البارت الحادي والثلاثون
#عشق_وإبتلاء💔
#بقلمي_شمسمن يوم الي تزوجت مااسه واني ماشفت الراحه .
كلبي يوجعني .
حسيت روحي جبان وماگدرت ادافع عن حبي .
اخذها من واحد مايستاهلها .صوتها وبجيها لسا بأذني .
من تگول . مصطفى مجبوره .
طلعت قهري بخالي وحجيت وحتى تجاوزت عليه
ومن ذاك اليوم الهذا اليوم مااحجي وياه .
بيومها صارت مشكله كبيره .
وتدخلو اعمامي وجدي الشيخ .
وگال اني اخطبها الك .
بس من خابر وانطه خبر الخوالها .
گالوله البنيه خلص عقد عليها ابن خالها وصارت بذمته .حسيت الدنيا تفتر بيه . وماشفت شي گدامي .
ووگعت من طولي .
كرهت الاكل والعيشه . والبيت وكلشي .بعمري ماهزني شي . بس حبي الماسه ذلني ودمرني .
امي اهلي اعمامي اجدادي .
كلها تحجي عليه .بقلمي الكاتبه شمسيگلولي انساها . وابدي حياتك مامقسومه الك .
الاكل گطعته . وبيت جدي الشيخ بعد مارحتله .
ولاگعدت بعدها على نهر الغراف .
لان كلشي هناك يذكرني بيها .بعمري ماحبيت ومن حبيت من گلبي . راحت من ايدي وخسرتها . قررت اقدم على كليه الضباط ببغداد.
حتى ابعد وارتاح .وفعلا . ابتعدت ونسيت كلشي . بس ماسه ماگدرت انساها .
مو مبالغه بس احنه من نحب مانگدر ننسى بسهوله .
حبنا يختلف يسري بدمنا.من اجي بالاجازات الاهلي .
تبقى امي تزن براسي . وتحجي .
يمه كافي تعذب روحك .
يمه اتزوج وشوف حياتك .
يمه اريد افرح بولدك .
يمه ويمه.
طگگتها الروحي .
حتى البيت كرهته .
تغيرت ع الناس كلها وعلاقتي صارت محدوده حتى وي اهلي .وبيوم صارت مشكله بيني وبين امي .
وراحت الجدي الشيخ مهدي .
وحجت وياه .
ودز عليه .
خلاني وگعد . وجانوا عمامي موجودين وابوي .وگال جدي . جنت اتصورك زلمه واعتمد عليك .
زلمه ماتهزه لاريح ولابنيه .
بس طلع عضمك طري وگلبك رهيف وماتتحمل .
بويه مو من شيم الزلم .
تبقى تحب وتعشگ مره تزوجت وصارت بذمة غيره .
لاتخلينا بحلوگ العالم وبطل سوالف .-جدي شمسوي اني . شو من الدوام للبيت مامأذي احد ولا الي علاقه بأحد شتردون مني بعد .
- نريدك ترجع مصطفى الولد الي الناس كلها تحلف بأسمه . الولد الي يگعد بهذا مكانه يمي ويشاركني بگعدتنا . يحجي وينطي رأيه يهتم المستقبله .
مو عايف ولايته وراح متغرب وقافل گلبه عن ناسه واهله لأجل بنيه .بقلمي الكاتبه شمس-جدي الي تردوه يصير بس مال اعوف كليه الضباط مااعوفها اختاريت طريقي ومااعوفه .
-لا بويه احنه نفتخر بيك ومانريدك تعوفه . بس فرح گلب امك وتزوج وخليها تشوف ولدك .
-مو وكته هذا الحجي جدي
-لا وكته هسا . من باجر تروح امك وتخطبلك .
والمهر والغرفه وكل التكاليف عليه .
وحجايتي ماتصير اثنين بكل الدوواوين . مو هسا تجي انت تكسرها .شفت جدي عصب . ماردت اكسر كلامه وهو اله هيبته بين العالم . اضطريت اوافق . وخاصه بعد ماتزوجت ماسه ولازم اگطع الامل منها ..
حتى لو اتزوج اي وحده . بس مستحيل اكو وحده تاخذ مكان ماسه .من وافقت اتتزوج . امي حارت شتسوي . گامت تهلهل وتطش جكليت .
وگالت . هسا اروح الانتصار واحاجيها على حنين .حنين شنو ??
اخطبلك بنت خالتك . احسن من الغريبه يمه .
يمه مالگيتي اله حنين . معتبرها اختي ومابيوم متخيلها مره الي .
-لا يمه من تعقدون الله يدخل المحبه بگلوبكم .
وحنين خوش بنيه ومن ثوبنا . والي نعرفها احسن من الي مانعرفها .- يله يمه بكيفج حنين او غيرها ماتفرق عندي .
-اي عود فشلني وي انتصار وعامل بنتها مو زين .
-وليش اعاملها مو زين يمه . احترمها واقدرها . بس مااوعدج يجي يوم واحبها .
-ان شاء الله الزمن. ينسيك ويخليك تحب مريتك وتسعدها
-الله كريم بس فضيها لان عندي يومين بس وارجع ._اي يمه ماعندنا شي بس ننطي خبر الهم ونمشي ونعقدلكم بنفس اليوم .
خطبت حنين . صح طلعت حلوه بس مو مثل ماسه .
ضحكت ماسه ووجها وبشاشتها كلها مموجوده بحنين.من لبستها الحلقه والذهب . اتخيلت ماسه گبالي .
كل سالفه تسوي تصير ماسه ببالي .
حتى من تگول اسمي التفت عبالي ماسه تصيحلي .عانيت هواي بفترة خطبتنا . مع العلم مانلتقي هواي
بس من انزل اجازه .حنين عندها دوام وامتحانات . واني هم ممتواجد .
قررت نترك الزواج للعطله النهائيه .تجهيزات حنين والغرفه وكلشي امي محظرته وجدي مشتري الغرفه .
يعني اني مادريت ولاسويت اي شي .
الى يوم الزواج .بقلمي الكاتبه شمستزوجنا بالبيت ..
ماشفتها ولاانتبهت عليها الا لمن دخلت للغرفه .
لزمتني امي . يمه اگضيها اليوم مو تفشلنا .يمه😡😡 شنو هذا الحجي .
دخلت لگيتها گاعده ع طرف السرير .
ومدنگة راسها .گعدت يمها . حنين اريدج تتحمليني وتصبرين عليه .
وماتملين وتتشكين .
انتي من اخذتيتي تعرفين ماسه بگلبي .
ورضيتي . ومو معناها راح اظلمج .
لا اني اريدج تنسيني وتخليني اتغيير حتى نعيش حياتنا طبيعيه .
اني احجي وهي تهز براسه .رفعت حنكهه بإيدي سبحان الخالق .
اوووف ام عيون الشهبه موتيني .
هاي العيون الي جذبتني من اول يوم شفتهن .
اتقربت وممصدگ ماسه گبالي .
وزوجتي . اندمجت وي حنين واني ببالي ماسه .
شكلها ووجها وابتسامتها كلها گبالي .
حضنتها حيل وعصرتها بين ايديه .
اخاف تروح عني لو ياخذوها عني .
رحت بعالم ثاني وياها وهي هم ذايبه بين اديه .
ووووووو .. وماحسيت ع روحي الا لمن خلصت .
طفرت من مكاني .
حنين اسف.. ليش تبجين اذيتج .- لا ماأذيتني بالعكس كنت رقيق وعاطفي بس اعرفك مو وياي وي ماسه . لان اسمها مافارگ السانك من البدايه لحد ماخلصت .
#بقلمي_شمس
يتبع….
………………… ..للي يسئلون عن مصطفى. هذي نبذه عن حياته الي مرت بدون ماسه 😍
أنت تقرأ
عشق وإبتلاء
ChickLitلعبه دمرتني منذ طفولتي .. لم اعي ولم افهم ماهي الا عندما كبرت واحببت وبعدها ندمت وتألمت .. واصبح عشقي وأبتلائي هم سبب حزني وتعاستي .. اسمي ماسة وهذه حياتي .. بقلم الكاتبة شمس