البارت السادس والثلاثون
#عشق_وإبتلاء💔
#بقلمي_شمس
ماردت ابقى بالناصريه .
بس باجي قنعتني وگالت اني اولادي عطله وراح ابقى هنا .
بقيت يم بيبي وراحو بيبي وماما وخوالي ونسوانهم .
البيت تقريبا هدئ سبعة ايام الناس ماليه البيت .
واخيرا هدئ .
واني گلت اشبع نوم بالعطله .😭
بيبي شبه ساكنه مالها حس .
حتى ماتحجي وي بتول . كانت هي وبتول مناگر ليل ونهار .
تگلي لاتعوفيني خلي فراشج يمي .
ودايما گاعده يمها .
ماما مشتريتلي موبايل نوكيه .
وبي لعبه الدوده .
ملتهيه العب بيها وين اروح .
مرات اكوم للمطبخ اغسل مواعين لو اسوي عشا .
مو كله على بتول .عيب قابل جايه اكل وانام .
باجي راحت يومين الاهلها بيت جدو مهدي .
ورجعت يمي .
عماتي يجن الصبح للمغرب ويرحن .
لليل البيت هادئ .
بابا تعبان يجي نتعشا ويبوس راس بيبي ويروح ينام .
فيستغل الفرصه مصطفى
بحجة عمته هنا . يجي بالليل مايجي بالنهار .
لان يدري امه تاكله وتشربه ههههه .
بس عباله ماسه سهله ويقشمرها .
يتشاقه وي عمته علاقته قويه وياها .
ويگلها انتي مو خوش واسطه .
يقصد عليه حتى تقنعني .
بيبي نايمه واني يمها .
طلعت موبايلي من جيبي وطلعت الدوده العب بيها .
حتى مااباوعله .لان اعرف مااتحمل اباوع لعيونه .
شاف عندي موبايل . همس العمته .
اشو مگايلتلي عندها موبايل .
باجي .. والله حتى اني مااعرف رقمها .
بدايات الدوام اشترته امها لان تخاف عليها تتاخر .
اسوي نفسي مااسمعهم .
-انطيني رقمج عمه اريد .
اني ساكته .
گالت . انت اسمعج يبنتي واوصيج يجنتي .
قابل اني عندي موبايل .
اني مغلسه . بس گلبي يريد يطفر ويروح يگعد بحضنه .
وخاصه هسا صاير يخبل .
مخلي شوارب ثخان ولحيه خفيف ويمكن يلعب اثقال صايره عنده عضلات .
يخبل . ليش هي رتبه الضابط الاي احد تلوگ .
كانت امنيتي اشوفه بملابس الضباط .
هو هيج ويموت . اذا شفته بالبدله العسكريه يمكن اذوب.
كانت مشاعري اله خفيه . محتفظه بيها بداخلي .
احبه واعشقه واتغزل بي بس كل هذي المشاعر ممطلعته او مبينتها الاحد .
استمر كل يوم يجي بالليل . ضجت من هذي الحاله واني اعرف بتول ماتسكت وتوصل .ومابيه حيل الكلام عمتي اذا عرفت .
گمت من اشوفه گاعدين هو وعمته .
اروح اگعد بالاستقبال .
بابا وبتول بالغرفه ينامون من وكت .واخواني بغرفتهم .
گعدت بالاستقبال .
اتصلت ع ماما . واحجي وياها .
وتسألني عن بييي.
وتگلي شوكت ترجعين .
سمعت الباب انفتحت التفتت. شفته دخل وقفل باب الاستقبال .
وهي انخطف لونه .
وماما ع التلفون . اشرلي بأصبعه اششششش
گلتلها يله ماما الرصيد حيخلص .
سديته .
انت شداتسوي .
انتي جبرتيني هيج اسوي.
شتريد مني مصطفى مو حجينا وخلص بعد شرايد .
اتقرب مني . ويبتسم .
( اوووف ياربي ليش هيج اتعذبني جاي اموت من يبتسم ربي انطيني القوه اتحمل واصده لاتخليني اضعف )
اتقرب كلش حصرني وي الحايط .
مصطفى انت شو صاير ماتستحي دفعته .
انعم الله عليج يعني اني ماعندي مستحه.
لا موقصدي بس كنت تستحي وخجول قبل ليش هيج جرئ.
لان گلبي طگ وبعد مااتحمل .
احبج وانت دمرتيني .
جنت گاطع الامل بس القدر رجعج الي يعني مقسوملنا نرجع سويه .
سبق وان گتلك انت هسا متزوج ومستحيل يصير الي ببالك .
دفعته وسحبت نفسي .
لزم ايدي وقربني عليه.
انفاسنا اختلطت .
گلبي تسارعت دگاته .
عيونه يباوعن بعيوني بجرئه وعشق .
بقه يهمس .
شيصير لو هسا انتي مرتي .
وعصرج حيل بين ضلوعي .
واضوگ هاي الشفايف واذوب بعيونج الحلوه .
دفعته حيل .
هاي شبيك تخبلت .
ترى زودتها .
واتنفس حيل وايدي ترجف واصلا اني ذبت بكلامه .
بس لو باقيه شويه جان اتجرئ وسوه اشياء اكثر .
ماردت اضعف . ولاردته يتصورني سهله ويستغلني .
انت شتتصورني من تتقرب وتسوي هيج شغلات راح اقبل واگلك نتزوج باجر .
انسى گتلك مستحيل نجتمع .
لاتحرمني من حبج ماسه .
انساني احسن .
مااگدر وانتي هم تحبيني لاتنكرين والدليل ذبتي بأديه .
غلطان .
وهسا يله اطلع ليشوفك احد وتجيني حجايه .
بعدني ماكملت . احد حاول يفتح الباب بس مقفوله .
طفرت من الخوف .
گمت اگمز وهو لازمني اششش لتخافين .
گمت الطم ع خدي .
واضرب بي .
سحب نفسه ع كيف .
وطلع من باب الاستقبال الي ع الحديقه بسكته وقبل ميطلع نطاني بوسه هوائيه وطلع .
😨😨 خبل 😂😂
كفشت شعري وفركت عيني وطلعت سريت نفسي نايمه .
فتحتها لگيتها باجي طاگه من الضحك.
گلتلها يمه هبطتي گلبي ليش هيج .
ولج شفتها صارت سكته . گلت بس لاناموا .
يااااا عزا شنو ننام طردته وهو لازگ .
بس اعرفها سوالفج .
هههههههه
اي اضحكي . تدرين من انفتحت الباب متت بدمي .
ولو شايفته هو ههههه شلون طلع مثل الحرامي .
ياااا اگول وينه عبالي خاتل .
همزين اجيتي . نقذتيتي .
ولج ليش هيج تسوين وياه خطيه .
واني مو خطيه باجي.
شنو ذنبي اعيش وي حبي وتشاركني وحده ثانيه .
والناس تكرهني وتأشر عليه وتگول خطافه زلم .
وشنو ذنب حنين وابنها .
والله من شفتها بالفاتحه انقهرت عليها حالها ليسر عدو ولا حبيب .
اووووف خبلوتني انتي وياه . ولج موتني كل ساعه يگلي احجي وياها .
شتحجين وياي . الدنيا كلها ضدنا . كلها بالفاتحه عيونها عليه اذا وافقت وتزوجت شيسوون بيه وخاصة عماتي .
احجي انتي وياه باجي وخليه ينساني احسن الخاطر بنته الي جايه بالطريق ..
#بقلمي_شمس
يتبع....
أنت تقرأ
عشق وإبتلاء
ChickLitلعبه دمرتني منذ طفولتي .. لم اعي ولم افهم ماهي الا عندما كبرت واحببت وبعدها ندمت وتألمت .. واصبح عشقي وأبتلائي هم سبب حزني وتعاستي .. اسمي ماسة وهذه حياتي .. بقلم الكاتبة شمس
