❤ CINTA KANTALAN ❤

Part 36

LESSIE AKA NC

📩😊🙌🙏..Sa keje setengah hari bisuk. Nanti sa pigi angkut ko sana ok!! Bye gud nite.. Pari

Sakit kapla sa terus.. Nasib siap sudah tu karaja sa.. Duii apa lagi mau cakap belum lagi sa jawab sudah babai..

Takpe.. Adalah sa suruh kurik kantalan nikali.. Siap sedia lah ko Pari😈..hehehe..

Bisuknya pagi sa call bapa inda payah bil sa. Sa cakap ikut kawan saja. Mula2 bapa inda mau.. Risau dia.. Terpaksa sa kasitau kunu si Pari baru kaka dia senang ati.. Hmm biar betul baliau ni...

Jam1 sa bis kelas.. Ara jam12 lagi abis. Kami singgah sekejap sana kantin si Ara beli minuman tin. Pastu kami jalan balik.

Sampai gate.. Nah kan Pari masak kari sana sudah menunggu..

"Hmm.. Ada urang tungguu sa mau balik kampung.." Ara

Mengoloh laitu... Tangan sa kana siku2 ni oleh si Ara.. Panas muka sa terus malu gia.. Adakah pigi parking sana.. Ketara butul takut sa lari..

"Otto.. Eeh gerigitan sa oo sama ko ni.. Malas sa mau ikut dia tapi dia mau ikut juga .." sabilang

"ok pun.. Lagipun biasa sudah kamu kan.. Anak bos lagi kama.. Bagus bah dia.. Ee nasib bukan bf sa.. " Ara

Iii menyokong ko kawan.. Sampai kami sana dapan.. Tiada urang pun dalam kereta.. Kami masuk rumah. Ngam2 sa masuk bilik bunyi phone sa..

📞Pari call...

..Aah nokuro?.. Mana ko ni?

📞Belakang ko lah..

Telumpat sa tingu belakang.. Mana ada.. Buyuk saja.

..Buyuk ko ni Pari.. Bah, sa mau jalan sudah ni balik kampung. Babai...

Terus sa off phon.. Rasain kekeke. Sa susun baju sa mau bawa balik kampung. Sikit saja bah.. Ada juga baju sa sana nanti. Pastu sa pigi di dapur.. Mau cari makanan kejap..

Pop...popp..popp..(bunyi hon) sa pigi tingu sana jandela.. Pari pula.. Sa buka pintu.. Tingu dia..

"Jadi?.." Pari

"Balik lah bah.. Lima minit dari sekarang.." sabilang

Sa masuk balik bil tu bag sa sama bag baboh sa. Sa check balik bag baboh sa manatau ada tertinggal ok beres. Sa keluar sa masuk bilik si Ara tiada.. Sa pigi dapur.. Di tandas pula.. Sa pigi tapun saja d tu makanan di dapur..

"Ottoo.. Sa mau jalan sudah ni.. Kamu jam berapa balik nanti..?" sabilang

"Petang.. Lepas kakak sa balik dari keje.. Bah, baik2 kio.. Kirim salam sama tu hansomboi ko tu.. Kalau dia macam2 nanti gitau sa.. Sa pigi lukis kening dia tu pakai cat kayuu.." Ara

😂😂..Abis lah ko Pari kening ko kana lukis pakai cat kayu... Sa jalan keluar pigi tempat kereta si Pari..

"Bilang lima minit.. Tigu jam ko mau setengah jam oo.." Pari

"Alaah.. Baru dua minit pun tu.. Jam ko tu sapat butul pusing.." sabilang

"Teiii.. Simpan bag ko sana belakang.. Pigi makan dulu lah bulum makan ni.." Pari

Kami jalan.. Dia bawa sa makan situu.. Resturan yang ada kelawar ituari..

"Jom makan saja sini.. Tiada juga tu kelawar tu kalau siang.." Pari

Laju oo dia turun.. Sa belum lagi buka pintu dia di luar sudah.. Ikut saja lah.. Sa turun sa kut saja dia dari belakang.. Siap kami makan kami pigi di kereta.

Sampai KB mau jam3 lebih sudah. Singgah kami kejap pigi beli kuih panjaram dabilang.. Kami pigi meraun lah sana tamu.. Sa inda berapa tau jalan sana.. Sa kut saja pari .. Pastu sempat lagi sa beli rambutan. Sa makan2 rambutan.. Pari makan panjaram dia.. Gudoot panjaram tih tulun.. Panjaram saja di cari..