عشق وإبتلاء

البارت التاسع والثلاثون.

البارت التاسع والثلاثون
#عشق_وإبتلاء💔
#بقلمي_شمس

كنت بهذي الفترة عايشه حياتي بأحسن مايكون .
ماما متقصر عليه بلبس او مصرف نص راتبها الي😂 .
كل يوم شكل وع الموديل .
وبابا هم ميقصر كل شهر يدز الي .

مصطفى دايما يتصل ويدز رسائل بس مااجاوب .
احاول انهي كلشي .
صح گلبي يريده ويتمناه . بس عقلي يبتعد ويصدة .
مصطفى صار جريئ حتى برسائله .يگلي

💬حبيبتي مشتاق ليش متردين .

💬 ماستي وروح الحسين مشتاقلج لاتسوين بيه هيج ترى تدمريني .

💬ماسه لاتخليني اجيج للحله اذا متردين .

💬 ماسه معقوله شفتي غيري ونسيتيني ..

…  كانت رسائله تدمرني . واخر رساله جرحتني حيل .
يگلي حبيتي غيري هو اني اگدر احب غيره وهو يسري بروحي .
كنت اتمنى ينساني ويشوف حياته .

وبيوم طلعت من المحاظره وشفت ذيج الشخصيه الحلوه وبملابس عسكريه ونضارات .
ماعرفته بالاول بس. بعدين تفاجأت 😲 مصطفى .

هو ابتسم بمكر . واني الارتباك موتني .
خفت ليشوفنا مرتضى . شيگول هسا عليه .

ماردت الفت الانتباه .
استآذنت من وسن .
وطلعت ورى الاقسام . وهو يمشي وراي .
كان لبسه ملفت للانتباه والطلاب كلها تباوعله .
والبنات يتهامسن عليه .
يخبل طالع بالملابس العسكريه . وحسيت بغيره عليه منهن.

هو يمشي وراي .
اوكفي شبيج ابتعدنا عن الطلبه .
اوكفي شني شادة محرك وتمشين .

التفتت واني معصبه . مصطفى هي هاي سوايه تسويها

شسويت متگليلي گلبي طاگ عليج وانتي لاتردين على اتصالاتي ولاعلى رسائلي .

واذا ماارد تجي لهنا . تتعمد تحرجني گدام الطلاب .

احرجج شنو جان عندي شغل هنا ومشتاقلج گلت امر اشوفج .

وشفتتي يعني شتريد بعد بقلمي الكاتبه شمس

انتي ليش هيج قاسيه معقوله كرهتيني بعد ماتحبني عندج غيري.

هاي ثاني مره تگولها مااسمحلك مصطفى .

هاااا يعني قريتي رسالتي .

اي قريتهن . بس اذا ماارد عليك مينطيك الحق تتهمني عندي واحد.

حقي ولج حقي . ولج انتي دمرتيني .
ولج انتي غلطانه وقويه .

اني غلطانه شسويت بلة .

ولج اني الي جنت ماتهزني مرة ومن شفتج وگعتيني وخليتي گلبي بإيدج حبيتج ووفيت وانتي رحتي تزوجتي غيري بحجة مجبوره . وتالي بعد ماگطعت الامل وتزوجت .
انتي تطلگتي . ورجعلي الامل وگتلج نرجع 
طلعتي حجتج حنين وملاك .

جاي اگلج مااگدر اعيش بلاج ولااحب وحده غيرج .

اووووووف مصطفى ممستعدة ابرر الك او تعبت .
وماكو شي بينا يحتاج ابرر علموده .
انت متزوج وعندك بنيه وسبق وان گتلك ماابني سعادتي ع تعاسة غيري .
ولو تفكر بحنين وحبها الك جان گدرت تحبها وتعيش بسعاده وي عائلتك .

ولج ياحب هذا . حياتي صايره دمار وياها .
اول شي حملها ومرضها وتحملت وگلت ميخالف مريضه وحسوبه عليه .ورغم اني ماريدها وامي خطبتها وحدها .
وجابت وذابه ملوكه ليل ونهار على امي ونايمه ومريضه والعلاج مدمرها ومعصبها.
ومن اجي بالاجازه .
تبدي تتعارك وكلشي وگالت ماسه سبب تعاستنا وهي سبب مرضي .
وادري بيك تتمنى موتي حتى تتزوجها .وساعات تگلي طلگني مااريدك يعني مااعرف بالضبط شتريد ..
وهي تعرف كلشي وتزوجتني راضيه .

حتى امي جانت تساندها هسا گامت تحجي عليها وگالت الخالتي انتصار عليها .

اعذرها مصطفى اكيد مرضها هو السبب المفروض تتحملها .
واني منو يتحملني منو الي . اريد ارتاح اريد اعيش بسعاده اريد استقر .

اووووف مصطفى لو تحجي منا الباجر ميفيد .
مستحيل اقتنع .
هو بلا كلشي وانتو هيج حياتكم . اذا دخلتها اني شتصير .

انطيني فرصه ماسة خلينا نرجع مثل قبل انطيني امل حتى تكدر اكمل حياتي واعيش واتحمل حنين ومشاكلها .

انت الي ارحمني وخليني اشوف دراستي ومستقبلي مااريد اعيش عمري كله واني على امل وتالي اتعذب من جديد .
هسا يله گدرت اوگف على رجلي ومااريد اوگع بعد .
حاليا كليتي اهم من كلشي .

-واهم مني هم .

-سكتت ..

-خلص اخذت جوابي . مودعه بالله .

دار وجهه ومشى . واخذ روحي وياه ودي اصرخ واركض وراه واحضنه واگله اخذني وياك بعدني احبك واريدك .

رجعلي.  بين الفرحه الي غمرتني وبين الخوف .

اگلج صدگ شنو هذا لبسج . جا الجبه وين ليش نزعتيها .

😂😂 ضحكتني والله بعدك على سوالفك .

ها هو هم صوجي اخاف عليج .
ومو لان احبج لا . لان بنت خالي وتهميني .
بس لان انتي ماتردين. اهتمامي براحتج بعد مااضغط عليج ولااخابر ولادز رسائل .
بعد مااتوسل واذل نفسي لان ذليتها هواي .
ومثل مگلتي اشوف حياتي احسن مما اگضي العمر اركض وراج وانتي تتونسين على صدي ومذلتي .
وانتي هم شوفي حياتج مااجبرج على شي اترديه لان اعرفج انتي مو ماسه الي حبيتها وحبتني .

تركني وراح . واني صافنه . راح اي راح . يعني خلص كلشي . وانتهى .
مااتوقعت هيج يحجي ويمحيني بسرعه .
انصدمت .
نزلت دموعي . وعلى شنو تبجين مو هذا الي ردتيه گلتيله اتركني وتركج بعد ليش ضايجه .
مسحت دموعي ورجعت للاقسام .
لگيت مرتضى منتظر بالباب .
شافني اجه يركض وساره وراه .
وين جنتي گلبت الاقسام عليج .
حتى وسن متعرف وين رحتي .
هو يحجي واني بعالم ثاني كل كلمه من مصطفى بأذني خلص تركتج شوفي حياتج .

ياحياة الي اشوفها وانت مو بيها 😭.
اني من الصبح للظهر مماكله شي وانقهرت حيل
حسيت راح اوگع ويغمى عليه .
گتله مرتضى خلينا نرجع للبيت راح اوگع وايدي ترجف
لزمتني سارة وطلعنا للبيت .
#بقلمي_شمس
يتبع….