عشق وإبتلاء

البارت الحادي والعشرون

البارت الحادي والعشرون
#عشق_وإبتلاء💔
#بقلمي_شمس

يخنكني النفس كل ما اكول انساك
وارجع عن قراري واذكر العشره
مو شغلة وفه بس كلبي طيب حيل
مثل طيب الحمام الصادق الشجره
صح قاسي ولكن طبعي انطي ادروس
انطي ادروس كلمن ماعرف قدره
بس انته الوحيد الطال خلگي وياك
ردتك بالحلال وهيج عل فطره........ ماصدك تحبني اليحب ليش يروح
.. وليش بنص طريقة ويخلف بوعدة💔

هواي مصطفى يدزلي اشعار ويلوم بيه .
وطلعت بنضره خاينه ومادافعت عن حبنه .

واخر مره گلي لاتصدگين تتهنين وياه .
لان اني بس الي احبج واگدر اسعدج .

هيج واحد مستحيل يسعدج لو يحبج بگدي .

مابيدي شي بس الدموع . (بقلمي الكاتبه شمس)
وحتى هي نشفت من عيوني .

احبه والله ومستحيل احب غيره .
بس شكي وخوفي من الفضيحه هو الي بعدني عنه .

اوووف العن طفولتي ولعبي . وحياتي من اني صغيره
اتمنيت ارجع الطفولتي .
حتى امحي كل الذكريات السيئه الي مريت بيها ..

حلا كل فتره تتصل عليه .
وتگلي مصطفى راح يموت روحه .
من القهر .. ولاياكل ولايشرب .

وخابص البيت بالعصبيه مالته .
گام يطلع حرگته وقهره علينا .

ويگول بسببكم ضاعت ماسه مني .
محد عرف يروح يخطبها .
لو تمشون عليهم .
وتعارك وي ابوج يگله . انت السبب الي تركتها وهي صغيره وخليت الناس تتحكم بيها .
وتشتري وتبيع بكيفها .(بقلمي الكاتبه شمس)
بعت بنتك الواحد ميسوه فلس ..

اوووف يامصطفى كلامك ذهب .
اني فعلا بعت نفسي بالرخيص الواحد ميستاهلني .
بس شسوي للقدر الي مارحمني ولارحم حبنا وعشگنا.

جان يحافظ عليه من الهوا ويخاف يلمسني .
يگلي خلي حبنا طاهر .. الى ان نتزوج .

والله لو ماسالفه احمد .
كان تحديت الكل وتزوجته .

بس هاي السالفه ومرض امي هي الي كسرت ظهري .

بدأت امتحانات نص السنه .
وقرروا خوالي يزوجنا بعطله نص السنه .
يگولون الخطوبه اذا تطول محلوه .

مااعرف شنو الي غير قررارهم .
كانو متفقين . الزواج بعطله اخر السنه .
وبعد دورة سنه جدو الله يرحمه .

اني مالي رآي . اصلا اني جثه بلا روح وامشيي
مالي خلگ الكلشي .
وقررت زواجي بأحمد شكلي .
مايتقربلي ومايلمسني .

صار كم شهر مسامعه صوت مصطفى .
بس حلا توصلي اخباره .
عمتي الي كانت تتمناني الابنها .
هسا اسمعها تدعي عليه .
وهي تدري بحلا تحجي وياي .
تگول .
الله لينطي الي كان السبب بحالة ابني .
هي تتزوج وتفرح وابني دافن روحه .

اضوج بس ماازعل . لان حقها ابنها الكبير ويتدمر گدامها بسببي .

اوووف ياعمة شگد تمنيت انجمع اني وابنج ببيت واحد .
بس القدر غير رأيه . ومارايد يجمعنا سويه .

مرت امتحاناتي بشكل عادي .
مو مثل ماكنت اريد.
بس لان طار واهسي ومالي خلگ حتى ادرس .

بيبي ماقبلت يصير زواج هسا ..
بس خالو ماهر اصر انه يصير زواج ..

گلتلها يوم .(بقلمي الكاتبه شمس)
كولشي قررتوا عني . اني مااريد هسا خلوها العطله آخر السنه ..

ماما ماكو فرق . وانتي شاطره . ومرت خالج تگول مااخليها تگيس الورد .
كله هي تسويه .
وهاي رنا وياج مااعترضت . ليش انتي دوم معارضه .
خاف بعد عندج امل بأبن عمتج .

هههههه هو هذا الي تفكرين بي .
ابن عمتي خلص .صار حاجز بينا كبير
ومستحيل نصير البعض ..

لج باعي الروحج بالمرايه . شلون ذبلانه وصايره محلوه
لويش .
كله لان راح تتزوجين ابن خالج .
الي ربى وياج ومستعد يسوي كلشي عمودج .
عبالج مصطفى يفيدج .
مثل ماباعني ابوج . باجر هو يبيعج .
ثلثين الولد ع الخال .

معقوله هذا كله حتى تنتقمين منهم بيه.
ولج ياانتقام .
اني لو اريد انتقم جان تزوجت بعز شبابي وحرگت روحة الابوج .
مو ضحيت بشبابي وسعادتي علمودج .
وتالي شلون جازيتيني .

عطت بعلو صوتي ..
ومنو گلج تضحين عمودي . ماتزوجتي وشفتي حياتج
ابقى طول عمري تعايريني. 
ليش ماتزوجتي وخليتني بين عماتي واهلي .
مو احسن ممااكبر وتضلميني بهيج زواج .
انتي مو ضحيتي عمودي . انتي صار بيج وهواس من كل الزلم وخاف واحد لاخ يصدمج مثل بابا .
يعني لا كل شويه تگولين ضحيت عمودج ..

ولج والله انتي ناكره المعروف . عليمن تطلعين على ابوج .
باع حبي ودلالي اله . بوحده ماتنباع بفلس .
وانتي طلعتي عليه .
لان افكر بيج وبمصلحتج هيج تحجين وتطلعيني مو زينه
روحي الابوج .
يله لمي غراضج وروحي . ( تحجي وتدفع بيه)
روحي تزوجي الي ترديه .
بس ساعتها لاااعرفج ولاتعرفيني .
روحي روحي .

وفجأة حسيتها جمدت بمكانها ..
والكل اجه ع صياحها .
من شافوها واگعه بين اديه .
بسرعه شالها خالو .
وذبت بيبي عليها العبايه .
وطلعنا .
هالمره يمكن خسرتها خلص .
دموعي تجري .
وخالو . يعيط عليه ولج شحاجيتيها .
شبيج لمن تموتيها يله ترتاحين .
تردين ابوج ولي روحي .
بس خليها ترتاح . كل يوم مفرفحتها وواگعه .

دخلوها للطوارئ .
واطرافها بدت تجمد .

گمت اعيط . يوم اگعدي يوم والله اسوي كل الي ترديه
بس لاتتركيني .
والله مااحجي بعد توبه . واضرب على حلگي .

طلعوني خوالي بالگوه من يمها .

بسرعه الدكتور حولها على الانعاش .
گاله خالو ..
ها دكتور هم سكرها .

لا هالمره مو بس السكر .
ضغطها مرتفع حيل وصارت عندها جلطه قويه .
شبيها ?? معصبه .. ضايجه لان حالتها تعبانه كلش .
وراح نخليها تحت المراقبه بالانعاش .
هالمره عدت والحمد لله المره الجايه الله اليستر يمكن ماتعدي ..
#بقلمي_شمس
يتبع…