انين النسايم

الجزء 26

ﺑﻌﺪ ﺧﻠﺼﺖ ﺍﻟﻤﻜﺎﻟﻤﺔ .. ﺍﺑﻮ ﺳﻤﺎﻫﺮ ﺧﺖ ﻳﺪﻳﻬﻮ ﻓﻮﻕ ﺭﺍﺳﻮ .. ﻭﺍﻇﻦ ﻗﻌﺪ ﻓﻲ ﻣﻜﺎﻧﻪ ﻗﺮﻳﺐ ﺍﻟﻨﺺ

ﺳﺎﻋﺔ .. ﺍﻟﻜﻼﻡ ﺩﻩ ﻫﻮ ﻛﺎﻥ ﻓﻲ ﻣﻜﺘﺒﻮ .. ﻓﻲ ﻧﻬﺎﻳﺔ ﺍﻟﺪﻭﺍﻡ ..

ﻓﻲ ﺍﻟﻨﻬﺎﻳﺔ ﺷﺎﻝ ﻧﻔﺴﻮ ﻭﺧﺘﺎﻫﻮ .. ﻭﻗﺎﻡ ﺭﻛﺐ ﻋﺮﺑﻴﺘﻮ .. ﻭﻣﺎﺷﻲ ﻓﻲ ﺍﻟﺸﺎﺭﻉ ﺑﺘﻜﻠﻢ ﺑﺮﺍﻫﻮ .. ﺑﻜﺮﺭ ﻓﻲ

ﻛﻼﻡ ﺳﻌﺪ .. ﻳﻘﻮﻝ ( ﺧﻴﺮ ﻳﺎﻋﻤﻲ .. ﺍﻧﺎ ﻣﺎﻣﻤﻜﻦ ﺃﻋﺎﻗﺐ ﺍﻧﺴﺎﻧﺔ ﺑﻲ ﺧﻄﺄ ﻗﺒﻞ ﺗﻼﺗﺔ ﺳﻨﺔ .. ﻭﻣﺎ ﺡ ﺍﺗﺨﻠﻰ

ﻋﻦ ﻋﺮﺿﻲ . ﻭﻣﺎ ﺡ ﺃﻛﺴﺮ ﻭﺻﻴﺔ ﺍﺑﻮﻱ ..

ﻭﻟﻮ ﺭﺑﻨﺎ ﻣﺎﻗﺎﺳﻢ ﻟﻲ ﻣﻌﺎﻛﻢ ﻗﺴﻤﺔ ﺍﻧﺎ ﺭﺍﺿﻲ ﺑﺎﻣﺮ ﺍﻟﻠﻪ ) .. ﻭﺻﻞ ﺍﻟﺒﻴﺖ .. ﻣﺤﺒﻂ ﻭﻣﺘﻀﺎﻳﻖ .. ﻭﺣﺎﻟﺘﻮ ﻣﺎ

ﻛﻮﻳﺴﺔ .. ﺩﺧﻞ ﻋﻠﻰ ﺳﻤﺎﻫﺮ ﻓﻲ ﻏﺮﻓﺘﻬﺎ .. ﻟﻘﺎﻫﺎ ﻗﺎﻋﺪﺓ ﻓﻲ ﻣﺼﻼﻳﺔ ﻭﺑﺘﻘﺮﺍ ﻓﻲ ﺍﻟﻘﺮﺍﻥ .. ﻭﻋﻴﻮﻧﻬﺎ

ﻣﺤﻤﺮﺍﺕ ﺯﻱ ﺍﻟﺰﻭﻝ ﺍﻟﻜﺎﻥ ﺑﺪﻕ ﻟﻴﻬﻮ ﻓﻲ ﺷﻄﺔ ..

ﻃﺒﻘﺖ ﺍﻟﻤﺼﺤﻒ .. ﻭﻃﺒﻌﺖ ﻗﺒﻠﻪ ﻋﻠﻰ ﺍﻟﻤﺼﺤﻒ ﻓﻮﻕ ﺍﻟﻐﻼﻑ ..

ﻭﻗﺎﻟﺖ ﻟﻴﻬﻮ ﺍﻫﻠﻴﻦ ﻳﺎ ﺍﺑﻮﻱ ..

ﻗﺎﻝ ﻟﻴﻬﺎ ﺳﻤﺎﻫﺮ ﻛﻴﻔﻚ ﻭﻛﻴﻒ ﺍﺣﻮﺍﻟﻚ؟

ﻗﺎﻟﺖ ﻟﻴﻬﻮ ﻣﺎﻛﻮﻳﺴﺔ ﻭﺍﻟﻠﻪ ﻳﺎ ﺍﺑﻮﻱ .. ﺗﻌﺒﺎﻧﺔ ﻭﻣﻨﻬﺎﺭﺓ .. ﻭﻣﺤﺒﻄﺔ ﺑﺲ ﺍﻟﺤﻤﺪ ﻟﻠﻪ .. ﺍﻧﺖ ﻋﻮﺩﺗﻨﻲ ﻣﺎ

ﺃﻛﺬﺏ ﻋﻠﻴﻚ .. ﻭﺍﺣﻜﻲ ﻟﻴﻚ ﺑﺎﻱ ﺣﺎﺟﺔ ﻓﻲ ﺣﻴﺎﺗﻲ ..

ﻗﺎﻝ ﻟﻴﻬﺎ ﺍﻧﺎ ﺍﺗﻜﻠﻤﺖ ﻣﻊ ﺳﻌﺪ ﻗﺒﻞ ﺷﻮﻳﺔ ..

ﻃﻮﺍﻟﻲ ﻗﺎﻣﺖ ﻣﻦ ﺍﻟﻤﺼﻼﻳﺔ ﻭﺟﺎﺕ ﻗﻌﺪﺕ ﺟﻤﺐ ﺍﺑﻮﻫﺎ ..

ﻗﺎﻟﺖ ﻟﻴﻬﻮ ﻗﺎﻝ ﻟﻴﻚ ﺷﻨﻮ ﺳﻌﺪ ؟ ﻋﻠﻴﻚ ﺍﻟﻠﻪ ﻫﻮ ﻛﻮﻳﺲ . ؟ ﺟﺎﻙ ﻭﻟﻼ ﻣﺸﻴﺖ ﻟﻴﻬﻮ . ؟ ﻭﻻ ﺍﺗﺼﺎﻝ ﺳﺎﻱ ..

ﻗﺎﻝ ﻟﻴﻬﺎ ﺍﺗﺼﻞ ﻋﻠﻲ ﻫﻮ .. ﻭﺑﺴﺄﻝ ﻣﻦ ﺍﻟﻤﻮﺿﻮﻉ ..

ﺑﺼﺮﺍﺣﺔ ﻳﺎ ﺳﻤﺎﻫﺮ ﺍﻟﺰﻭﻝ ﺩﻩ ﻣﺎ ﺯﻭﻝ ﺳﺎﻫﻞ ﻭﺍﻟﻠﻪ .. ﻭﺍﻟﻠﻪ ﺍﺧﺘﻴﺎﺭﻙ ﻛﺎﻥ ﻓﻲ ﻣﺤﻠﻪ .. ﻭﺍﻟﻠﻪ ﻳﺎﺳﻤﺎﻫﺮ

ﺍﻟﺰﻭﻝ ﺩﻩ ﺭﺍﺟﻞ ... ﺍﻟﺰﻭﻝ ﻳﺨﺘﻮ ﻓﻲ ﻳﻤﻴﻨﻮ .. ﺍﻟﻠﻪ ﻳﺤﻔﻈﻪ ﻭﻳﻜﺮﻣﻮ .. ﻭﺍﻧﺎ ﺧﺎﻳﻒ ﻗﺮﺍﺭﻧﺎ ﺩﻩ ﻧﻨﺪﻡ ﻋﻠﻴﻬﻮ ..

ﻗﺎﻟﺖ ﻟﻴﻬﻮ ﺍﺑﻮﻱ ﺍﻟﻠﻪ ﻳﺨﻠﻴﻚ .. ﻗﺒﻞ ﻛﻞ ﺷﻲ ﺭﺍﻋﻲ ﻟﻲ ﺍﻧﺎ .. ﺍﻧﺎ ﻭﺍﻟﻠﻪ ﻣﺎﺑﻘﺪﺭ ﺍﺗﻌﺎﻳﺶ ﻣﻊ ﺯﻭﻝ ..

ﺍﻧﺖ ﻗﺒﻞ ﻛﺪﺍ ﺣﻜﻴﺖ ﻟﻲ ﻣﻌﺎﻧﺎﺗﻚ ﻓﻲ ﺣﺒﻚ ﻟﻲ ﺍﻣﻲ.. ﻭﺍﻟﻤﺸﺎﻛﻞ ﺍﻟﻮﺍﺟﻬﺘﻜﻢ .. ﻭﻛﻴﻒ ﺍﻧﻚ ﻗﻠﺖ ﻟﻲ ﻟﻮ ﻣﺎ