البارت احدى واربعون
#عشق_وإبتلاء💔
#بقلمي_شمس
بعد كم يوم رجعلنا خبر خالو .
وگال سألت عليه الولد خوش ولد واهله ناس رحمه من الله .
وعنده اخوه اكبر منه متزوج وهو الوسطاني .
وعنده بس اخت وحده ومتزوجه .
ماما اقتنعت وگالت مدام قسمه زينه لاترفضين .
گلت خلص خليني اجرب ابدي حياتي .
وخاص بعد مامر سنه واكثر ومصطفى ماسأل وعايش حياته وي عائلته .
واني ابقى عمري كله وحيده .
للحظه نسيت كلشي وفكرت بحياتي .
يمكن لان كنت مقهوره منه وضايجه لان نساني .
قررت اعيش حياتي واكون عائله حالي من حاله .
وابين اله انه اني گدرت انساه وصار عندي بيت واولاد .
كان يوم ثلاثاء من الشهر الثالث سنه 2008 ..
كان الكل مشغول بتحضيرات زواج احمد .
وخالو اخذ بيبي يمه تحظر زواج احمد .
وماما هم عزمها خالو بس مراحت .
كنت لابسه تراك ومسويه ذيل حصان .
كنت البس هيج عادي بعد ماخالوا معتز انتقلوا للمشتمل
اندگت الباب . بقلمي الكاتبه شمس
مريه متوسطه بالعمر بس بين عليها الوقار والرقي ووياها بنيه ناعمه وحلوه .
صاحبه عيون واسعه .
سلموا .
گالت المريه انتي ماسه .
اي تفظلوا .
الوالده موجوده ..
اي هسا اصيحها .
تفظلوا ادخلو ا
دخلتهم من غير مااعرف منو همه .
بس عبالي صديقات ماما من المدرسه .
فتحتلهم باب الاستقبال ودخلوا .
رحت صحت الماما بسرعه .
دخلت سلمت عليهن .
واني رحت جبت عصير واجيت گعدت .
گالتلها احنه جايين على ماسه .
ابني شايفها بالكليه ومعجب بيها حيل .
ومراقبها ويعرف اخلاقها .
اني تعجبت معقوله صفاء دزهم . بس اني حتى مارديت الجواب ..
گلتلها ماما . بس اريد اگلكم على شي خاف بعد يومين تگولون ماگلتوا .
ترى ماسه كانت متزوجه من ابن خالها . وماتفاهموا وانفصلوا .
ابتسمت امه . گالت اي گلي صفاء. والصراحه استغربت من گال.
بس اعرف صفاء صعب بالاختيار وميختار وحده اذا ميعرفها كلش زين .
وهواي مدحولنه بيكم وبيها .
ومن اجيت وشفتها دخلت گلبي . وهسا اني الي تمسكت بيها .
اني محجيت منصيه راسي ومستحيه .
بس ماكو عندي لامشاعر فرح ولا حزن .
ام صفاء .. اني عندي بنيه وحده وتزوجت . والله شاهد ماسه اعتبرها بنتي الثانيه وماافرقها عن ميلاء وتأشر ع بنتها .
بنتها بس تبتسم ووجهه بشوش وهم عندها غمازات .
بس هي احلى من صفاء .
ارتاحيتلها حيل .
ماما گالتلها . هالفتره عندنا زواج ابن اخوي وملتهين .
بس يخلص . اتصل على ابوها ونشوفه شنو يگول ونرد الكم الجواب .بقلمي شمس
طلعوا منا . وماما خبصتني مبينين خوش ناس .
تنام وتگعد تگول خوش ناس .
صرعتني صرع .
ردت بس اگلها موافقه حتى اخلص من زنها .
واتصلت على بابا وگلتله خوش ناس وسألنا عليهم اذا تريد انت هم اسأل .
ثاني يوم داومت وكان صفاء يباوع ويبتسم .
والي يشوفه يگول انطيته الموافقه .
مخبر القسم كله هو خطبني .
والبنات كل ساعه اجت وحده .
مبروك ومبروك ومااعرف شنو السالفه .
انهزمت من القسم بسبب هاي السالفه .
گلتلها الوسن امشي وياي اروح المرتضى اشوفه اذا ماعنده محاظرات نطلع .
رحت دورت عليه بقاعتهم. ماكو .
فريت القسم كله .
تالي لگيته بوضع بحياتي ممتوقعه اشوفه.
شفته وي وحده لازم ايدها وهي خجلانه وعايشين وضع رومانسي .
اتفاجأت . معقوله مرتضى هيج يطلع منه .
شافني اجه يركض .ووجهه مخطوف .
سويت نفسي ممنتبهه .
گتله هاي وين صار ساعه ادور عليك .
ها لا مو زميلتي مفاهمه موضوع وجاي اشرحلها .
اممم اسفه اذا قاطعتكم .
لا شبيج قابل شعدنه مجرد زميلتي وجاي اساعدها .
اي شبيك افتهمت . دگولي خلصت محاظرات لو بعدك
ها اي ليش
لا مو اني خلصت وگلت نطلع وخطيه ساره تريد تجهز روحها الزواج احمد .
اوك انتظرني انتي وساره يم الباب واني شويه واجي .
گتله اوك ورحت . وهو مبين عليه الارتباك .
واني اگول ليش ميلبس حلقه .
ويختفي من الجامعه .
مااشوفه هواي .
تالي يستغل الفرصه ومونس روحه.
والله لو تدري بيك رنا .
تزوج احمد . ومااعرف اذا فعلا اخذها الزوجته او سوه مثل ماسووه وياي .
بس اجت بيبي وتسولف على البنيه تگول حلوه .
بس معيديه بينه .
لان امها واخواتها جايات لبسهن وكلامهن من الريف .
گلت طبعا . هي منو تقبل بواحد مثل احمد .
غير بس الماتفتهم والي ع نياتها مثل مرته .
رنا هم صارعتنا مرة حمودي ومرة حمودي
وتخبل وتخبل . الله عوضه واخذ اغاتها .
ههههه خبله على اخوج ماالومج .
والله ساعات اگول ميلام مرتضى من يخونها .
وشلون متحملها ماادري تنرفز حيل .
هي مكانت هيج . شسواها هسا ماادري .
وخاصه من سمعت انخطبت تخبلت وزادت بدال متفرح لان حتخلص مني ههههه ..
الجمعه . خابر بابا گال راح اجي .
فرحت وگعدت من الصبح .. حظرتله غدا صار هوايه مجاي ومشايفته .
سويت برياني وتشريب. ومقبلات وكذا .
وگلت البيت خالو معتز يجون .
عمود بابا ميگعد وحده .
وفعلا . اجو . باجي تتلافاني وعلاقتها مو مثل قبل وياي او يمكن اني مشغوله ومفارغه اروحلهم وهي بيتها وحدها وماتفرغ .
جاي نحظر بالغدا . گالت ..
-انتي موافقه ماسه.
-على شنو
-على الناس الي خطبوج .
-ماادري باجي متردده . ومحتاجه وقت يله اخذ قرار .
بس اشو صارت بسرعه بسرعه .
-گلبج شيگلج .
-ماتفرق عندي . لان الي بگلبي نساني بعد المن امشي وراه ..
-لاتظلميه ماسه ..
جاي نسولف . وانفتحت باب المطبخ .
اتفاجأت هاي عمتي افراح وبيبي ماسه . وبابا وراهم .
تعجبت شنو الي جابهم .
#بقلمي_شمس
يتبع….
أنت تقرأ
عشق وإبتلاء
ChickLitلعبه دمرتني منذ طفولتي .. لم اعي ولم افهم ماهي الا عندما كبرت واحببت وبعدها ندمت وتألمت .. واصبح عشقي وأبتلائي هم سبب حزني وتعاستي .. اسمي ماسة وهذه حياتي .. بقلم الكاتبة شمس
