عشق وإبتلاء

البارت الثالث والثلاثون

البارت الثالث والثلاثون
#عشق_وإبتلاء💔
#بقلمي_شمس

بعد ماتطلگت انقطعت علاقتي ببيت خالو ماهر .
ورنا متحجي وياي وگمت اتلافاها مااحب اسمع تجريحها .
حتى البيت خالو عامر مااصعد . اخاف تگول جايه تخطف رجلي . لان دوم تحجيها .

گمت اتصل ع سارة تجيني ونقرأ سويه لان هي اصغر من عدنا بسنه اني ورنا .
ولان تركت سنه . فصرت وياها حاليا .

هي داخله بكم ماده عند مدرسين .
فطلبت تسجلي وياها .
ماما گالت اسوي سلفه من راتبي وادفعلج .
واني هم عندي ذهبي .
ردت ابيعه بس هي مقبلت .

صارت علاقتي قويه بساره . والصراحة گلبها انضف من رنا ومتحب تحجي ع احد .
واني تعجبني هيج وحده .

احمد مرات اشوفه من نطلع للدوره بس اهمله ومااهتم .
مع انه يحاول يحجي وياي .

امه كل يوم تريد تخطبله وتخيره . وهو ميقبل .
وهي تجي تدعي وتحجي عليه وتطلع .
تگلي كله من وراج سديتي نفس ابني ع الزواج .
كرهتي بالنسوان كلها .

ماما كانت تردها بس اني اتركها وادخل الغرفه اسوي نفسي مسامعتها وهي تموت حرگة .

مره بيبي طردتها وگالت الخالو عليها . بعد متفتح الموضوع ..

انشغلت بالدراسه . وبابا بقى يلح عليه انه ياخذني يمه .
واني اتحجج بالدورات والدراسه .

الى ان بيوم شفته فجأة گبالي .
گال مشتاقلج ومااگدر ادخل جيبي ملابسج وتعالي. بسبب خوالي ميحجي وياهم من أخر مره تعاركوا .

ماردت احرجه . گلت الماما ترددت بس بيبي قنعتها گالتلها خلي تغيير جو وتبتعد عن هنا شويه .

اني اعرف مراح ارتاح . بس ماردت اكسر خاطره البابا
اخذت كم گلبيه .
لان هي كم يوم وراجعه .
اني تغيرت وستايلي تغير .
لفة الشال حلوه . واني ضعفانه كلش وجسمي حلو
لبست عبايه اسلاميه ولفيت الشال .
ومخليت اي شي بوجهي بس كحل وماسكرا .

ودعت ماما وطلعنا .
رجعني الطريق سنتين ونص لورى .
من صار الحرب .
ومن رجعنا وويانا مصطفى .
وهواي ذكريات رجعتلي .
دخلنا الناصريه . حسيت گلبي يدگ حيل .
وادي ترجف واطرافي ثلجت .

آه ياقلبي .. أما زلت تحن وتعشق .
اما زلت تفكر وتتذكر . ذكريات كنت اضنها لن تسترجع .
الم ينقطع الامل .. الم تكف وتمل .
وانت تعرف اصبح حبك مستحيل .
فلما مازلت متفائل وكأن هناك من ينتضرك لترجع ..

وصلنا البيت جدو هندي .
نزلت تلگتني بيبي صحتها مو مثل قبل وتعبانه .
حضنتني وتبجي .
ولج يمه ماسه راح اموت على شوفتج ليش هيج گطعتي بينا . يما بعد طولي شصايره تخبلين عين الحارة بارده.
تبوس وتشم بيه ..

اجو اخواني سلمت عليهم وبوستهم .
سلمت على بتول . وطبعا سلامها من ورى خشمها .
وصرعت راسي بالحجي ..
ليش تطلگتي
والناس ماترحم
كلنا عدنا مشاكل بس گاعدين ومحترمين ارواحنا .
اوووه من هذا الحجي الي يسم البدن .

الى بيبي رگعتها بالدولكه يله سكتت .
هههههه فدوه البيبي بعدهي ع سوالفها .

گمت بدلت . ورحت اسوي عشا وي بتول .
وكل ساعه تريد تروح للتلفون وبيبي تطردها .

مافهمت السالفه شنو .
تالي بيبي گالتلها ولج وكالة الانباء كلشي ونشرتي وخبرتي العالم كلها .
فهمت تريد تخابر بيت عمتي وتگللها .
خفت من داخلي . مااريد احد يسمع بجيتي وتصير مشاكل .

گال بابا گومي نروح البيت جدج مهدي .
انتي تحبين الجو هناك .
ترددت اروح خاف التقي بأحد .
گتله لابابا خليها غير مره اريد اشبع من بيبي .

لليل گالت بيبي تعاي نامي بحظني مثل قبل من تجيني .
وسولفيلي على هذا المگموع الي تزوجته .
خليت راسي على رجليها ونسولف .

اندگت الباب .
حسيت گلبي انخطف .
معقوله الگلب يحس هيج ويعرف الي يحبه بالباب .

گالت بتول . اجت افراح وولدها .

گمت عدلت شالي .
دخلت عمتي انصدمت مت شافتني .
بوستني عادي . بس حسيت وجهها ثگيل عليه .
بعدين دخلت حنين .. تجر بنفسها ومبين عليها تعب الحمل ووجهها اصفر .

شافتني انرعبت . وبقت تجر بالحجي .
هههههلوووو ماااااسه . شوكت اجيتي .

اليوم اجيت بابا اصر وجابني .

بعدين دخلن حلا ورنا حضنني . وحلا مخطوبه الابن عمها فرحتلها كلش .

احجي وياهم ومرتبكه .
سمعته كح . ولوني وروحي وگلبي كلها انخطفت .
ردت ماابين وحاولت . بس اكيد بين عليه .

عساس هو زعلان وميدخل البيت جدو .
بس بابا قنعه وراضاه ودخله .

سلم وبقى هيج😲😲.
لا اني الحجيت ولا هو . بين الارتباك علينا .

آلتقينا بعد الفراق التقينا        ونهلنا من الهوى وانتشينا
وصحونا من نشوتنا يوما.       لوداع ملئ العيون وبكينا
هكذا دنيا العاشقين لقاءا.       ووداعا فياليتنا  ماالتقينا

گال شلونج ماسه . ان شاء الله بخير
گتله . هلو خويه شلونك .

حسيت الكل يباوعلنا . ردت اكسر عينهم .
بس بحجايتي كسرت گلبي وگلبه .

مصطفى . اول مشفتها گبالي عبالي احلم مامصدگ روحي . صح ضعفانه وذبلانه . بس عيونها نفسهن .
ماتغيير الحب منهن . لهفتها نضرتها صوتها ورجفة اديها من تحجي وياي كلهن نفسهن .
بعدهي مثل ماتركتها .
عبالك البارحه افترقنا .
ابد ماتغيرت مااااستي .

بقينا بس عيون تسولف وتعاتب .
وصحيت اهلي وحنين موجوده .

سلمت عليها . وردت وياليتها ماردت .
من گالت خويه مردتها الروحي مرد .

گعدت بصف امي . ومدنگ .
مااگدر احط عيني عليها . انكشف وكلها تعرف .
ينكشف الي ضميته وضحكت ع الناس وگلت نسيته .

من احجي وي خالي لو بيبيتي .
وتصد عيني عليها . الگاها ترجف وتفرك بديها .

اووووف يبت گلبي . رديتي وردت وياج اشواگي واحلى ايامي ..
#بقلمي_شمس
يتبع…