انين النسايم

الجزء 25

ﻃﺒﻌﺎ ﺟﺎﺑﻮ ﻟﻴﻬﻢ ﺍﻟﻀﻴﺎﻓﺔ .. ﻟﻜﻦ ﻗﺒﻞ ﻣﺎﻳﺘﻨﺎﻭﻟﻮ ﺍﻱ ﺣﺎﺟﺔ .. ﻫﺎﺷﻢ ﻗﺎﻝ ﻟﻲ ﻭﺍﻟﺪ ﺳﻤﺎﻫﺮ ﻗﺒﻞ ﻣﺎ ﻧﻘﺒﻞ

ﺍﻛﺮﺍﻣﻜﻢ.. ﻧﺤﻦ ﻋﻨﺪﻧﺎ ﻃﻠﺐ ﻭﺭﺟﺎﺀ ﺟﺎﻳﻴﻨﻮ .. ﻗﺎﻝ ﻟﻴﻬﻮ ﺍﺗﻔﻀﻞ ﻗﻮﻝ ..

ﻃﻮﺍﻟﻲ ﻫﺎﺷﻢ ﻗﺎﻝ ﻟﻠﻮﻟﺪ ﻧﺎﺩﻱ ﻟﻲ ﺍﻟﻤﺮﺍﺓ ﺍﻟﺠﺎﺕ ﻣﻌﺎﻱ ﺩﻱ ..

ﺟﺎﺕ ﻳﺎﺳﻤﻴﻦ ﻭﻣﻌﺎﻫﺎ ﺍﻻﺳﺘﺎﺫﺓ ﻓﺎﺩﻳﺔ .. ﻗﺎﻝ ﻟﻴﻬﻢ ﺍﺗﻔﻀﻠﻮ ..

ﻓﺎﺩﻳﺔ ﻗﺎﻟﺖ ﻓﻲ ﺷﻨﻮ ﻳﺎﺟﻤﺎﻋﺔ .. ﺍﻥ ﺷﺎﺀ ﺍﻟﻠﻪ ﺧﻴﺮ ؟

ﻫﺎﺷﻢ ﻗﺎﻝ ﻟﻴﻬﺎ ﺍﺗﻜﻠﻤﻲ ﻳﺎ ﻳﺎﺳﻤﻴﻦ ..

ﻗﺎﻟﺖ ﻟﻴﻬﻢ ﺍﻧﺎ ﺍﺳﻤﻲ ﻳﺎﺳﻤﻴﻦ . ﺯﻭﺟﺔ ﻫﺎﺷﻢ ﻭﺑﺖ ﻋﻤﺘﻮ .. ﻭﺍﻧﺎ ﺍﻟﺤﻜﺎ ﻟﻴﻚ ﺍﺧﻮﻛﻲ .. ﻭﺧﺎﻝ ﺳﻤﺎﻫﺮ ..

ﻋﻨﻲ ﻛﻴﺖ ﻭﻛﻴﺖ ..

ﺍﻧﺎ ﺍﻟﺒﻲ ﺳﺒﺒﻲ ﺭﻓﻀﺘﻮ ﺳﻌﺪ ..

ﺍﻻﺳﺘﺎﺫﺓ ﻋﺎﻳﺰﺓ ﺗﺘﻜﻠﻢ .. ﻳﺎﺳﻤﻴﻦ ﻗﺎﻟﺖ ﻟﻴﻬﺎ ﻟﻮ ﺳﻤﺤﺘﻲ ﻳﺎ ﺧﺎﻟﺔ .. ﺧﻠﻴﻨﻲ ﺍﻛﻤﻞ ﻛﻼﻣﻲ ..

ﺍﻧﺎ ﻳﺎﺧﺎﻟﺘﻲ ﻭﺍﻟﻠﻪ . ﺍﺗﻌﺮﺿﺖ ﻗﺒﻞ ﺗﻼﺗﺔ ﺳﻨﺔ ﻟﺨﺪﺍﻉ ﺍﺻﺪﻗﺎﺀ ﺍﻟﺴﻮﺀ . ﻭﺟﺮﺑﺖ ﺍﻟﺤﺎﺟﺔ ﺩﻱ.. ﺍﻣﻜﻦ ﻣﺎ ﺍﻛﺘﺮ

ﻣﻦ ﺍﺳﺒﻮﻉ ﺍﻭ ﻋﺸﺮﺓ ﻳﻮﻡ .. ﻭﺑﻲ ﻭﻗﻔﺔ ﺍﻫﻠﻲ ﻣﻌﺎﻱ .. ﻭﺧﺎﻟﻲ ﺍﻟﻠﻬﻮ ﻭﺍﻟﺪ ﺳﻌﺪ ﺍﻟﻠﻪ ﻳﺮﺣﻤﻮ .ﺍﻟﺤﻤﺪ ﻟﻠﻪ

ﻣﻦ ﺍﻟﻮﻛﺖ ﺩﺍﻙ ﺍﻧﺎ ﺗﺎﻧﻲ ﻣﺎﻗﺮﺑﺖ ﺣﺘﻲ ﻣﻦ ﺍﻟﻨﺎﺱ ﺩﻱ ..

ﻭﻫﺴﻲ ﺍﻟﺤﻤﺪ ﻟﻠﻪ ﺍﻧﺎ ﻓﻲ ﺍﻣﺎﻥ ﺍﻟﻠﻪ .. ﻭﺍﻧﺎ ﺟﻴﺖ ﻣﺨﺼﻮﺹ ﻋﺸﺎﻥ ﺍﺣﻠﻒ ﻟﻴﻜﻢ ﻋﻠﻰ ﺍﻟﻤﺼﺤﻒ .. ﺍﻧﻲ

ﺻﺎﺩﻗﺔ ﻓﻲ ﻛﻼﻣﻲ ﺩﻩ ..

ﻟﻮ ﺻﺪﻗﺘﻮﻧﻲ ﺍﻧﺎ ﻃﻠﺒﻲ ﻣﺎﺗﺤﺮﻣﻮ ﺳﻌﺪ ﻣﻦ ﺳﻤﺎﻫﺮ .. ﻭﻟﻮ ﻣﺎﺻﺪﻗﺘﻮﻧﻲ . ﺍﻧﺎ ﺑﻌﻴﺶ ﻃﻮﻝ ﻋﻤﺮﻱ ﻓﻲ ﻋﺬﺍﺏ

ﺿﻤﻴﺮ .. ﻭﻣﺎ ﺡ ﺍﺳﺎﻣﺢ ﻧﻔﺴﻲ ..

ﺍﻧﺎ ﻛﻼﻣﻲ ﺧﻠﺺ .. ﺍﺗﻔﻀﻠﻲ ﻳﺎﺧﺎﻟﺘﻲ ..

ﻗﺎﻟﺖ ﻟﻴﻬﺎ ﻛﻮﻳﺲ ﻳﺎ ﺑﺘﻲ .. ﻧﺤﻦ ﺻﺪﻗﻨﺎﻙ ﺍﻧﻮ ﺍﻟﺤﺎﺟﺔ ﺩﻱ ﻛﺎﻧﺖ ﻓﻲ ﺍﻟﻤﺎﺿﻲ .. ﻃﻴﺐ ﻭﺍﻟﺴﻤﻌﺔ ﺍﻟﺴﻴﺌﺔ؟ ..

ﻭﻛﻼﻡ ﺍﻟﻨﺎﺱ؟.. ﻧﺤﻦ ﻧﻘﺪﺭ ﻧﻮﺍﺟﻬﻮ ﻛﻴﻒ؟ ..

ﺍﻧﺘﻲ ﻋﺎﺭﻓﺔ ﺍﻧﻮ ﻧﺤﻦ ﻓﻲ ﻣﺠﺘﻤﻊ ﻻﻳﺮﺣﻢ .. ﺧﺼﻮﺻﺎ ﺍﻟﺒﻨﺎﺕ .. ﻓﻲ ﺍﻻﻣﻮﺭ ﺩﻱ . ﺍﻟﺤﺎﺟﺔ ﺯﻱ ﻭﺻﻤﺔ ﺍﻟﻌﺎﺭ

ﺗﻜﻮﻥ ﻓﻮﻕ ﺟﺒﻴﻨﻬﻢ ﻃﻮﻝ ﺣﻴﺎﺗﻬﻢ ..

ﻭﺍﻟﺪ ﺳﻤﺎﻫﺮ ﻗﺎﻝ ﻟﻴﻬﺎ ﺩﻗﻴﻘﺔ ﻳﺎ ﻓﺎﺩﻳﺔ .. ﻟﻮ ﺳﻤﺤﺘﻲ ﺑﺲ ..