❤ CINTA KANTALAN ❤

Part 33

PA LUCY

Penat kama.. Lepas balik dari kerja.. Terus ambil dorang twin boy sana rumah mentua. Bukan juga jauh dari  rumah.. Tapi taim jam bah jalanraya.. Tu yang bikin sa penat. Kadang2 jam7 malam baru  sa sampai rumah. Husben pula kalau dia inda oncall malam dia yang pigi bil dorang.

Sa sudah 5 tahun keje sana Syarikat E-Perkasa sebagai PA Lucy kepada CEO Olando Castillano Evans anak kepada Rogers Collin Allen. Ok saja kerja sini cuma yang bikin stress akhir2 ni beganti2 sumandak pigi cari dia sampai pigi opis lagi tu. Kalau sa bilang inda buli masuk. Aduii buli2 gia dia maki2 sa.. Macam saja bini tu bos. Harap2lah inda. Bakal2 pun inda padan sa nampak kih. Jauh2 pigi laut biar kana makan sama jerung..

Sejak Ara sambung belajar ni.. Belum lagi sa sempat cari pembantu rumah mau jaga ni dua sitaring sa ni.. Sibuk saja. Sa minta tolong mentua sa cari tapi belum ada lagi. Harap2 ada lah nanti supaya  sa senang sikit kerja sa..
***************************

OLANDO CASTILLANO EVANS

Awal  lagi sa bangun terus sa check phon mana tau  ada  balasan  sms sa semalam.. Tara juga bah. Sa tau niari dia firstday pigi kuliah. Mau kacau dulu kejap..sapa suruh inda balas sms sa semalam..

📨Morning.. Send

Tik..tok..tik..tokk macam sa jadi penunggu pula ni sekarang hehe.. Kalau inda kana balas macam ada kekurangan dalam hati sa.. Kenapa tu aa..

📩Pagi.. Apa mimpi ni awal pagi kacau urang.. Masi di atas pukuk kelapa kah?..

Nah, membalas juga kio..

📨Rindu.. Send

Sa cuba kunu kasi hint2 dia apa tu perasaan sa sama dia..

📩Kada pogipi hino.. Nyia ku ngrati.. Sa mambukk!!!...

Nah, apa bahasa dia guna tu.. Inda pula sa  faham..

📨Apa tu.. Inda sa paham.. Send

📩Ohh.. Nyia ngrati? Mari kut sa pigi sikul..

😂😂😂😂...

📨Inda mau.. Sa mau ko jadi sigu sa.. Sa malas pigi sikulah.. Tua sudah... Send

📩😂😂😂😂😂..Mengaku juga ko tua aa..

📨Jangan kasi ketara bah.. Bulum tua butul bah sa ni.. Send

📩Adii.. Siou dia gaman... Bah, sa mau pigi saana dulu.. Bye

Adii tua sangat kah sudah sa ni.. Cuma kedut saja pun.. Inda apa kena rajin pigi jim laini klu nampak tua..

Sa cepat2 pigi mandi besiap dan jalan pigi kerja.. Atokoi sampai di parking awal lagi gia masi sikit urang.. Tuba2 kana peluk sa dari belakang.. Cepat2 sa pusing n she is Bella... Yes Bella. Apa lagi dia  mau ni.

"Hi.. Morning dear.." Bella

"Apa kamu buat awal pigi sini?.." sabilang
Inda buli marah2 ni wal pagi.. Tapi sudah rusak mood sa ni..

"Ada larangan meh sa pigi sini.. Sini publik lah so sapa2 pun buli lalu sini.." Bella

Sa cepat2 kasi tinggal ni urang.. Malas sa mau layan. Mula laitu nanti..

"Dear.. Dear please give me chance to love u bah. Buka hati dear tuk sa biar sekejap saja... I try harder to change my atitude..please dear.. Please.." Bella

Langkah sa terhenti di sana.. Sa pusing tingu dia.. Dui gia meleleh2 bah romou dia.. Kesian juga. Bukan juga sa jahat ba ni ada juga perasaan  simpati sama dia tapi kalau menyentuh pasal perasaan '0' ya. Sa tiada perasaan langsung biar sedikit pun sama ni perempuan sudah bertahun dia  cuba pikat sa tapi inda juga tu ginawo sa buli terima dia.