انين النسايم

الجزء 15

ﻫﺎﺷﻢ ﻗﺎﻝ ﻟﻴﻬﺎ . ﻣﺸﻜﻠﺔ ﺷﻨﻮ ﻳﺎﻧﻬﻰ ﺍﻻﺗﺤﻠﺖ .. ﻗﺎﻟﺖ ﻟﻴﻬﻮ ﺍﻻﻥ ﺗﺠﺮﻱ ﻣﺮﺍﺳﻢ ﺧﻄﻮﺑﺔ ﺳﻤﺎﻫﺮ .. ﻗﺎﻝ

ﻟﻴﻬﺎ ﺧﻴﺮ ﺍﻧﺎ ﺟﺎﻱ . ﺍﻣﺸﻲ ﻟﻲ ﻋﻠﻰ ﺍﻟﺸﺎﺭﻉ ﺍﻟﻔﻴﻬﻮ ﺍﻟﺒﻨﺸﺮ ..

ﺑﻌﺪ ﻋﺸﺮﺓ ﺩﻗﺎﻳﻖ ﻭﺻﻞ ﻟﻴﻬﺎ .. ﻭﺳﺎﻗﻬﺎ ..

ﻗﺎﻝ ﻟﻴﻬﺎ ﻋﺮﻓﺘﻲ ﻛﻴﻒ ﺍﻧﻬﺎ ﺍﺗﺨﻄﺒﺖ؟ . ﻗﺎﻟﺖ ﻟﻴﻬﻮ ﻭﺍﻟﻠﻪ ﻟﻘﻴﺖ ﺍﻟﻌﺮﺑﺎﺕ ﻭﺍﻗﻔﺎﺕ ﺑﺮﺓ . ﻭﺳﺄﻟﺖ ﺷﺎﻓﻊ ..

ﻗﺎﻝ ﻟﻲ ﺩﻱ ﺧﻄﻮﺑﺔ ﺳﻤﺎﻫﺮ ﺍﺧﺖ ﻣﻌﺘﺰ .

ﻗﺎﻝ ﻟﻴﻬﺎ ﺧﻼﺹ ﺍﻟﺤﻤﺪ ﻟﻠﻪ .. ﻛﺪﺍ ﻳﺎﺩﻭﺏ ﺳﻌﺪ ﺣﻴﺮﺗﺎﺡ ﻣﻦ ﻋﺬﺍﺏ ﺍﻟﻀﻤﻴﺮ . ﻭﻻﺯﻡ ﻧﺒﺸﺮﻩ ﻓﻲ ﺍﻗﺮﺏ

ﻭﻗﺖ .. ﻋﺸﺎﻥ ﻳﺘﺰﻭﺝ ﻭﻫﻮ ﻣﺮﺗﺎﺡ ﺍﻟﺒﺎﻝ .. ﻭﺍﻟﻠﻪ ﺍﻧﺎ ﻓﻲ ﺭﺍﻱ ﻳﺎﺳﻤﻴﻦ ﺍﺣﺴﻦ ﻟﻴﻬﻮ ﻣﻦ ﺳﻤﺎﻫﺮ ..

ﻗﺎﻟﺖ ﻟﻴﻬﻮ ﻋﻠﻴﻚ ﺍﻟﻠﻪ ﺍﺳﻜﺖ ﺳﺎﻱ .. ﺍﻧﺖ ﻣﺎﻋﺎﺭﻑ ﺳﻤﺎﻫﺮ ﻭﻃﻴﺒﺘﻬﺎ .. ﻭﺣﺒﻬﺎ ﻟﻲ ﺳﻌﺪ ﺍﺧﻮﻱ .. ﻭﺍﻟﻠﻪ ﺍﻧﺎ

ﻛﻨﺖ ﺧﺎﻳﻔﺎﻫﺎ ﺗﺠﻦ . ﺑﺲ ﻓﺎﺟﺄﺗﻨﻲ ﺑﺎﻟﺨﻄﻮﺑﺔ ﺩﻱ ..

ﺍﻧﺖ ﻋﺎﺭﻑ ﻳﺎﻫﺎﺷﻢ ﻗﻌﺪﺗﻚ ﻣﻊ ﻧﺎﺱ ﻋﻤﺘﻲ ﺩﻱ .. ﻗﻠﺒﺖ ﻟﻴﻚ ﺭﺍﺳﻚ ﻭﺗﺸﻴﻞ ﻭﺗﺸﻜﺮ ﻓﻲ ﻳﺎﺳﻤﻴﻦ .. ﺍﻇﻨﻬﻦ

ﻣﺸﻦ ﻛﺘﺒﻨﻚ .. ﻭﻻ ﺷﺮﺑﻨﻚ ﺣﺎﺟﺔ ..

ﻗﺎﻝ ﻟﻴﻬﺎ ﺍﺑﺪﺍ .. ﺍﻧﺖ ﺑﺮﺍﻙ ﺑﺘﺸﻮﻓﻲ ﻳﺎﺳﻤﻴﻦ .. ﻟﻤﻦ ﻳﺘﺰﻭﺟﻬﺎ ﺳﻌﺪ ﺍﺧﻮﻱ ﻭﺑﺘﻜﻮﻧﻲ ﻗﺮﻳﺒﺔ ﻣﻨﻬﺎ ..

ﻭﺑﺘﻌﺮﻓﻲ ﻛﻼﻣﻲ ﺩﻩ ..

ﺑﺘﻮﻧﺴﻮ ﻛﺪﺍ ﻭﺑﺘﺎﻉ ﺍﻟﺮﻛﺸﺔ ﻛﻠﻮ ﻣﺮﺓ ﻳﺨﻔﺾ ﺻﻮﺕ ﺍﻟﻄﺮﻃﺮﺓ ﺑﺘﺎﻋﺔ ﺍﻟﺮﻛﺸﺔ ﻋﺸﺎﻥ ﻳﺴﺮﻕ ﺍﻟﺴﻤﻊ ..

ﻭﺍﻟﺮﻛﺸﺔ ﺷﻐﺎﻟﺔ ﻃﺮﺭﺭﺭﻃﺮﺭﺭ .. ﻧﻬﺎﺋﻲ ﻣﺎ ﺃﺩﺗﻮ ﻓﺮﺻﺔ ﻳﺴﻤﻊ ..

ﺑﻌﺪ ﻭﺻﻠﻮ ﺍﻟﺒﻴﺖ .. ﻗﺎﻟﺖ ﻟﻲ ﺍﻣﻬﺎ ﻳﺎ ﺍﻣﻲ ﻓﻲ ﺧﺒﺮ ﺳﻤﺢ ﻭﺟﻤﻴﻞ ﻭﻣﺮﻳﺢ ..

ﺍﻟﻠﻬﻮ ﺍﻧﻮ ﺳﻤﺎﻫﺮ ﺍﻟﻠﻴﻠﺔ ﺧﻄﻮﺑﺘﻬﺎ .. ﺍﻣﻬﺎ ﻗﺎﻟﺖ ﺍﻟﺤﻤﺪ ﻟﻠﻪ ﻳﺎ ﻧﻬﻰ.. ﻭﺣﺎﺕ ﺍﻟﻠﻪ ﺳﻤﺎﻫﺮ ﻛﺎﻧﺖ ﻣﻮﺟﻌﺎﻧﻲ

ﻭﻛﺎﺳﺮﺓ ﻗﻠﺒﻲ .. ﺑﺲ ﻣﺎ ﻛﻨﺖ ﺩﺍﻳﺮﺓ ﺍﻇﻬﺮ ﺍﻟﻜﻼﻡ ﺩﻩ ﻟﻲ ﺳﻌﺪ .. ﻋﺸﺎﻥ ﻣﺎﻳﻘﻮﻡ ﻳﺨﻠﻒ ﻭﻋﺪ ﺍﺑﻮﻫﻮ ..

ﺩﻩ ﻛﻼﻡ ﻭﺍﻟﻠﻪ ﻳﻔﺮﺡ .. ﺍﻥ ﺷﺎﺀ ﺍﻟﻠﻪ ﻳﺎ ﻳﻤﺔ ﺭﺑﻲ ﻳﺴﻌﺪﻫﺎ ﻭﻳﺠﻌﻞ ﻟﻴﻬﺎ ﺍﻟﺒﺮﻛﺔ ﻓﻲ ﺑﻴﺘﻬﺎ .. ﺑﺮﻛﺔ ﺍﻟﻠﻪ

ﺍﻟﻮﺍﺣﺪ ..

ﻃﺒﻌﺎ " ﺍﻧﺘﻈﺮﻭﺍ ﺳﻌﺪ ﺑﻲ ﻓﺎﺭﻕ ﺍﻟﺼﺒﺮ ﻋﺸﺎﻥ ﻳﺠﻲ ﻭﻳﺪﻭﻫﻮ ﺍﻟﻜﻼﻡ ﺍﻟﻔﻲ ﺍﻋﺘﻘﺎﺩﻫﻢ ﺡ ﻳﺮﻳﺤﻪ ..