انين النسايم

الجزء 20

ﺳﻌﺪ ﻃﻮﺍﻟﻲ ﺭﻛﺐ ﻋﻠﻰ ﺣﻮﺍﺩﺙ ﺑﺤﺮﻱ .. ﻭﻓﻲ ﺍﻟﺸﺎﺭﻉ ﺿﺮﺏ ﻻﺧﻮﻫﻮ ﻛﺒﺎﺷﻲ . ﻗﺎﻝ ﻟﻴﻬﻮ ﺍﻧﺘﻬﻴﺖ ﻣﻦ

ﺍﻻﻣﺘﺤﺎﻥ؟ ﻗﺎﻝ ﻟﻴﻬﻮ ﻃﻠﻌﺖ ﻣﻦ ﻭﺍﺣﺪ ﻭﺧﺎﺷﻲ ﻋﻠﻰ ﺍﻟﺘﺎﻧﻲ ..

ﻗﺎﻝ ﻟﻴﻬﻮ ﻃﻴﺐ ﺍﻗﻔﻞ ﺗﻠﻔﻮﻧﻚ .. ﻭﻣﺎﺗﻔﺘﺤﻮ ﺍﻻ ﺗﻄﻠﻊ ﻣﻦ ﺍﻻﻣﺘﺤﺎﻥ ﺍﻟﺘﺎﻧﻲ .. ﻭﺍﻭﻝ ﻣﺎ ﺗﻔﺤﻮ ﺍﺿﺮﺏ ﻟﻲ

ﻃﻮﺍﻟﻲ ..

ﻛﺒﺎﺷﻲ ﻗﺎﻝ ﻟﻴﻬﻮ ﻟﻴﻪ ﺍﻟﻄﻠﺐ ﺍﻟﻌﺮﻳﺐ ﺩﻩ ؟ ﻭﺭﻳﻨﻲ ﻓﻲ ﺷﻨﻮ؟

ﺳﻌﺪ ﻗﺎﻝ ﻟﻴﻬﻮ ﺍﻗﻮﻝ ﻟﻴﻚ ﻧﻔﺬ ﻛﻼﻣﻲ .. ﺑﻌﺪﻳﻦ ﺑﺤﻜﻲ ﻟﻴﻚ ﻣﺎﻓﻲ ﺣﺎﺟﺔ ﻣﻬﻤﺔ ﻛﻮﻳﺲ ؟ ﺑﺲ ﻣﺎﺗﻔﺘﺤﻮ ..

ﻗﺎﻝ ﻟﻴﻬﻮ ﺣﺎﺿﺮ ..

ﻭﺿﺮﺏ ﻟﻲ ﻧﻬﻰ . ﻗﺎﻝ ﻟﻴﻬﺎ ﺍﺳﻤﻌﻲ ﻳﺎﻧﻬﻰ . ﺍﻣﻲ ﺿﺮﺑﺖ ﻟﻲ ﻗﺎﻟﺖ ﺍﻟﺒﺺ ﺍﻟﺮﺍﻛﺒﻴﻦ ﻓﻴﻬﻮ ﻋﻤﻞ

ﺣﺎﺩﺙ ..ﻟﻜﻦ ﻫﻲ ﻛﻮﻳﺴﺔ .. ﻭﻫﺎﺷﻢ ﻛﻮﻳﺲ ﺑﺲ ﻓﻲ ﺍﺟﺮﺍﺀﺍﺕ ﺑﺴﻴﻄﺔ ﻭﺣﻴﺠﻮ ﺭﺍﺟﻌﻴﻦ ﺍﻟﺒﻴﺖ ..

ﻟﻮ ﻓﻲ ﺯﻭﻝ ﺿﺮﺏ ﻟﻴﻚ ﻣﺎﺗﻨﺰﻋﺠﻲ ﻛﻮﻳﺲ؟ .. ﺍﻧﺎ ﺑﺘﺼﻞ ﻋﻠﻴﻚ ﺗﺎﻧﻲ ﻟﻴﻚ ﺗﺎﻧﻲ .. ﻗﺎﻟﺖ ﻟﻴﻬﻮ ﺍﻧﺖ ﻣﺘﺄﻛﺪ

ﺍﻧﻬﻢ ﻛﻮﻳﺴﻴﻦ ؟ ..

ﻟﻮ ﺍﻧﺎ ﺍﻛﺘﺸﻔﺖ ﺍﻧﻮ ﻓﻴﻬﻢ ﻭﺍﺣﺪ ﻣﺨﺮﻭﺵ ﺧﺮﺷﺔ ﻣﺎ ﺑﺨﻠﻴﻚ ﻳﺎﺳﻌﺪ ..

ﻗﺎﻝ ﻟﻴﻬﺎ ﻻﻻ ﺯﻱ ﻣﺎﺑﺤﻜﻲ ﻟﻴﻚ ..

ﻭﺻﻞ ﺍﻟﺤﻮﺍﺩﺙ .. ﻭﻟﺴﻪ ﻣﺎﻋﺎﺭﻑ ﺍﻟﺤﻮﺍﺩﺙ ﺍﻟﺤﺎﺻﻞ ﻓﻴﻬﺎ ﺷﻨﻮ .

ﺍﻛﺘﺸﻒ ﺍﻧﻮ ﻟﺴﻪ ﺍﻻﺳﻌﺎﻓﺎﺕ ﻣﺎﺣﺼﻠﺖ ﺗﺠﻲ .. ﻫﻮ ﻓﻲ ﺍﻟﻤﺴﺎﻓﺔ ﺩﻱ ﺍﺳﺘﻔﺮﻉ ﻣﺮﺗﻴﻦ .

ﺍﻟﻤﻬﻢ ﺍﻟﺰﻭﻝ ﺩﻩ ﻳﺎﺟﻤﺎﻋﺔ ﺍﺗﺠﺮﺱ ﺟﺮﺍﺳﺔ ﺷﺪﻳﺪﺓ . ﻓﻲ ﺍﻻﻧﺘﻈﺎﺭ ﺩﻩ ﻟﻤﻦ ﺣﺲ ﺍﻧﻮ ﻋﻴﺎﻥ ..

ﻭﺭﺟﻠﻮ ﺍﻻﺗﻀﺮﺑﺖ ﻗﺒﻴﻞ ﺩﻳﻚ ﻧﺰﻓﺖ ﻟﻤﻦ ﻭﻗﻔﺖ ﺑﺮﺍﻫﺎ ﻣﺎ ﺣﺲ ﺑﻴﻬﺎ ..

ﺍﺗﺼﻞ ﻋﻠﻰ ﺗﻠﻔﻮﻥ ﺍﻣﻮ ﻭﺗﻠﻔﻮﻥ ﻫﺎﺷﻢ ﺍﻇﻦ ﺍﻛﺘﺮ ﻣﻦ ﻣﻴﺔ ﻣﺮﺓ .. ﻭﻛﻠﻮ ﻣﻘﻔﻮﻝ ﻣﻘﻔﻮﻝ ..

ﻗﻌﺪ ﻛﺪﺍ ﻋﻠﻰ ﺿﻞ ﻭﻗﻌﺪ ﻳﺒﻜﻲ .. ﻭﻳﺪﻋﻲ ﻳﺎﺭﺑﻲ ﺗﻠﻄﻒ .. ﻳﺎﺭﺑﻲ ﻻ ﺍﺳﺎﻟﻚ ﺭﺩ ﺍﻟﻘﻀﺎﺀ ﻟﻜﻦ ﺍﺳﺎﻟﻚ

ﺍﻟﻠﻄﻒ ..

ﺍﺗﺼﻞ ﻋﻠﻰ ﺳﻤﺎﻫﺮ ..

ﻗﺎﻟﺖ ﻟﻴﻬﻮ ﻧﻬﺎﺭﻙ ﺳﻌﻴﺪ ﻳﺎ ﺳﻌﺎﺩﺓ ﻗﻠﺒﻲ .. ﻗﺎﻟﻴﻬﺎ ﻛﻴﻔﻚ ﻳﺎﺳﻤﺎﻫﺮ؟ .. ﻳﺎﺳﻤﺎﻫﺮ ﺣﺼﻞ ﻋﻠﻴﻨﺎ ﺣﺎﺩﺙ ..

ﻧﺎﺱ ﺍﻣﻲ ﻭﻫﺎﺷﻢ ﺍﺧﻮﻱ ﻣﺴﺎﻓﺮﻳﻦ .. ﺣﺼﻞ ﻟﻴﻬﻢ ﺣﺎﺩﺙ .. ﻭﻟﺴﻪ ﻣﺎﻭﺻﻠﻮ ﺍﻟﻤﺴﺘﺸﻔﻰ .. ﻭﻣﺎﻋﺎﺭﻑ