البارت الخامس والثلاثون
#عشق_وإبتلاء💔
#بقلمي_شمس
استمريت بحياتي بصوره طبيعيه .
دراستي ومستقبلي . اولى اولوياتي .
مااگدر انكر تفكيري بمصطفى .
بس كنت احاول اشغل نفسي حتى انسى .
وخاصه بعد مابدت الدوامات .
ماكو فراغ بحياتي .
ليل مع نهار ادرس والسادس صعب .
امتحانات وتحاضير .
واطلع اروح للمعهد داخله دورات .
حتى اكل انسى اكل .
يادوب اكل نستله وعصير .
وارجع للبيت دراسه وسهر ماالحگ.
حتى اهلي مااگعد وياهم .
باجي مرات تگعد يمي شويه .
وتسولفلي عن اخبار الناصريه .
وتلمحلي عن مصطفى .بقلمي شمس
احاول اغير الموضوع .بس ترجع وتسأل .
ماسه انتي بعدج تحبين مصطفى .
واذا احبه شنو الي يتغير هو متزوج وعنده حياته .
بس هو يحبج ويريدج .
مايهمني هو شنو يريد . المهم اني شنو اريد .
مستحيل اصير الزوجه الثانيه . حتى لو كان هذا الشخص حبيبي .
تحجي وتتعب بس متگدر تقنعني .
اعرف مصطفى دازها .
وخاصه بعد مااجوني ناس خطبوني تخبل هو .
الولد الي خطبني هم مطلق ومتمكن .
بس ماقبلت . لان تفكيري بمستقبلي وبس
ومااريد اكرر الغلط مره ثانيه .
ماما بين الدوام والبيت هم مااشوفها هواي .
رنا حايره ببنتها وحامل مره ثانيه .
وحالها مايسر عبالك عمرها اربعين .مو 19 سنه
ماترتب نفسها ولاتعدل .
ومرتضى صار بالكليه .
ويرتب نفسه وهو حلو .
وهي تغار عليه وكل يوم مشكله شكل من ورى غيرتها .
امتحنت نصف السنه وكملت بسلامه .
بالعطله مال نصف السنه .
وكان اول يوم بيها وفرحانه لان راح اشبع نوم .
بعد تعب وسهر .
اجت باجي احلام تعيط وتبجي .
الساعه اربعه الفجر ..
اني انهبطت ورجليه جمدن من الخوف .
كل فكري راح يم مصطفى خفت صار بي شي .
وهو ببغداد .
گالت عمي هندي توفى .
هنا صدگ گمت ادگ والطم .
هو بآخر فترة تمرض . بس مااتوقعت يموت .
شنو حال بيبي ماسه هسا.
هي تموت عليه هذا كبرهم وهم مثل العشاق .
حظرنا غراضنا ولبست اسود .
وطلعنا كلنا اخذنه كيه . حتى بيبي هديه ويانا .
وصلنا لهناك .
الدنيا مگلوبه زلم ونسوان .
دخلنا بيبي حالها يبجي .
تبجي وتصيح يحبيبي وين عفتني .
غير تاخذني وياك .
گمت اشهك من البجي .
تذكرت مصطفى اسم الله عليه .
هو بس حب واني انهبطت من اجت باجي گالتلنا عبالي شو شصار بي .
لعد هي شلون عشرة عمر وسنين وحب .
سلمت على عماتي كلهن .
وابجي .
دخلت اخلي غراضنا بالغرفه .
شفت حنين بطنها كبرانه حيل .
وتعبانه كلش . ومخليه كانونه .
ونايمه .
سألت حلا عليها .
گالت . حالتها تعبانه حيل . كلاتها مأذياتها .
ووحده منهن صاير بيها ضمور من هي صغيره ومحد عرفها الا لمن حملت وزادت عندها اللتهابات .
گال الدكتور گليتها الثانيه هم تعبانه ولازم تبدي علاج .
بس لان حامل ماتگدر .
-يعني شلون خطيه تبقى هيج .
-اي شنسوي .مو زين ع الطفل تستخدم اي علاج .
-الله يگومها بالسلامه .
-هي شنو بيها .
-بيها بنيه .
-شگد حلو تجي بالسلامه هي وامها .
الزلم راحت تدفن جدوا .
والملالي عبالك يشتمن الفاتحه . مله داخله ومله طالعه
نواح وبجي ولطم .
لحد الظهر . اجو الزلم .
تلگيت بابا حظنته وابجي . وهو موتنا بجي .
گعد بالگاع ويبجي ويلطم ع راسه .
يگول ذبيته الابوي بالتراب . عفته وحده واجيت .
يمه وينج تعاليلي محد الي بعد ابوي وسندي راح .
الكل مگابلي وتبجي .
اريد اگومه مااگدر .
تالي اجه احد ساعدند وشاله .
باوعت مصطفى عيونه حمر من البجي .
گتله الله يساعدك .
گال . يساعدنا كلنا ان شاء الله
گومنا ابويه حسيت ادينا تلامست .
سحبتها بسرعه.
اجه سجاد شاله وياه وطلعوه يم الزلم .
البنات كلهن بالمطبخ يصبن غدا للزلم .
استحيت اگعد واسكت .
گمت وياهن .
نصب .
اجه مصطفى . رافع دشداشته .
وگال صبن تمن وانطني اني اخلي لحم .
انت تخلن شويه وتفشلنا ماتعرفن .
گلتلها حلا تعالي صبي بمكاني تمن .
التفت عليه .
همسلي ليش ابزز اني ماتگعدين تصبين يمي .
لا بس مااعرف شلون تريدهن .
شلون متسويهن عادي .بقلمي شمس
گمت اصب وانطي وايدي ترجف .
وهو رغم حزنه ياخذ مبتسم .
گال ماتگليلي ماخذ للاعدام ايدج ترجف .
گومي عمي لاتكسريهن اذا بقيتي هيج ترجفين .
ماصدگت بسرعه نطيتهن الحلا .
وگالت انتي صبي سووب بمكاني .
گمت اصب وانطيهم .
اجو ولد عمهم گاموا يشيلون مواعين .
گمنا نخلي بالصواني وننطيهم .
باوعتله .
اشرلي بعينه معناها .
اطلعي من المطبخ .
ياااا هذا شبي . الي يشوفه يگول ولي امري لو زوجي يتحكم دوور .
عاندت بقيت .
هو عصب . ترك اللحم . وگام گال انطيني اشيلها .
اخذ الصينيه مني . حتى مايحي احد من الولد وياخذها مني .
اخذها باوعتله معصبه .
غمزلي وطلع.
ياااا 😲 الناس وين وهو وين .. حسيت البنات كلها تباوعلي .
الاحسن اطلع من المطبخ .
شويه وكلها تحس وتطلعلي سالفه بعدين اني في غنى عنها .
طلعت ومادخلت المطبخ خلال فترة الفاتحه .
لان مصطفى صاير كلش .
طبعا حنين طول الفاتحه مافارگتني وين مااروح وراي .
رغم مرضها .
ماادري شتفكر .
هذا الشي خلاني اكعد يم ماما واسكت .
بس وقت الضروره اگوم .
خلصت الفاتحه . بيبي حالها كلش .
گال بابا ماسه العطله بعدهي .
ابقي هنا يم بيبتج .
عماتج كل وحده بيتها وملتهيات .
وقريب الدوام اني اوديج .
ماما گالت ابقي هنا يم بيبتج .
اني ترددت .
بس من گالت باجي احلام اني راح ابقى هنا طول العطله .
بقيت وياها .
#بقلمي_شمس
يتبع….
أنت تقرأ
عشق وإبتلاء
Genç Kız Edebiyatıلعبه دمرتني منذ طفولتي .. لم اعي ولم افهم ماهي الا عندما كبرت واحببت وبعدها ندمت وتألمت .. واصبح عشقي وأبتلائي هم سبب حزني وتعاستي .. اسمي ماسة وهذه حياتي .. بقلم الكاتبة شمس
