البارت التاسع والعشرون
#عشق_وإبتلاء💔
#بقلمي_شمسكنت متأمله بهذي الليله يتغيير كولشي .
واعيش حياة طبيعيه ..بعد ماعيشني بعالم ثاني وذبت بأحضانه .
شالني وخلاني ع صدره .
نزل شعري ع وجهه وهو يشتم بي .
فتحت ازرار قميصه .
كان كل الي اسويه مو برغبه مني .
بس ردت اجازف واتجرأ مره وحده بحياتينسيت كل الي سواه وردت افتح صفحه جديده وياه .
لكن محاولتي بائت بالفشل .واحنا ذايبين بأحظان بعض .
حسيت شي يهتز جواي .استغربت وطفرت من مكاني .
اول مره احس بهيج هزة قويه .
والصراحه مااعرفها شنو .شبيج ليش گمتي .
شنو هذا الي ببنطرونك يهتز .ها . ماكو شي .
لا اكو اني حسيت بشي .
هاي شبيج تتوهمين .
لو تندمتي لان تقربتيلي وتردين تگومين .
هم اني بطلت مااريد بعد .
اگوم احسن الي .تركني وگام ههههه .
مااعرف اضحك لو ابجي ع حظي .
جان هو يتوسل بيه .
هسا اني انزل كرامتي واتقربله تالي
يطلع حجه وينهزم .بس اكيد وراه شي .
احمد مستحيل يتركني بسهوله .
كنت اني رافضته وهو يتقرب .بس الي عجبني هذا الشي الي يهتز شنو .
هو بعد ماگام .
دخل الحمام . وفتح المي بالنص ساعه .
وطلع ماسابح ولامغسل .
زاد شكي اكثر بس ماسألته .بس بديت اراقبه .
انتبهت عليه .
يطلع الصبح يجي المغرب .ابدل واعدل . صار مايهتم او ميلاحظني اصلا .
اتقرب يصدني .يتركني گاعده ومنتظرته ..
ويطلع للشارع بحجة يشتم هوا .
وهو يگعد بسيارته .حتى اذا اجه الظهر .
يطلع يروح بالسياره يگعد شويه .
لو يدخل للحمام .
حتى من اگله اريد اطلع لو اروح الماما ميمانع .حسيت اكو وحده بحياته بس شلون ومنو ووين يلتقي بيها وشلون يگدر يقابلها وهو عاجز .
معقوله صار زين .الشك اكل گلبي ..
وبيوم ماما مريضه حيل .
رحت اشوفها .. گلتله الاحمد راح ابات يمهم .
لان بيبي وماما مريضات .شفتهن نامن . طلعت من الغرفه .
صارت گبالي باجي احلام .
صابغه شعرها اول مرة انتبه عليه .گلتلها الله باجي يخبل شعرج وين مسويته .
هاي بالناصريه سويته من رحنا للصالون وي حنين .
ياصالون 😲 ليش همه تزوجوا ..
اوووف ماسه ماردت اضوج واالله بس زل الساني والله
لا باجي ع شنو اضوج .
الله يهنيهم . اني بعد اتزوجت وميحقلي افكر بي .
وهو هم لازم يشوف حياته .
بس طولت خطبتهم هواي . حتى نسيت همه مخطوبيناي مو لان حنين تدرس گال للعطله ونتزوج .
وهو هم دوام مايلحگ..اووووه ياماسه . حتى نسيت الدوام والمدرسه .
نسيت اني المفروض هسا ممتحنه سادس .
الله يسامح الي كان السبب .شوكت تزوجوا ..
الاسبوع الي فات . بسرعه سووها . لان مصطفى لازم يرجع البغداد .
عنده دوام .
ضجت بيومها حيل . كل احلامي وطموحاتي .
خلص راحت .ردت اسألها عنه . شلونه مرتاح بدوني .
من زفوه جان يضحك .
لو حزين مثلي من تزوجت .
يتذكرني لو نساني .كان مجرد فضول انتابني للحظه . بس استغفرت ربي
واترخصت من باجي ورجعت للغرفه ..شافتني ماما ..
ليش ماما لسا هنا .
روحي الزوجج لتركيه .لا ماما هو گلي ابقي .
ميخالف روحي مدام بعد وكت هسا .
لبست حجابي وطلعت .
فتحت باب بيتنه .
ودخلت .
لكيت احمد بوضع مزري .
عند تلفون محمول بيده اول مره اشوفه عنده .
وديحجي بالتلفون .
ويمارس وي الي يحجي وياها .
ع التلفون وداخل بعالم ثاني وكلشي ملابس .اشمأزيت من المنظر .
دخلت عليه .
هو طفر .
كمت اعيط عليه .
انت شنو يااخي حس بيه .
لك ضحيت بكولشي عمود ارضيك .
سعادتي وكبريائي وكرامتي .
دست ع گلبي واتقربتلك .
وفتحت حظني وگلبي الك .
تالي تخوني . وتمارس بالتلفون .
هسا عرفت شنو هذا الاهتزاز ذيج المره .
وفوگاها تنكر وتگلي ماكو شي .
من يمته عندك هذا التلفون .
شوكت اشتريته وماتحجي .
اني احجي ومعصبه .
وهو يحاول يهدي بيه ويسكتني .گتله يااخي بدل مامخلي تلفون وتمارس وي العاهرات .
اذا عندك هيج رجوله مارس وي مرتك .
نفذ حقوقك الشرعيه .
بس الي ماعنده رجوله وعاجز مثلك هيج يسوي .وماحسيت الا راشدي ع وجهي اول مره
اعايره واحسسه بنقصه .
بس لان مليت وتعبت منه .
بيومها طلعت قهري كله .
وقهري السنتين الي اخذهن من حياتي .
السنتين الي كبرني بيهن عشرين سنه .
حطم طموحاتي ومستقبلي .
حتى يثبت رجولته وهو ذرة رجوله ماعنده .
بهذا اليوم ولان عايرته .
كسرني تكسر .
هو يضرب واني ابجي واعيط واحجي ومخليت شي ماحجيته .
لعنته ولعنت حياتي واهلي وكل الي حواليه .
لان همه سبب تعاستي .
اني احجي وهو يستمر يضرب .
خشمي ينزف دم .وحلگي هم .
احس الضرب من كل جهه يجيني .
گمت مااحس بشي بعد .
حسيت بغواش ومااشوف .
تذكرت حياتي كلها وشلون عانيت .
وحبي الي عشته وخسرته بلحظه بسببه .
وبعدها ماحسيت بشي ..گعدت لگيت نفسي بالمستشفى .
ماما يمي وخوالي ومرت خالي .
باوعت الايدي مجبريها يمكن مكسوره ولافين راسي .گلتلها ماما كلشي بيه يوجعني وابجي .
سوده عليه يمه . والله بعد ماارجعج الهذا الخبل لو هسا يموت .
جان مرت خالو گام تحجي وتعيط.
واذا مارجعتيها . مو كافي عاگر ومتحملها ابني .
من باجر ازوجه الي تخلفله دسته .
وخلي بنتج العاگر على گلبج .خالي عاط بيها وطردها .
شفت دخل دكتور ووياه شرطي .
گال بابا انتي اكو احد معتدي عليج تحبين تقدمين شكوى #بقلمي_الكاتبه_شمس
يتبع….
أنت تقرأ
عشق وإبتلاء
ChickLitلعبه دمرتني منذ طفولتي .. لم اعي ولم افهم ماهي الا عندما كبرت واحببت وبعدها ندمت وتألمت .. واصبح عشقي وأبتلائي هم سبب حزني وتعاستي .. اسمي ماسة وهذه حياتي .. بقلم الكاتبة شمس