﺍﺗﻮﻓﻰ ﻗﺒﻞ ﻓﺘﺮﺓ ﻟﻴﺲ ﺑﺎﻟﻘﺼﻴﺮﺓ .. ﻓﻲ ﺣﺎﺩﺙ ﻗﻄﺎﺭﻓﻲ ﻣﺼﺮ ﻳﻮﻡ 20
ﻓﺒﺮﺍﻳﺮ 2002 .. ﻓﻲ ﺣﺎﺩﺛﺔ ﻛﺎﻧﺖ ﺷﻬﻴﺮﺓ .. ﺭﺍﺡ ﺿﺤﻴﺘﻬﺎ ﺍﻛﺜﺮ ﻣﻦ 361 ﺷﺨﺺ .. ﻛﺎﻥ ﻣﻦ ﺿﻤﻦ ﺍﻟﻀﺤﺎﻳﺎ
ﻋﺒﺪﺍﻟﻤﺎﺟﺪ ﻭﺍﻟﺪ ﻳﺎﺳﻤﻴﻦ .. ﻭﺍﻟﻮﻛﺖ ﺩﺍﻙ ﻛﺎﻥ ﺍﻻﻭﻻﺩ ﺩﻳﻞ ﺻﻐﺎﺭ .. ﻭﺍﻣﻬﻢ ﻗﺎﻣﺖ ﺑﻲ ﺗﺮﺑﻴﺘﻬﻢ ﻓﻲ ﺩﻭﺭ ﺍﻻﺏ
ﻭﺍﻻﻡ .. ﻭﻛﺎﻥ ﻓﻀﻞ ﺍﻟﻠﻪ ﻭﺍﻟﺪ ﺳﻌﺪ .. ﺷﺒﻪ ﻋﺎﺋﻞ ﺍﻻﺳﺮﺓ ﻣﻊ ﺑﻌﺾ ﺍﻟﻤﺼﺎﺭﻳﻒ ﺍﻟﺒﺘﺼﻠﻬﻢ ﻣﻦ ﺍﻟﺒﻠﺪ ﻣﻦ
ﻭﺍﻟﺪ ﺳﻠﻮﻯ ﻧﻔﺴﻬﺎ .. ﺍﻟﻤﻬﻢ ﻓﻲ ﺍﻻﻣﺮ ﺍﻧﻮ ﺳﻠﻮﻯ ﻓﺎﺭﺿﺔ ﺳﻄﻮﺓ ﺍﻻﺏ ﻣﻊ ﺩﻭﺭ ﺍﻻﻡ .. ﻛﻮﻳﺲ؟
ﻃﻴﺐ ..
. ﻫﻨﺎ ﻟﻤﻦ ﻳﺎﺳﻤﻴﻦ ﺟﺎﺕ ﻗﺎﻟﺖ ﻟﻲ ﺍﻣﻬﺎ .. ( ﺩﻩ ﺷﻨﻮ ﻳﺎ ﺍﻣﻲ ﺍﻟﻌﻤﻠﺘﻴﻬﻮ ﺩﻩ؟ .. ﺍﻧﺘﻲ ﻣﻮﺵ ﻋﺎﺭﻓﺎﻧﻲ .
ﺣﺒﻴﺖ ﻫﺎﺷﻢ ﻭﻧﺤﻦ ﻣﺘﻔﻘﻴﻦ ﻋﻠﻰ ﻛﻞ ﺷﻲ ﻭﺍﻧﺘﻲ ﻣﻮﺍﻓﻘﺔ ؟ )
ﺍﻣﻬﺎ ﻗﺎﻟﺖ ﻟﻴﻬﺎ ﺍﺳﻜﺘﻲ ﻳﺎﺑﺖ.. ﻣﺎﻓﻲ ﺯﻭﻝ ﺑﻌﺮﻑ ﻣﺼﻠﺤﺘﻚ .. ﺍﻛﺘﺮ ﻣﻨﻲ .
