بارت خمسة واربعون
#عشق_وآبتلاء💔
#بقلمي_شمس
ها قد مرت الايام بأعناق الليالي ..
وأصبحت اليوم من نصيبي ..
اليوم ستتجدد احلامي وتصبح حقيقة ..
وسأبدأ صباحي بعطرك وحضنك وقلبك ودقاته وعيونك الحلوه وكل تفاصيلك💋💕
#يامحلى_نصيبي_فيك❤️
واخيرا اليوم تحقق حلمنا اني ومصطفى راح اصير مرته ويزفوني وياه للناصريه .
الي بحياتي ماكنت متخيله يجي يوم واحبها بهذا الشكل .
اجه بابا من الصبح اخذني اني وماما وباجي احلام وساره هم راحت ويانا ومرت خالوا عامر .
بابا طلب الزفه تطلع من بيته . وهذا حقه ماردت اخجله وماما گالت مااتركج وحدج بهيج يوم .
الفرحه كانت مسايعتني . هالمره بابا وماما وياي بأسعد ايامي ..
اجرت بدله تخبل مفتحوته من الصدر وبلا ردن كانت ارقى البلات بوقتها .
الكل تعجب بيها . واختاريت طرحه طويله .
اجرتها من الحله واخذتها وياي ..
التسريحه والميك اب كله اختياري .
ردت ميك اب يبرز عيوني .. لان اعرفه المصطفى يحب عيوني .
حالفة اليوم اخبله واعوضه عن كل الايام الي مرت بدوني والي گضيتها بدونه .
صحيح كانت عندي رهبه من ليله الزواج . وماكنت اعرف نفسي ان كنت عذرااء او لا .
بس حاولت اخفي مخاوفي ومااضيع فرحتنا .
ماما من شافتني گامت تبجي وممصدگه .
الابتسامه مافارگت وجهي .
حتى هي گالت بحياتي مشفت هيج ابتسامه وفرحه على وجهج مثل هسا .
حضتني وبجت وگالت هسا عرفت روحي ظلمتج من زوجتج بأحمد ..
فعلا مايستاهل هيج جمال وماقدر النعمه العنده.
ان شاء الله مصطفى يقدر ويعيشج بالسعاده الي ماعشتها اني . ومايجعل حظج مثل حظ امج .
بيبي ماسه هم فرحانه الفرحي وتسوي گفلات الي .
صفاوي ماخذ رايدته وعايف بنات ولايته ههههه
صدگ ضحكتني .
وگعدت تقرأ ايات وكل ساعه وگالت للموجودين صلوا على النبي ..
كنت گاعده بقلق وتوتر . بين الفرح والخوف .
اني سويت حنه بيناتنا . لان ميگدر مصطفى يجي من الناصريه للحله عمود يحنيني ..
اكتفيت بس بصديقاتي واقربائنا والجيران .
بس بيوم الزفه . التوتر زاد . وخاصه بعد مااتأخروا .
الكل يرگص وفرحان .
كل اقاربهم اجو البيت جدو هندي .
حتى عمو علي وزوجته كانوا حاظرين .
كان مهاجر اللبنان وبقى هناك ..
يمكن ماذكرت شي عنه .
بس لان مشايفته هواي .
اجه بس بفاتحة جدو هندي يومين ورجع .
وهسا اجه بأجازة هو وعائلته .
واجتمعت عائلتي كلها والفرحة صارت فرحتين .
سمعت الجهال اجت تتراكض اجت الزفة اجت .
واني رجلي گامت تتراجف .
صحيح كان مو اول زواج الي .
بس بذاك زواجي ماحسيت بهيج مشاعر ولهفه وانتطار .
كانت ماكو مشاعر عندي بذاك الوقت .
دخلت عمتي والبنات .
ويرگصن وفرحانات . ماكنت يجي يوم عمتي هيج تفرح وترگص بزواجي .
بعدين دخل جدوا مهدي ووياه مصطفى .بعد روحي شطالع يخبل.
لفيت نفسي بالطرحه .
گال يله راح يصير المغرب لبسوها بسرعة وخلونا نطلع .
شافني مصطفى
گال اشتعلوا شطالعة اليوم . ناويه تخبليني .
دضمي الگيمر هذا بس الي مااريد واحد يشوفها .
صاح على امه گالها جيبي شي لبسيها .
اجت باجي لبستني القبعه ولفلفتني زين .
بحيث كلشي بعد مااشوف ..
طلعنا وهو لازمني حتى مااشوف شلون صعدت بالسيارة ماادري .
اخذونا للبيت .
گال مصطفى بعد الزواج نروح نگضي كم يوم ببغداد نتوس .. لهذا مارحنا للفندق لان متعودين هم يسوون عشا بيوم الزفه .
وصلنا اذن اذان المغرب .
گعدنا شويه جوه . واجت ملوكه گعدت بحظني وخبصتهم علوس علوس عود عروس .
حتى ابوها يريد ياخذها ماتقبل .
تالي گلتلي عمتي . راح يصبون عشا وتصير هوسه اصعدي ارتاحي بالغرفه .
اخذتني باجي وصعدنا .
الغرفه كبيره حيل ..
جزء منها غرفه اخشاب . والجزء الباقي مسويها مثل الگعده مخلي قنفات وميز تلفزيون وتلفزيون وختى ثلاجة مخلي .
ويم الباب مسوي حمام خاص النا .
يعني عبالك سويت مو غرفه .
فديته حبيبي حاسب حساب الكولشي ..
يعني ممنقص شي بيها . تخبل .
گلتلها باجي هاي نفسها غرفته هو وحنين .
گالت .. هههه لا غرفتهم كانت جوه .
وهنا كان مثل المخزن صغير .
من نخطبتوا . فتح المخزن ع السطح وسواها غرفه كبيره
هاااا طمنتيني ..
ههههه تغارين .
لا والله بس ردت نبدي حياتنا بمكان خاص بينا . مابي اي ذكريات سابقه او مزعجه ..
الله يسعدكم ان شاء الله.
اگلج ماسه انتي هاي الليله تعرفيها ماكو داعي اسولفلج
سكتت وضجت . عساس اني عايشتها .
هو شنو شفت بذيج ليلتي .
گلتلها . اني ماعشت اي ليله هاي تعتبر اول ليلة بالنسبه الي .
يعني الي راح كان كابوس لاغير .
ولج بس لازعلتي اشاقه وياج .
لاباجي عادي .
سمعنا هلاهل . گالت شبسرعه خلصوا عشا .
يمكن زفوا مصطفى خلي انزل اشوف .
نزلت ورجعت تركض .. جابوا مصطفى عدلي روحج .
گعدت ع طرف السرير ونزلت الطرحه .
دخله جدو مهدي . وباس راسي .
وگام يدعي النا بالسعاده وكذا .
وطلع فلوس ماادري شگد . طشاهن علينا وع السرير .
گال هذا بياض من الشيخ .
وطلعوا .
اوووف وياليتهم ماطلعوا
الرجفة اخذتني .
رفع الطرحه . ههههه شبيج ترجفين .
باوعيلي خليني اشبع بهاي العيون .
باسني براسي . وبخدي ونزل على رگبتي .
حسيت روحي ذابت . مصطفى حباب انتظر شويه خليني اخذ نفس .
خلص يعمري .
روحي اسبحي وارتاحي . حتى نصلي ونتعشى والليل كله النا ولو مااتحمل بس اهم شي راحتج اليوم صباحي .
ضحكت .. گال دتعاي . خليني انزعج البدله . واضوگ شويه گيمر على ما يجي العشا ههههههه..
#بقلمي_شمس
يتبع…
………………
هلو حبايب اسفه وربي وخجلانه منكم . البارحه رجعنا 12 ونص بالليل .
ومن التعب ماصحصحت الا هسا ..
وان شاء الله اليوم اعوضكم .
مو تزعلون حبايب 😘😘
أنت تقرأ
عشق وإبتلاء
Literatura Femininaلعبه دمرتني منذ طفولتي .. لم اعي ولم افهم ماهي الا عندما كبرت واحببت وبعدها ندمت وتألمت .. واصبح عشقي وأبتلائي هم سبب حزني وتعاستي .. اسمي ماسة وهذه حياتي .. بقلم الكاتبة شمس
