عشق وإبتلاء

البارت الرابع

البارت الرابع
#عشق_وإبتلاء💔
#بقلمي_شمس

شفت بنات عمتي افراح .. ع الشط واگفات ..
ركضت الهن ورافعه الجبه مالتي ..
لان مضايقتني وبحياتي ملابسه جبه .
بس مضطره .. لان بالناصريه لازم البنيه تلبس عبايه .
ولان مااحب العبايه لبست جبه ولابسه جواها بنطرون

واني امشي حيل .
سمعت صوت ذكوري ورايه ..
نزلي ملابسج ماكو خشا ..

التفتت واني معصبه .. بقلم شمس
متشوف لابسه بنطرون يعني مطالع مني شي ..
ولا طالعه رجليه ..

الولد صفن بوجهي وگال ..
يبووووي شنو هاي حوريه طلعت من الشط .

هههههه ماتضحك .. ( گلتله )

وتركته ومشيت .. استقبلني البنات وحضنني وبوسني .
وصارت عيني بعينه بعده يباوع ..
نضراته حاده وواسعه ..
مو ابيض بس سماره مخلوط بجمال الجنوب وملامح الشمال الجذابه ..

صحيح هو اكبر مني مبين بهواي يمكن سبع سنوات ..
بس شخصيته ونضراته ووگفته عجبني ..
لابس دشداشه ورافعها .. لان ديشتغلون ..

مااعرف ليش بقت نضراتي تراقبه ..

سألت حلا .. اگلج هذا منو الي لابس دشداشه كحلي ..
ورافعها ..

حلا .. ههههه هذا اخويه مصطفى .. شبيه وياج لازم ضوجج بالكلام .. هذا ميعجبه العجب ..

ماسه .. لا .. مساولي شي .. بس مبين عصبي

حلا ..  هههه هو گلبه طيب بس ميقبل ع الغلط .
يشبه جدو مهدي .. ( شيخ عشيرتهم )
بتصرفاته وگعدته ويحب المضايف ..

وحتى جدوا يگول مصطفى الشيخ من بعدي 😂

ماسه .. ياااا من هيج شايف نفسه .بقلمي شمس

علا..  مو كافي گرض بأخوي .. وامشنا الليل جلجل خلنا ندخل جوه .. لايجون ونحصل رزاله منهم ..

دخلنا . للبيت .. بس نسوان مليان .. وكل وحده لازمه شغله .. وضحك وسوالف وگعدات حلوه ..

الرجال عازليهم بالمضيف مايجون للبيت بس وكت الاكل ياخذون الاكل ويمشون .. بقلم شمس

بيبي ماااسه .. تعاي يمه اگعدي خلي اصبلج .. تلگيج جوعانه والطريق كله ماماكله ..

بيبي گاعده ييم الگدور مال طبخ وهي الي تطبخ بديها ..
اكلها لايعلى عليه ..
اله نكهه خاصه ..

گعدت بصفها .. صبتلي ماعون تمن وتشريب لحم ومرگ باذنجان بس مو مرگه عبالك لقم ..
وخبز حار .. صدوگ اكلت من طيب خاطر وبشهيه ..

حتى ماما انتبهت ..
لج ماااسه اشو هنا تاكلين وبشراهه ..
اشو كل يوم اتوسل بيج ع الغدا والعشا ومتاكلين ..

بتول .. اي تلگيها عايشه ع البتيته والطماطه ..
وين شايفه لحم ..

بيبي مااسه .. ولج بنت الفگر .. هسا گمتي تحجين باللحم نسيتي اهلج كلهم ياكلون بطاوه طماطه وحده .
هسا تكبرتي وصرتي ..
خلف الله على عويدل السواج وكبر راسج ..

بتول .. يووووه بدا المعاير .. ندري انتو شيوخ ورحمه من الله .. لاتعايرين عمه .

بيبي .. يزي بعد ظبي اللسانج ولاتعايرين حتى محد يعايرج ..

وخاف ماتدرين .. اهل نويره هم اهل عز ورحمه من الله .
بتول .. اي مبين من شيختها علينا ..

صحيح .. اضوج من مرت بابا من تحجي ع امي بس ارتاح من بيبي تاخذ حقنا ..
سالفتها تگول نزل ويدبج ع السطح ..
فوگ ماماخذة رجلها .. وفوگاها تحاربها وتحجي عليها ..

شويه ودخلوا اخواني اكبرهم عمره عشر سنوات ..
حضنتهم وبوستهم ..
سحبتهم بتول مني واخذتهم .. بقلم الكاتبه شمس

تعشت كلها وگمنا غسلنا مواعين ونضفنا البيت ورتبناه .
وبعدين گعدنا ..
بيبي ماسه وبيبي زوجه جدو مهدي ..
يسولفن ع ايام قبل والحياة شلون حلوه وبسيطه ..
والكل منتبه لسوالفهن وحجيهن حلو وع الفطره ..

شويه وكح رجال بالباب .. وگال ياالله ..

كمزنا لبسنا حجاباتنا ..
دخل بابا وجدو هندي وجدوا مهدي .
غمزلي ابويه .. عود گومي بوسي ايديهم ..
بوست جدو مهدي وبست ايده ..
وجدو هندي هم ..
رفعت راسي صار .. مصطفى مقابيلي ويبتسم ابتسامه خفيفه ..
حسيت بحراره بوجهي وصرت حمره ..
وهذا الشي الي يضوجني بسرعه اصير طماطه .
من اخجل ..

التفتت جدو مهدي .. عادل هاي بنتك الي بالحله .

اي عمي هي ..

ماشاء الله جمال وادب .. محروسه بويه وسحبني وباس راسي ..

حسيت بأستغراب الكل ..
وانتبهت من يحجي الگل منصيه راسها وتحترم ..

جدو هندي .. هاي بنيتنا الوحيده والغاليه .
( حجيت بداخلي .. لعد ليش فرطت بيه وبأمي وفضلت الغريبه علينا لان عندها ولد )

سلم جدو مهدي ع ماما .
والتفت ع عادل .. گله . انت اكبر خساره الك من تركت هيج وردة مفتحه ..

ضاجت بتول وگامت تتأفأف ..

من طلعوا .. انفجرت علينا ..
ورده مفتحه .. ههههههه قصده ورده بايره وداگ بيها الدهر .. بقلمي شمس

ماسكتت .. گلتلها ماما تبقى ورده .. والف واحد خطبها وهي الي ماقبلت عمودي ..
وحتى بابا كتل نفسه حتى يرجعها وماقبلت لان عندها كرامه ومتقبل بضره وياها .

وياليتني ماحجيت ..

ولج شنو ابوج يريد يرجعها .. هاي شوكت ..
اي ادري بيها ام التفيگ قشمرته وتريد تاخذه منه ..
والله اذا مااخذتي بنتج ورحتي ..
لأحرگج انتي وياها ..

بيبي ماسه .. تخسين ولج . ببيت الشيوخ ودواوينهم وتردين تطرديهن ..
من يدخلن الكوخ الخلفج عود اطرديهن ..

صار العياط والحجي عالي ..
اجه عمو علي وبابا ..
ولجن والله اگص السانها الي يعلو صوتها ..
هاي الزلم والشيوخ ماماليه عينج تتمالخن..

الوضع من سئ الى اسوء ..
ومانعرف العراق شيصير بي وانت تتناگرن ..
ماوراجن بس الفگر ..

بيبي ماسه . يمه خلي يعرف حلگك شيحجي ..
ولك هي منو الي تگدر تفك حلگها ..
غير مريتك العرمه ..
ماتخاف ولاتنرد .. بقلمي شمس

بتول .. لا واالله تريد ترجع نويره عليه وتريدني اسكت .

عادل .. تاج راسج هاي واتمنى تقبل اليوم قبل باجر ..
بتول ..😲😲😡😡
#بقلمي_شمس ..
يتبع ..